同撈同煲

營業中

休息中

九龍城通常佢都係為咗食泰國菜，睇YouTube有人介紹就即興約食。裝修好似返到七八年代，最適合影相冬甫美人鍋 （半隻雞）$188半隻雞竹笙、冬瓜 花膠桃膠蟲草花，味道鮮甜，雞嫩滑極級牛盛大拼盤 $498所有牛都有，而一口雪花牛粒最好食軟淋之餘油份夠牛味亦非常濃郁，反而強烈推介的飛驒牛最一般 有兩種食法刺身、輕灼幾秒 牛質似中拖羅但牛味不明顯黃金炸魚皮 $98即炸熱騰騰的 大塊厚身 鹹蛋黃極香芋頭臘味餃子🥟 $78似食芋頭臘味飯，食多咗兩粒會有飽滯感海鮮拼盤 $498鮮甜十足，但上枱慢，差不多尾聲才上枱那時已經好飽最後糖不甩只要like Facebook 就半價，樣貌可愛但食落身一口有鹹味有點不慣

聞說九龍城有間火鍋以懷舊香港做主題，於是今晚特意相約朋友一試。 餐廳環境像舊式茶餐廳，空間落，坐得很舒服。 餐牌上有很多特色的打邊爐配料,例如蝦米腸，shake shake 魚皮，燒賣等。 店員向我們推介生蠔，生蠔新鮮大隻，入口爽甜冇腥味。 我們揀了冬甫美人鍋，內有原隻鮮雞，桃膠、蟲草花、紅棗，滋補養生。打邊爐前先飲一碗湯，湯底清甜滋潤。 蝦米腸吸收了湯底精華，入口滑溜。 火爆牛丸肉內有麻辣肉粒，肉味香濃，口感彈牙。日本飛驒牛油脂分布平均，輕淥幾秒就可以食，肉質嫩滑，充滿油香，有點像魚生，值得推介！ 甜品是金魚年糕糖不甩和花奶啫喱，很豐富。

今日來到九龍城，食一間火鍋店，佢嘅裝修，設計非常懷舊，好有六，七十年代嘅風情。。。裝修係幾靚嘅。。。等我同朋友試吓好唔好食先！叫咗少少野試吓，大家都唔係好肚餓。。。咸蛋芥菜湯 清清地，冇味精，芥菜好淋鵪鶉蛋燒賣呢個係店員推介，佢嘅豬肉肥瘦好平均，朋友好喜歡，但我只食一粒，我怕膽固醇高😂梅菜豬肉丸梅菜不算好咸，平均分佈於豬肉中，味道很好。油麥菜好fresh梅花黑豚肉切得好薄，呢度嘅食法係，用青瓜薄片包住塊肉去食。老友鬼鬼 （黑松露墨魚滑）黑松露味好濃，油炸鬼炸得好脆下。懷舊糖不甩好耐冇見過把傘仔，想起了我的童年！糖不甩滾好後，店員會細心地幫你剪好，再撈花生耶絲粒！食飽咗，兩個麻甩女飲番杯先！

約舊同事晚飯，想暢談一番的話，打邊爐是最佳選擇。這晚我們挑了九龍城的「同撈同煲」，餐廳走懷舊風，影相打卡一流之餘，食物選擇都好特別：可以用平日飲早茶的點心，如腸粉、鳳爪、燒賣，甚至是年糕來打邊爐，不但零違和感，而且還相當美味！我們這天五時多就到達，趁餐廳不多人，拍了好多照片，這裡不但有懷舊裝修，而且還售賣懷舊零食，小時候的回憶都回來了！後來我們發現，原來晚上十時後惠顧有優惠，下次可以考慮一下。懷舊金錢雞 $58Shake Shake炸魚皮 $78懷舊蝦多士 $68即炸響鈴 $58懷舊蝦多士 $68在等候朋友的當兒，我們點了一些懷舊點心來吃，對於我來說，最特別的是Shake Shake魚皮，有麻辣、蜜糖、芥末、蕃茄、BBQ 及孜然等多種味道的味粉選擇，放進紙袋裡面搖呀搖，玩味十足！招牌花甲蟹海鮮鍋 (泰湯) $388冬甫美人鍋 (雞湯) $188這晚人多，我們要了兩個鍋底。「招牌花甲蟹海鮮鍋」有點像冬蔭公，酸酸甜甜好開胃，辣味不強烈，裡面還有豐富的海鮮，如花甲、蝦、蟹等，愈煲愈鮮味；另一款美人鍋以雞湯做基底，因為加入了大量冬瓜，所以感覺更清甜，別忘記吃鍋裡的桃膠，很有益。鵝肝墨魚丸 $9

