名門讌客 (已結業)

Lunch時間同朋友嚟飲茶，酒樓都幾大同光猛，食客頗多。餐紙上都有幾多選擇。蝦腸入面嘅蝦肉都幾爽口彈牙，腸粉質地比較腍身左少少，整體味道都算唔錯。醉豬手，酒味夠香，食落爽口彈牙，都幾好味。咸水角，煙煙韌韌，入面嘅餡料個味校得幾好，食落唔覺油膩，讚！

諗住買個雙拼飯啫，油雞燒肉，俾飯我時，我唔知佢有無淋蔥油俾我，就同個淋油pack野既丫叔講，請問有無加蔥油，佢居然話，要蔥油唔早d講。。我好無奈囉！門口收銀靚姐即刻幫我講話，有雞，本來就會有蔥油，唔好意思，搞錯咗。嗰個淋蔥油pack野既丫叔一句唔好意思都冇！佢本身就漏咗幫我淋蔥油！仲要話返我。。。自己做錯，仲要賴人！PS 門口個靚姐，你真係有禮貌，唔該晒你！

今早與大家做義工後，在觀塘找食店醫肚，大家一致說去飲茶，其中友人提議去名門，說炒飯麵碟頭份量足，其他食物也正常，所以一行10人便去找位。腸粉煎得不錯，脆脆的外皮，很快被食完。反而芋頭糕不及腸粉煎得脆口，幸而粒粒的芋頭夠粉夠腍，如不是會吃不下的。油生菜，蒸牛肉，叉燒飽正常味道，沒特別。薑汁雞飽仔，薑汁味微，與普通雞飽仔沒甚麼分別。叉燒飽是我食開正常的口味。蝦餃蝦爽彈還可以。上素腐皮卷，皮脆素餡料足，不錯。燒賣夠味，雖有肥肉，自己覺比蝦餃還好食。牛肉正常。蝦醬通菜牛河$72干炒，濕炒吃得多，這裡炒好一碟餸放在河粉上，蝦醬混河粉，味道也彼特式，牛肉不會太韌，好味。銀芽肉絲兩面黃$72比平時的麵條更脆口，加上足夠的芽菜等配料，抵食，不錯。古祖肉燥香葉炒飯$72粒粒的米飯配上九層塔(香葉) ，如米飯乾身點，顏色淺一點便會很出色，咸淡適中，菜莖有爽爽的咬口，正確的選擇。

Terrible service & management. Not even apologies for her services provided. Manager not trying to resolve the problem, but excuses to cover her staff. What management is it? Even the manager pretended there's no way to complain ( not even a complain letter / firm can be filled). Really can NOT understand what company / restaurant it is!!!! Will NEVER come back again!!!!! TERRIBLE

今日男朋友喉嚨有啲唔舒服所以揀咗飲茶啊蒸點心就冇咁熱氣啦我哋掉咗隻樣點心分別有蝦蛟，燒賣，菜苗餃，叉燒腸粉，奶皇包同埋男朋友自己一個食嘅薄餐呢間茶樓費唔係最好味嘅茶樓但勝在價錢平 所以點心質素都唔係好高但係價錢平嘅 當然我諗住有好好嘅數遞點心紙遞左5分鐘都無人應而且茶樓推車仔既姐姐動作好緩慢成架車仔既點心應該凍哂都未送到最可惡既係 有個男經理 拎著部電話一到行一到睇 人客遞手又唔理 好心就番屋企玩啦你 又唔係做野既

自從apm及創紀之城於千禧年後陸續建成後，帶旺了觀塘及牛頭角一帶，為舊區注入新動力。觀塘和牛頭角一帶由工貿區變成商業區後，區內白領數目增加，中午食客也隨之增加。如果一班同事想中午齊齊食飯，飲茶會是一個不錯選擇。位於裕民薈的名門讌客，位於出名的“死場”，先天人流不足；而且要上樓，進一步令人流減少。但從另一角度去看，人流少，變相無咁迫，坐也可以坐得鬆動一點，搵位也易d。一班人食lunch，在這裡叫餐是個不錯的“平靚正”之選。2位用的餐最平128元，有飯，點心，菜，味道對辦！如果但求簡簡單單一餐，一班人吹下水，實在是高性價比之選。埋單每人唔洗80元，經濟實惠！

初三約埋三五知己團拜, 一行都幾多人下, 又撞正新年, 所以一早已經BOOK 好枱預左呢D大時大節BOOK 左枱都要等, 都唔算等太耐就有得入座新年個個訓到食晏先起身, 早餐一定冇食, 十分飢餓, 一坐低即刻瘋狂咁叫野食!冷盤類好快黎到 , 花雕豬手, 酸辣鳳爪仲有咸酸菜豬肚估唔到過年時間, D野都保持水準煎炸類一定唔少得, 呢個睇落似春卷既點心個名叫 "唔係春卷", 食落根本就係春卷!個名好流, 但味道一流, 炸物類炸得香脆點左唔知幾多十籠點心, 食到好似放題咁, 大家太肚餓既關係, 一D都冇浪費, 全部清晒整體黎講, 上菜快, 冇漏單, 野好食, 向節日可以做到咁的確抵比讚

放假同D姨媽姑姐一齊去飲茶，lunch time時間都好多人排隊，可能因為有優惠既關係！飲茶一定叫既流沙包，個包熱辣辣夠晒軟，食落味道甜甜地，有咸蛋黃沙，不過流沙無流出黎，唔算係一個令既流沙包。另外叫左一籠鳯爪，味道幾好，偏重豆豉味~鳯爪煮得好淋，幾入味。燒賣幾大粒,有好多豬肉，食落去有淡淡既鮮甜，面仲一d蟹子增加口感。食左咁多肉就叫d菜食下，呢個菜味道清甜，睇菜汁既顏色就知道唔野少，而且d菜都幾嫩。腸粉皮偏厚，鮮蝦腸粉唔係太多料，反而牛肉腸粉就好好多，啖啖肉！豉汁蒸排骨幾夠味，排骨既肉質幾嫩滑，唔會好大陣雪藏味。