名誠小廚

營業中

休息中

平日晚上看見很多街坊光顧🙈所以行咗入去一試都係叫左兩樣小菜，晚飯小菜$60起 包飯湯飲品份量足夠 食物質素完全對得住價錢，性價比極高!!皇牌脆皮燒烤雞燒得金黃 雞皮好香脆🐥🐥而肉質依舊保持鮮嫩 難怪是招牌菜式！！瑤柱扒西蘭花🥦西蘭花爽脆帶點甜，炒得恰到好處，唔會太熟爛，瑤柱醬汁濃滑，帶微咸同鮮味，啖啖瑤柱絲，食落清新又唔膩最後總結今次人少少試咗唔算多菜式，下次叫多個朋友可以試埋其他小菜。名誠小廚📍佐敦文蔚街25-32號文耀樓地下29號舖

平日晚上看見很多街坊光顧所以都來試試小菜～晚飯小菜$60起 包飯湯飲品即叫即整 很有鑊氣而且價格親民 份量足夠 性價比極高⍢皇牌脆皮燒烤雞 燒得金黃 雞皮好香脆而肉質依舊保持鮮嫩單吃已經可口 亦可蘸上辣醬～椒鹽鮮魷彈牙的鮮魷 外層炸得脆卜卜果然很有鑊氣 同時不覺得油膩！！瑤柱扒椰菜花椰菜花爽脆 炒得剛好瑤柱醬汁濃郁 吃上去啖啖瑤柱絲 很好送飯⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐名誠小廚📍佐敦文蔚街25-32號文耀樓地下29號舖

高性價比高嘅街坊茶餐廳，簡單單食餐家常飯 ，但係環境簡單服務唔錯，上菜快。皇牌脆皮燒雞即叫即制，雞皮燒炸得香口金黃脆脆，雞肉嫩滑同時保留肉汁，味道油香，值得一試。京都骨菠蘿同洋蔥炒香，加埋酸甜醬汁煮入豬扒，滋味酸甜肉嫩食落唔油膩，送飯一流。XO醬西蘭花炒鮮尤西蘭花爽脆，鮮尤新鮮爽口，以XO醬蒜炒香份量大碟。香滑奶茶熱奶茶香濃滑口，茶底濃而不澀。性價比高親民街坊茶餐廳，食物質素好同價錢合理的晚飯小菜。

好少去柯士甸站附近食嘢 同朋友話帶我去食抵食小炒 入去坐低睇餐牌 見到晚餐性價比好高 晚飯小菜最平60幾蚊已經包埋飯、湯同飲品 而且小菜種類好多 基本上平時食開噏得出嘅都有 見到餐牌中間有幾款招牌菜式 最後點咗呢個 王牌脆皮燒烤雞真的是必點推薦！燒雞半隻咁上枱 見到外皮烤得好靚 而且皮薄多汁 撕開雞髀見到入邊嘅肉汁已經流晒口水 雞皮沒有太多皮下脂肪 食呢一個燒烤雞一定要食埋雞皮！而且醃了調味剛剛好 即使中間雞胸肉部份都不會柴👍🏻⭕️咕嚕斑腩⭕️蒜蓉油麥菜斑腩好大件啖啖肉 加上了酸甜咕嚕汁後還保留到外皮脆炸口感 很不錯油麥菜好大碟 炒得好有鑊氣

之前聽朋友話呢間個燒雞勁好食，我心諗有冇咁誇張，點知！食完第一啖，真係😱😳！係勁好食！勁好味！堅！個燒雞$80/半隻， $150就有一隻，佢可以分開兩個兜上，我同朋友一人一邊，無斬嘅，用手扯住嚟食特別滋味呀！😁😁原來佢有手套提供，我仲用咗紙巾😅講返個雞先，佢個皮係超級脆卜卜，一切開嘅時候啲雞肉肉汁多到！！！重點係隻雞非常之滑！就連雞胸都好滑！好好味！雞髀亦都非常之香呀！同埋佢晚餐小菜套餐都好抵食囉！$60起跳就有，仲要包個白飯同飲品！

逛佐敦老友話《名廚小城》價錢親民，性價比高餐廳，晚飯小菜$60起（包飯、湯/飲品）晚餐時段坐滿九成街坊食客，餐廳裝修簡單，有街坊熟客自帶海鮮到餐廳加工。我們點左皇牌脆皮烤雞（半隻）：大大隻燒雞皮脆肉嫩多肉汁，金黃色雞皮好香脆好美味💕😍西芹炒鮮魷：鮮魷爽口味鮮甜，西芹嫩綠，大碟抵食配飯&飲品--好立克。豉汁蒸䱽魚：豆豉香濃，魚肉嫩滑，配飯&飲品--好立克。滑蛋牛肉飯：頗多牛肉，牛肉很滑，配飲品--好立克😛

