4
3
0
港鐵黃埔站 A 出口, 步行約5分鐘 繼續閱讀
所有分店 (2)
電話號碼
2330 2968
營業時間
星期一至日:07:00-23:00
付款方式
現金
其他資料
酒精飲品
電視播放
食評 (8)
等級4 2017-01-18
120 瀏覽
名廚位置偏僻在紅磡村內, 區外人睇怕都好少摸到這裡來, 我反而間中會到來午餐. 今晚和朋友共5人是第一次來晚餐等齊人期間見到牆上貼了馳名椒鹽豆腐相片, 就先來一客吧 ! 皮脆內軟, 2條友飲住啤酒送豆腐, 眨眼食哂.齊人開飯點了: 台式三杯雞, 不要理會正不正宗, 祗可以說汁濃雞滑, 送飯一流臘味炒芥蘭, 冬天嘛 ! 當然要點冬天必食的家常菜, 芥蘭夠嫩 (不過冬天芥蘭基本都一定靚), 這店選用的潤腸相當不錯, 鮮鴨潤腸入口充滿玫瑰露香金沙大蝦球 -放上枱時見樣都已經知佢熱辣辣脆卜卜, 但 因當晚喉嚨有點不妥所以我放棄了, 但朋友說需咸蛋王少了點但雪藏大蝦也有蝦鮮味,  佢一個食咗3件菠蘿咕嚕肉 - 聽聞是這店的皇牌之一, 咁食落真係比好多大酒樓和食店出色, 梅頭肉肯定是即點即炸, 咬入口是鬆脆的, 酸甜汁適中沒一般太醋酸搶喉的弊病. 生炒糯米飯 - 寫是咁寫, 但大家都明白一般坊間小店怎可能是生炒, 但這店的糯米飯真係做到不用太多油去炒也能飯粒分明, 所以入口油膩感不大, 反而有點令我錯覺也想是不是生炒呀?! 需然臘味是少了點, 但味道調得相當不錯, 高手水準, 以 $78 的價錢係好抵食好好食. 因為糯米飯咁出色, 大家要來一個相當普通但也相當考功夫的乾炒牛河, 可以說這小店的乾炒牛河勝過一般大酒樓, 用的河粉夠薄夠滑, 師父功力足條條河粉獨立分明沾滿醬油香.  另要讚一讚這茶記的樓面伙記個個好笑容好招呼, 反而老闆木口木面好木訥埋單 $630 抵食好食 繼續閱讀
(以上食評乃用戶個人意見 , 並不代表OpenRice之觀點。)
等級3 2016-07-01
540 瀏覽
和朋友午飯,上網揾到呢間,好評如潮,即管去試下,果然有驚喜,睇餐牌就知有誠意,好多菜式都未聽過,我地兩個揀左兩個餸,花雕蛋蒸蟹,無花果咕噜肉,聽名就已經好吸引…個花雕蛋黃蒸蟹,真係拍手叫絕,淡淡花雕香味和蟹嘅鲜味互相交織,蛋黃好滑,是味覺上一種超然享受無花果咕嚕肉,也不錯,酸酸甜甜好醒胃,但我就食唔出係無花果蟹肉結實鮮味 繼續閱讀
(以上食評乃用戶個人意見 , 並不代表OpenRice之觀點。)
等級4 2015-04-08
476 瀏覽
在一個天氣咋暖還寒嘅月份, 來了四次名廚, 好壞參半, 只能說十隻手指有長短, 唯有在未來的日子, 落柯打時盡量避重就輕吧!06Mar. 咕嚕肉飯 - 咕嚕肉新鮮炸出來當然夠香脆, 伴碟的菠蘿,雜椒, 洋蔥片稍嫌不夠, 汁亦是緊緊夠沾滿咕嚕肉, 咕嚕汁味道稍嫌不夠強列, 這種汁比較標準的味道通常應該是第一啖最好是吃時一股甜味而後迎上一陣酸味, 可惜的是通常那股酸味只會是沒有層次的酸, 這可能同廣東人一般不太愛吃醋有關,13Mar. 客家豬肉飯, 客家即是豉油炆豬肉, 豬腩肉連皮炆, 口感剛剛好沒有炆過了頭, 甜豉油汁好味, 內有咸菜加強味道,16/Mar. 