名門讌客 (已結業)

星期六老公出奇地早起，慶起想飲個早茶，二人便拍住拖去。之前試過權發都不錯，今次試試第二間 - 名門讌客。可能時間已臨近早茶尾聲，但又未到午飯時間，不用等位已可入座。星期六這時間，席上大多都是老友記。平時只是買過其燒味飯外賣，今次要嚐嚐點心了。蝦腸腸粉皮頗厚身但腍軟，也算是滑溜，味道淡淡的，沒太米漿味，此刻醬油發揮作用了。蝦肉爽口彈牙，但略為細隻。炸雲吞一碟有3個，炸得很脆口很香口，而且不算油膩。餡料頗多，有蝦和豬肉。味道不錯。蘿蔔糕一碟3件，比其他酒樓，每件都很厚身。蘿蔔比粘米粉多，以至夾起時有少許散開，不夠結實。蘿蔔糕也煎得不夠金黃，蘿蔔多而臘肉偏少，不過整體味道尚算好味。牛肉球一籠3粒，每粒都算是大粒，牛肉球很彈牙，不過有少許筋黏著，咬下有很多芫茜。很最喜歡吃牛肉球下面吸盡精華的腐皮，可惜腐皮份量小，要跟老公爭吃呢！燒賣一籠3粒，燒賣蒸到有少許乾身，肥豬肉跟豬肉份量一半半，加上蝦粒都有幾粒，都很彈牙。鮮蝦菜苗餃一籠有3粒，餃皮非常有黏性，而且較為軟身，但厚度算是薄。餡料用上爽口上海白菜，而且蝦的數量頗多，又彈牙，整體味道不錯。珍珠雞打開荷葉後，整個珍珠雞都算是大隻，不過糯米飯多而餡

以香港人嘅標準，我絶對係一隻'早起鳥' , 平日起床嘅時間大多早上五到六点之間; 而我本身係自僱人士，所以飲早茶對我來講係星期一至日都可以做嘅事。平日茶腳多數係母親大人，今日係假期所以同埋屋企阿妹及工人姐姐四個去左平日每個禮拜都会幫趁兩次嘅街坊酒樓名門讌客。今日公假都唔使等位，已經要大讚!!!唔係因為野唔好食,而係其實佢地地方算幾寛敞。總共叫左八樣食物:蝦餃、燒賣、菜肉包、山竹牛肉、鳳爪排骨飯、炸豆腐、煎堆仔及椰汁馬豆榚。蝦餃我成日喺度叫，原因係超平，平日賣HK$8.8假日先至9.8, 知道點整蝦餃嘅人就会覺得相當抵食，淨係搓皮、切一粒粒粉團、用刀壓平同包餡，每隻都要成10秒，仲未計蝦要啤水，切幼肥肉嘅時間，所以純講佢地呢籠蝦餃，佢地真係蝕俾我！講番用料，蝦及肥肉比例各半，即係肥肉太多，個人覺得七成蝦兩三成肥肉最好味，但外皮就加分啦，厚薄軟靭啱啱好，以一粒三蚊幾嘅蝦餃真係非常好👍🏻👍🏻👍🏻。跟住講盅飯，性價冇挑剔啦，但飯確實唔夠乾身，濕同油左啲，在云云元朗酒樓的特價盅頭飯來講唔算出色，份量亦唔多。跟住講下燒賣、菜肉包同山竹牛肉，三樣加埋先32.8！燒賣肥肉較多，咁平預左，但勝在用料係新

十月一無咩做，同阿爸阿媽飲茶，假期無特價，但有個午市套餐，三個點心一碟炒野$118，好鬼平喎。炒麵ok，好大碟，炒到喔喔脆，班腩真係班腩唔係比魚柳，但好多骨同好腥，除此之外都幾好味。鳳爪水汪汪，但都夠味嘅。鴨腳札有啲酸酸地，唔知係變壞左定係咁味？怪怪地燒賣，正正常常，豬肉同肥豬肉，幾甘香呀。

名門裝修完之後都無去過, 今晚去試吓, 叫咗個5選1優惠既冬瓜盅, 平日$48, 星期日加$10, 平過我去富臨 (唔記得係 $88 定係 $98)佢哋依度個冬瓜盅真係用迷你冬瓜黎燉, 因為見到個灣灣哋既冬瓜 pat pat。  富臨係用大冬瓜切開一段放入個燉盅度, 唔係真係用迷你冬瓜。  呢度既湯料同味道同富臨都差不多, 不過平幾十蚊喎, 抵因為冬瓜盅清清哋, 所以叫咗2個濃品啲既小菜, 一個係啫啫通菜煲, 係用石鍋上, 好香蝦醬味, 幾好味, 不過真係好多油, 食得啫啫煲都預咗。另外叫咗一個欖角一字骨, 甜甜哋, 好入味, 啲肉好林好易咬, 唔錯名門裝修完之後啲嘢全部貴晒, 不過啲小菜好似好食咗。

