名苑酒家

營業中

休息中

許久沒有跟這位好朋友見面，難得平日佢得閒，所以就去左呢間茗苑嘆嘆下午茶， 傾下偈!這間名苑地方不算太大， 但旁邊一邊有窗，所以採光道很高，觀感很開揚。 下午茶要準時兩點鐘才可入座， 時段是由下午兩點至三時半(最遲可以坐四時離場)。下午茶$8一位茶位，點餐紙都算多選擇，有不同的孖寶配搭，平均都是三十幾至四十幾蚊一set， 好抵食! 我哋兩個人點咗3個孖寶餐，有香茜牛肉腸、棉花雞 、叉燒包(3個)、菜苗餃(3隻)、上湯浸鮮竹卷、蜂蜜小米糕。 款款都是即叫即蒸，好新鮮，熱辣辣，味道又不錯!今次去名苑飲下午茶，真是有意外驚喜! 款款點心都好好味! 特別是個蜂蜜小米糕，是小妹特別推介， 因為以前未食過，食落口甜甜地、脆脆地、軟軟地，幾得意!有時間大家都不妨去去葵興KCC名苑酒家嘆嘆茶，食下點心，這地點也是個不錯之選!

本來想去果間茶樓咁啱轉手停業，就行去附近試試呢間實際上服務真係唔太好，見我地兩個好似唔想招呼咁，想坐入啲又話冇枱，明明當時啱啱11點得幾枱客。正想走人時佢又話入面可以俾枱我地叫咗一個套餐因為散叫都唔平，結果都有驚喜！個芝麻芋蓉夾餅擺得好有心思，有4舊食落外脆內軟；碟欖角炒飯色香味都唔錯；牛肉腸粉外皮軟韌度適中但個涵就一般；仲有糯米釀雞翼賣相靚，食錯都唔差，略嫌糯米太軟（個人口味😛）總括而言賣相真係落足心思，位置喺商廈內埋單時見有人等位，應該都多office 棒場客，但稍微調整吓服務態度應該更好了😀

以前假日都嚟過名苑呢間酒樓飲茶，當時全場爆滿！今次星期五晚8pm左右嚟到，竟然只得三、四枱客！🙈😬😎見到餐牌有個$388嘅海鮮套餐、有三種海鮮、真係好抵呀！😆😍🤣豉油皇煎海生蝦🦐每一隻都好大隻，好濃嘅豉油味，正呀！😋😆金蒜銀絲蒸元貝有四大隻，蒜香味很濃，好好味道！😎🤗最正就係蒸魚，非常新鮮，肉質又嫩滑！😍😍😋18週年仲全單八折呢！真係平靚正呢！😍😍😎值得再去一次！👍

由於當晚同印尼姐姐慶祝生日所以決定去附近酒樓食晚飯。剛巧遇上酒樓做緊18週年5折優惠 ‧ 平時閒日得幾枱人，點知當晚都幾FULL。不過到最後好難得一餐晚飯6道菜式居然冇一樣係正常先講味道:1. 潤燒石歧乳鴿 - 食落第一啖以為自己味覺有問題，再食多2啖以為自己再中左COVID搞到咩味覺都冇哂. 咩味都食唔出!2.即燒黃金脆皮雞 - 原來個廚師將應該落係乳鴿既鹽落埋落隻雞既時候，果種咸味絕對令你上哂頭!3.荷花梗翡翠炒六頭鮑魚 - 本身以為唔多唔少都有1﹑2粒細細粒既完整鮑魚既時候， 真係太天真! 係得幾塊1蚊銀大細既"鮑魚片"咋，仲要鮑魚片同D荷蘭豆炒埋一齊都可以得鮑魚片有少少味之外荷蘭豆係冇味! 個廚師簡直係高手!4.蜂蜜柚子明蝦球 - 呢一味呢俾返D甜頭你嘆下. 當你食咗冇味同咸既2道菜之後，滿滿既柚子醬浸過D蝦球，食1啖都還可以食多幾咪甜到你牙都軟!5.蟲草花蒸海花斑件 - 新鮮到你仲食到有D海水味仲同D魚鱗充滿係口腔到6.黑椒蔥爆牛柳粒 - D牛唔止WELL DONE咁簡單, 完全係OVERCOOK, 冇D牙力都搞唔掂再講服務:當時已同店長反應各樣菜式既問題，但佢既反應就係同你

今早打算去飲茶，等咗一陣職員先派飛，花園飛之後一路都唔叫飛，似呢啲人一直係咁入去。我再問門口嘅職員，佢就安排51號枱，跟住再問佢，居然發脾氣唔畀我哋入坐，繼續畀其他人入去坐，嬲到震搵經理投訴，又幫唔到手。根本就完全冇服務，態度又惡劣，居然話我自己唔入坐，咁樣做嘢都得，真係第一次。一定要劣評，飲茶都未試過係咁樣樣，直頭當你冇到，完全唔知咩係服務，咁樣去屈個客都有，都唔知點解仲可以生存，呢個真係一個非常不愉快的經驗。

早前Miss W👩🏻介紹呢間酒樓嘅點心放題質素唔錯價錢又平，咁今日就同🤴🏻去試吓先😚😚首先第一印象地點位置比較偏僻同埋今日係閒日又係下晝2:00去食所以酒樓都冇乜人，幾舒服又寧靜☺️☺️第二係可以每樣點一件，咁就可以唔使勉強自己個胃同埋試多幾樣嘢啦😘😘第三佢上菜速度都幾快落單後幾分鐘就上菜，更讚👏🏻👏🏻嘅係差唔多每樣都熱辣辣😄😄咁就重點講吓以下某幾樣😁😁蝦餃：好飽滿，啖啖蝦肉😝😝斑斕馬拉糕：好香斑斕味，馬拉糕質地鬆軟😋😋雞腳：好入味又軟熟，鍾意嘅就寫多幾隻，我點‘ 2 ‘ 佢就黎兩隻雞腳😂😂小籠包：叫咗兩隻都係一夾起個底爆開，漏晒啲湯汁😕😕杏仁茶：裏面有塗膠，但冇乜杏仁味睇食評話有不禮貌待遇，但當日店員都好好服務，可能係我好彩掛😊😊

