名峻會 (莊士倫敦廣場) (已結業)

喺呢間中菜廳，真喺簡單一食，但食得幾過癮👌！咕嚕肉一入口，啲肉質招牌嘅脆與柔合體，真喺酸酸甜甜，食落仲有啲冰鎮嘅清新咁。碌鵝嘅制作真喺厲害，半嚿脆脆嘅脆皮配嗮潤澤嘅肉質，好有層次感噃。至於小炒王，熱辣辣一嚟，你話佢好唔好食？材料豐富，咸甜香辣，幾撲鼻，食落真係系得盞🍺！賽螃蟹蛋白就係另一場嘆為觀止嘅滑嫩饗宴，元貝同蝦肉增加咗海鮮嘅豐腴，嗌飯真係無得頂！時蔬菜心出奇咁清新，食落舒服得滯。椒鹽雞軟骨質感爽口，小小咬落嘅脆卜卜，伴埋一支清新嘅Corona Extra，又或者夾啲桌球麻雀，正！總括而言，我覺得食物做到港式樸實之餘，仲有啲小創意，值得推介👍！…查看更多

可以坐得耐，可以傾吓計，又可以玩吓，又有野食，呢個地方啱晒，獨立房間，電動麻雀枱，房內有獨立洗手間，冷氣可以自己較，每個鐘姐姐會入來加水，1188（1080 加一）8個鐘連四餸一湯，仲幾好食，成個package真係幾正。…查看更多

想搵個私人空間傾下計食下飯聚下，再順便手痕。一次過滿足晒所有願望😝出面租party room 要一定既價錢，仲未包食野。平時食飯人均都過百，甘真係不如有飯食有牌打既雀仔會。12點打到6點，全自動麻雀機，又可以慳返啲時間打多幾鋪😝一上去應該係太早？得我地，即刻叫雀局小菜套餐，4小菜1湯。喺麻雀枱上開餐。金薯蜜椒牛柳粒薯仔粒炸過，掛捚啲蜜汁，甜得黎少少黑椒。牛柳粒好淋！滑蛋蝦仁🍤真係滑蛋架！蝦仁都大粒，無雪味。咕嚕肉有中菜館水準。脆，下次要試下另一款有冰既！啫啫生菜煲都好食！夠熱夠入味！送白飯，正！例湯轉左個粟米魚肚羹比我地！好味😋溫馨提示，呢度係要比現金👍可以叫飲品上黎飲架！今日又有得玩，飲飲食食爽吖！😎…查看更多

冰陣咕嚕肉好特別，外層被冰包住凍的，但裡面是熱的，外皮甜甜哋又脆脆哋好味，有酸曉頭伴上幾特別，可惜沒有菠蘿。欖菜骨也好好味，雞軟骨上枱時剛炸好脆脆的，福建炒飯略咸，淡番少少會更好味，薑蔥魚也是好有穫氣。…查看更多

七月唯一嘅七一長假期，竟然喺颱風之下渡過，所有戶外活動都取消晒，但約好咗成班朋友又唔想掃興，有人就提議去雀會，賭神即刻介紹我哋去呢間名峻會。呢度位於莊士倫敦廣場13樓全層，一出𨋢就見到有兩張桌球枱。再行入去就有十幾間麻雀房，部份房間仲有窗可以望到尖沙咀景觀，非常開揚。呢度提供嘅中國茶可以每位都唔同，有獨立保溫壺盛載，打麻雀就啱晒啦。打雀局嘅好處，就係可以隨時叫嘢食，首先我哋揀咗金薯蜜椒牛柳粒，薯仔同牛柳粒都有蜜糖同黑椒包住，用嚟送飯一流。西蘭花炒蝦球賣相真係有酒樓水準，蝦仁又大又爽口，西蘭花都好新鮮。店員仲推介我哋試呢個冰鎮咕嚕肉，咕嚕肉用冰塊全面覆蓋，真係夠晒冰鎮。打撈一輪之後，一粒粒咕嚕肉就呈現喺眼前。…查看更多

