名煌金閣

營業中

休息中

去咗間人氣餐廳，食咗四樣菜，每樣都係勁開胃。蒜片燒汁安格斯牛仔粒😋，肉質嫩滑，咬落去juicy爆汁，蒜香撲鼻，勁夠哂口味。鹹蛋金沙骨🤤充滿咸蛋香，啖啖肉，食落去唔覺油膩，骨酥肉香真係痴緊口。大澳蝦膏肉片蒸豆腐，望落簡單，但蝦膏鹹香惹味，配上滑嫩豆腐，真係撈飯神器！長沙灣區通常小店多，但今次呢間，實在係有驚喜，裝修讚，服務靚。當然唔少得提下港人最愛嘅龍躉魚米之鄉，實行新鮮肥美，炒米添咗口感，好正；同杏仁茶就真係飲好飲滿，微微杏仁香，滋潤得嚟又唔甜膩。今次食得開心又滿足，下次仲要黎呢！👍👍👍

--舟山海哲-- $68爽口前菜--金磚豆腐-- $58外脆內軟，一口一粒--鳳梨脆吱咕嚕肉-- $168豬肉質不錯，啖啖肉，酸味適中，再加上鲜菠蘿--原籠荷香金銀蒜蒸龍躉球飯-- $168份量足，魚鲜味混和著荷葉清香，味道完全滲透在飯中--黃金蝦多士(六件)-- $138蝦肉口感鲜而彈，多士脆炸上枱，再配小小沙律醬入口--脆皮吊燒雞-- $168外皮薄而脆，肉質鮮嫩--荔芋香酥鴨-- $138這款傳統菜不是很多粵菜餐廳有得食，見到一定要捧場，否則買小見小。內涵藏著芋頭溶再夾著碎鴨肉在底，外皮係芋角皮包圍住

很久之前已經想來食，久仰大名，但一直抽不到時間，今日中午終於抽空來食，12:40入場不用排隊，但不久已經差不多滿座。我是平日來吃，有午市套餐，真的不貴，而且不用茶位加一。點了海皇魚翅撈飯（$78）和金銀蒜蒸龍躉飯（$88），兩樣都送燉湯食了一半才記得影，海皇包括帶子和蝦，和少量魚翅，芡汁好食，飯底有蛋夠香，調味剛好，濃厚得來不膩也不過鹹。當然帶子和蝦是冰鮮的，但沒有明顯腥味，性價比極高。龍躉應該是新鮮的，加蒜蓉味道剛好，魚肉爽滑，魚油都香，雲耳略鹹，飯底都是加蛋炒過，$88誠意滿滿，沒有什麼好挑剔。燉湯飲到一半才影相，味道清甜，以送的來說極高質！中式餐廳來說，菜式特別又有心思，性價比又高，個人認為此價難逢敵手！

爸爸生日飯，一行四人，當日中午訂位6:30冰鎮鮑魚剛好合我口味，覺得唔錯鴨舌少少鹹雞煲翅好足料好好味，每人有兩碗花膠白菜仔正常西蘭花炒帶子，煎得剛剛好好香魚米之鄉沙巴龍躉仔好有驚喜，加上鮮淮山養生之選，魚湯好鮮甜，每人都有一碗最後甜品棗皇糕不太甜，暖暖地煙煙靭靭店員好有禮貌，食飯其間有客walk in 都無位，想食要預早訂定位，今日原本有另一間心水餐廳同名煌金閣二選一，但另一間的店員惡評如潮，一家人食個開心飯，好彩我哋無揀錯

點左個金銀蒜蒸龍躉荷葉飯同海皇西施龍蝦湯泡飯。個金銀蒜蒸龍躉荷葉飯好出色，首先一到已經覺得好大份，飯係炒飯底唔係白飯，粒粒分離粒粒有蛋香味，就咁食都覺得好好食，仲有大大舊魚肉係上面，啲魚肉口感好爽口，啖啖肉好正~個人覺得如果細食啲，兩人share食都得海皇西施龍蝦湯泡飯相比之下就失色左，但其實都唔錯，係龍蝦湯比我預期無咁濃味，不過呢個價錢，其實都好合理哈哈~食落唔會覺得係味精湯，好甜，同材料都足夠~總體我覺得性價比高，好足料，會有下次~朋友話魚翅飯都好出色，下次試下~

