吉野家 (滙景廣場)

營業中

休息中

本人於5月11日星期日上午11:55到坊藍田滙景廣場吉野家分店，當時坐的卡位枱面凌亂有垃圾、醬汁和上一手吃剩的餐盤未執拾，所以到收銀處找職員幫忙，只看見兩位職員談天，當職員發現我時，我上前叫職員幫忙收拾，他們並沒有理會，我只好望着職員，當該位男職員（assistant manager） 最後還是出來收拾枱面的時候，他選擇的是幫沒有客人的枱面先收拾，本人問可否先收拾我的枱面，他態度不友善地告知我：是由收銀處的座位先收拾，本人不是很理解，亦詢問為何這麼不靈活，最後他也沒有幫我收拾枱面，只是我先生自己收搭餐盤，最後我們一家是與枱面垃圾一同用餐。也覺得他故意不收搭，鬥氣，今時今日的香港飲食業真係比佢攪彎曬，多佢呢啲員工都嫌多，唔明白點解佢仲可以係該公司生存，難道無定期檢討員工表現？

一位陳性女侍應態度極差，攞完火鍋餐坐低，佢就鬧人阻住佢點火，未食完就執走啲食物，仲有可樂未飲完，就做好多不禮貌行為，趕客走，話有人等緊。旁邊明明有枱食完走咗，就冇人執嘢。一間公司教出咁嘅員工，香港食肆點樣挽留香港人留港消費。

可以自己一個人啱啱好打邊爐真係正。雖然佢啲材料唔係話特別正，但係呢個價錢真係非常可以接受啦。平時自己一個人食飯又想打邊爐就會去吉野家，特別鍾意佢個芝士竹輪卷。每次都食到好飽。

平常有幫襯其他分店，一般正正常常冇乜投訴，可是今日外賣了一盒野菜牛肉飯$48.5 ，打破左以往經歷。滿懷歡喜準備食飯，打開盒飯，見到牛肉的份量，實在有點驚訝，牛肉份量似下午茶，菜又唔係多，兩三口已吃完那些牛肉，剩下的白飯需要用牛肉汁，才能完成。可能店方知道我要控制體重吧！集團式經營，應該有控制份量，希望店方能了解一下，作出改善。飲品：杯汽水可以一粒冰都沒有，又冇叫走冰，非常求其。再係咁，好難再幫襯。

叫佢多飯永遠唔會多俾你，之前堂食飯同牛都係微暖，今次就好啲，都算熱，堂食啲枱永遠冇人執，污糟邋遢！！！！！！！！！！！！！！！！！？！！！？？？！？！！！！！！😖😖😖

今日想食牛肉，網上order左3個飯 : 1. 野菜牛肉飯，2. 泡菜牛丼，3. 和風牛肉飯。  堂食可以加牛肉汁架，可以隨喜好加牛肉汁。但係今次外賣，3個飯只係得2份牛肉汁，可能漏咗啦，仲要份量好少，唔夠汁。失望😐  牛肉嫩滑，好好味，叫做keep到水準啦。不過野牛肉飯雖然價錢較貴，但係牛肉就較少喇，有待改善。  泡菜一如平時差唔多😌，野菜就無乜特別。麵豉湯份量細，唔夠喉。可能係天氣關係，飯唔夠熱。都係堂食好味d囉。

買左兩次外賣 兩次都牛肉煎雞「走雞」飯...見佢做緊外賣自取優惠就「再」買兩個飯回家食，一個野菜牛肉一個牛雞雙併...見到個長盒..諗住今次岩啦⋯⋯實「無走雞」啦！點知又係甘...價錢又唔同..其實算唔算違反商品說明條例呢？🤭公平啲講..吉野家本身係ok既..但呢間真係令我好失望...

準備諗lunch食咩好 點知天文台就掛左8號波等左好耐先有車到藍田 太大雨都費時周圍走去就近吉野家買牛牛飯食算加牛汁 正正牛肉好似多筋位左不過家陣普通食個餐價真係好貴還是下午餐抵食很多

今晚放工攰到死，諗住揾間快餐店簡簡單單食個飯就算。行過吉野家，見到有最新推出嘅京蔥牛舌丼，我一向鍾意食牛脷，咁就要試下。價值HK$49嘅京蔥牛舌丼，就係牛舌丼配飲品。攞飯之後，搵個位坐低慢慢歎。定睛一看，唔通侍應搞錯咗，點解俾咗牛肉飯我? 正想攞去換之際，再細心硏究吓，飯面嗰啲又真係京蔥，唔係平時食開嘅洋蔥，於是夾一塊薄薄嘅牛放入口試下，究竟係牛肉定牛脷，一塊試唔出，再試多兩三塊，終於試到少少牛脷嘅味道。唉! 鍾意食牛脷嘅人都知道，牛脷一定要切厚身，因為好食之處就在於嗰種口感同濃郁嘅味道，而家切到紙咁薄，冇曬口感同味道，就算你舖滿成碗飯都冇用，今次真係伏! 伏! 伏!