餐廳位於莊士倫敦廣場13樓，由佐敦地鐵站Ｄ出口行大約２分鐘就到，非常方便。一入到去就見到兩張美式桌球檯，而麻雀檯就有獨立房間，私隱度高，就算同雀友玩得太興奮都唔怕吵襯隔離另外重有啲大大間嘅party room可以唱K，有啲房甚至有獨立洗手間，全部設備都好新淨企理。職員熱情友善，我哋今日兩個人嚟到，都有得包廂，環境寬落舒服名峻小炒王 $108材料有韮菜、蝦乾、魷魚同腰果等，即叫即炒，鹹香惹味，鑊氣十足，無論就咁食定送飯食都咁正。欖角骨 $108睇openrice見好多人推薦呢個欖角骨，果然冇介紹錯！醬汁香甜開胃，帶有陣陣嘅欖角香味，排骨本身有炸過，外層香脆，肉質軟腍，好正好入味！椒鹽豆腐 $58又係熱辣辣新鮮送上，炸皮夠薄夠脆，中間嘅豆腐嫩滑有豆香，加埋啲椒鹽，梗係冇得輸蒜香牛柳粒 $68啲牛柳粒本身都靚，肉質軟嫩，有牛味，簡簡單單加啲蒜粒煎煮已經好好食。…查看更多

星期一黎到佐敦名峻會，莊士倫敦廣場上一習，等升降機直上就到。呢到四人一房，私隱度相當高，而且房內有電視，房內隔音幾滿意，關上面都幾靜，房內無最低消費額，可以坐一個晚上。侍應阿姐招呼週到有禮，一黎就問飲咩茶，好有禮貌。今晚就點左3餸1炒飯。咸魚雞粒炒飯 $78啫啫四季時菜煲 $98菜甫肉鬆煎蛋 $98薑葱霸王雞（半隻）$118咸魚雞粒炒飯係全晚最好食既一樣，蛋同飯炒得粒粒分明，雞粒大大粒，亦有咸味☺️菜甫肉鬆煎蛋既菜甫超香口，呢d 傳統菜式唔係成日食到，呢度整得有鹹香味，而且已經切好咗一塊塊，非常方便🙂晚餐梗係要點菜，所以就點咗個啫啫四季時菜煲，蒜蓉香又有油香💕🥦加咗少少辣椒但係唔算太辣！🌶薑葱霸王雞淋上蒸魚甜豉油，配上大量薑蔥，鷄件肉質算幾嫩，連薑蔥一齊食，味道幾清淡，唔食皮嘅都可輕易整走。呢度環境唔錯，估唔到佐敦都有呢d 地方，就算唔打牌就咁上黎食飯都得…查看更多

環境舒適，有獨立房，私隱度高，房入面仲有電視👍🏻 仲有得打桌球，麻雀同唱k😂 啱晒一大班朋友嚟玩~1️⃣酸菜魚份量夠晒四個人share，魚肉好大件嫩滑，酸菜勁多，食極都仲有，仲有好多配料🤤 夠晒開胃，食到唔停口~2️⃣欖角骨肥瘦適中，味道香甜，加上清香欖角味，均勻沾滿醬汁好滋味juicy🤤送飯最啱！🍚🍚🍚份量都好多👍3️⃣啫啫生菜煲熱辣辣，爽脆鮮甜，落左蝦醬，加上肉碎食夠惹味🤤🤤🤤…查看更多

