名豪海鮮酒家 (已結業)

過時過節出街食飯，一向都唔抵食，我同老婆就極少揀大節日出街被人劏，不過，屋企飯就另計，總要互相就一就。唔單只日子要就，地點都係，就返老爸，梗係揀番石硤尾村附近。其實我老豆、細佬妹對食真係完全無要求，所以，就腳方便已經係上算，佢哋對面嘅名豪就係可選擇之一。名豪都嚟過好幾次，飲茶、晚飯都食過，不過下面近石硤尾街市嘅多彩搞完大裝修，遠少少北河街隧道口又開咗間稻香，再者，附近仲有間明星，幾間都係集團式經營，晌石硤尾佢哋都可謂三雄鼎立。原來依餐團年飯都無打算寫食評，因為之前都寫過名豪，其實又無咩好特別，只係叫抵食夾大件。但今次摷番出嚟寫，係因為聽細妹講間嘢摺咗，所以，就臨尾幫佢寫多篇當悼念吓佢。講真，名豪依類街坊酒樓，晌三雄之下，真係撐唔得幾耐，試諗吓，小弟一家晌年廿七去食，成個大堂都無三乘人，如果唔係當日訂唔到多彩（因為多彩裝修後都未去過），應該都未必揀嚟名豪。既然團年飯，一年得一次，故然想大家食好啲，因此就比平時叫得多啲，啲嘢又揀貴價啲。孖寶E $228孖寶係芝士焗波士頓龍蝦搭老火例湯，波士頓龍蝦足一隻，幾足斤兩，睇樣真係焗過嚟，而且幾厚肉又幾爽彈，芝士汁調校都OK，少少杰身，不過個伊麵底就

細路生日，當然又要乘機搵埋家人食番餐，揀名豪，純粹地點就腳，就晌屋企人對面，否則就行落啲嘅多彩。最緊要地點方便，環境舒服，咁就已經OK，名豪已合格有餘。講到食物質素，佢唔係差，亦唔係好，完全屬於雀局小菜、街坊水準。不過，同我屋企人食飯有樣好，佢哋真係對食物無要求，要佢哋點菜慘過打靶，問佢哋食乜都係嗰句：「是但啦」，再問依樣好唔好，簡單嘅回覆：「無所謂」，故此，穩陣起見，甚少試新嘢，都係叫大路餸菜啱佢哋！星期一至五，名豪有個四餸一湯晚飯精選套餐，賣$228，都幾OK喎！湯羮四揀一，燒味又係四揀一，海鮮類同樣四揀一，而精美小菜就晌30款裡面揀2款，所以，都叫四餸一湯，覺得都幾抵食。因為細佬生日，想大家食得豐富啲，就加多個蒸元貝，晚市三大優惠之一，半打計都係賣$38咋，白飯另計，再加埋茶芥$10位，酸菜$10，四百唔使，算實實際際咁啦。粟米魚肚羮例窩上，幾夠份量，足有6-7碗。雖然只係話加咗魚肚嘅粟米湯，但都唔馬虎，稀杰度適中，魚肚發得夠透，又無腥味，唔錯喎！脆皮燒腩仔都係例牌份量，斬得細細件，一啖一件，外皮脆卜卜，腩肉肥瘦相間，而且肥肉佔得唔多，甘香唔油膩，啱使佢哋。豉汁蒸黃鱲倉我估依家晌

