吉野家 (已結業)

喺Deliveroo手機應用程式瀏覽的時候見到吉野家快餐店，諗起起碼有兩年沒有食過，立刻叫了一個雞飯俾爸爸，一個牛肉飯俾自己，係一個二人套餐來的，揀了一個雜菜（啲雜菜有椰菜花、紅蘿蔔、青豆角，好多好好食）、一個麵豉湯、兩包酸薑及一罐無糖百事可樂，如果雞和牛肉及麵豉湯不是咸咗啲就好喇！啲珍珠米煮得很好！嗰罐無糖百事可樂是比室溫凍少少但是沒有雪過的，所以我放咗入雪櫃等佢再凍啲先飲，係屋企沖左一杯熱香片茶做飲品，$119，加埋$20運費，每位消費$70。當我想食酸薑嘅時候發現阿爸食晒了！啲酸薑應該好好食！加一蚊就有酸薑，但係每個餐只可以加一蚊，即使好食都不可以叫多幾包。外賣餐盒設計得很精美，我差啲想留返佢，但係屋企囤積了太多雜物，還是掉了！…查看更多

很久已沒吃過吉野家的食物了。今天終於買了兩個飯作午餐。吉野家午餐選擇不算很多，大部分與牛肉有關，最後選了兩個配有飲品的丼。食客可自選汽水、綠茶或麵豉湯。～東坡煎雞雙拼飯 （$54.5）賣相不錯，餸和飯是分開盛載。東坡肉肥瘦分明，不會覺膩，但肉不夠腍滑。東坡肉的汁醬顏色頗深，但味道適中，一點也不會過鹹。煎雞較理想，皮的脂肪已煎去了，成為薄薄的一片脆皮。雞肉不韌，味道全靠汁醬的精華。白飯是我喜愛的，一粒粒而不會過黏。～牛肉煎雞雙拼飯 ($55.5)招牌牛肉不會輸，配上牛肉汁來吃，送白飯是絕配。煎雞沾上雞汁來吃，也就更理想。後記：取食物時，一定要索取一包酸姜。甜甜酸酸，非常醒胃，是個恰當的餐前小吃。…查看更多

琴晚寫paper通完個頂理再補習到1900，真係疲倦不而。唔係講緊個人，而係講緊個心，老娘真係心 很 累 丫！ 一個香港人攰並唔係需要等成個鐘位先食到既上等既美食，而係 快 靚 正既速食！ 講到快靚正，吉邊絕對係不二之選。先唔講不二係邊位，講下呢道既邊爐。吉邊絕對係速食邊爐既領導，領先而且主導呢個市場。上一年我隨口同左個姐姐講：一份肉真係唔幾夠食。今年佢就推出左兩份肉既餐。所以話千金難買心頭好，但買到13個吉邊有餘！絕對啱曬想打邊爐但又無時間既香港人！…查看更多

以前讀書嘅時候，因為吉野家平同好食，我同D同學仔都時時去食個下午茶至返屋企。而家工作喇，公司/屋企附近都冇吉野家，老公又話自己返工成日都食，所以我都好小機會可以食下吉野家。今日老公比我話事，我又貪平，當然係想揀D有下午茶嘅餐廳食啦見到吉野家，都有下午茶，不過唔知係咪年初二嘅關係定係我真係太耐冇幫趁，而家下午茶都HKD$38一個餐(我想當年係記憶廿零蚊咋......)算啦~都搵到位喇，都係搵餐晏仔食啫。我的最愛野菜牛肉飯配熱綠茶HKD$38但係估唔到咁耐冇食....價錢貴咗不止，連份量都相當之小....牛肉得3-4舊....洋蔥又唔夠，D牛肉汁又唔夠.....好失望呀!呢個餐仲衰，煉奶窩夫+雞串丁麵(出前一丁)配熱綠茶 HKD$38個麵冇餸，得兩條雞肉串....而個窩夫更加係不值一提.....完全唔脆口唔熱太差喇!…查看更多

今日去沙田返工。唔知點解唔太肚餓，所以等到下午茶時段先走去買野食。唔太餓決定買吉野家嘅烏冬做lunch～呢個鐘數吉野家唔會太多人，好快就到我lu！我叫牛肉昆布烏冬餐飲百事（$30）等左幾分鐘已經可以取餐。無論係烏冬、昆布定牛肉嘅份量都唔多，啱晒細食嘅女仔。如果係平時肚餓嘅我，呢到根本唔夠我攝牙罅XD烏冬唔會煮得太軟身，牛肉都嫩口唔會太老太“鞋口”。味道方面，整體黎講ok，但個湯底略嫌太鹹！間唔中試下輕食量嘅lunch都唔錯丫～…查看更多

間中諗唔到食咩既時候，都會同男朋友走去幫襯吉野家。因為覺得係平同快之選，其實我地去襯日本都會必食，因為唔知係咪心理作用既關係覺得日本既吉野家好似特別好食！黑松露芝士牛肉飯，男朋友鍾意食牛，話要試新野。黑松露當然唔係貴貴個d，但至少係ok既。芝士反而不錯，係好杰身，芝士配牛肉出奇地係match！仲有個小甜品紅豆糕跟埋！野菜燒雞飯，係唔鍾意食肥牛既我首選，岩哂心水。其實我鍾意佢呢d野菜，細細粒。其實讀書時已經同媽媽成日黎食下午茶，又平又大碗，仲會額外要求加汁，媽媽仲會係咁食埋d薑，我就會加七味粉！…查看更多