九龍城又一力作～係大街上, 見到佢亮眼既霓虹燈同好多香港懷舊打邊爐擺設 加上“同撈同煲”呢個名, 吸睛不少！ 入面裝修同擺設都好精緻, 加埋店舖播埋個懷舊歌, 好鬼正！今日嗌jor 呢個醉雞煲！  上湯有足藥材, 幾香, 而佢呢個醉雞 賣相都唔差.其實我最怕好重酒味既, 而呢款, 食落口, 酒味唔算重, 岩曬我 而且都好嫩滑. 而且呢度好多好懷舊既菜可以點. 打邊爐竟然有蝦米腸,第一次見！不過食落口加埋個湯味, 都好特別 加埋小小蝦米 好有咬口打邊爐仲有鳳爪！ 都係第一次見！ 不過用黎打邊爐！ 又幾唔錯！呢個除jor 海鮮多選擇外, 菜同其他食品 款色都好多下！  蟹子蝦滑同黑松露墨魚滑 都好正！打邊爐當然要有鴨血啦！ 食飽飽後 都送埋一個 懷舊甜品好懷念！ 因為見到那紙傘！ 上面仲淋埋一陣花奶！ 真係好懷舊！ 好正！ 

呢輪工作比較忙想食餐好啲嘅獎勵自己，於是就約咗個好耐冇見嘅朋友出嚟九龍城打邊爐。一坐低就混醬，最愛蔥蒜嘅我，一定瘋狂咁加。湯底揀咗個鹹蛋芥菜，遠超期望，幾特別鹹鹹地可以連埋芥菜食。火鍋必點嘅牛肉，今次我哋order安格斯肥牛。脂肪分布平均，食落juicy! 正! 墨魚丸有誠意，食到好多墨魚粒，又大粒又彈牙，超讚👍🏻海鮮拼盤好豐富，有好多龍躉塊，蜆殼類，同帶子。抵食，咁豐富先$528，重點係海鮮好鮮甜，三個人食就啱啱好。熟咗嘅扇貝同貴妃旁，脹卜卜好juicy鮮甜。菜方面我地點了最喜歡的唐生菜，份量算多！店員落力推介懷舊糖不甩，我哋都點了一碟同埋啫喱杯。好鍾意啫喱上的雨傘裝飾，好得意😎啫喱杯超級好味吸引，頓時令我地回憶兒時的味道。今晚的食物質素及服務令我地非常滿意！回頭率100%。

早排電視有介紹呢間打邊爐店，作為愛吃的我一定同男友來試試位於九龍城的同撈同煲，出面看已經感受到懷舊氣氛一坐低當然混醬啦愛蔥芫茜的我一定瘋狂咁加裝修好正，完全係舊式香港仲要播張國榮、梅艷芳、譚詠麟嗰啲舊歌，非常喜歡我哋揀咗個鹹蛋芥菜做湯底，特別D同埋滾左之後都忍唔住飲返碗先安格斯肥牛好新鮮，見到已經流晒口水食落好juicy有牛味， 值得推介墨魚丸非常彈牙有鮮味，裏面有好多墨魚粒，果然用新鮮食材最正最震撼嘅海鮮拼盤嚟啦$528有咁多海鮮，真係好抵食食極都仲有咁喜歡海產類係必點的，包你食過返尋味。自己最鍾意帶子同扇貝打邊爐當然會點D菜啦，唐生菜係我致愛，烚一烚三四秒係最好食，份量都唔少喎點左支山楂紫貝天葵試下，不過不失，最正係唔太甜又酸酸地，好開胃懷舊糖不甩嚟啦係要放落湯度烚嘅，再撈埋D花生椰絲真係好正我地仲點了啫喱杯，有把傘架，把傘仲可以收架😂令我回憶小時候的童真👧🏻兩個人食咗$1100，我覺得好值呢個價，飽到反艇總結: 食物質素高，服務態度一流，下次會帶屋企人來食餐好嘅

