3
0
1
營業時間
星期一至六
17:00 - 02:00
星期日
全日休息
以上資料只供參考, 請與餐廳確認詳情
食家推介
朋友因為黃店原因而進店，點知每道菜都等左平均半個鐘以上，有啲菜係店員即時出去附近街市採購，等唔緊要啊，但等完一輪啲嘢食真係麻麻，最令人震驚係其中一味送：京都骨 熱辣辣咁樣 咬落去係臭㗎！問嗰店員點解咁樣？嗰店員答我：係咁樣㗎我哋醃製過嚟吖嘛！之後我又真係坐返位度，再夾多舊，頂！差啲嘔出黎！真係臭㗎！最後頂唔順都係走了😂應該唔會有下次
繼續閱讀
尋日係我嘅生日😊由於疫情嘅關係，沒有選擇出街食。但又好想食避風塘炒蟹,所以就搜尋一下open rice ,見到屋企附近有間叫名小廚，就膽粗粗打電話問吓有冇避風塘炒蟹食啦。聽電話嘅姐姐員工仲好好，因為OpenRice上邊沒有餐牌，所以佢仲叫夥計what app 傳送餐牌俾我，方便我選擇。原本蟹需要預訂才有的，但我當日下單，亦給我預留一隻。謝謝☺️而我今餐嘅生日飯就叫咗4樣嘢，2個人食！好飽好滿足1 避風塘炒蟹。避風塘炒蟹叫咗員工姐姐留一隻大概三百幾蚊，好多肉好惹味。2 椒鹽九肚魚超級出色之作，外賣攞到上嚟屋企都仲係好香脆，亦非常之夠乾身。超讚3 黃金四季豆黃金四季豆比我想像中出色好多，每一條豆角都真係有鹹蛋黃脆脆包住。鹹蛋黃亦非常之多😀4 乾燒伊麵夠乾身，唔油膩。員工姐姐仲話而家疫症期間，所有小菜外賣自取八折，但不包括海鮮。開心滿足嘅生日飯。好味道
繼續閱讀
此鋪開正係住宅大廈樓下鋪位 每晚都會把枱搬到鋪外每台客都飲酒多過食野 凌晨2-3點 大聲叫囂 粗口聲 啤酒樽聲不斷 係超級嚴重影響到樓上及附近的住客休息 還有光輝圍居民的安全 已經發生了好幾次醉酒客鬧事爆樽打交向食環處投訴 報警 能做的都做了不厭其煩地打俾店主幾十次 情況都從未改善過 做生意都要有良心 連基本既同理心都無 大家都要搵食 辛苦一日 連返到屋企休息都不得安寧 錢真係吾應該甘樣搵 你想開宵夜場 就吾好簡正係住宅居既光輝圍你可以把檯搬入鋪內 可以set個時間 吾好開到2-3點 好多野你都可以做 但你選擇忽視 如果你每日收工返到屋企 終於可以休息 樓上樓下長期裝修攢牆 嘈到你就黎精神病 可以你先會明 希望睇到呢編野既食客吾好再幫襯無良店鋪 香港生活已經好難 一屋難求 但連入到屋既一片寧靜 人最基本既睡眠 都要俾無良無品人影響 吾好再助紂為虐 ！
繼續閱讀
晚上經過光輝圍，見到呢間餐廳招牌幾新淨而且聞到d雞煲香味，就入去試試今晚試左2個小菜1)風沙雞花 (聽老闆講係師傅自創架)將雞腿唔知點樣整個花型出黎 岩哂我呢d懶人食，唔洗點lun骨。正!2) 螞蟻上樹 - 都正呀!有味得黎又唔算太辣 伴飯食真係一流!價錢合理 份量合理 又冇收加一衛生都幾好 樓面都好積極呢間餐廳值得一推!最衰我今晚得2個人...下次一定要拉大隊試多幾款小菜☺
繼續閱讀
尋日同一大班好朋友黎食晚飯。呢度雖然舖頭細細，但係唔好俾佢外表呃左！大部分既野食都好味過出面既大酒樓！！好可惜尋晚掛住同朋友傾計，同埋啲野食太好食，基本上啲野食一黎就唔駛三分鐘俾我地KO晒，無記得要影張相！有幾道菜真係一定要讚！1. 糖醋松子魚呢個係汁好味，肉係外脆內軟！2. 宮爆蝦球呢個無敵咁好味！未食過既一道菜！連我平時麻麻地蝦，都食左5大粒！3. 燻蹄（冷盤）好似蒜泥白肉咁，好多蒜頭，酸酸味味，好醒胃！4. 蒜香骨食完先知係招牌菜！果然有料到！外脆肉嫩！連我唔多食熱氣野既人，寥引覺得好好味！5. 雞煲揀左中辣。食落個麻度啱啱好，又香又麻！Good!6. 生炒骨正！個味真係啱啱好，唔似出面有啲酸得滯或個醋味chok喉！7. 韮菜餃我地放埋落雞煲，真係好好味！8. 黃金四季豆呢個一黎到，大家係「嘩」一聲，因為係條條都金黃鬆脆！條條出面係有咸蛋黃包住條四季豆，我明知膽固醇高，我都忍唔住食好多條！呢碟，兩分鐘俾我地掃晒！好可惜我唔係住呢頭！如果唔係我會成日黎幫襯！奇怪點解無人寫好評？
繼續閱讀