13
8
2
港鐵黃埔站 B 出口, 步行約6分鐘 繼續閱讀
所有分店 (2)
電話號碼
2333 1177
營業時間
今日營業
07:00-23:00
星期一至日
07:00-23:00
付款方式
現金
座位數目
80
其他資料
電話訂座
外賣服務
電視播放
招牌菜
龍蝦 蟹鉗
食評 (25)
等級3 2016-01-11
1007 瀏覽
今日約左人一齊食晚餐男朋友話呢間啲煲仔飯好好食,想試埋羊腩煲就試下啦去到即刻叫左個臘腸膶腸煲仔飯因為要等差唔多廿分鐘真係即整之後叫左羊腩煲,啫啫芥蘭,椒鹽九土魚全部野食都好好味 羊腩煲唔係hea野 勁足料 有勁多羊肉 仲要唔un 又多枝竹真係好正啲羊味道勁大so味 岩哂啲重口味嘅人個汁又重南乳味 但因為係咁煲下煲下 所以食到最後有啲咸個啫啫芥蘭煲有好多蝦乾上黎熱辣辣又唔太咸又唔太淡仲要有很多肉碎去餸飯 好美味囉椒鹽九土魚唔會好多炸皮係到 仲有醋比你點埋一齊食 卜卜脆 用醋又可以帶出鮮味最後個煲仔飯豉油係分開上嘅 你中意落幾多就幾多佢啲臘腸膶腸平均分佈係飯上面攪均後可以食出啖啖飯有陣臘腸膶腸香飯又唔會太濕真係值得推薦 繼續閱讀
(以上食評乃用戶個人意見 , 並不代表OpenRice之觀點。)
這間食肆坐落於紅磡的富貴屋苑裡,而且店名「名廚」看起來似是有著一股氣派。以前小妹都有來幫襯過,水準屬中上。今次再來,發現內部裝修過,燈光變得光猛點,環境比以前茶記格局提升了一點點。不過原有的卡座和方桌都「有得留底」。不過慳妹原則:入來食店不是「食環境」的。所以在午市期間叫了一個「碟頭飯」,餐牌依然是包羅萬有,而其中每日都有五款被納入午市快餐,賣平D,送餐來得快D咁啦。即使叫單頭在午市都會送湯和餐飲(熱飲)的,所以不少街坊和附近工作的人會湧到這店來吃。員工都係快手快腳。配合新裝修,也改了用一個兜來盛放餐具。我吃了一個簡單的豆腐斑腩飯。碟頭飯依然是大大碟(小妹忘記了叫「少飯」),數埋都有四﹑五件豆腐和兩大塊加一小塊斑腩魚塊。用料依然豐富。伴飯的獻汁稠度適中,有琉璃獻的晶瑩度。味道不太鹹,可以。而豆腐清清淡淡,外皮薄而內裡嫩滑。斑塊有薄薄的脆漿包裹著來炸成,不過炸得較為乾身,若然沒有沾上獻汁便顯得無味。飯較硬身,間中有一塊塊「飯團」。 繼續閱讀
(以上食評乃用戶個人意見 , 並不代表OpenRice之觀點。)
等級2 2014-12-14
519 瀏覽
行經過,見咁夜仲好多人去食,建議男友去呢間食,因為附近既食店,空空無幾。見到二人餐只係$140,有三款湯可選,我地一齊揀左鹹蛋芥菜肉片湯,咖哩牛腩煲同馬蹄魷魚蒸肉餅。估唔到佢黎左一大碗湯,有4小碗,味道唔錯,食材新鮮,份量好足。咖哩牛腩煲煲得好冧,唔黏牙,好多件,而且好大塊,啖啖肉,至少唔會菜多肉少。馬蹄魷魚蒸肉餅好大份,豬肉好新鮮,不過有點鹹,食唔到有魷魚,有點失色。飯後仲有2碗甜品,今次係腐竹糖水,店員話唔一定有,要睇下該日派曬未。原來理工學生去食會有優惠。 繼續閱讀
(以上食評乃用戶個人意見 , 並不代表OpenRice之觀點。)
等級1 2014-05-20
260 瀏覽
落單錯, 樓面一句 “唔知喎“出單慢, 樓面一句 “唔知喎“好明顯酒吧玩嘢, 故意唔做樓面啲單隔離枱出錯單, 居然屈人地有冇落錯單第一次也是最後一次, 茶餐廳也能獲得此劣評, 不去也吧!反正紅磡還有很多餐廳 ! 繼續閱讀
(以上食評乃用戶個人意見 , 並不代表OpenRice之觀點。)
等級3 2013-07-23
140 瀏覽
最近唔知點解好鐘意食咖哩牛腩飯,見到名廚的下午茶餐都有咖哩牛腩飯 ( $28/ $29),一於點一客試下。等左差唔多6分鐘就有啦。佢的咖哩牛腩係同飯分開的。一開似見到咁多汁以為得幾粒牛腩仔,不過食落都有5-6 粒牛腩,仲有啲薯仔做配菜,都幾足料。牛腩幾腍,咬落去有汁,亦都幾有牛味。啲咖哩比較鹹,有小小辣粉的味道,不過唔夠咖哩的香味。個人比較喜歡有耶香味的咖哩,如果加小小耶汁去咖哩到就好啦;)華田好似沖得有啲淡。服務正常。 繼續閱讀
(以上食評乃用戶個人意見 , 並不代表OpenRice之觀點。)