影片
港鐵荃灣站 A3 出口, 步行約4分鐘
繼續閱讀
電話號碼
23387888
營業時間
今日營業
11:30 - 15:30
17:30 - 22:00
星期一至日
11:30 - 15:30
17:30 - 22:00
公眾假期
11:30 - 15:30
17:30 - 22:00
公眾假期前夕
11:30 - 15:30
17:30 - 22:00
以上資料只供參考, 請與餐廳確認詳情
有關獎賞計劃
招牌菜
成日同班朋友北上喪食椰子雞原來依家係荃灣都有 即刻約腳去食！今次我地嗌左佢個星級A餐睇下係咪真係咁正先😂1️⃣🥥椰子文昌雞鍋（半隻）湯底係新鮮椰青水同椰子肉 一滴水都無加 超級清甜 忍唔住飲左兩碗雞肉嫩滑得嚟有雞味 半隻份量都唔少仲有調味拼盤加特製醬油 點雞食超開胃2️⃣ 海鮮盛盤🐟🦐🦪👉🏻 聖子皇：超大隻！煮完都唔縮水👉🏻 肥蠔：脹卜卜，一啖爆汁👉🏻 龍躉球：爽口彈牙，冇骨啖啖肉👉🏻 脆鱔片：淥10秒就食得，脆過薯片而且佢地有自家魚缸 所以啲海鮮一定新鮮‼️3️⃣ 安格斯肥牛&黑毛豬肉🥩雪花紋均勻 牛脂香 淥幾下就食得 入口即溶黑毛豬都唔錯 唔會嚡熠熠 肉質鮮甜🍹飲品&甜品🍹🍮新鮮即打雜果汁夠晒解膩仲有懷舊芝麻卷 香濃唔痴牙 雖然比深圳貴少少 個味道一樣出色環境舒服 冷氣又夠勁（唔會食到成頭汗）店員好有禮貌 仲會幫手計時唔怕煮過龍依家唔使過關都有得食 真係勁正👍🏻#香港美食 #荃灣好去處 #椰子雞 #打邊爐 #閨蜜聚餐 #同仁四季椰子雞專門店 #荃灣 #荃灣美食
繼續閱讀
朋友同我都勁鍾意食椰子雞，所以一買完嘢見到附近有間，就即刻諗都唔諗入去試吓😜我地食左：⬇️⬇️🌟星級鍋心推介A餐🌟$488/位✨招牌椰子文昌雞鍋（半隻）✨呢個湯底就巴閉囉🤩小哥系我哋面前即場開左兩個大椰青，將裏面d椰青水全部到晒落個大煲度，仲要連椰肉都刮光刮淨咁放埋落去，先再用梨煮雞雞🐔全程冇加－滴水，所以飲落去椰香撲鼻，真係巨清甜😍如果唔係要留返少少湯系度打邊爐，真係想直接全煲隊哂佢🤣至於d雞既肉質結實唔嚡，又唔會好多肥膏，正🤟🏻✨錦繡海鮮盛盤✨內有蘇格蘭聖子、游水鮮蝦串、台山靚肥蠔、珍寶龍躉球、北海道元貝同台灣脆鱔片；種類豐富得梨仲要全部都系自家魚缸即叫即撈再即劏，新鮮到不得了🫰🏻D蝦、元貝同𧐢仲要好大隻，鮮味十足，大啖入口勁充實💕✨特選安格斯肥牛✨牛味好香濃，好想食多幾塊😋✨西班牙黑毛豬肉✨肥瘦均勻肉味重，質素有返咁上下‼️✨田園蔬拼盤✨有菜心、粟米同娃娃菜，仲要好大盤添‼️✨日本稻延烏冬✨✨懷舊芝麻卷✨啱啱蒸起就上枱，新鮮熱辣又夠滑，我地都覺得好正丫👍🏻👍🏻個價已經包左加一服務費、醬芥，同紅酒或果汁一杯🥃，而且推廣期內早－日預訂仲會有埋9⃣️折優惠，想食就記得訂位啦‼️🛑同仁四季椰子雞專門店📍荃灣西樓角路1-17號新領域廣場地下4號舖 港鐵荃灣站 A3 出口,步行約4分鐘
繼續閱讀