為慶祝父親節，約好了一家人在附近的街坊酒樓嘆茶，為免老父走得遠，就選了離屋村最近的名豪，大時大節也有在此吃晚飯，質素算是過得去，飲午茶則較為少。12:00pm去到等位，才等了10min就有位了。想家人吃得豐富一點，所以，較平時正常「胃量」多點一些：名豪蝦餃皇、豉汁蒸排骨、北菇燒賣皇、蜜味叉燒腸、皮蛋瘦肉粥、叉燒焗軟餅、椒鹽鮮魷、鮑汁鳳爪、流沙奶皇包，共九樣東西。及後，被告之鮑汁鳳爪賣完，轉頭又說沒有了流沙奶皇包，故此，轉了點一個炒麵「燒汁牛柳條炒麵」，奈何，又說沒有，才12:30pm就如此多東西沒有貨了，真有少少氣結，只好退而求其次，找來沙爹牛肉炒麵代替吧！比起晚市，午市的質素感到差了一截！豉汁蒸排骨：豉味不足，排骨不知何故很白，錯眼看上去還以為全是肥膏；蜜味叉燒腸：腸粉拉得很削身，是否為慳成本，米漿溝水太多？椒鹽鮮魷：大大個藤籃仔，但鮮魷卻寥寥可數，是否一開二，做一份椒鹽鮮魷開二份賣？而且，椒鹽味也欠奉。幾個點心真係十分令人失望！相對地，蝦餃皇、燒賣皇都算做得不錯，而沙爹牛肉炒麵也OK，麵餅煎得香脆，為了使人吃得方便，麵餅早已剪為一開四，淋上沙爹牛肉，頗香，如果那個獻汁煮稀一點點就更

與一班朋友在石硤尾室內運動場打完羽毛球，順著南昌街一路下行，住在這區的朋友建議到名豪飲茶，其實，只要有得吃，我們沒有甚麼異議，因為我這班朋友本來就是沒有要求且隨和的人。可能時間尚早，還未到十二點，所以也只有六乘多的入座率。一行六人，快快手的拿起點心紙不停的剔剔剔，轉眼已剔了十多樣點心吧，打完波，太肚餓了，所以先入單，吃完才再看看情況。這兒的點心價位不算貴，始終是街坊酒樓，加上這區也不是甚麼旺區，周圍也是屋村來，由小點$10.8到特點$23.8，而點心款式沒有甚麼古靈精怪創新特別的，全是老派傳統的，就如所見的蝦餃、燒賣、排骨，就如以前吃的一樣，味道還可以。不過，其中所點的皮蛋瘦肉粥，是就確是大碗的，但皮蛋瘦肉略嫌下得很少呢！

My family tried this for the very first time However i believed this would be our very last time. Food quality like general seafood restaurant.Dim sum like siu mai and ha gai is really great. Most of fried items were a bit oilly.We ordered 7 dishes.They served all dishes from time to time. And kept served wrong items to our desk for 2-3 times.After we had most of the food.A manager gave us a receipt and told us to mark which items we had. We felt odd about it for so many items that we never orde

預祝契媽生日~~ 當然契媽於前1晚已經大搞party, 今天就簡簡單單飲個茶~~放棄彩龍來了名豪, 雖說比彩龍質素好1點, 不過畢竟也是間做街坊生意的酒樓~各樣點心味道不過不失, 小妹覺得最值得推介的是馬拉糕~~黑糖做法味道夠傳統~ size大適合人多叫1籠就已經夠分~~~~ 倒是面頭的瓜子其實沒甚麼作為, 換是松子味道會更突出~

小學聚會第一次攪,由於同區的彩龍太受歡迎,無位.所以轉左去名豪.呢度食物都無咩唔妥.最弊.我地間vip房,冷氣壞得好緊要,大家不停流汗,現在咁熱天氣,無冷氣但又唔通風的話,真係令人焗暈焗死架後來成班去左廳度食,空氣都正常番好多.因d冷氣都叫做ok.衞生都較差:枱櫈和wall身都殘舊.大家都係老街坊一場,呢度想經營落去一定要攪好衞生和冷氣.想再次幫襯你都要拿出好大勇氣都有好處,係難book的日子幫攪手搵左個地方俾大家見面.老老實實,是晚見番d廿年無見的老師和同學的妹妹,都好開心.大家只顧住吹水,分享吓當年讀小學時的喜樂和值得懷念的人,事物.