難得放假，同屋企人黎飲下茶先。阿媽話黎呢間，因為唔使上落樓梯方便堆bb車，都好吖，新裝修後都無黎過。嘩，下午茶好平，好多特價點心、套餐咁，阿爸拍板叫左呢幾樣。豆沙角，幾好味過，餡料飽滿又唔油，本來諗住留到最後先食嘅甜品好快就比人ko左了。干燒伊麵，唔油又入味，幾多雜菇，三十幾蚊好抵食。叉燒腸，無乜料，勝在腸粉夠煙韌同啲甜豉油香口。燒賣，好多肥豬肉，唔係我杯茶。棉花雞，雞件嫩滑，魚肚入味又爽口。煎腸粉，好大碟，但無乜點煎過，好似蒸腸粉咁。三個人食到飽飽都係一百零七蚊，好平呀，唔怪得假期等位等得咁勁啦。

耐唔耐都會黎呢度飲早茶, 因為係返工附近, 同埋都幾平, 以咁既價錢黎講質素都唔錯, 見到佢有原來晚市有任食火鍋同送雞煲就約埋D 朋友黎試下, 我地2100 入座.首先黎個送既雞煲先, 真係唔錯, 唔會勁咸, 不過份量比較少, 我地三個人每人都係食左兩、三舊雞. . .食完個雞煲就加湯打邊爐啦, 款式都唔少, D 滑牛好好食, 好有牛味~ 個魚皮就唔得啦. . 淋哂. .出面仲有自助BAR 枱, 可以自己拎菜, 公仔麵, 醬汁同炸野物, 不過D 炸野都係放到淋哂既. . 其實我地未試過係酒樓度打邊爐, 最後我地都係叫左兩轉野食, 因為大概22:30 就叫我地埋左單先, 跟住就收哂BAR 枱D 野食, 跟手就熄埋燈. . 我真係唔知原來酒樓會咁早收!

上午和宣教會恩霖堂的社工賣旗，跟著便來這兒吃午飯，本來話去稻香，但訂不到位，於是，教會的人便去這間，我沒所謂，因為這集團酒樓的菜苗餃出名好吃，所以我一來到後，便打算外賣一盒回家吃，但教會的姑娘話不要這麼心急，說吃過後如果覺得好吃的話再外賣也未遲。但吃這餐後，總括來說：差！上菜亂，飯和炒伊麵竟是先來的！沒一樣餸是好味的，我最愛吃的菜苗餃竟和其他分店可以差天共地的！只是那個燒味併盆湯瀨粉是最好味的，但得好少湯！蒸排骨得些肥肉！Ｄ菜好苦！服務差！叫侍應拿辣椒油，叫幾次都係錯，給了辣椒醬！叫佢地拿湯竟然要十幾分鐘才拿！

最疼愛小妹的伯娘與伯子，硬要請小妹食飯兼談天說地，小聚一下。問小妹吃龍蝦好唔好？當然只有點頭的份兒，尤其是芝士焗龍蝦伊面，簡直大愛~便相約晚上7時正等候。 記得小妹上次來名門讌客，好像是任食火鍋。地方環境不算闊大，至少給人光潔乾淨的感覺。由門口一條直路通往大廳，直路旁邊全放小枱，全部以火鍋為主，而長枱放了多款熱盤、炸物、菇類、菜類和面食；另一邊放置蔥蒜、醬油和飲料。點主食則要填上點心紙。 我們今次主要吃小菜為主，所以要去到最入面，火鍋客人大約佔了8成，店內煙霧彌漫，爲這幾天因雨天而帶來絲絲溫暖。望勻2個餐牌，都沒有關於龍蝦的，詢問之下，店長竟說$68芝士焗龍蝦伊面優惠已完結。但門口仍放著大大個優惠牌，擺明明恰我們。他說沒有難道起身拍拍屁股走人麽？我們未置於咁小氣！不過小妹有點失望。我們唯有點套餐，分別有三佰幾和四佰幾，我們點了三佰幾的套餐，總共4餸1湯，我們都預計吃不完要打包的。湯類有4款選擇，我們揀了（海皇羹）原盤奉上，小妹以為每人奉上一碗，份量足以裝上6-8碗，材料都算多，有蝦，豆腐粒，干瑤柱等，但可惜湯底淡而無味，而且水汪汪。餘下的半盤我們都吃不完。（明爐燒鴨）本身諗住伯子喜歡吃