位於佐敦站對出嘅莊市倫敦廣場13樓，有別具風格嘅麻將會。同傳統貼地嘅雀館比較，名峻會非常注重顧客體驗，所以特別引入出色廚藝嘅中菜師傅，等顧客上嚟打桌球、麻雀耍樂或唱K時，都有高質素嘅中菜醫肚，之後再盡情享樂。😋👍🏻店內有大約20間細房供客人麻將耍樂，而上圖嘅大房就係$5000不限人數咁任玩好多個鐘。😚🧡🧊馳名冰鎮咕嚕肉 $168即叫即做，絕無欺場！果然同傳說中一樣，外脆內軟，酸甜適中。上台時一塊塊咕嚕肉被冰塊覆蓋，好似要尋寶一樣先搵到佢地，增添進食時嘅趣味😛💚🐟酸菜魚 $168叫咗小辣所以味道偏港式，魚片用鯇魚，但係有少少骨，進食時要小心。勝在魚片嫩滑，配料包含豆卜、木耳、豆芽，非常足料！💪🏼🐂脆皮牛坑腩 $168一上台時睇紋路，以為牛坑腩會柴口，誰知道一口咬落去，蠔餅般外皮配合溫熱嘅腩肉，兩者口感非常夾，仲令牛又油又酥香喺香氣喺口內慢慢散發，呢種感覺真係好滋味。😗…查看更多

朋友極力推介之下介紹光顧的中菜廳環境衛生！雀房、party 房都有獨立廁所🚽外面有波枱，地方大冷氣非常足夠！中午開始有得食！極力推介：冰鎮咕嚕肉（冰鎮上碟20分鐘後仍然維持外脆內軟！味道唔太酸！冇牙都食到！）名峻小炒王（本人去到邊都好鍾意食小炒王，因為配啤酒一流！師傅炒得好好👍🏼）碌鵝（原隻獅頭鵝上，功夫嘢！）神龍擺尾（讚一讚師傅刀功！條石斑俾佢起咗骨咁制，魚下面仲有蒸肉餅⋯⋯如果唔係私房菜，一般中菜廳都冇咁樣整🥰其他小菜真係要上嚟食過先知…查看更多

我和朋友喜愛食中菜，今次打算到佐敦一帶覓食，享受美食佳餚的情趣，上網看見桌球雀會的「名峻會」，食材很新鮮，受顧客喜愛，一個談天說地的好地方。地點設於莊士倫敦廣場，佔地面積很大，餐廳開揚，環境很舒適，氣氛自在輕鬆，歡聚閒談的聚腳地。門口擺放兩張桌球枱，喜歡桌球的朋友要來試下玩。房入面有正宗系電動麻雀枱，自己獨立的房間，私隱度極高，麻雀愛好者一定鍾意，今次我們不打麻雀，打算飯局。餐單上設有菜式，美食當前無法抵擋，放縱一下自己，美味的菜色，我們都很鐘意，價錢都很相宜。咸魚雞粒炒飯飯味香濃，飯配上很多新鮮的食材，材料包括有咸魚、雞粒等，肉質嫰滑彈牙，提升了味道很清新，帶到另一個新層次，令我喜出望外。啫啫雞煲雞煲咀嚼後第一個感覺是肉質鮮甜，肉汁豐富，彈性煙靱，同一般食到的不同，菜式顯得上盛，單單看樣子已經令人唾涎，讓人回味無窮。西蘭花炒蝦仁朋友喜歡吃西蘭花炒蝦仁，蝦仁肉質很爽滑，西蘭花紮實彈牙有咬口，口感豐富，芳香的味道仍在口中留戀。粟米魚肚羹粟米爽口，魚肚鮮嫩剔透，肉質美味，容易消化，令人唾涎三尺，我食不停口，正合我的口味。名峻會（佐敦）地址：佐敦彌敦道219號莊士倫敦廣場13樓…查看更多

朋友介紹下，今日去左佐敦莊士倫敦廣場嘅名峻會嘆私房菜，依度私隱度高，一間房一枱客，極方便朋友敘舊食飯。今次點左沙嗲粉絲肥牛煲、啫啫排骨煲及酸菜水煮魚。沙嗲粉絲肥牛煲好惹味，粉絲金菇都多而且沙嗲味濃厚，最緊要肥牛爽滑。啫啫排骨煲放入大量洋蔥仔及蒜頭，一打香煲蓋已經聞到好香，入面嘅排骨亦冇令我失望，好juicy又入味。酸菜水煮魚好值得介紹一番，有好多酸菜做配料，又有芽菜及豆卜，索晒d湯汁嘅精華，好味道，又更重要係魚塊多又鮮又滑。…查看更多