經朋友介紹，本以為平平無奇的小菜館，暗藏驚喜，回味無窮。由前菜到糖水，無一不讚嘆。醬油蘿蔔皮及麻辣鴨舌，爽脆又開胃。招牌雞煲翅，湯濃料足，價錢經濟實惠。推介!! 必食$328/份(4-6人), $188/半份(2-3人)。鮑汁雞腳，雞腳夠淋又入味，配以赤豆香濃可口。蝦子柚皮，入口軟棉，味道口感尤其突出，工序繁多，食得出廚師的心機。蒜茸粉絲聖子皇，蒜夠香，粉絲夠入味，聖子爽滑。魚米之鄉(虎杉斑)，湯底濃郁，魚肉嫩滑，米通香脆可口。蜜桃京都骨，外脆內軟，骨肉分離，口感豐富。鴛鴦蝦球，香酥/爽脆兩種體驗。鮑魚雞粒砂鍋飯，濃濃飯香，材料十足。大澳蝦醬蝦乾啫啫唐生菜，香辣惹味。

假日訂咗位夜晚嚟食，本身諗住傍晚6點幾都算早，大概唔會有幾多人，但原來咁早都爆場。眼見現場職員都算多，應該老闆一家都落埋場，但仍然做到踢晒腳，或者好多菜式都係即刻炒起即刻出爐，所以要啲時間。第一次嚟本身諗住係普通酒樓咁，冇話非常大期望，但食完發覺道道菜式都好惹味，真係好有鑊氣，新鮮熱辣上枱，呢啲絕對唔建議外賣呀，因為要堂食先食得出嗰種味道，外賣拎到返去個色香味應該減半。係連配菜、平時唔起眼既伴碟都好食。不過就太多油，連我平時重口味既人都覺得過多，可以落少啲油。整體唔錯，值得一試，得閒食下。

爸爸生日搵到呢間中菜見評分都唔錯，決定帶埋屋企人嚟試下星期六中午嚟到，剛剛開舖比我哋任揀座位媽咪揀咗半圓形的卡位坐，坐得好舒服又闊落加上呢度裝修別緻，兩老坐底第一時間就影相卡位對外係幾張大圓枱，環境乾淨利落-睇食評必點係雞煲翅我哋4人點咗半份$188上菜時職員會幫你分好喺細碗而雞係另外放係碟上配埋豉油半份再分四碗，每碗夾起都有唔少翅奶白色雞湯非常濃厚而不油膩-金銀蒜蒸龍躉飯龍躉新鮮肥美，好多蒜勁香可能蒜多關係少咸但配埋荷葉炒飯balance 返-鮑汁蝦籽柚皮炆鴨掌鴨掌非常入味，食到好多骨膠原，美顏👍🏻柚皮都炆到好林又唔會散哂-鮑汁參菇炆伊麵午市只係68就食到，真係好抵海參爽口，伊麵掛到鮑汁又唔會炆到一pat pat-食物整體味道唔錯，跟餐的燉湯都好味最值得食係雞煲翅午市免茶免加一，非常抵食環境舒適，服務唔錯，可以再來

同屋企人試呢間好多好評既店晚市分兩場 我地食6-8 食左以下既野🥰金銀蒜蒸蝦飯我高度推薦 呢個飯好香炒飯底係金黃色的 蝦份量多又彈牙 我比滿分！😝魚米之鄉呢個鎮店之寶 真係幾好食個湯鮮甜 配埋佢裡面有d咬口既飯粒 真係好特別椒鹽鮮魷去到邊都要嗌下炒野黎食呢個鮮魷係真係鮮架 冇呃人的 所以真係材實料 大大粒既海鮮 好新鮮陳皮欖角骨呢個就一般般 哈哈 總括黎講呢間既食物質素高 服務好 （d姐姐好nice ) 令我地食得好開心 希望你地努力！

Order左：（4人食）$1300左右1. 雞煲翅 - 最好食，非常濃郁，啲翅都算多2. 麵醬生菜 - 鹹咗少少3. 䄂皮鵝掌 - 䄂皮整得一般，鵝掌都炆得入味同埋林4. 燒豬手 - 滑同香，皮非常脆，好食5. 豉油王蝦 - 蝦唔夠新鮮6. 紅棗膏 - 濃郁嘅紅棗味，甜味適中，香軟可口7. 杏仁蛋白 - 可以接受，有杏仁香，蛋白都滑，但係喺出邊街食都食得到價錢係偏貴，但野食算係好食了😋適合帶屋企人嚟慶祝節日或者生日🎂環境都幾好坐，不過要預約咗先