今日朋友仔約我打邊撈，入到去既感覺又新又懷舊，雖然裝修好新，但事物擺設就好懷舊，幾得意。我地點左個醉雞窩，酒氣濃郁，水滾落雞，一陣就食得。雞肉好滑，又嫩又有酒味，好香。跟住上牛併盤，睇落已經覺得唔錯，牛味唔會過份，鮮嫩帶咬口；牛粒好juicy, 有牛香；牛展夠爽。鵝腸好粗，帶小肥，食落先夠香，但不能煮太耐，爽脆。 脆鯇份量都唔細，好鮮好脆，魚味都重，我最like！牛骨髓好白滑，本身無味，一索湯汁，簡直係人間美味。 皇帝菜非常嫩，無一條老或食落會有渣，新鮮！每樣野都食落唔錯，環境舒服又真係做到好懷舊，最尾食甜品有我細細個最鐘意既jelly, 最眼前一亮係Jelly上面把傘仔，即刻令我好似回到童年既感覺！其實仲有糖不甩，見到都想食，但太飽無點，下次一定要留肚點呢款甜品。

一行四人去到九龍城打邊邊其實九龍城真的有太多火鍋店這一間我沒有來過進入點後覺得環境舒適重要時坐椅舒服始終打邊爐多個坐好耐食物全由同伴決定我只專心想吃牛和魚😂😂😂手切牛真係切得靚⭐️⭐️⭐️⭐️⭐️用手切真係特別好味魚也很新鮮幾乎給我全吃最近吃得太多給老公養得咀刁了這店的食物都很有水準不用特別介紹看圖都能看出來不用我用文字畫龍點睛吧但都想說餃子好新鮮響鈴和油炸鬼都炸得出色因看色澤便知道服務也很好邊打邊爐邊聊天確實開心💕💕💕

一月去完台中番黎都仲未見過兩個八婆朋友，大家辛苦夾期終於約到今日，我地仲笑話今日係我地既慶功日添 !! 點解咁講，因為今日賣飛 !! 俾個鼓勵自己要買到演唱會飛 ~~ 果然朋友好勁 !! 真係買到 ~~ 今晚真係我好既慶功宴 !!睇雜誌既面書介紹，覺得呢間邊爐好 FUSION，好想試，就訂枱 !! 黎到好懷舊，門面裝修到好型 !! 好多霓虹燈 ~ 好靚 !! 我地 4個安排坐卡位 ~ 我地冇等朋友黎就叫野食 🤣🤣 因為太開心，睇黎點太多喇 😋😋我地點左洛神花茶開開胃 😎 之後就梗係混醬啦！湯底叫左醉雞鍋，朋友話酒味唔夠，其實我唔太岩酒，不過朋友高興我冇所謂 😘😘 仲見到有老油條，冇理由唔叫！仲叫左個好邪惡既 炸午餐肉！隻雞好足料，唔細！雖然係半雞，但似新鮮雞！食落好有雞味！酒味都真係不足但岩我 🤣🤣🤣 湯底藥材味重，湯唔錯！老油條炸到好乾身，所以勁脆！浸耐少少湯都覺得好脆口，正！午餐肉真係好邪惡又好好味，唔駛多作介紹啦 😈我地見個菜單最驚喜係有銀針粉，我搵唔到理由唔叫，都真係冇乜地方有得食！覺得作吸湯好正！入哂味 👍🏻👍🏻 叫得好明智 😎粟米唔係間間都甜，但又好想食既情況下都會一博，好

我很久沒跟閨蜜吃火鍋了，所以今晚閨蜜特意約我去她公司附近的懷舊火鍋店吃火鍋。她說她和同事吃過好幾次，這裡裝潢充滿昔日香港情懷，播放著耳熟能詳的舊歌，我們雖不是這個年代出生，不過就能在這感受到電視劇所看到的舊香港氣氛。這裡店員非常友善，主動問我們是否需要她幫忙拍照，而在我點火鍋配料時，我想了解各種牛肉的種類特色，她都一一詳盡解答我，十分專業稱職。吃火鍋前當然要準備好自己那碗火鍋醬料，待會吃火鍋時就有用武之地，各式調味我都要一些，個人比較喜歡多重口味的醬料。火鍋湯底未上桌，先來即炸響鈴一份。這可是真正的即炸響鈴，一般的店都是用現貨的，沒有溫度，即炸的可感覺到響鈴那股熱騰騰的酥脆，豆香緩緩升起，沾上甜酸汁吃別具風味。當然亦能將響鈴放進湯鍋輕涮，微微濕潤，稍稍吸附湯精華。湯底我就挑了冬甫美人鍋(雞湯)，近半年來愛上美人鍋，主要因為湯頭好喝之餘又能滋補一番。冬甫美人鍋以雞，金華火腿，花膠，桃膠，蟲草花，紅棗，乾瑤柱等熬煮，再加入冬瓜，娃娃菜，集各方之精髓，濃醇甜美，有益脾胃。雞肉滑嫩，雞味顯現，花膠和桃膠富含膠原蛋白，養顏保健。美人湯裡盡是蔬菜，我們覺得還不夠，多添一份油麥菜。油麥菜挺適合放進冬

