名門讌客 (已結業)

疫情底下要解決兩餐傷盡好多香港市民的腦筋。不過於元朗二三缐街道上卻讓我遇上一家百吃不厭的食肆，其叉燒水準之高可用「令人驚喜」四個字去形容，比起同區甚至外區好些標榜「叉燒王」又或「叉燒專門店」的燒臘名店之水準實有過之而無不及。其實查看資料，這家叫「名門讌客」的中式酒樓也有一定的規模，有數家分店分布於港九新界各區，立足香港應該也已經有一定時間。這個叉燒飯只賣廿三蚊，好多大款或者會嗤之以鼻。但我一直堅持傳統又家傳戶曉的食物，就算平宜都有質素高低之分，都可以做得好美味好吸引。記得好多年前，我食完了一個好味的豬仔包，就感動到在此平台特意寫了一篇食評去記錄，有興趣的大家不妨可以翻查一下我已往的食評去看一看。我覺得這個叉燒優秀的地方在於有豬肉味，而且肉香不會被醃料香料所掩蓋。這正是很多所謂叉燒名店所做不到的兩個重點。當然師傅給你不同的部位會有不同的口感，但總的來說也十分淋滑鬆軟，水準穩定。

之前黎飲茶見到單張，$1200唔使有半席仲要包埋茶芥加一，岩哂我地一家，於是過黎試試佢。之前食過其他酒樓既一席菜，有兩道平餸擺明係拉番個food cost，例如清湯牛三寶。今次呢半席完全冇咁情況，道道餸都正路，份量又夠，連個炒飯都係瑤柱蛋白炒飯，仲要有壽包同糖水，真係冇得彈。最有驚喜係個拔絲黑豚肉，真係成碟都冇骨，啖啖肉又好味。除左野食好味，服務都唔差，佢個湯係二選一，因為媽咪唔食得蝦，所以問問部長(咁岩係佢幫手落單)邊個湯冇蝦，點知佢好好人話叫廚房唔落蝦，俾多少少竹笙我地，今時今日，呢個價錢，咁既服務同食物質素，絕對稱得上平，靚，正!

今晚同家人出街吃晚飯，試下裝修後嘅名門食中餐。裝修後整體環境都很優雅，光猛潔淨，地毯也换上喜慶嘅紅色，燈光也超級明亮，部長待應都殷勤有禮。海皇冬瓜盅$118賣相幾靚，材料有蝦、帶子、蓮子、瘦肉、草菇、蟹柳、金华火腿，D湯超級熱，啖湯又清又甜，Very good清蒸沙巴龍躉仔$68目測都有一斤，D魚肉蒸到好嫩滑，配埋魚豉油，係街市買一條都差唔多價錢蒜蓉炒娃娃菜油多左D，下次可以叫少油或白灼會好D仲有糖水，有紅豆沙同綠豆沙，埋單$330

今日星期六，老公提議去飲早茶，都好喎，午茶、下午茶就飲得多，早茶真係好耐未試過😪😴去咗名門讌客，9點幾直入唔駛等位👏🏻👏🏻酒樓裝修前，因老爸原固，久不久都會來食晚飯，半圍、一圍餐頗抵食，裝修後今日係第一次。環境光猛，覺得比較以前衛生得多。最明顯嘅分別就係侍應的態度，E家d姐姐行動快速，面部笑容多咗，helpful咗👏🏻👏🏻👍🏻👍🏻食嘢方便就比之前貴咗少少😅，今日揀咗兩個不同價錢嘅孖寶及早飯一盅。🔸咸魚肉餅飯🔸皮蛋瘦肉粥🔸山竹牛肉～～果皮味香，大粒又爽口，腐竹也不少🔸蟹籽燒賣～～蟹籽唔少👌🏻🔸雞飽仔～～中規中矩埋單$83👌🏻

Wealth Banquet, at first, I feel the name is too over for Cha Lui, but when I got into the room, I understand why it is called "banquet", the room is surrounded by western classic canvas, and you feel like you are really in a banquet, quite nice the decoration.The food is quite good here. Rice roll with BBQ pork flavor is quite soft. You can see how transparent  the rice roll is.Fried Carrot cake is fine too, not so salty. Ham Sui Gok is a bit thick and a bit old too.I like steamed pork ribs ric

—又到一年一度最重要嘅節日<做冬>唔想同人迫同食得划算 通常都會提早一家人食飯全體乳豬 龍躉 龍蝦全包宴($2188)上湯焗龍蝦伊麵底(2隻)鴻運乳豬全體柚子蜜脆蝦球翡翠鴛鴦蚌紅燒竹笙海皇翅蠔皇花膠扣鵝掌清蒸大沙巴龍躉燒雞瑤柱蛋白炒飯壽包(本身係馬拉糕 同酒樓講轉)紅豆沙總括嚟講 大份得體 味道不俗 熱辣辣上菜———————————————————————包埋茶芥 加一服務費同汽水啤酒名門讌客元朗鳳琴街19號鴻運中心地下A號舖

我同屋企人食小菜出菜慢 等一個鐘，差唔多爆場 但無乜邊枱有野食。好hea 走晒樣唔好食，菜唔記得落鹽。已經唔係以前既名門 裝修後真係大失所望，以後都唔會再去。ps. 我地係舊客，至少幫襯左五年