前排同朋友講開食椰子雞嘅火鍋，但係又唔想返大陸食，俾我哋發現咗有間比較隱蔽啲，要天橋望落去先會見到嘅椰子雞專門店～朋友話記得以前呢個位好似唔係做火鍋，所以應該係新開嘅！依間火鍋除咗有單點之外，仲有餐可以點，啱晒選擇困難症嘅我哋😂我哋叫咗星級火鍋A餐，已經包晒所有嘢同嘢飲，而且包埋加一都唔使$400一位-招牌椰子文昌雞鍋🐔平時返大陸食椰子雞鍋，都係得一個椰子～好欣賞依度竟然開兩個椰子而且仲要刮埋入邊啲肉放落個湯底到！之後再將文昌雞放落去，望住個計時沙漏倒轉五分鐘，就可以先飲湯再食雞！可能因為椰子好足料嘅關係，我未試過飲過咁甜既椰子雞！係好飲嘅，我都飲咗兩碗先打邊爐🤣-錦繡海鮮盛盤🦐🐟（蘇格蘭蟶子，游水鮮蝦串，台山靚肥豪，珍寶龍躉球，北海道元貝，台灣脆鱔片）我最鍾意珍寶龍躉球同埋游水鮮蝦串！龍躉球取魚腩部位帶皮切塊，膠質好重又鮮。而竹籤串起的鮮蝦串都好新鮮，啖啖肉。-特選安格斯肥牛｜西班牙黑毛豬肉🐮🐷肥牛加埋椰湯味道幾夾，但估唔到黑毛豬肉反而好出色！我好少會讚豬好食-田園蔬拼盤🥬-日本稻庭烏冬🍜日本來貨嘅稻庭烏冬，烏冬吸晒椰湯嘅味，好彈牙而且出奇地好食。-懷舊芝麻卷🍮未見過火鍋店會用芝麻卷嚟做結尾。嚟到嘅時候熱辣辣，雖然唔甜，但係食得出係新鮮整。
繼續閱讀
香港人真係好鍾意打邊爐，一年四季都可以打😆近年椰子雞火鍋大熱，發現荃灣都有得食。必點招牌湯底只有椰皇水再加椰青水，不添加水同糖份，店員即場倒出新鮮椰青水及刮肉去煲，倒入半隻招牌椰子文昌雞，再焗5分鐘，先飲湯再食雞🐔，個湯清甜到不得了，飲咗兩大碗，雞件皮爽肉嫩。跟住就食海鮮，蘇格蘭蟶子、游水鮮蝦🦐、台山靚肥蠔🦪、珍寶龍躉🐟、北海道元貝🐚、台灣脆鱔片🐠，即劏即淥好新鮮，尤其肥蠔淥完仲好大隻，肥美肉厚，龍躉片都好正。特選安格斯肥牛、西班牙黑毛豬肉、田園蔬菜拼盤，最後淥埋日本稻延烏冬，飽到十成😂估唔到甜品係懷舊芝麻卷，味道香濃，卷得好有層次，充滿童年回憶。每位$488（2位起）已包加一、服務費、醬油、茶芥紅酒或果汁一杯推廣期內一天前預訂享有九折優惠
繼續閱讀
其實我平時好鍾意食椰青，覺得椰青同海鮮或者雞肉係非常之咁夾！而係香港又唔係好覺得有餐廳主打呢款菜式。喺OpenRice搜尋咗一輪，見到呢間餐廳幾符合我嘅要求，就膽粗粗去試吓，因為就放學時間，所以我哋都早食飯， 6:00就已經到達餐廳啦！我哋被安排喺卡位度，座位都算幾闊落，坐得幾舒服，而且冷氣都好夠，最後我哋揀咗套餐A，有海鮮拼盤（蟶子、鮑魚、鱔片、龍躉、蝦、生蠔）仲有安格斯肥牛同黑毛豬，烏冬同埋蔬菜拼盤，包埋兩杯果汁汽水同甜品芝麻卷。首先老闆喺我哋面前倒咗幾個椰青水喺煲入邊，再落埋新鮮嘅文昌雞半隻，等到沙漏夠鐘就可以飲湯，時間過得好快，嘩咁快就煲滾啦，個湯係超級超級鮮甜！我總共飲咗兩大碗開始打邊爐，哈哈！而且文昌雞肉質係彈牙，有雞肉嘅味道，跟住落嚟我哋就六海鮮，首先當然係生蠔同龍躉片，都係非常新鮮！蝦肉質好爽脆，因為當日冇聖子，店家改咗做鮑魚俾我，鮑魚夠晒大隻，一啲都唔嚡口，好食。另外黑毛豬同安格斯牛肉片都係正常發揮，我個人喜歡牛肉多啲。最後甜品係新鮮即製嘅芝麻卷，好香濃嘅芝麻味，而且熱辣辣，好有細個懷舊嘅味道！食評總結：食材用料新鮮，椰青香甜，成餐飯嘅食物配搭夾得好好，而且座位舒適，最緊要冷氣夠，俾我想像中更有驚喜！
繼續閱讀