又黎吉野家，本身一心係想打邊爐但無曬供應了，點了牛肉飯，我都係希望可以落多少少汁。但整體牛肉無咩筋都ok! 溫泉蛋加落牛肉好食d! 呢間既坐位比較逼。。。食完就要快點走了。。。。…查看更多

同老公經過沙田，又唔想等位，反正都已經有一段時間冇食過，就選擇左吉野家。去到counter唔使排隊，見到咁岩做緊26周年$26大既牛肉飯，就呢個啦! 唔使唸，反正牛肉飯係招牌，應該唔會差得去邊既等左五分鐘都冇，成個餐就出左。牛肉飯，始終都係做promote, 公司都應該計下賺幾多，所以應該唔好抱咁太期望。同正常份量比，$26係飯多肉少，而且肉偏咸，早知嗌其他算啦! 有少少中伏既感覺餐廳都算乾淨，員工效率唔差，有時間再黎…查看更多

每次想慳錢，除左老麥，吉野家都係所有人嘅救星:)20幾蚊食到一餐飽肚嘅，真係好難得！但牛肉飯、豚肉飯、烏冬都會食到悶。吉野家耐唔耐都出新口味，依個勁多黑松露芝士飯無得頂黑松露多到流+濃濃芝士汁，下午茶食2個都仲想再食…查看更多

今日行行沙田下肚仔餓,咁啱見到有家吉野定喎,咁我咪行埋去睇下囉.原來已經到左下午茶時間,D牛飯呀雞飯呀都好鬼平.咁我見又有位咪入去食下.排左一陣叫左個牛飯加汁都係廿幾蚊,加多兩蚊仲有多杯野飲添,唉呀,簡直係窮人恩物呀.之後我等左一下,個飯就到喇.佢叫我埋去.個飯就到喇.牛上面有D汁.隔離有D野菜.汁甜甜Der.飯都ok  d野好正常冇咩奇怪野.15分鍾食完就閃香港地快係人次常請.有時食個快餐都幾唔錯架佢d牛仲要唔係巴西黎..安全實有保証啦.…查看更多

牛肉飯很久沒來吉野家吃牛肉飯了, 早幾天有報導說大6竟有人用塑膠造米, 都是在日本來的餐廳吃飯心理好過點, order後牛肉飯很快便ready, 旁邊有牛肉汁, 想食多汁飯可以自己拎, 而且還附上熱綠茶, 平衡返碗飯所吸收嘅油份, 好喜歡佢嘅珍珠米, 還有百搭洋葱入哂味, 秒速完成店內環境有點污糟, 吃火鍋的長枱黏滿油跡和食物殘渣...連USB位旁都是油....可能是人手不足之果. 但食物keep住水準補救, lunch hour依然排長龍, 我都依然想食佢夜晚嘅一人hotpot 嘅…查看更多

第一.仍然是一個客人霸佔兩個座位， 一個擺自己私人物品，午飯時間令到其他顧客完全找不到位置進餐，是否要客人找不到位置時即是退錢。第二.而清潔姐姐仍然態度惡劣，推著手推車收餐盤，架手推車就左搖右擺，完全妄顧座上食客和排隊輪候購買食物食客的安全。…查看更多

本人於10月28日中午一點多到達好運中心分店 由於店內接近收銀處有一張八個USB頭的枱子 因此本人買了食物後便找了一個位置坐下來一邊進膳 一邊充電 但是我發覺對面有一個應是女大學生一個人霸佔兩個位置 一個自己食飯 一個擺了背囊 並將所有書本擺在枱上和一部I Phone 由於是午飯時間 令到很多客人找不到座位 其後當她離開後 我找分店經理投訴時 她的態度非常惡劣說她也控制不到 跟著自行走回廚房…查看更多

這分店新裝修近個半月，之前有清潔問題上了新聞，裝修就要試一試，好清潔的格局，令人眼前一亮，天氣太熱，就叫了下午茶，牛肉烏冬，烏冬超彈牙，無酸味，湯底凊甜，牛肉吾太肥，而$26包一杯綠茶，份量和價格成正比。…查看更多

13-5-2016 (Fri) 朝早11點幾,想去新浦坊食沙爹串燒,但原來串燒要o係晏晝至開始有,又冇得食.於是同老公走去吉野家睇,發現除o左牛同雞外,都有豬,於是入去食.佢買o左同樣$31.00o既大月見豚餐同大薯蓉雞餐,一個要汽水一個要麵豉湯.我就食大月見豚同飲麵豉湯,豬肉係肉碎,加隻半生熟蛋,豬肉碎辣,o個種味道根本就係麻婆豆腐走豆腐,飯就夠軟熟.麵豉湯味道好濃,甚至覺得過o左龍.而老公o既大薯蓉雞呢?我一啲都冇試過亦冇問佢覺得點.…查看更多