今日約咗朋友喺九龍城打邊爐呢到啲裝修好靚 有舊香港嘅feel呢到就主打打邊爐嘅 我地就叫咗個醉雞湯底想講下呢到啲湯真係真材實料，加上其他食材都好新鮮，打完邊爐一定要飲個湯，係超級好飲佢個煲個湯底同雞係分開上嘅 水滾咗先落雞煲咗一陣已經聞正好香嘅雞同酒味 店員有提我地啲雞要分2次落唔係啲肉會老打邊爐嘅主角當然就係牛肉，我地叫咗碟特級手切牛肉同安格斯牛肉，手切牛味夠重脂肪比例幾靚，食落好嫩囗 安格斯牛就脂肪比例再豐富啲食落會多啲油香但肉味就冇手切個款咁濃。其實兩碟都好好食，係睇你偏好食邊一種，我個人就鍾意手切牛河畔多啲丸類食品都叫咗好多，呢到啲丸全部都係新鮮手打，唔同出面啲急凍貨，食落個texture同味道真係差好遠而且呢到有好多特色丸類，我地叫咗鵝肝墨魚丸梅菜豬肉丸同火爆牛丸，我自己就特別鐘意佢個梅菜豬肉丸同火爆牛丸 不過要提下佢個火爆牛丸係麻辣嘅。唔係個個受到，我自己就覺得好過癮黑松露墨魚滑食落好滑口，而且好有鮮味同出面食開嘅都幾大分別蝦多士我都係第一次食，炸得好鬆脆好香蝦味超好食呢到啲響鈴係即叫即炸嘅 好香好脆又唔覺佢油膩我平時冇食開都覺得好好食甜品我地叫咗個糖不甩，佢係 佢整到成條

行到門口 已經強烈感覺到佢嘅懷舊氣氛收銀處係當舖嘅設計，好有心思喔安排好位置後就研究下食乜先最後就點左個醉雞鍋，每件雞都滲透住超濃郁既酒香味道另外仲有d特價set，好吸引，可惜呢排要戒口不能食海鮮🤔🤔Like埋Facebook 仲可半價試呢個 同撈同煲懷舊糖不甩，夠哂特色呀😍趁仲有時間先😂😂乾杯先😂😂等左陣就有得食啦，好新鮮既 脆魚鯇，我最喜歡食鵝腸睇見都夠曬肥美本身牛骨髓就無乜味道，但係同雞煲嘅味道就好夾食飽飽仲有個甜品送tim😋果把牙簽紙傘仔，真係好多年無見過啦，原來仲有得買， 喺度食飯果然由頭懷舊到嚟尾呀😋😋😋

食物，環境，服務一樣都咁高質門面有霓虹光管嘅門牌離遠都已經見到同撈同煲四個字入面亦都以懷舊嘅風格去裝修好似回到80年代打邊爐一樣真係非常之特別而且我哋坐嘅位置啱啱好就係喺魚缸隔離可以一路食一路望住啲魚游嚟游去食都食得開心啲🤣東甫美人湯（雞湯）呢個湯底非常之出名因為入面有好多養顏食品除咗冬瓜同埋雞之外入面仲有花膠，桃膠，紅棗，杞子，竹笙等等健康好食得來又可以養顏仲會有專人幫你剪開冬瓜同埋雞而且啲雞湯煲得真係非常之好味職員都建議打邊爐之前飲番兩碗黑松露墨魚滑墨魚滑係新鮮先打出嚟再加上黑松露醬就更加好食將墨魚滑同黑松露醬撈勻再放入湯底到煮每一啖墨魚滑都有濃濃黑松露味道估唔到墨魚滑同黑松露嘅配搭會係咁襯即炸響鈴🔔將啱啱炸起嘅響鈴放入湯底入面浸一浸吸收湯底嘅精華然後半軟半脆咁食落口係我其中一個鍾意嘅食法🤤另外如果唔想放落湯底店員仲提供左甜酸醬就咁點嚟食一樣咁好味本地牛肉（細份）之所以揀本地牛肉就係因為貪佢夠新鮮牛肉嘅油脂分布好平均肉質亦都爽口彈牙而且牛味濃郁簡直無懈可擊最後就係呢到不得不試嘅特色甜品鯉魚糖不甩Like左呢度嘅Facebook專頁仲有半價首先店員會將鯉魚放入湯底度煮淋之後會撈起剪成