名門讌客 (已結業)

所有食物都好垃圾，d 肥牛得肥膏無肉，d 羊肉腥到入唔倒口，d 丸好似雪左好多年，又細粒又啞色，連金姑都可以又梅又有雪味，除左粟米同菜呢d 唔洗現成野基本上所有野都係垃圾。真係好好好好好後悔黎食，大家入黎前真係要三思😖

喺元朗嚟緊，呢間酒樓算係正正常常，平時都會黎食吓，但係朝早同晏晝飲茶都冇乜特別。今日同阿爸阿媽來食晚飯，三個人嗌咗一個冬瓜盅同西蘭花炒帶子，估唔到會好有驚喜。事實上個冬瓜盅一嚟到我已經覺得好好笑，唔知點解要將啲餸鋪晒係面條邊度😂😂😂🤦🏻‍♀️成件事好滑稽。但佢大個到一個點，Ching,佢一百蚊都唔洗啊💩💩💩咁落個湯都唔錯，雖然有啲dd鹹，但係啲冬瓜肉好多好厚，配合起嚟就啱啱好啦。店員仲好好服務，主動幫我地百幾次湯 😂食左兩碗湯已經有少少飽既感覺😂(我比較細食😂)之後同阿媽share一碗飯，西蘭花帶子都幾好食，帶子算係幾大粒，又爽爽地+唔鹹~之後個盅好似食極唔完咁，媽咪啊😂😂😂！我地三個人食左十幾碗都仲有係入面😂😂😂仲要多謝冬瓜強大既heat capacity,食左成個鐘佢都仲標緊煙💩💩💩🙊最後食埋碗紅豆沙，真係飽到上心口LOL結論係黎依度一定要食冬瓜盅#完

今年生日我很想吃龍蝦伊麵和炸乳鴿，於是便來到名門吃。龍蝦伊麵要了上湯煮的，再來兩隻乳鴿及兩碟小菜。龍蝦非常新鮮，很好味！炸乳鴿亦好味道。但那個鮮菇牛柳粒就鹹左D喇。。。另一碟小菜主要都係芹菜黎，同牛柳粒一樣有芹菜。個名無講芹菜的，但大部分係我唔食的芹菜。最後仲有糖水送，有紅豆沙，綠豆沙和麥米粥揀，我揀左紅豆沙，唔甜，很好味。那個serve我地的待應也很好，俾建議我地，又有禮貌！其實呢間酒家我成日黎，大碟抵食好味，我會再來的！

打邊爐任食 點野次次都要追單先有野上 職員好似全部係後場 樓面得兩個 叫完佢當你同佢say hi 咁 佢又同你say bye ,開頭點個雞煲之後換湯打邊爐又話要加錢 火鍋任食火鍋又要加錢 我真係比個叻你👍呢間野一級棒 同邊個夠老友 真係可以推薦佢去

工作中午餐，有位同事要調職，大家豪啲去飲茶，附近搵咗呢間酒樓歡送佢！地方幾大，紫色幾何圖形地氊，灰色牆嘅酒樓，去到即刻入座涼瓜煎蝦餅：我平時唔食苦瓜，估唔到脆脆地苦瓜嘅甘，配蝦肉彈牙，夾埋好好味！完全唔覺苦瓜好苦！正！手拍青瓜：青瓜爽脆，醋味唔夠濃，酸酸地，幾好味！如果辣辣地仲好！灼生菜魷魚柏葉：柏葉同土魷魚煙韌，不過無乜味，只可以靠點辣椒豉油嘅味！生菜爽脆！椒鹽魷魚鬚：魷魚鬚煙韌，炸漿唔厚，脆脆哋好味！點埋喼汁酸酸地減低油膩感！好味！叉燒腸粉：腸粉滑，叉燒有咬口，甜豉油比教鹹！燒鴨餐（$138）燒鴨半隻：鴨皮雖然唔脆，鴨肉濃味，最好淋面嘅豉油汁，點埋酸梅醬，減低咗鴨嘅膻味！好味！米粉一窩：米粉爽口，湯底鹹香！好味！灼西生菜：生菜爽口，正常太子奶黃包：包身鬆軟，好奶黃極少，奶黃唔流心！差！蟹籽燒賣皇：豬肉餡為主，有肉汁唔乾，蟹籽蒸過無卜卜脆口感，皮薄煙韌！北菇棉花雞：棉花好厚，索晒啲雞湯，海綿一樣！花菇好厚煙韌，好味！麻蓉合桃包：蒸得鬆軟，麻蓉香，居然流心（反而流心包唔流心🙄）芝士海鮮卷：外皮網網炸得香脆，海鮮即係蝦粒，唔覺芝士味！名門蝦餃皇：外皮蒸得煙韌，蝦爽口，加啲荀絲好味！香煎臘

屋企人請食飯， 近近地黎到名門， 貪佢唔洗上樓梯/電梯。 叫左個套餐， 上菜其快， 一道菜未完第二道又來， 抵讚。龍蝦伊面， 味道ok, 可惜略油膩乳豬皮烤得好脆翡翠象拔蚌，象拔蚌新鮮，蜜糖豆好甜，唔錯，但始終有啲油膩蒸龍躉，蒸得無過火，冇腥味，最緊要唔多骨瑤柱蛋白炒飯炒得幾乾身，不過啲瑤柱就比較硬重點推介呢個千層馬拉糕，奶黃香味，不枉我留肚食。要講一講佢座位比較細，話晒都係一圍枱，坐12個人（當中有3個小朋友），擺12張櫈都好似有啲迫，又唔夠位上菜。

難得大清早系元朗飲早茶。特色是茶樓系地下。点了数个点心，包括：雞丝腸粉：夠滑山竹牛肉: 有味兼爽滑蘿蔔糕：一般货色迷李珍珠雞： 方形，餡料欠奉香煎薄餅：煎得夠香，咬落脆脆总体不错。

