吉野家

營業中

休息中

在朋友家聊天，彼此心血來潮，突然想吃吉野家飯，平時都是喜歡吃和風牛肉飯，今日想試吓日式咖喱牛肉飯那就到店外賣了3個咖喱牛肉飯，大家邊吃邊說牛肉的份量少🤏，咖喱味道又一般🫩，失望🙁。以$55這外賣價可以有其他選擇，吃得也比這咖喱牛肉飯豐富另一令人不安和嬲怒的事😡，就是🥤杯裝汽水內竟然有污糟物，看似是小昆蟲碎屍，實在太過份，如此不潔的杯仍用來盛汽水，幸好我們看到，不然就將昆蟲屍飲進肚子。請這分店注意衛生問題！

星期日帶完小朋友游早水，我哋經常嚟吉野家食個靚早餐，好味又叉電，牛肉丼飯真係食極唔厭✨鹽燒和牛丼已經係吉野家常駐美食，用嘅係M8-M9優質和牛✨為大家全力打氣❗️灑上黑白芝麻同七味粉，每片牛肉燒到油脂發亮，賣相好吸引。入口肉嫩又有濃郁肉味，油花好香。飯面仲舖滿紫菜絲同椰菜絲，增加口感同味道層次。我仲加左一隻漫泉蛋，戳穿蛋黃撈埋食，味道又上一個level🆙👅另一份早餐嗌左野菜牛肉丼（大），呢個丼飯真係好啱小朋友食，有齊幾款蔬菜：椰菜花、西蘭花、甜豆、紅蘿蔔🥕🥦，煮法唔煎炸油膩，配上香滑牛肉片，偏甜嘅調味小孩都中意食😋配埋嫩滑炒蛋+腸仔🍳早餐食得非常豐富。吉野家嘅全新早餐及下午茶系列餐牌，低至$20起就歎到靚早餐，真係超值！除左招牌和風牛肉丼同野菜煎雞丼，吉野家更推出輕食之選「和風牛肉、嫩滑炒蛋配迷你飯/米粉」及「腸仔配嫩滑炒蛋米粉」，真係要多啲黎歎活力早餐先得😋🙌🏻

吉野家早餐好豐富！日式早餐：細牛肉飯+溫泉蛋+關東煮+面豉湯+鯖魚都只係40蚊！做新會員仲可以減5蚊！好味又豐富！早餐做到11：30，食完可以當埋lunch 又慳一餐！早餐之選！

所謂牛肉飯，三片肥牛，白飯一大碗。以為自己五窮六絕。啲嘢愈來愈縮水，好耐冇食，今日發覺而家碗飯係兩溝米，唔係全珍珠米嚟，原來度數已經度到咁盡。最終靠牛肉汁撈飯爬埋碗飯，癲。總括評價如下···味道：肥牛味。環境：環境幾好呀，因為冇乜人幫襯，唔洗同人迫陪人嘈。可惜我嗌外賣。服務：唔夠人手。我去果陣得一個阿姐一腳踢，畢飯畢餸連水吧，d嘢飲已經預先斟好哂一杯杯喺度，拎到返歸都凍哂。衞生：見唔到有咩問題。抵食：你見人流就知唔抵食啦。差唔多錢，想食肉去右邊KFC，想食澱粉質去左邊三哥。

勁耐冇食過吉野家，雖然屋企附近開左吉野家好耐，但幫襯次數少次有少。今日 lunch 諗唔到食咩，又唔想去太遠，就係屋企附近買左個外賣。去到岩岩好 11 點半轉午餐，本身諗住穩穩陣陣叫個和風牛肉丼，但見到有個三寶芝心漢堡扒咖哩雞牛肉丼，好似幾吸引就叫左，點知小中伏。$ 65 包野飲，小貴，外賣都算快，拎到番去係兩層飯盒，岩岩三種肉類分開三格。漢堡扒都算大塊，d 肉太厚同好鞋，肉味唔突出，芝士味都太膩。咖哩雞扒得果兩舊雞肉，d 咖哩都唔知撈唔撈落飯食好，同和風牛肉飯個味唔夾，同埋 d 飯都真係好硬下總之就係三樣餸完全唔夾，後悔叫錯左呢個餐。

好耐冇來吉野家光顧呢二朝來吉野家食早餐天氣炎熱再來的主因是想飲凍齋啡因為早餐轉凍飲唔使加錢A1 牛肉+炒蛋+茄汁豆+牛油多士+凍齋啡$32 另加湯烏冬$6B1 楓糖雞扒+炒蛋+牛油多士+茄汁豆$31，會員價$28位於天耀商場內咁多間食肆的早餐多士，吉野家最岩我口味，鬆脆軟熟好吃二次的多士出品都唔同，第一餐次烤得好靚外脆內軟第二餐的多士好似冇烤到咁，白雪雪微暖唔脆以前來光顧，次次叫凍齋啡都會沖錯，而家我怕左佢地沖錯，一定要講明「凍齋啡、走甜、走奶」，去到取餐處都要睇實姐姐沖，多口講多次要「凍齋啡、走甜、走奶」以前試過好多次睇少一眼佢唔係加左奶，就一定會加糖

黎吉野家，我淨係會叫牛肉飯或者火鍋，咁依家冇左火鍋，咁就食牛丼叫個最基本嘅L1飲百事其他我都絕少叫，因為雞呀魚呀唔會喺吉野家食囉好多人會另外要多啲牛汁，但我唔會，因為basic 嘅汁量已經足夠，太多反而唔好，影響飯粒口感同過甜日本牛丼一般都偏甜，重味，但我OK六點鬆啲，冇人正常，同埋多數人都叫外賣多謝大家

