影片
乾炒牛河略嫌碎濕濕，但牛肉幾好，河粉炒得普通，味道酸嘢味而且加了適量芽菜，如果河粉能夠改善會更加好。涼瓜火腩飯做得幾好，涼瓜好爽夠味道。很久沒吃過火腩超滿足😀奶茶和凍檸茶正正常常做得不錯。其實這間茶餐廳下午茶的菜式十分豐富，林林總總，輕食的有豬扒包、吉列魚柳包、奶油豬等等，飽肚的有鹹魚雞粒炒飯、粟米斑腩飯，連焗飯都有，焗黑椒雞球和咖喱牛腩飯等任君選擇，全部低於$50，算是抵食。到這間餐廳食下午茶其中一個好處是較少人，座位寬闊，增加社交距離，我們下次會試試其他的下午茶😀
繼續閱讀
九龍灣返工，食晏有好多選擇，但係唔係間間都食得呢？除左呢間：名晏坊😆坦白講，我唔知係唔係最好食，但一定唔會難食，而且最正係啲嘢食無落味精，至少我覺得係😂食完都唔會成個晏晝狂灌水👍🏼尤其是係我而家大左肚之後基本上一個星期有3日都食呢間😂😂😂每日都有唔同選擇，外套自取仲要有9折，有湯飲先係最正！除左午市套餐之外，炒粉麵都好夠鑊氣而且份量都唔少（個人認為）仲有另一介紹係我最鍾意食嘅梅菜扣肉飯，汁唔會太鹹，扣肉啱啱夠淋個人覺得係好正
繼續閱讀
公司搬左之後而家繼續去發掘下有咩新餐廳可以試下先！今日行遠左小小去到呢間名晏坊，個門口唔係好明顯，但出面放左個午餐牌係度，都有成6 7個餐揀架！如果啲餐唔啱，佢啲即炒野都好吸引，係小小貴，同出面港島啲茶記有得揮(個價錢)今次我公司有10個人嚟食，但佢得張8人圓枱，坐得有啲迫，都無計啦。大家第一次嚟就食佢d午餐，有梅菜扣肉，粟米斑腩，咖哩牛腩，上菜上得好快，份量都好足，食物都算唔錯，但有同事飲左杯凍奶茶話中左伏，完全唔好飲，下次有勇者可以一試睇下有無講錯！
繼續閱讀