吉野家 (已搬遷) 新店位置

今日嚟到天水圍呢邊行街～嚟到天水圍頌富T town呢邊🙌🏼邊個商場都冇乜嘢食🥹其他都好多人🥹就嚟食下吉野家嘅下午茶啦～依家吉野家新年有優惠～食60就減$10所以都幾優惠嘅～我同屋企人就叫咗兩個牛肉昆布烏冬下午茶餐✨飲凍檸茶～再加左兩個牛肉串$16首先個牛肉烏冬都幾足料，有好多牛肉而且充滿牛肉汁嘅味道😆😆味道不過不失咁啦～如果牛肉串就充滿咗燒汁，而且仲燒到有啲老，同埋好鹹🥲🥲不過有埋金菇都幾好食！

冬天最好不過就係打邊爐自己打邊爐最好不過就係去吉野家方便喺屋企樓下最緊要係一人一煲，唔夠食仲可以加配料如果其他人唔想食仲可以叫其他飯， 唔使獨孤一味一個鍋叫多幾樣餸已經可以食兩餐， 價錢都算合理

早餐價錢$30-$40左右合理的不過我覺得雞扒真的超級細，加$8的迷你烏冬真的很迷你，有少少吃不飽味道正正常常其實很普通而且用一次性外賣飯盒裝，感覺很不環保及沒有外出用餐的氣氛當時人龍也不少，幸好可以坐上

在早上沒太多時間就要來這家食早餐一來出餐比較快 二來堂食沒太多人呢~而且算是大份的早餐 能食到飽飽的😏·楓糖雞扒/煙火腿/茄汁豆/多士 HKD$35·咸牛肉炒蛋奶醬多士 HKD$25·熱檸檬水 HKD$0(跟餐價)·凍檸檬茶 HKD$3(跟餐價)味道一般但食物比上次好一點 但飲品就😭😭忘記了中招點了凍檸檬茶😭😭又加了水不過別對這家餐廳的期望過高 只是簡單味道所以味道比較單調 但凍檸檬茶還是很甜🥵🥵

到了起床的時間總是想食點東西的所以又去這裡食東西 看到薯蓉餐餐未下架所以點多一份來食才行 還要加多一份通粉·忌廉薯蓉餐配通粉 HKD$39味道與上次食沒有太大的分別 只是醬汁很多通粉的份量挻小的😂 只是加幾元的價錢不可以要求過高吧 幾元價錢算是這樣吧😅·檸檬茶 HKD$0(跟餐價)味道仍然是甜到一個點 但這次的茶底不錯好過上一次吧 上次是又甜又苦的味道我又要加加水才沖淡了一點 真令人感到無奈希望食物和飲品素質會有所改善吧🙄

見吉野家竟然推出了牛舌飯，還說是限量供應，於是決定一試，牛舌飯的價錢是$49，不貴也不便宜。但一上枱，我就覺得伏了，就這樣看牛舌的賣相和牛肉飯沒有分別，食落亦只是多了牛騷味，牛舌如果不加牛肉汁很乾。。。

早上當然要食份早餐來補充一下體力才行~這家人我間中也會去買東西食🤭這次去到有小屋位置可以坐挻不錯不用看到旁邊的人 可以和家人獨處一角食·忌廉薯蓉餐 HKD$33·南冰魚柳餐 HKD$30·凍檸檬茶 HKD$0(跟餐價)份量不可以算多 男生一定不夠食的🤣他們應該要加多份面食才夠 味道中規中矩因為也是簡單地煎熟而已 沒有什麼調味由於早上商場開的食肆不多 所以挻旺場的要買外賣比堂食的還要多 可能大家也不想等位

突然心血來潮想食吉吉家邊爐，見到無左以前個隻細既竹輪鍋，得番加大版，即係又有雞又有牛70幾蚊，兩個人叫兩個又驚食滯，於是叫左一個加大版，濃湯，烏冬，另外叫多左餃子同墨魚粟米餅。芝士竹輪真係幾時都咁好食，d娃娃菜都非常入味，牛肉亦好好味，配芝麻醬一流，南瓜煮到最後咸咸甜甜好好食，最衰得薄薄兩塊，蟹柳亦好味，烏冬吸左湯底之後都好食。個額外加既餃子同墨魚粟米餅就稱嫌失色。餃子餡非常少，冇咩特別。墨魚粟米餅有少少鞋，粟米味亦唔濃。唯一嘅缺點就係食完之後一路都好口乾，個湯底應該都落咗唔少味精，但吉野家邊爐真係好食。