難得一家人小weekend全部得閒，於是決定去元朗食dinner，大家一致投票食名門讌客，食完可以順便買埋老婆餅～ 可能因為是晚人客唔太多嘅關係，上菜都算幾快下，（雖然侍應好似唔係幾夠😆😆）我們點了乳豬拼盤👉乳豬唔太肥膩，叫做脆口，海哲我至愛，爽口帶點微辣，讚～芝士焗大蝦伊麵👉芝士味夠濃郁，大蝦夠大隻but鮮甜味欠缺😂）碧綠花枝蝦球清蒸沙巴班仔 👉新鮮，魚大大條肉質嫩滑一d都唔會鞋身，愛食魚的我點可以錯過😋蒜蓉蒸扇貝👉食落肉質鮮甜而唔韌，配上金銀蒜粉絲鮮味即時提升～

星期日在元朗工作後，跟女友到附近的名門酒樓午膳。由於是下午茶時段，價錢相當划算。我們叫了一個蝦米腸、乳鴿、燒鴨瀨及燒賣。這些食物都相當有水準，絕對值得一試再試。

元朗街坊大都知道它的存在，地處鳳琴街，亦即元朗街坊口中的雞地，提供街坊價格的點心小菜。公公婆婆的早茶至愛，因為吃兩籠特價點心，加上茶位，堂食買單亦不過HK$30多，對愛早上一盎兩件的退休人士來說，可謂最佳選擇。小弟光顧該酒樓N次，覺得性價比最高應該是他們的燒臘，頗具水平，特別是燒鵝，堂食外賣均HK$200多半隻，皮脆肉嫩，水準可以直迫香港名店一樂、裕記等等，可能較最近食物水準退步甚多的鏞記燒鵝尤有過之。油雞的鹵水做得很香甜，雞縱然只是一般凍鮮貨色，但鹵得火候準繩，肉嫩而汁多。筆者常吃這裏的油雞飯外賣，一盒只需HK$21，性價比高得沒話說。

這天天氣很好，便和家人一起到茶樓飲茶。在元朗有很多大大小小的茶樓，而且大部分也是連鎖店。愛光顧小店的我，便選了這家價錢平民、離家比較近的茶樓了。先看看這家茶樓的特價點心紙。味部的點心紙份量多，而且價格相對便宜，比原價$42便宜了幾蚊。個人愛吃吸滿香香的排骨味的陳川粉，如果陳川粉的份量能增加便好了，因為粉的份量太少，吸唔哂d 汁，令到整體上比較油。同埋落多d 陳川粉可以落埋豉油會更好味。同埋排骨太肥，冇咩肉食蝦米腸煎得夠香，少少脆口幾好味

昨日一行8人，第一次來試，想試試拔絲骨，太久沒吃了....7點來到都唔洗等位，入到去地毯有水，又有臭味問題，本來想即走，但最後冇....好啦，到叫好哂菜式，個片皮鴨竟然同皮是分開上的，等左好耐都冇....🤦🏻‍♀️🤦🏻‍♂️全場就得個五個服務員做野.....🤷🏻‍♂️🤷🏻‍♀️食物質素一般，服務就真係冇咩架啦👎🏻👎🏻唯一可以讚下既就係酒樓個洗手間🚾唔算太差，仲有好大冷氣，仲涼過大廳😅😅😅

我都幾常到這間酒樓飲茶的，無論午市定下午茶我都會來的。午市和下午茶推廣的點心不一樣，黎慣左就知道幾時叫什麼。這個茘香杏片百花卷真係有驚喜，是新的產品。我之前未食過，面頭脆卜卜，裏面的蝦膠亦很好食。

我時不時都會黎呢間酒樓飲茶的，今次午市黎到，食到下午茶時段。我今次係午市點心紙度見到有一個叫蔴蓉合桃包，雖然我唔想食合桃，但我想食蔴蓉包喎，於是便試下叫啦，最多咪唔要那些合桃囉。包黎到後，認真被嚇一跳！好搞笑！原來合桃包係講個包的外貌。三個大合桃放在蒸籠的樣子好搞笑。包包熱辣辣，裏面係蔴蓉，好些仲有些白色大大地粒的果仁類東西，我不確定是否合桃了，總之就當係蔴蓉包食啦。味道不算太甜，但如果有多些饀就好了。。。

飲開的另一間茶樓無位，今日就到了名門飲，間中都會黎呢間食下午茶，其實佢啲點心幾好味，但可惜茶樓不夠冷氣好熱。荷葉飯下午茶特價荷葉飯$28，好香呀，仲要超大碟，雖然料唔多，但勝在用汁煮過飯，淨係食飯都夠好味。咖哩魷魚咖哩汁夠濃，魷魚入味又爽口，好味。叉燒包幾鬆軟，不過不失。蝦餃大大粒又爽口，平日下午茶特價$8.8真係抵到爛。排骨調味幾好又唔係太肥，ok。燒賣又係大大粒，有蝦有豬肉，豬肉少少肥，食落啲豬油好甘香，唔錯。豬腳仔呢個今日有少少怪味，個麻油好似燶左，豬腳本身都ok嘅。總括黎講係好平，hea下實在抵飲。