影片
以上資料只供參考, 請與餐廳確認詳情
名小館每次去都唔會坐爆場，所以一定有位坐。無咩特別裝修設計可言，不過食個快餐，環境乾淨都足夠了。食物份量都唔錯，杯飲品都唔會細。定價屬該區中等價位，求求其其食一餐，都可以試下。
繼續閱讀
午飯時份跟同事們身在長沙灣廣場找吃的，卻因為同層的食肆要不就是大排長龍，要不就是沒有六人枱，所以我們在名小館落了腳。有鑑於餐廳是要即時買餐即時入坐的關係，我們需分成兩批，由三個先頭部隊先買先霸位。六個人當中竟然有三個不謀而合，同時叫了煎豬扒撈烏冬！其餘的分別是鹽香雞喇沙、叉燒米粉以及馬來咖哩雞扒飯。咖哩雞扒飯的咖哩汁和飯都多，雖則咖哩馬來與否，不得而知，不過咖哩味都挺濃烈。雞扒至少沒有雪味；反為咖哩必有的成員薯仔煮得太溶了，變成細細粒的毫無口感！煎豬扒紅蔥油撈烏冬就簡直是伏的化身！那塊豬扒鹹到叫救命；如果只是一個說是過鹹，那還可以說是那人的問題，但當三個都覺得太鹹的時候，那又代表甚麼呢？其中有人加水來烯釋都無濟於事，不放棄也不行！烏冬滑溜溜的，紅蔥油亦夠香，結果就食了一碗陽春烏冬！雖然鹽香雞喇沙有些芽菜有些辣油，是一碗毫不正宗的喇沙、叉燒米粉的亮點在於那碗蟲草花湯，但叉燒既乾且柴，不過起碼都正常發揮，不會鹹到過火！
繼續閱讀
第一次買外賣米線係碎上成兜碎上！！啲鴨又咬唔開結果成兜掉左無下次勁難食.啲米線又烚得過淋，係荔枝角返咁耐工最差既外賣體驗，雖然係下午茶啫，又唔係特別平，駛唔駛俾啲垃圾客人食？真係好嬲！
繼續閱讀
落樓去附近搵食，2:05pm 行過見有下午茶，選擇唔太多，我要左碗燒味雙拼米粉外賣。叫完野等一陣，好快阿姐就包好哂可以攞走。返到上樓打開，睇落賣相唔錯，好企理，仲有分湯，感覺幾好。先飲啖奶茶，奶多夠滑，茶味偏淡，不是我杯茶。米粉的份量正常，係粗身曲曲地果隻，咬口好彈彈。飲啖湯頭，酒樓燒味部的味道，但略咸。 叉燒及燒鴨分量足，但味道好一般。整體表現唔算好，但又未至於差，好一般，附近有太多選擇，下次要食燒味唔會揀佢，其他出品就有機會先再試。
繼續閱讀
大概4點幾入座，買咗兩份下午茶，西多士全份同炸雞翼配西多士。合共$66 嚟到西多士勁咸，兩份都好咸，好難食入口，咸到基本上食一啖要飲一啖水，同店員表示份野好咸，店員只係話：好咸？之後無再理我哋，不了了之，另外一位店員聽到就係到話可能炸完雞翼啲鹽仲係啲油到，再用返個個油炸西多所以咪咸，其實咁關客人咩事？姐係你都知咁做會咸咗？但可能佢地廚房趕住收工（收5點），店員無幫我地作出任何退換，感覺好差！！！唔會再幫襯！
繼續閱讀