年初二同屋企人共15人去飲茶, 拿飛時已經清楚表明人數為15人, 已知有位的話, 係會被安排大枱.點知等到叫飛後, 就被安排坐最多只係坐到8人的枱.某男性樓面經理就態度惡劣地夾硬要15人坐張最多坐到8人的枱, 我表明就算全部坐圓櫈都無可能坐得落.呢位經理仲態度非常惡劣, 表明大時大節, 就坐啦, 唔願坐晒一枱, 無問題, 分2張枱坐 (呢2張枱的距離係隔左3張枱 = =)我火都黎埋, 去接待處氣憤地表明我的意思 --> 你們員工之間溝通有問題, 做錯野, 唔關個客事, 你們唔可以咁樣!!!!接待員見有客等梗, 望住, 就叫我們分2張痴埋的枱坐了.2張枱的號碼唔同, 但落order的食物就亂咁上枱 = =呢間野, 真係食到我一團火!!!!

今日去到呢間酒樓訂枱，諗住訂5圍枱來團聚食飯。接待員來問我時，我講左我既要求，那個接待員什麼都無講，求求其其走左去了，之後交左比負責訂單比一個在玩手機既阿叔，那個阿叔一講起就令人發火，一d都無理人，只掛住玩pokemon遊戲，之後同我講無房比你，我即時想罵他，算了就算，走人好過

今日係boxing day仲係假期，黎到茶樓飲下茶，意外地少人，因為個個出哂市區？定係未起身？點都好，唔使等位有茶飲真係唔錯，呢間名門假日居然仲有特價下午茶，同平時假期嘅價錢一樣，無趁火打劫喎，隨便叫左幾樣野食，主要係想黎飲啖茶啫。叫左碗叉燒米，轉左用茶餐廳啲早餐碗，勁細碗，得好少米粉，勝在叉燒都幾多，不過浸在湯中啲叉燒無哂味，個湯底都係無味，淡黃色的清水，$18.8係咁嘅貨式，真心唔好食。仲有咖哩魷魚，平時食好入味，今日咩事？又係完全無味，個咖哩汁勁稀，啲水魷好似啱啱擺落去咁樣，好硬，個底有芋頭，啲芋頭相反幾入味，$14.8不能有要求？呢間野啲點心唔好食一早知，貪佢平加唔使等位嘛，無估到今日啲野係難食，唉，失望ing……

我们两人第一次来这里，在元朗吃晚饭，酒楼不是很多，找到这家酒楼，打算试一下，点了烧鸡和豆腐，等了大半小时，共260元。味道和份量都是嘛嘛地，可能是近过节时期，一切都缩水了……

晚市邊爐好難食，叫左個沙嗲鴛鴦湯底，一邊係無味既沙嗲湯底，另一邊係滾水。龍蝦丸、魚旦千年雪藏，完全無味，懷疑係咪大陸黎既千年雪藏丸。魚片勁多骨，肥牛既脂肪比例超過一半，總之就係難食。坐係度食簡直係受苦，全枱都係食物，但舉箸為艱，從未試過咁辛苦。

夜晚唔知食乜好，突然想到打邊爐，就拉男朋友落樓搵下邊度有任食火鍋結果搵到呢間～ 任食之餘價錢仲好抵！一於試下啦！一坐低侍應姐姐就叫我地order咗湯底先再劃其他，唔洗我地等咁耐～讚劃咗啲肉類～我地呢啲無肉不歡嘅怪獸當然豬牛羊雞魚樣樣叫齊啦～好快就上菜lu另外蔬菜類就喺自助枱到拎，仲有熟食添！我地呢晚就有馬拉糕，春卷同蘿蔔酥，都好好味任食火鍋黎講算係多選擇，質素亦都唔差～呢個價錢黎講真係好抵食！讚一個

母親節呢啲日子到邊度食野都多人，茶樓更係等位等得利害，是日黎到名門，竟然唔使等就有枱，唔諗啦，即刻沖入去坐啦。無左特價下午茶外，其餘無邊，咁就梗係叫啲平時少食嘅野啦，阿媽話佢平時飲餐茶都係食點心，一個人又叫唔多，想食下味部小食喎，叫左幾樣大家試下。佛山燻蹄，上枱時似乎麻麻咁？！原來都唔係全部肥肉，下面啲都係半肥瘦，味道醃得唔錯，咸咸地，點少少醋食好正。椒鹽豆腐，炸到金黃色睇落唔錯喎，份量頗多。咬落好熱好燙咀，要小心食。豆腐炸得外邊香脆，入面好滑仲有豆香，好食！沙薑雞腳，媽媽至愛，基乎一齊人飲茶就點呢樣。用上新鮮雞腳特別有雞味，小小的咬落唔硬，雞腳本身已調味得咸咸地，點啲沙薑醬更香口。飲茶必叫叉燒包，熱辣辣軟綿綿，叉燒甜甜地，好味又飽肚。唯天氣太熱店內冷氣不夠，其他都好滿意了。

星期六難得阿女話得閒同我飲茶，我緊係開心到爆啦!所以揾間冇咁難揾位嘅啦!呢度岀名食燒鹅，不過晨咁早，冇食到點心係中等價錢啦!品種都吾少虾餃好大粒，皮厚左少少，不過虾夠多夠大，又爽口咖喱魷魚，咖喱味香濃，碗底有白蘿蔔索晒啲别喱汁，仲正過啲魷魚叉燒包，一般般啦!皮雖然厚但軟熟，叉燒好林，多汁阿女話想食蛋撻，樣就幾得，但個皮林左啲，吾脆，都係餐廳嗰啲好食啲