幾年來經常駕車路過這裡，發覺這間街坊酒家仍然生存，於是來此一試。地方比較陣舊，似一般舊式酒樓，但晚上九點多鐘，一樓差不多座無虛設，席間有小菜或火煱選擇，想一試廚房手藝，當然是小菜。招呼的亞嬸一般都係十下十下，問伙記有乜撚手小菜，竟然話樣樣都好食，＂有乜特別出名好食呀，或都好多人都點的菜呢？＂個火記一指話＂兩餸套餐，抵食，真係比佢吹脹＂。來了個樣比較醒目的部長，先點兩隻＂椒鹽瀨尿蝦＂（每隻＄５５），再問有乜好食，起初又係話套餐抵食，＂大哥，有乜好食喎，抵食去大家樂得啦＂。部長當堂醒一醒，於是推介＂陳醋排骨＂，另外加個唔知乜野粉絲煲，冇叫唔記得。再叫了一個＂濃湯浸皇帝菜＂，兩個人都夠食。不過見餐牌上面的小菜真係幾抵食，有＄２２一隻乳鴿，＄３８一碟芝士海蝦伊麵。１。椒鹽瀨尿蝦：味道不錯但略咸，不過其中一隻Ｄ肉散散地梅梅地，佢拎出黎果時冇留意佢有冇郁，可能大意中招。２。陳醋排骨：味道很好，肉有肉汁，豬肉味濃，不太大碟，兩三個人剛剛好。３。濃湯浸皇帝菜：很有水準，味道不錯，湯好味，食得過。叫了兩罐仙地，埋單＄２５０。

排戲放lunch 就同成班crew 去左呢度食個lunch, 叫左好多野食, 生菜, 咸水角, 燒賣, 排骨, 叉燒包, 奶黃包, 馬拉糕, 雞卷, 馬蹄糕等等除左燒賣幾好食之前其他都係普著通通都唔值得一寫, 不過間酒樓既服務真係好差, 漏單不單止, 仲叫親加水都會叫到灰結果自己走去加, 但係其實佢d人只係企係後面傾計遲d慶工仲要係度食次!希望唔會再係咁

:　chopstick:這晚我們一行八人到名豪打邊爐，湯底係冬瓜意米豬骨，火煱配料由$16.8-68.8不等．我們點了薄切肥牛，芝士腸，手打雜錦丸，花枝片，鱔片，雞肉，駝鳥肉，魚片，鮑魚菇，金菇菜，唐生菜，娃娃菜，油墨菜，豆卜，魚皮餃，雲吞，水餃等．每樣都新鮮好味～希望有機會再Encore~

　擒日小弟舊曆生日，家姐咁啱又再在附近辦公事，唯有去呢間都幾墮角嘅酒家試下。其實我以前都有幫襯過呢度前身嘅韓國餐館，可能生意唔好冇做啦。　諗住叫幾個小菜：砵酒焗桶蠔、什菌炒和牛粒、麵醬炒唐生菜同鵲巢海中寶。已經一早問咗樓面有冇桶蠔，況且都唔係平（八十八元），佢話有咪落單囉，誰不知過咗冇幾耐佢話冇蠔喎，都算啦，唯有叫半隻炸子雞啦！　好嘞！諗住叫兩碗白粥，佢又話冇，喂大佬呀，擒日又唔係假期又唔係好夜，六點零鐘啫，呢樣又冇，嗰樣又話冇，我家姐好勞氣，個經理都知衰，起勢咁講對唔住。　至於餸菜啲質量方面，算中規中矩啦，除咗炸子雞啲頭頭尾尾之外，好多都食到清為止。食完飯都有幾楷橙當係飯後果，美中不足嘅係冇糖水送，要自己叫，雖然唔係貴（楊枝甘露都係十二元，芋頭西米露八元），但埋單都要三百幾蚊，雖然唔係小弟找數，但都戥家姐肉赤。　人客到走嗰陣（七點半）都坐唔夠一半，咁嘅服務質量，下次都費事嘞。