吃不飽的一人火鍋， 自重新裝修之後， 水準就比之前差了很多， 可能是沒有得選擇吧， 七十多元的一人火鍋， 其實全部 食物 加埋一齊 都少過人哋 一碗過橋米線， 吃過一次就不會 再返轉頭了， 上一層的 一人火鍋 都是 差不多 同樣價錢， 但是 質素和 份量都比 這個好， 別人經常大排長龍是有原因的！The only plus here in this restaurant is that it is more comfortable to have our dinner here as there are fewer customers here than in other branches!

弟婦問我吃了飯沒有，我說未，她說不如一起去吉野家吃牛肉飯，我說好，自從樓下的吉野家結業，我都沒吃過，所以我們去了隔壁邨的吉野家。弟婦吃最基本的牛肉飯，弟弟則吃牛肉煎雞飯，至於我就吃咖喱牛肉飯，味噌湯及三文魚。我們都在說從前吉野家吃飯很便宜，現在漲價四，五十元，火鍋更要七十元，比大家樂貴，沒辦法，現在物價都在通脹。味噌湯不錯的，以快餐店水準來說，起碼不會死鹹。不過三文魚怪怪的，沒有甚麼肉汁，咬起來像鹹魚乾巴巴，味道不討好，份量超少，弟弟說不如吃家的好，這三文魚要二十元，太不值吧。咖哩牛肉飯的咖哩聞到陣陣咖哩的濃郁，有著日本咖哩的特色，香而不辣，入口溫和。吉野家的招牌牛肉肉質軟嫩，肥瘦均勻，拌入咖哩汁更有一番滋味。

以前屋企附近都有吉野家，不過都少幫襯，之後佢搬左去T Town，係呢朝去睇完中醫，見好耐好耐未食過佢既早餐，就試下啦，點知中伏，塊雞扒係好厚身，仲好實添，亦都鞋到不得了，心裡不禁大叫，唔掂呀，做乜差左咁多🙈🤪

我買外賣回家，要求將湯水分開，服務已經加了＄1附加費。多次比少食物，湯水不足，多次向員工反應，最後好受氣。終於向總公司投訴，服務員的態度單打。總公司要求比機會佢地，但今天依然受氣，我唯一希望我的女兒不再要我光顧佢地。好受氣，重要比錢買受罪。

在收銀處前睇完餐牌，準備行埋去叫餐，突然有位C9從後插入前面，再有另一個大叔跟在後面貼着，排隊。可能係人嘅質素問題或文化不同，收銀處沒有清晰指示排隊方向，大陸式貼身排隊文化，夾硬打尖，仲聲大夾惡話佢排先。試過好幾次實在忍不住要寫出來。唔想再幫襯天水圍頌富商場，寧願行過去天瑞的吉野家。環境方面，既有冷氣充足的室內座位，也有溫度較暖嘅店外精美小屋四人座。另外，很多連鎖式快餐店已經推出素食餐單，可惜吉野家仍未有所改變。

好多餐廳自以為先進，追趕一切電子化，但實際環境唔容許，硬推只害了員工，阻礙經營，損害同客人關係。這間新裝修開業數月的店，牌餐全靠高高掛的電子顯示屏，但菜式多又要用相片吸睛，至要輪迴播放，每次不到半分鐘就跳到下頁。除非你選定了食品，煩著選點的跟本趕不及。其他分店都放張菜牌卡幫下手，這分店收銀妹子就話無，同領餐部講，一個講新店設計，一個話有餐牌卡，但跟本是一張都無。店位處屋苑，咁安排，到底是趕絕眼矇長都客人？製造排隊人潮？定係拖慢落單減輕廚房壓力？最終係想趕客