男朋友之前去過名峻會打麻雀，覺得地方幾好，小菜都幾有質素。人少少都有得包房食，私隱度幾高，隔音都做得唔錯。佢哋嘅服務都幾好。🔸賽螃蟹蛋白口感好嫩滑，裏頭有唔少元貝、蝦肉。鮮味又好餸飯。加上有西蘭花做配菜，營養更加均衡。🔸上湯時蔬菜心清甜又冇咩渣。上湯清甜唔會死鹹。🔸椒鹽雞軟骨 價錢唔貴，份量都幾多。爽脆鹹香好味，好啱餸啤酒。所以我哋叫咗支Corona Extra，口感好清爽。佢哋仲有雀局套餐，打牌都有靚小菜食。…查看更多

平時去酒樓叫做餸食飯就多，私房菜就真係少去食～仲要每間房都獨立幾個人一間房！好有VIP既享受😎除左食飯，仲可以篤波🎱，打麻雀🀄️同唱k🎤其實餐牌都好多粵菜選擇～我地揀左幾款人氣推介既菜：冰鎮咕嚕肉🐷咕嚕肉呢個人見人愛嘅菜式 經過冰鎮後更加令到佢升華咗 😍呢個鎮店之寶做到外脆內軟嘅效果 排骨肥瘦均勻 炸粉唔會好似其他餐廳咁太過厚 味道酸甜好開胃 如果份量再多啲就好✌🏼豆腐火腩煲🐷以為呢碟主角一定係火腩 點知反而俾佢個豆腐震驚咗 個豆腐入口即溶 唔係誇張 再加埋惹味嘅排骨 夠晒鑊氣💯沙嗲金菇肥牛煲🥩再嚟一個熱辣辣嘅肥牛煲 肥牛份量足料到驚人 肉質嫩滑 再配埋入味嘅沙嗲醬 全煲都香噴噴加埋粉絲一齊食 超級惹味🤤招牌酸菜魚🐠重頭戲唔少得呢個酸菜魚 性價比超高 👍🏼份量又係好足料 酸菜魚鮮味搭救 湯底又夠麻香 絕對可以同傳統川菜媲美 送飯一流💯重點一講，呢間私房菜既服務真係好好👍🏼唔知以為去左5星級酒店，職員有禮貌，送客會送到出𨋢口！食物質數總括黎講又好！CP值極高～值得推介💯名峻會 (莊士倫敦廣場) (佐敦)佐敦彌敦道219號莊士倫敦廣場13樓…查看更多

佐敦莊士倫敦廣場十三樓名峻會, 集雀局督波兼食飯於一身的private club house, 想打牌可以, 想督波都可以, 督督下想食飯更加係即叫即炒。 除左私家獨立雀局房, 仲有個望住九龍公園的私人party room, 想同朋友唱K 打牌食飯, 呢到無難度。-名峻小炒王韮菜、蝦乾、魷魚材料足, 綠綠滿滿的一碟, 一上檯已經聞到那陣鑊氣,還有超多份量的銀魚仔, 炸得香脆, 爆香來炒，整碟餸都惹味香口！-咕嚕肉咕嚕肉入邊除左有波蘿，仲有酸甜爽口既喬頭，坊間比較少見，師傅袐技，好適合夏天既開胃餸菜-揚州炒飯香噴噴足料揚州炒飯, 放眼望過去都是滿滿的叉燒和蝦, 飯粒炒得金黃乾身, 口感鹹鮮香口。-咸魚煎肉餅鹹魚煎肉餅煎得鹹香之餘, 脆脆的邊位又帶點惹味, 豬脢肉咬落鬆軟, 鹹魚粒增加咸鮮, 好下飯…查看更多