早前父親節飯，揀咗最穩陣嘅中菜💕 餐廳以粵菜為主 ， 裝修清雅別緻，除咗唔同種類嘅小菜，亦有鮑參翅肚嘅選擇，價錢相宜。招牌菜包括有經典雞煲翅、荔芋香酥鴨、鮑汁蝦子柚皮等。可能因為臨近父親節， 只有套餐及特定小菜可選擇，唯有下次再𝖾𝗇𝖼𝗈𝗋𝖾. 😋❤︎•-----•❤︎ •-----•❤︎ •-----•❤︎ •-----•❤︎🍲招牌經典雞煲翅（4-6位用）$468其實好耐未食過翅，飲落都有驚喜雞湯濃郁鮮甜，翅嘅份量亦足夠😋🦆荔芋香酥鴨 $128外層脆口酥香，裏面芋泥嫩滑，底層配以去骨鴨肉，但食落一啲都唔會油膩，可見師傅工架👍🏻🍍鳳梨脆皮咕嚕肉$128金黃色嘅咕嚕肉，外脆內軟，配以啱啱好嘅酸甜汁，好開胃🐖柚皮排骨煲$128柚皮質地類似海綿，與排骨配搭在一起,柚皮充份吸收蒸製時釋出的肉汁,而排骨則吸收了柚皮特有的清香.互相輝影,係最佳拍檔🦐海味雜菜煲$98蝦乾、木耳、冬菇、粉絲、西蘭花、白菜仔等，大大份，夠曬熱辣辣，健康之選🥦西蘭花炒帶子$168一上枱就聞到好香，廚師有用心煎香帶子，表面帶有焦糖色，咬落去鮮甜多汁👍🏻 有驚喜🐟原籠荷香金銀蒜蒸龍躉球（炒飯底）$168等咗30分鐘係值得嘅，一放低就聞到

係FB見到朋友post即刻好想試，以為好貴但價錢合理，優惠係冰鎮鮑魚同雞湯翅二選一，我們選了$188雞湯翅2~3人，味很濃雞好滑但翅份量一般，二人剛好，第二碗已經冇翅😅魚湯好鮮甜魚肉很滑配米通很特別又香口，杏仁茶都是必叫，甜度剛好，不會太甜，但二人呢個份量，三樣美食已經令我捧腹滿足🥰

話說因為有朋友生日所以四個人一齊去聽聞長沙灣呢間中菜幾好食所以就book咗時間過嚟試一試.我哋四個人就嗌左1. 舟山海蜇2. 麻辣鴨舌3. 金磚豆腐粒4. 鳳梨脆皮咕嚕肉5. 奇趣小炒王6. 黃金脆鮮魷7. 爆米花沙巴龍躉8. 白飯😹.首先講一講個海蜇彈牙得來夠爽調味相當恰到好處讚.麻辣鴨舌超好味夠麻夠辣好惹味出色！.金磚豆腐粒豆腐外脆內軟熱辣辣豆腐味濃且香好食.鳳梨脆皮咕嚕肉鳳梨少酸咕嚕肉係我鐘意既瘦肉味厚 脆香good.奇趣小炒王內有蝦乾，韭菜花，炸芋片，腰果乾等‥林林總總好多配菜炒得夠乾身 好食.黃金脆鮮魷咸香 重手咸蛋黃重重包住魷魚炸後略嫌有少許油膩.爆米花沙巴龍躉魚夠滑 味道好4人份量岩岩好湯好飲.呢間絕對可以encore

放縱星期四團隊今次來到長沙灣的名煌金閣。每枱可以用一個優惠quota, 我哋揀用$188來試他們的雞煲翅。超。好。食。呀！湯好濃郁，好足料👍🏻 誠意推介試埋佢哋嘅冰鎮咕嚕肉。一上菜，見得十幾件，冰多過肉，個碟超太，肉得十幾件，好稀疏😅。而每一件亦比較細。本身個汁都甜酸好食的，份量方面可以調節一下會更好。見到冰鎮鮑魚$28一隻，諗住咁低，每人一隻，點知我哋已經用咗我哋嘅優惠額，我哋要$38一隻，叫兩隻試吓，好食再追加……最後吸引不到我們，味道偏淡，鮑魚質素偏冧，唔夠爽口。叫了條龍躉仔，鮮甜好食，湯都好飲，加埋米通脆脆粒更香口。沙薑煎雞比預期差，煎得啲肉乾了。蝦乾銀蒜蒸勝瓜， 蝦乾鹹鹹香香幾好食😋

朋友公司最近搬咗過咗長沙灣，相約筆者晚飯一聚，兩個人太耐冇見，相約一定到。店內裝修頗新，兩邊卡位，右手邊那個圖形卡位，適合四位朋友傾談頗舒服。由於我們二人，雞湯翅又可以半份上，一於試下二人前份量如何⋯⋯招牌雞湯翅(半份)雞湯份量適中，二人剛剛好。就算二人份量，店員也不馬虎，細心地分上⋯⋯由於朋友㕑藝了得，一見雞身就指出，雞毛仍未清理徹底。鳳梨咕嚕肉$128~用上新鮮鳳梨，咕嚕肉帶點肥美甘香，粉薄而脆口，做得不錯。椒鹽鮮魷~Juicy 有咬口，適合大伙兒。蛋白杏仁茶~由於唔夠熱，蛋白杏仁茶帶點分離，還有進步空間。整體來說: 小店中，服務態度不錯，三兩知己飯聚小天地。