今日路過吉野家，心諗好耐無食過，就入左去食。既然咁耐無食，一黎緊係要叫加大牛肉飯啦。牛肉夠晒份量，煮得亦都好淋，好易入口，又夠重牛味，加大啲牛份量岩晒我呢啲大食既人呀！好滿足！

作為連鎖式經營嘅餐廳，吉野家算係一間唔錯嘅餐廳。佢嘅下午茶餐簡直係基層嘅恩物。作為知慳識儉嘅消費者，我又點會放過呢！用餐方式：提供堂食 或 外賣自取。輪候時間：平時約5-10分鐘；午市時段同埋下午茶時段都比較多人，需要排隊而且輪候時間會較長。食品方面：細牛肉飯（$27）：其實吉野家嘅牛肉飯味道一向都唔錯，依個價錢就可以食到，CP值算高。係下午茶時段來講，同樣價錢相信最飽肚嘅會係吉野家。而飲品方面包括：凍奶茶（$2）：跟餐加兩蚊附送飲品（凍飲），奶茶味道一般，冇咩奶味，似乎係用沖劑沖成嘅。不太理想，但考慮到價錢，還可以接受吧！價錢唔貴，人均消費：30蚊左右。總括而言，完全符合經濟原則，算係一間有良心嘅連鎖式經營餐廳，會再食。

好耐無食過牛肉，又唔想食得咁貴，就同朋友去左吉野家食牛肉。我叫左個溫泉蛋牛肉飯，朋友就食牛肉烏冬。我個蛋撈埋啲牛肉飯，真係好食到停唔到口，朋友個烏冬我就覺得麻麻。但都算抵食！

因為堅企冇人煮飯既關係,又有少少想食火鍋,就落左樓下食吉野家火鍋因為時間尚早,等位就唔需要等好耐，好快就有位其實應該好多人都食過吉野家火鍋既，一個套餐包一個鍋，配料以前可選肥牛或雞肉一份,依家變左肥牛雞肉各一份，主食可選烏冬/珍珠白飯/韓式粉絲/出前一丁，飲品可選汽水/日本茶湯底:好濃味，真心唔錯。肉方面肥牛同都真心唔錯有脂肪分佈 達到令肉質香口既程度又不致於太肥 太流快餐火鍋既價錢 呢度既肉類叫好唔錯$72冇嘢好彈。

今日同朋友打完波之後，諗住約埋其他朋友一齊去我屋企試玩新買既switch game，等緊佢哋來的時候，我哋都有少少肚餓，於是落街買個外賣返屋企食住等。我哋分別買咗日式咖喱煎雞飯同埋一番巨丼，打算一齊share黎食。外賣係會將啲飯同餸分開兩層載着，避免啲餸汁滲入啲飯度，整到啲飯林晒，同埋個飯盒會分為內外兩層，可以保存着飯餸嘅熱氣，唔會因為熱氣散失而令到飯餸凍左！👍🏾不過外賣嘅份量比堂食較少，但係都夠我哋食。食物方面，啲雞都幾嫩，唔錯！不過我哋比較喜歡食一番巨丼嘅牛肉，牛肉汁夠多，仲可以用來撈飯食，而且啲牛肉一啲都唔韌，我哋都幾鍾意食。不過呢間餐廳嘅外賣速度，唔算好快，我哋去買嘅時候，餐廳唔算多人，但係包裝食物嘅速度就比較慢。

喺天耀商場開咗一間新嘅吉野家， 平時下午茶時段人流超多，平價嘅下午茶餐，簡直係窮人恩物。我同朋友各自叫咗一個飯外賣拎走，人均消費大約60hkd左右。一番巨丼，牛肉量超多，呢次因為外賣拎走，分量好似較堂食嘅少。😢😢😢日式咖喱煎雞飯，味道尚可，但我都係比較鍾意食牛肉飯多啲。吉野家嘅晚市打邊爐，大家可以考慮下，其實都幾抵食既，依家物價水平來講，幾十蚊有齊咁多野，已經算係咁㗎啦。服務方面：出餐嘅速度一般，相比起其他分店，員工嘅服務態度麻麻。以快餐店嘅模式來講，講求嘅係速度， 係呢方面呢間分店就比起其他分店差好多。另外可能大型快餐店都為咗節省成本，同埋環保，唔會主動提供飲管比顧客，但當顧客主動問員工攞嘅時候，呢間分店嘅職員態度就非常之差，明顯覺得係顧客增加佢工作量。在大型連鎖食店嘅吉野家，希望佢會注意下呢間分店嘅員工表現，以免影響吉野家作為一間優質大型連鎖食店嘅形象。

呢晚放工後懶得喺街食，就決定係吉野家買一個外賣返屋企做晚餐。買咗一個牛雞雙拼飯，配麵豉湯，一共$52.5。麵豉湯夠味仲有幾塊海帶係入邊。薄薄嘅牛肉片亦都有牛味，有少少嚡口。雞肉夠嫩，而且個醬汁好惹味。美中不足係啲飯，雖然望落似日本米，但係食落冇飯香，而且冇日本米嗰種綿糯口感，飯量亦偏少。呢個飯嘅餸味道都唔錯，但係白飯偏少，冇飯香。所以整體感覺只屬ok。

又來這裡食飯了 這裡任何時間都很多人食耶可能價錢算是大眾化 所以比較多人食由於我有這店的會員 所以可以換免費的東西食但積分就要自己儲蓄咯 到了某個數量就可以換食物所以用了一個積分換了一個飯變相是買二送一耶 這個飯晚市也不算便宜·牛肉煎雞雙拼飯·野菜雞肉飯(大)·豚肉飯(大)味道也不多評論了 因為真的食了很多次評論也說了好幾次耶