吉野家 (V Walk)

年輕女店員態度萬分惡劣，對各顧客都是一視同仁的劣品，對所有顧客的提問都十分晦氣，像厭世一樣，眼見年老的顧客詢問他們單點或跟餐的事宜，他們10分冇禮貌，年長顧客聽得不清楚再問他們態度更差，我今天點的外賣回家發現給錯了食品。難道在吉野家工作真的那麼丟他們臉？難道吉野家的福利真的咁差？讓他們要將對工作的不滿發洩在顧客身上？…查看更多

個男性服務員態度非常惡劣，先唔講態度，個杯野得個半杯咁多，大佬，個杯野要加錢架，比咗錢杯野得半杯？同個服務員講，佢反問番我「係唔係要加茶！」，我只係好奇問下，佢洗唔洗咁臭脾氣。…查看更多

我同我朋友係9:20倒入去嘅 咁我哋嗌咗個邊爐食 佢收10點 都諗住快快手手食完走 跟住佢個爐等咗成20分鐘都未滾 有夠誇張 電磁爐又冇個 真係等到9點50幾分先真係叫有得食 都知人哋收10點 都有啲唔好意思阻人收工咁 但佢真係啱啱先滾我哋都冇法 都盡快食 有個男職員 係咁俾面色我哋睇 得返我哋一台 個男職員企定定企喺我哋前面望實我地 再唔耐煩咁樣望自己手錶再望返我地 然後係咁大聲同其他職員講打卡啦！收工！已經講咗5次+ 分明講俾我哋聽 已經快緊 想我哋點 仲要俾我地聽到佢同其他職員講仲打緊呀？背後講啲客都冇咩都正常😂但呢個音量分明知道會俾啲客聽倒 想點先 後尾佢就衝過嚟指住佢隻錶話快少少我地收 呢句嘢冇問題 如果禮貌地提點客人係完全冇問題亦都正常 但係前面嗰啲嘢可以唔使做咁囉 超bad experience 主要係烏冬變得好難食 變咗麵粉烏冬 大家千祈唔好嚟呢間…查看更多

夜晚9點返到南昌，好似都無乜餐廳仲有得食，但又想打邊爐，經過吉野家，諗起以前成日打，一於回憶一下🤭。叫咗個火鍋套餐，有飯有烏冬揀，份量同以前一樣充足，有菜、有肉、有餃子，最重要個芝士獅子狗仲係到。不過個肉可能喺雪櫃攞出嚟，仲係硬既，分唔開，不過放咗陣就可以啦。個濃湯好濃郁，味道較哂味，食到最後淥埋個烏冬，入哂味，好好味！除咗好味，個份量夠哂飽😆。如果唔夠食，仲可以自己額外加唔同既餸，就算幾大食都一定夠哂食。…查看更多

屋企附近開咗間吉野家，終於可以近近地食番我至愛嘅和風牛肉丼🍱。時間下午兩點🕑，吉野家入面咁多人嘅😱？！原來佢地出咗全新嘅早餐及下午茶系列，驚喜價低至$2️⃣0️⃣起！除此之外，鹽燒和牛丼🍱亦正式成為吉野家常駐美食😳！「鹽燒和牛丼」採用了M8-M9優質和牛🐃，經過烹調後，再淋上特調鹽汁，更突顯出其獨特嘅口感鮮美 🥰， 每一啖都能感受到和牛🐃嘅鮮嫩與鹽汁嘅鹹香 ，簡直是完美配搭🥰 。只需$78即可享用鹽燒和牛丼🍱，另加$5升級加配温泉蛋及鮮嫩時菜！和風牛肉丼(大) +飲品 $52一番和風牛肉巨丼(特大) +飲品 $63招牌和風牛肉丼🍱係必點食物，肥牛🐂一貫的軟滑香口，每一啖都充滿牛肉及油脂香，加上香甜洋蔥及double 牛肉汁(可以另外添加)，每食一口，都感覺非常滿足😍。野菜煎雞丼(大) +飲品 $45另一招牌煎雞丼🍱，雞肉🐓煎得香口，肉質嫩滑，配上香甜照燒汁再伴埋甘筍片、椰菜花、西蘭花及四季豆，好食又健康😋。和風牛肉迷你飯加嫩滑炒蛋 $26腸仔嫩滑炒蛋米粉 $21除了招牌的和風牛肉丼和野菜煎雞丼，吉野家更推出輕食之選 / 下午茶餐同樣吸引，佢地份量不太多，價錢實惠，最啱飯前醫肚😂。任何主食/輕食及下午茶 +$5 都可升級套餐；小食加配價比之前便宜，超抵😍。追加小食炭燒雞串🍡，雞肉軟滑，照燒汁味道香甜。金菇牛肉卷，牛肉卷至少有兩層肥牛🤩，金菇吸收咗肉汁嘅香味，特別好食🥰。炸黃金鱈魚卷，味道有點像魚蛋但質感較結實，啖啖肉😋。所有餐品都配有飲品 (包括汽水)，而且價錢好親民，罐裝氣水只係+$6，其他特飲如奶茶紅豆冰及抹茶紅豆冰+$12，2️⃣款紅豆冰🫘都好飲，红豆香甜粉糯，奶茶及抺茶味道香濃，重點係唔太甜🤩。等下次試埋個早餐，平成咁，即刻帶來無限活力嘅一日，人都精神啲😂。…查看更多