點心水準可以的，下午茶人少，坐得舒服嘅，但係漏單，好多點心都無送上，最慘係食到背脊骨落，食點心放題，上菜阿姐放低第一道點心就叫人唔好點咁多，點一籠兩個包，我哋成枱人，點樣食唔曬呀，已經唔係狂叫，一枱人點心每樣只點兩件試下，啱食先再encore，最後只係落咗兩次單，成餐茶係咁鬧啲客點幾多幾多，食得好唔舒服，係咁俾佢話，又話隔離枱客點咁多！下刪幾百字係咁厭啲客，係大廳係咁鬧！究竟咩事！超掃興！絕對無下次！趕客！

今日相約盧媽飲茶，老人家當然是喜歡嘆茶，話說上次發現KCC可以更上一層樓之後，原來七、八、九樓有多間食店，在葵興地鐵站過來閘口，除天橋過來商場，就算日曬雨淋都唔使怕，所以知道依度有間酒樓真開心。梅菜义燒腸粉$29~梅菜义燒作餡料，相信啱老人家口味，但梅菜略咸，所以無需再加豉油了。潮州粉果$19~這裡沒有辣椒油，只能配豆瓣醬，感覺有點失色。荀尖鮮蝦餃(2粒)$16~太喜歡一籠兩粒這份量，就算單拖過來飲茶也可以，點多幾款點心。蝦球燒賣(兩粒)$16~大大粒蝦仁，這裡有兩粒選擇，對於二人作下午茶，相當合適，一讚。辣醬未算太辣，又幾合筆者喜歡。整體來說:茶芥每位$8,並沒有芥醬，只是加一，相當合理，而且鄰近地鐵站直達，天時暑熱及下雨天來這類食店，最適合不過。

星期六午市經過，以為在商業區服務的酒樓會非常專業！NO! ！！由安排入座問題已見劣質，明明回答是全場不設搭枱，理應2人、3人、4人都可安排4人枱？！只需分先後次序即可！我2人取號A15, 遲我下步的3人是B16，請問如何劃分？最後B16先入座大堂靠窗邊。這時才發現房間有2張4人吉枱，再追問接待員時，才叫我們入座房間吉枱。我先生忍不住要求接待員告訴姓氏，想向食肆反應意見，卻遭反向質問惡言😡😡今時今日的服務態度水平真的不得了⋯⋯

我上星期某日早上本來想試吓新嘢，點知比個樓面經理搞到好唔開心，我本來行入去飲茶，點知比個黑色衫男經理攔截住問我有冇訂枱我話冇，咁佢就話咁呀你唔好坐咁近人呀！跟住(心諗)本來話唔好坐人咁近都冇乜問題嘅！疫情關係都正常嘅，但係個男經理將我帶到去最近酒樓門口最近住電梯口最邊邊嗰張枱仲要比白膠板格住坐到最右手邊，酒樓入邊其實都唔係爆滿嗰隻嘅！本來我以為個個都係咁咁冇乜所謂啦咁我坐低飲茶啦！點知後來有兩個阿姨係我之後行緊入去，完全冇人攔住佢哋可以正常咁行入去行到去最多人嗰邊嘅枱坐低飲茶！點解淨係攔截我呢仲要將我安排到去間酒樓最邊邊嗰張枱呢？我即時呢好唔開心啦打電話同朋友傾！朋友問我嗰個經理係唔係當左你係賓妹啊？你知啦而家賓妹群組啊個經理實係當咗你啊賓妹啦咁樣嚟對你，咁我當時真係好唔開心即時起身走人，走出搭lift囉叫咗茶都唔飲囉！咁嘅酒樓仲有人話佢哋服態度親切，完全係呃人㗎囉，呢次都係我有史以來第一次寫嘢因為真係好唔開心😫從來都未試過飲茶受到咁嘅待遇真係嬲到爆囉😡

➡️食盡荃灣之茶樓 — 名苑酒家—————————————————————呢間茶樓最近新開張，咁岩經過葵涌KCC商場，就一於順路一試佢d點心啦！😛🔸 鮑汁炆鳳爪推介！鳳爪炆得好淋又入味，而且又有彈性，感覺食咗好多骨膠原落肚， 份量仲幾多下！😆🔸 鮮奶一口酥呢個都好食，唔係一味勁甜，而係有奶香但又唔會超甜，好味😋🔸 燒鵝米線呢個就一般般啦🤫鵝肉唔係好多，而且上碟時唔夠熱🤔🔸黃金炸豆腐睇相係咪都覺得份量好大呢🤣呢碟真係抵食，而且炸皮唔會太厚，熱辣辣食個陣小心d呀😛🔸蝦米腸粉普通水準，冇咩蝦米香，煎得一般，可以不試🤔💭Overall comment:新開張黎講，水準都唔錯，特別係個鳳爪，希望之後可以keep到，人流唔多，lunch time都唔洗等位嫁！🍽食物: 7/10🌌環境: 6.5/10👔服務: 6.5/10🎖CP值: 6.5/10

自上一手酒樓走左，取而代之便是名苑，點心比以前出色，待應門親切友善😊雖然選擇不算多，但出品食物新鮮，最喜歡菠蘿叉燒包， 外脆內軟，每次去到第一樣點心就係叫佢。值得推介朋友去試吓