黎到藍田都唔知食咩好 就揀左吉野家 因為夠晒穩陣呀麻 叫左個正正常常既牛肉飯 味道都ok keep到水準係到 所以我都覺得係可以接受既 位置都唔算話好多 都要等一段時間 但整餐時間快 好快就有得食

吉邊 is the best thing invented in winter time! Super good food quality and plenty of food that makes you feel super full.The soup is super delicious and the Udong is just, cant be explained by words.Highly recommended, will come here again at least once a week for this binlo!!!!

去開藍田睇眼鏡outlet,隔離係吉野家就去左食,知道最近有個3點3既set,當時3點就問收銀姐姐係咪會有,佢答有所以我就等到3點3先買~點知3點3既時候,塊板已經寫售罄咁就諗住叫返普通下午茶餐,臨比錢時收銀姐姐認得我,問我乜你唔係食3點3餐咩?原來塊板可能未update寫售罄,大家見到可以問下仲有無20蚊有碗mini牛飯,一件凍豆腐,兩件炸雞,一杯汽水,好抵!豆腐滑,炸雞好脆,咸左小小,但都好了食

今日又攰又凍，唔想走去咁遠食飯，近近地喺屋企附近嘅吉野家打個甂爐就最正！！喺正地鐵站上蓋嘅匯景商場，所以真係超級多人，好在老公一早去到，搵定位等我。原先仲諗住好快有得食，點知個爐滾得超慢，慢到嘅程度係老公成大碗牛肉飯食完，而我個邊爐都仲未滾。。。喺漫長嘅等待之間，我已經就快餓死。不過確實唔想死喺個咁汙糟嘅環境度絕對冇老屈佢，唔係得一兩個樽，一兩件垃圾喺地下咁簡單，基本上地下好多垃圾同雜物。因為執枱嘅員工次次都只係執台就算，地下有任何嘢都唔會執，而且應該冇人特登掃地？？開咗成日鋪的確好難地下冇雜物或者冇垃圾講咗咁耐，個窩終於滾了！！！真感動我不用餓死（點解我咁得閒打文就係因為我仲未有得食）其實食物絕對就無問題嘅，連鎖快餐店通常都唔會差得去邊。正常嘅質素，大概你同我都大約知係點，我就唔喺度多寫了。食完啲菜，芝士竹輪同埋其他配料又係時候落雞同烏冬，但係見到個火咁我真係想喊，究竟呢餐飯要食到幾點呢？？終於頂唔順叫咗個年紀大小小嘅姐姐嚟幫係換爐，因爲我已經食緊食咗一個鐘唔換由自可，一換先知點解個鍋燒極都唔會滾。原來係因為頭先個肥哥哥幫我就咁點著個棉心就算，都冇將個棉心翻開，所以啲火集中燒唔夠氧氣

終於來到週日，忙碌了一星期！有人會瞓到自然醒！也有人會晨早起來作運動！無論點都好！大家都不能抗拒週日的早餐！來個懶洋洋嘅Sunday Brunch！今天來吉野家選擇了漢堡系列早餐，賣相吸引！漢堡扒睇落有點乾！但食落質感鬆化！油脂很香，而且多肉汁！茄汁豆，茄汁微酸淡甜！炒蛋，夠滑夠蛋汁！火腿咸咸香香算是一般水準！跟餐仲有多士！不過把火腿及炒蛋再放上去多士一起吃！這味道真的很好吃啊！而且麵包真是很厚，吃得很滿足！整個餐分量十足，如果女生來吃！直情可當作 light brunch！

究竟有幾耐冇去吉野家打邊爐？妹妹一話想食就一齊去一去就發現人滿為患仲要去到多過一半都係打緊邊爐睇嚟香港人真係好中意烚下烚下珍寶蟹棒龍蝦湯鍋（$68）除左廣告賣到行嘅長蟹柳係重點🦀，🍲另外個鍋內仲有海蝦、芝士丸、豆腐、冬菇、金菇、南瓜🎃 、粟米🌽同蔬菜。主食方面可以揀烏冬、韓國粉絲、出前一丁仲有飯。肉類就雞肉用肥牛2選一。龍蝦湯最初好淡，仲以為佢俾錯我🙈後來愈滾愈濃郁，d菜吸晒湯嘅精華好鬼正🥗😋草根揀左烏冬，煙煙韌韌再落埋佢配嘅胡麻醬好好食肉類就2款都麻麻，雞會好d，肥牛太肥🐂份量上一定夠食，配料其實唔多待別但係龍蝦湯煲到濃味都真係唔錯🦐👍🏻但係最後食到一身汗究竟發生咩事？😂