本身想食快餐店早餐，因為想食多士，但突然諗諗下又想食日本烏冬，但又唔想食烏冬餐，咁就去日野家望望啦叫左個烏龍餐加多士炒蛋凍奶茶，本身4X蚊，有8蚊coupon 埋單34蚊就咁滿足左我一個朝早…查看更多

發現次次8點後去打邊爐，應該冇晒料會俾一塊爛生菜或者直接冇菜。但6點幾7點左右呢d時間就好足料。難得今晚7點鐘黎叫左個豚肉鍋，真係難得足料仲有塊生菜係冇爛既。真心8點打後真係唔好叫火鍋。…查看更多

平時去開奧海城嗰間吉野家食飯，今日見咁啱經開就嚟咗Vwalk。個位置都幾偏僻下，唔喺個商場一樓入面，要特登行出去先搵到，仲要對住停車場。不過作為VWalk少數嘅平民食肆，依然都係好多人嚟食，亦都可能因為呢間分店比較細，就顯得人多。咁我就叫咗一個牛肉飯並盛，然後加咗隻溫泉蛋，要多汁多飯。雖然係一個細飯，但份量比我意想中多，啲牛肉汁亦冇其他分店咁油，而作為配嘅洋蔥亦都炆得比較入味，唔會過生，值得一讚。但吉野家為人垢病嘅都係佢一直會用啲即棄餐具，都幾唔環保下。環境方面，佢算係比較差，衛生係尚可接受，但大部份位都係對住門口，啲人一開一閂門就會扯晒風入嚟，由佢本身係喺停車場，都好容易食塵。所以同食基本上得返好少位置可以揀。…查看更多

今日要同阿女返學校見家長，所以去V Walk 食個快飯。蘑菇牛肉煎雞井(大盛）$63好耐都冇食吉野家，真係唔知佢而家都要5x-6x 一個餐。不過都好大碗，牛肉同雞肉都放滿晒，個蘑菇汁撈飯都好好味。雞煎得香脆嫩滑，牛肉都好入味。D飯食到底都仲索到D蘑菇汁👍🏻可惜跟餐個麵豉湯咸到冇朋友，飲咗一啖已經頂唔順。整體都ok,不過如果呢個價錢，其實我可以有好多選擇，唔一定要揀佢。環境衛生正常，都唔期望好乾淨，有人抹枱😅…查看更多

平日簡簡單單，都要食得好啲吧~滋味鹽燒和牛丼😍牛肉控更加唔可以錯過！嚴選高質和牛，雪花分佈均匀🥩肉質軟嫩，鮮滑多汁Juicy🤤超中意特調鹽汁，鹹香惹味，更加可以突出濃郁肉香。Topping配上香口芝麻、🥬京蔥絲、酸脆蘿蔔漬，食之前更加可加少許青檸汁🍋更可感受牛肉本身的甜嫩滋味。@hk.yoshinoya .-#nataliefooddrestaurant #鹽燒和牛丼 #期間限定 #yoshinoya #吉野家族…查看更多

好耐都冇食過吉野家了，見今晚唔想煮飯，就去咗食好耐都冇食過嘅打邊爐老實講我覺得同以前比係難食咗好多雖然佢好似多咗午餐肉，腸仔，不知名嘅餃，但全部都唔好食，個湯底脆不論係清湯，或者係濃湯，全部係都係同一個味道㗎 ！啲牛肥到一個點，仲有少少鞋口添，我覺得係剩係得烏冬係比較好食，幾煙靭嘅。但食緊嘅途中我見到一個重點，原來呢間舖頭係有小強陪你一齊食㗎，驚你寂寞呀嘛！真係一個非常貼心嘅服務呀！我愛吉野家！ ！ ！…查看更多