葡汁海鮮烏冬 呢個比較上算是失手之作, 烏冬燙熱水後, 在面淋上一個葡汁, 海鮮只是幾件炸魚塊, 無味但爽口嘅版仔, 蘑菇片,甘荀片, 蟹柳都出埋, 葡汁只是個鮮黃色嘅椰味獻汁, 烏冬則是最行貨那種一咬即斷口感, 真的不行啊! 這個烏冬!30/Mar. 义燒撈麵, 撈的是粗麵, 個麵OK但义燒要切條還数不到有多少條, 其他的只能靠芽菜, 蔥段搭夠吧! 個撈麵汁味道都還可以的, 份量少得可以! 繼續閱讀
(以上食評乃用戶個人意見 , 並不代表OpenRice之觀點。)
在紅磡區內有兩間”名廚”,一間在黃埔紅磡灣中心, 另一間則位於紅磡村公屋地下的一個鋪位, 位置上同工廠區只一條樓梯之隔, 同我公司算係近, 這陣子去咗幾次, 每次都係試佢嘅午餐, 整體是味道不會太濃但某些材料會做得較出色而有某些又可能局限於材料一般犯的都是一些通病!但無論如何例湯是真材實料嘅貨色, 完全沒有用味粉搭夠的動作! 至於午間碟頭飯則好壞參半, 明白局限於賣餐的價格難免將貨就價, 無法強求!27 Dec. : 鳳爪排骨飯, $35 份量唔算多無論是鳳爪或者排骨, 不過將切散咗嘅鳳爪拼番埋都有一整隻嘅, 排骨是一字骨算有良心, 飯可能係最弱嘅一環- 好削呀d米! 同時因為個汁沒太多所以米飯又削又乾, 酒樓用嘅商業米都好難有要求囉!10/Dec. 味菜牛柳絲河, $36 賣相好豐富因為整個面都鋪滿汁, 汁嘅味道剛剛好沒有太重手有落豆鼓但豆鼓味並沒有太感覺到, 牛柳絲當然係被梳打粉醃過的牛肉絲不過還有些少牛味殘留嘅! 蔬菜類亦比想像中的多,芽菜/ 紅椒絲/ 青椒絲都有,12/Dec. 這天是同太座一起來, 叫了鮮茄雞絲飯$34 &芥蘭爽肉飯$36芥蘭爽肉飯, 菜份量夠多, 爽肉醃味夠而沒有Over, 汁沒有太多,鮮茄雞絲飯, 鮮茄同一般嘅港版鮮茄汁一樣- 多甜少酸有色但沒太重茄汁, 雞絲沒有味, 主要是件雞扒沒有味, 洋蔥絲亦夠多!19/Dec. 自己一個來叫咗滑蛋蝦仁飯$36 , 呢個係在這裏食咁多次最差的一次,碟飯賣相ok嘅, 蝦仁實在沒有味道只有爽口感, 好傳統的沖水蝦仁, 始終36蚊嘅蝦仁飯就會有呢d情況出現, 個汁是半透明嘅蛋汁, 再平均灑上蔥花, 漂亮嘅presentation! 繼續閱讀
(以上食評乃用戶個人意見 , 並不代表OpenRice之觀點。)
等級2 2014-03-23
513 瀏覽
江湖傳聞呢度老細們係退体美心大厨,每次都想求証,但每次因為掛住食都冇左件事,今次終於得到答案,吾怪得d菜式好味之餘,擺設都非常講究,一行13人到此食好野,今次已是第3次來食,海鮮要3日前預定,原本想吃火瞳翅(20両翅),但老細話做价好貴,要成2000先一窩,最後打消念頭,改為燉湯,每人4佰零蚊.汁燒大蝦,好味又夠大只,賣相好有心機擺.上湯焗龙蝦伊麵底,訂既時侯講明買到边种食边种,勝在新鮮不時不食.聖子皇今次冇上一次咁大只,過都夠新鮮.我最喜歡既凍食鮑魚還有清蒸沙巴龍躉,上湯浸菜,菜胆雞,脆皮豆腐拼大腸,而糖水同生果盆就是送的. 繼續閱讀
(以上食評乃用戶個人意見 , 並不代表OpenRice之觀點。)