影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
好耐冇去過吉野家食嘢，今日去咗灣仔莊士敦道128號台山中心地下嘅吉野家，試吓佢嘅下午茶，佢嘅下午茶選擇非常多，而且可以加配唔同嘅食品，都非常多唔同嘅選擇，例如加$4就有多一隻溫泉蛋，$6就有三隻雞肉餃子，呢個價錢嚟講真係非常吸引！叫咗個中嘅牛肉飯，31，份量同埋價錢嚟講都係正比例我覺得價錢嚟講非常抵食，而且份量都幾多牛肉嘅比例都唔會話係太少，整體我覺得都合格，我哋仲攞多咗兩包七味粉，令到更加好食，仲有可以選擇汽水或餐湯，我就揀咗麵豉湯，整體都唔錯！
繼續閱讀
去完書展去食吉野家 ～發現有新出嘅鹽燒和牛套餐！🐂食和牛唔一定要去燒肉店吉野家而加都有得食喇😍😍鹽燒和牛丼可以配麵豉湯或者日本茶🍵同汽水 🥤我揀咗麵豉湯～暖暖胃再食個飯真係一流依家會員尊享價只需$73😍～ 原價$78架～ 和牛肉質嫩滑，油脂平均而不油腻，配埋香噴噴飯～鹽汁、香脆海苔、椰菜絲，簡直完美厚切嘅鹽燒和牛配埋椰菜非常好味～ 😍和牛一片一肉質嫩滑,油脂分佈均勻,絲毫不會讓人感到油膩～肉質保持了最佳的鮮嫩多汁～ 食起嚟都好方便～ ☺️和牛肉片鋪係香噴噴的白飯上,吸收了肉汁的鮮美，鹽香氣息與肉香完美融合。爽脆可口的椰菜絲增加飯嘅豐富口感！😋而且而家比多$5就可以享受到溫泉蛋和鮮嫩時蔬。溫泉蛋的蛋黃滑嫩如絲,輕輕一挖就流淌而出,配上和牛肉簡直是天作之合。😚😚😚除咗鹽燒牛肉肉飯吉野家仲有好多好美味嘅食物好似壽喜燒同埋大牛肉丼飯都同朋友食得好開心好正！😋
繼續閱讀
好耐都無食過吉野家啦，收工有事做過咗灣仔，不過就要等到8點先可以，所以就諗住打個邊爐啞下啲時間，大家樂大快活就成日食，因為分店比較多呀嘛，呢間吉野家一出地鐵站行過對面就見到，仲有大大個立牌推介緊佢個相撲火鍋。我都諗咗一陣，行咗一圈街市再過返嚟，會員價$79有咁多嘢食係幾好嘅。為咗攞埋個優惠我就下載咗佢個app做會員，話晒都平咗10蚊，原價$89。分量係够嘅，食物種類都多，有雞／牛／海鮮，我每次食吉野家都會叫佢俾碗仔牛汁，攞來撈飯又好點肉都正。海鮮：蝦／扇貝都係急凍貨，上來都未退冰，不過煮熟都食到鮮味嘅，無雪味雞肉：雞腿肉就正常貨色牛肉：唔知點解好淋，肥肉咬落好明顯，所以有啲怪，唔似一般牛肉重點講下衞生環境，我寫開都注重呢點，唔知係咪地牢關係，真係比較唔好，好多位都有陣味，我調咗幾次位先搵到個無咩味嘅地方，希望清潔做好啲啦。如果唔係買好咗食物先入坐，我可能已經走咗去第二間食。
繼續閱讀
湾仔这家去过几次了，每次来香港就是想去吉野家，牛肉饭当早餐或者午餐很合适哦，吃起来比较甜，牛肉有香味，价钱也很实惠，自助点餐也很方便，虽然在地下，但环境卫生无异味
繼續閱讀
吉野家下午茶$23 ，有一個迷你和風牛肉飯，一塊丹麥多士，仲有野飲，都幾抵，好彩問一問售貨員做緊咩推廣😆迷你牛肉飯真係勁迷你，牛肉得好少，不過食落啲飯都夠飽，仲有唔少洋蔥😉😉丹麥多士唔駛搽牛油都已經好好食😊😊
繼續閱讀