上次機緣巧合之下，到了佐敦八文樓這邊吃晚飯，原來這邊都有一堆小店餐廳。今晚和好友來到文蔚街的「名誠小廚」，食小炒小菜，週五晚上來一場男人的浪漫！蒸雞真的很大一盤，非常足料！甫把荷葉翻開，已聞到陣陣香味。雞件配上紅棗、杞子、蟲草花等同蒸，肉質相當入味，帶著淡淡的荷葉清香感。雞腿、雞翼等部分都是滑溜口感，唯雞胸位置就稍為柴口。每次叫小菜都會點一兩款炸物。鮮魷外層沾粉再炸至金黃香脆，炸漿頗為薄身。裡面包裹着彈牙的魷魚，令口感有層次。而鹹香的鹹蛋黃醬更是加分位，令鮮魷更惹味！熱騰騰的煲仔菜！斑腩魚塊肉質細嫩，不過炸粉層就略厚了一些。炸豆腐外脆內軟，加上枝竹，兩者都十分掛汁。配上鹹鹹香香的蠔油醬汁，佐飯一流！人均百元有找的一餐，有小菜、白飯和飲品，整體來講都幾抵食！

喺佐敦附近做完瑜伽順便食個晚飯，搵到一間做街坊生意嘅小炒館麻辣雞煲 $188/隻 如果食得辣，一定要叫麻辣雞煲‼️超級惹味🙈當日揀咗走辣，香料可以重一點，成隻雞份量好多👍🏻雞肉鮮嫩多汁，仲有洋蔥、三色椒做配料必嗌‼️黑椒薯仔牛仔骨搭配十分經典，一定冇得輸🥰牛肉口感滑嫩，但多”跟”，黑椒醬汁香氣，薯仔超級大嚿軟滑可口，吸收了肉汁的精華🤤適合搭配米飯🍚金銀蛋勝瓜清新可口，好好食，啱晒我🤤金銀蛋綿滑與勝瓜好夾，即可解膩📍名誠小廚(香港)香港香港佐敦文蔚街25-32號文耀樓地下29號舖

麻辣雞煲叫左一隻雞，隻雞本身應該幾肥美，好多嚿，啖啖肉，個Gas爐好猛火，洋蔥、芹菜、辣椒料幾足，煮耐咗會更入味，食到落底都真係幾辣，配上啤酒🍻汽水好爽大盤花菜師傅炒得非常有功架，加入瘦肉片猛火翻炒，好有鑊氣，有味但不會過咸，爽脆度亦恰到好處，保留到口感又不會太草青味，見隔離2、3枱都有叫呢個菜一到晚飯時間就好多街坊老友記，斷斷續續一直好多客，一家人聚埋一齊食飯傾偈，好溫暖有人情味的感覺～#foodiblum中式

為食花太郎 Fafafoodblog 🍴黃金鮮魷 82 蚊🥚鮮魷炸得好夠香脆 夠哂鑊氣 黃金 好香 有沙沙既口感 鮮魷新鮮彈牙 🍴黑椒薯仔牛仔骨 85 蚊🐂牛仔骨好彈牙 夠牛肉味 有洋葱青椒一齊炒 黑椒汁好入味 撈飯好正🍴荷葉大盤蒸雞一隻150 蚊🐥有紀子 薑 葱花 紅棗 用個荷葉包住 雞肉盡吸 荷葉味 最牡別係d雞有d沙薑香味 突出左其它汁既香甜味 好食#中菜 #牛仔骨 #薯仔 #黃金鮮魷 #雞肉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#名誠小廚佐敦文蔚街25 至32 號文耀樓地下29 鋪~~~~~~~~~