我通常係去對面果間富臨皇宮，不過今日14:30去到，D知客話晚上有擺酒所以唔再派下午茶飛。Okay, 咪當俾個機會我試下對面間名門囉。等咗幾個字，撘枱都冇問題。點了食物如下：鳯爪：味道不佳。牛肉：好多肥膏，仲要比我搵到條一吋長嘅。燒腩米缐：D皮好香好脆，但湯底很淡。流沙飽：一D都唔流沙，仲要落顏色染個飽皮。淡黃色怪怪的。最好是涼瓜蝦餅，乾身夠味彈牙，可惜係要我等了一小時，原來漏單。

因為某茶樓壞了冷氣而來到名門飲早茶，等一陣就有位，非常近門口，無乜冷氣，係三十幾度嘅天氣下，真係出哂汗。算，唔理咁多，叫左點心先。早茶，午市同下午茶時段都有多款特價點心，好平！午市仲有是日炒粉麵飯，見到其中一樣係咖喱豬扒飯，真係笑左。無諗過係茶樓都有呢樣食，同茶餐廳爭客？燒賣，啖啖肉，無乜肥膏，ok。沙薑雞腳，媽媽最愛，佢話好入味好正，我略賺太硬。蘿蔔糕，好多蘿蔔絲，但比較散，味道唔差。炸雲吞，炸得好脆但有少許油益味，醬料唔得，得個酸字。煎菜肉包，雖然包身厚但味幾好。脆肉瓜雞絲腸，腸粉韌有彈性，甜豉油好味。煎腐皮卷，好油好炸，賣相亦差，不好吃。鮮蝦菜苗餃，太淋好爛，味道可以。煎腸粉，腸粉煎得好香口，有不少蔥花同蝦米，配上豉油同甜辣醬好味。炒米粉，雖然少料白哂哂，但味唔差，米粉好韌。牛肚，好入味，份量又唔少。蝦餃，飽滿鮮甜，$8.8四粒大大粒，抵食啦。炸春卷，新炸起，香脆。藥膳雞腳，又淋又入味，湯底啲藥材味好勁。茶水夠滾，食物有質素，唯樓底矮好嘈，伙計亦唔夠無人沖水，又剛好坐在門口位非常熱，種種原因，只能給個ok了。

原來好多酒樓都有1蚊1隻雞的啊,呢間酒樓今日先飲完茶,飲茶都好抵,三個人飲左唔使100元,叫左一個迷你福健炒飯,一碟叉燒腸粉,一碟鳯爪仲有牛肉,都好豐富的呀,埋單只係90元,食物味道仲要OK的,個福健炒飯有三至四碗,都幾多料及做得好味呀!叉燒腸粉個皮都唔會好厚,牛肉淋身唔會好粉的,鳯爪都好味呀,全部都係正正常常好味道.點知同一日夜晚又嚟呢度食晚飯. 我地六個人點左一個套餐,加左一隻蚊雞,星期一至五一蚊一隻燒雞,星期六日11蚊一隻燒雞,仲要係全隻,好大隻,熱辣辣的好好味呀! 出面香脆,入面好滑又唔鞋,GOOD!!!!套餐有一窩粟米湯,這個好淡,個樣好似唔係好有粟米的味道,都好多魚肚的,好味的,不過我鍾意濃味及多D粟米的啊.海浙薰蹄賣相一般啦,薰蹄味道都幾好,但係海浙就麻麻地,因為好碎好碎的,所以唔太好味呀.生炒排骨都好大碟及好多菠蘿,個味都配撘得幾好,唔好太甜又唔會太酸,排骨唔係好肥,OK,好味.海味雜菜煲,呢個都好大煲的,好多配料及菜的呀,有魷魚,生菜,菜芯,西蘭花,粉絲等等.....都好清但又入味喎,GOOD.條魚唔知係咩魚,OK啦,唔係好滑但都可以的.

龍蝦做特價, 落單時指定開邊焗, 阿姐話無得指定開邊, 係標準68元一份.....大大碟幾似樣, 蓋滿芝士汁, 好味! 一對鉗ok大, 但肉是梅的, 冇影響味道.食食下先發覺有蝦身殼, 但係一粒蝦身肉都冇, 唔怪之得咁平, 點不知食完走人, 在門口見那特價是寫著龍蝦每隻68元!