依排乜嘢都話貴咗，樣樣嘢都加價，但係街坊酒樓仲會搵到D抵食晚市套餐，再者，依頭唔係旺區，晚市都比較靜D，所以，價錢會做得梗抵去吸引人。約咗屋企人晌依度食飯，有幾款晚市套餐都幾OK：平嘅A餐$168（3餸1老火湯），貴少少嘅B餐$228（4餸1老火湯），貴嘅C餐$338（4餸1燉湯），另加小菜都係收$38碟！我哋揀咗A餐，有霸王花煲唐排老火湯、生炆班腩煲、咕嚕蝦球同鹹魚茸炒白菜仔，另外加多個栗子滑雞煲。每樣嘢嘅份量都唔少，好似個老火湯，無味精，一大瓦煲，足足裝到7、8碗咁多。而幾款小菜都唔錯，好似兩個煲仔菜「生炆班腩煲」同「栗子滑雞煲」，上枱時夠晒熱辣辣，滋滋聲，D栗子又夠粉香；「咕嚕蝦球」D蝦球大大隻，都幾彈牙，味道酸甜適中；而個「鹹魚茸炒白菜仔」有鹹魚嘅鹹香，好惹味！計埋白飯、茶芥，都係三舊水，絕對抵食！

Extremely bad experience.Poor service.Not cheap.Example 1, We had lunch in third floor. When we asked the waiter to cut the 咸水角into pieces, she replied that the only pair of scissors was at 1/F?!Example 2, The waitress agreed to waive the "tea fee" in returning of accepting the very late dim sum. But eventually, only $0.5/head was deducted. In fact, the two taxi drivers for the trip did not recommend that restaurant. And there are still plenty of choices for the same price level around.Therefore

本人是次到這裡是和姑媽飲茶, 對我來說都算長途跋涉。記得對上一次來叫得太多食物, 吃滯了, 因此有點恐懼。這次四個人, 只叫了三個點心及一碟炆米。芝士蝦春卷, 應該是剛炸起的, 芝士味略嫌不足, 蝦及皮就可以接受。黃金流沙包, 有流沙的感覺, 但沒有咸蛋黃的味道, 比美心還要差(美心的流沙包已經不是好吃的了)。羅漢齋腸粉, 反而最簡單的最好吃, 腸粉皮晶瑩剔透, 內裡的餡也爽口, 不錯。沙爹肥牛炆鴛鴦米, 是粉絲和米粉, 炒得幾好, 沙爹味不足, 但卻有另一番滋味, 可惜牛肉沒有牛味。總括來說, 以這個價錢來吃這些一般水準的食物是抵的。

長輩們決定在『名豪』食團年飯，主人與奴隸獸雖然心中有微言，因為輩份低微，無置喙之地，唯有命從。（曾有一名後輩提出反建議，慘遭Reject。）長輩們點了一圍團年飯酒席（HK$3088），菜式包括有：1. 上湯什菌焗大蝦球（伊麵底）：蝦球尚算爽脆，味道OK。2. 鴻運乳豬大拼盆：好唔掂，乳豬皮竟然硬而不脆，燒腩亦是如此。3. 百花釀蟹拑：蝦膠味濃，爽口彈牙，可算是整圍菜中味道最好的菜式。4. 碧綠花枝帶子：味道一般。5. 紅燒竹笙雞絲翅：唉！！如同飲生粉水。6. 清蒸大老虎班：蒸過了火候，肉『鞋』起『喳』。7. 發財好市瑤柱甫：不過不失，味道還可以。8. 當紅脆皮燒雞：肉霉，無雞味，莫非是雪藏雞。9. 富貴炒飯／錦繡伊麵：炒飯略鹹，伊麵味道只是一般。除了對菜式的品質與味道不甚滿意外，服務水準亦不佳，例如：侍應叫我們快D 分D 魚翅，唔好阻住佢上菜。其次是上菜混亂，瑤柱甫及燒雞還沒有來，就端上了炒飯及伊麵，我們已經向侍應表示還有兩款菜沒有來，但侍應一於少理，還繼續端上糖水，簡直離哂大譜。決定這個食評一定要俾個喊面。