手掌咁大嘅雞髀見過未⁉️ 渡船角新開呢間「名誠小廚」簡直顛覆燒雞界認知🔥 用足3斤重三黃雞即叫即燒，上枱仲大過塊面！雞皮脆到咔嚓聲✨ 一刀切落去啲雞油多到漏出嚟💦 肉質嫩到連雞胸都滑溜～重點係！原隻燒雞$150有找‼️出面酒樓食半隻都唔止呢個價啊～ 👉🏻 必點神級CP組合： 🐔【黃油燒雞】$150 巨size震撼視覺👀 金黃脆皮自帶油光，雞肉juicy到每啖都滴汁！仲附送雞油撈飯🍚 邪惡度爆燈🌟 🐟【銀魚仔蒸肉餅】$6X 誇張到肉餅厚過字典📚 銀魚仔鋪到密麻麻，鹹香惹味送飯一流！仲跟老火湯+白飯🥣 一個人食真係要打包～ 環境係街坊格局，座位唔算多但乾淨光猛💡 晚市勁旺場🔥 建議早啲去霸位！真心平靚正到懷疑人生⋯⋯ 食完即刻想encore！

昨晚出了佐敦，路見這茶餐廳有不少食客，門外張貼的餐單價錢非常親民，於是便入內一試。細看餐牌，晚飯小菜$6x起（包飯湯飲品），下午茶的炒粉麵，只需$40。十分抵食啊！我們叫了一個蒸雞及兩個小菜。荷葉大盤蒸滑雞（一隻$150）這道菜送出來時已發出陣陣的香味，以荷葉為基底，再加上不同的香料，香味十足。而且雞也大隻，在蒸的過程，雞油已溢出，雞件不會太過多脂肪，而又香滑。蒜子茄子斑腩煲（$78）這小菜十分惹味，斑腩嫩滑，茄子充滿蒜香味，配白飯一流！欖菜肉鬆四季豆（$68）這碟四季豆也很有水準，個條青豆也帶欖菜的香味，而且份量也不少。凍檸茶（跟餐+$3）

街坊鄰居茶餐廳，環境雖然普普通通，但食物質素一啲都唔Hea，幾欣賞老闆對食材嘅用心～✨荷葉大盤蒸滑雞（$80)招牌菜好多台都有叫！雞肉蒸得軟腍又入味，荷葉、紅棗杞子、蟲草花全部都好滋潤～小菜都係$60起性價比極高！有成隻雞咁大，份量好多啊！兩個人食唔晒✨大盤花菜好好食！炒得好夠鑊氣，仲有幾塊肉片～咁多肉點可以唔嚟返啲菜✨三色蒸水蛋雞蛋、鹹蛋、皮蛋，蒸得非常滑溜，鹹蛋有陣陣咸香，配飯一流#香港美食指南 #香港旅行＃香港餐廳#foodblogger #foodiegram#名誠小廚#香港茶餐廳推薦#佐敦美食#柯士甸美食＃西九龍站 ＃香港旅遊攻略 ＃香港必食 #寶藏餐廳分享

🩵雞煲全隻雞煲，雞肉唔會煲到無曬水份，配菜既青椒、洋蔥炒得好香，越煲越入味😛🩵蔬菜籃有金菇、菜心、腐皮、響鈴，份量唔少既蔬菜籃，食完呢籃都差唔多飽左一半🫢🩵椒鹽鮮魷晚市小菜都係$60起就有，性價比極高😍 椒鹽份量岩岩好！炸得好香脆，唔會成張索油紙都係油，完全無油膩既感覺，魷魚好新鮮，好軟淋👍🏻👍🏻🩵燒脆皮雞（半隻）皮薄多汁燒雞，撕開係會滴汁既燒雞🤤 肉質完全唔會鞋口，值得一試！

街坊推介，晚市小菜六十至八十幾蚊包飯、例湯同飲品，超抵食，而且味道非常唔錯，簡直係高CP值代表。佢哋嘅雞三味——燒雞、雞煲、蒸雞——係個個街坊都讚好，幾乎冇踩過地雷。今晚同屋企人食飯，喺皇牌燒烤雞同荷葉蒸雞之間猶豫咗一陣，最後決定試燒雞，加埋三味小菜，成餐飯個個都食到好滿意。皇牌脆皮燒烤雞配薯條～皮脆肉嫩！皮脆肉嫩！真係講三次都唔夠。雞胸位都滑到唔信，香味撲鼻，一上枱就搶晒鏡。豉汁蒸䱽魚～豉汁鹹香入味，魚肉嫩滑，唔腥，啖啖鮮味，送飯一流。節瓜蝦米肉絲粉絲煲～家常風味十足，節瓜爽甜，蝦米提鮮，粉絲吸晒精華湯汁。雖然媽媽煮的唔會有咁多肉絲，不過叫店員煮腍啲節瓜，真係煮出咗阿媽嘅味道。紅燒豆腐～微焦嘅豆腐外皮吸晒醬汁，入口軟嫩又夠味，簡單但唔平凡。