在新居一帶的餐廳中，媽媽還是較喜歡豆花譜，然而小小的Cafe人氣度很高，而且大批學生捧場下，平日的食客比週末還多。一個請假執屋的中午，三代人在前者等不到位，就改來轉角位的名門讌客飲午茶。這裡前身是元朗人家，樓底不算高，然而新酒樓裝修頗為骨子，地方也算雅潔。據婆婆稱，寶寶已不是首次來飲茶，而由他的反應看來，也幾喜歡這個地方的，講回食物，是日媽媽與婆婆合共點了七個點心，依次評價如下：　馬拉糕-質感太實而毫無香味，甜味也不足，很差...白灼時蔬-生菜新鮮爽脆，但油分多了點。彩絲炒米炒-米粉幼身卻挺有咬口，淡白的色澤下成品想不到卻入味，挺好吃的。菜苗鮮蝦餃-澄皮實在是太軟稔了... 然而除此之外，蒸餃份量十足，餡料的菜苗與鮮蝦一清一鮮配搭良好，味道不俗，大食的媽媽吃了兩隻。荷香珍珠雞-落料頗足，就是糯米部份太乾硬，扣了不少分數。煎釀茄子-婆婆喜愛的小食，媽媽就嫌它太油，為健康少吃了。蛋黃蓮蓉包-吃了多個點心都感覺平庸，唯一是這款包點能引起媽媽食慾：一籠兩隻的包子十分巨大，撕開熱暖包身後，是極其澎湖的蓮蓉餡芯；雖然這蓮蓉餡不算頂級香滑（豬油下得不太多!!），但就勝在味道香甜，配上咸蛋黃更顯吸引，

開咗張幾個月，裝修簇新，八點半仲有特價小菜，冬瓜盅都只係$38，抵但今日冬瓜盅要$108，待應話中秋將近，要收正價；算啦，既然黎到，就叫咗一盅；與其叫冬瓜盅，不如叫冬瓜湯算了，湯料唔多，主要係肉碎、蝦仔、帶子仔、蟹柳、菇等等，湯還算清，但料又唔多，豈能有鮮味，如果係$38，就非常抵，但收$108，就貴咗dd。燒雞都唔錯，$98半隻，皮簿，夠脆，唔肥，皮與肉分離，只係雞味不足，$100半隻雞，ok啦。石鍋通菜，入面有少少蝦乾吊味，但不足，而且唔夠香，汁亦太多，乾身d相信會好d。仲有一味芒汁蝦球，先將蝦球炸過，才上芒汁，但蝦球炸得不好，而且食落冇蝦味，汁底亦唔夠惹味，得丁點芒果酸味，提不起食慾最後，仲叫咗馬拉糕，係全晚最好食，夠香，有奶皇香味，鬆軟，比一般用黃糖做嘅馬拉糕更軟身，就算食完飯再食，都唔覺滯，與大榮華有得比，哈哈埋單五百幾，每人約$180。

昨天晚上同朋友及佢屋企人一齊嚟左呢度食晚飯,因為朋友爸爸生日,佢想嚟呢度食因為見佢新開張所以想試下,都幾多人喎,我地有十六個人,仕應安排左一張大枱俾我地,見到有d套餐都幾抵食呀,原價19xx,因為假期所以要加300元.套餐係12人用的,不過仕應都話份量係俾正常12人既多,仲唔會收番多左果d茶錢及加一添.個套餐有:乳豬,好肥呀...上湯蠬蝦伊麵,蠬蝦都好多肉,啖啖肉架,同埋真係好足料,應該有兩隻蠬蝦,因有四個鉗的呀.豆角花枝雞肉,仲以為會用西蘭花添,份量真的是比較大碟,ok沙律海鮮卷,應該係得十二件,中間有一碗沙律,沙律都幾好味呀,好多種生果及唔會太多沙律醬的翅,個翅有好多蝦仔的,有些翅及竹苼,都幾好味呀,同埋都好多料魚,條魚都好甜好味,魚肉都好滑鮑魚菇生菜,鮑魚菇好甜好大片,正炸子雞因為賣晒所以變左蒸雞,一般般啦.瑤柱蛋白炒飯,都幾多料幾好味呀馬拉糕,ok生果拼盤,西瓜好甜,仲有橙唔知係咪新開所以都好抵食及多人,食物質素都幾好,份量非常足夠,仲食唔晒可以打包添.還有六罐啤酒,六罐汽水添.