吉野家 (港鐵上水站)

吉野家 (上水地鐵站) 食評 🍚🌶️位於上水地鐵站上蓋商場的吉野家，作為日本連鎖快餐品牌，環境簡約明亮，自助點餐機方便快捷，適合上班族或途經旅客快速用餐。🈺空間寬敞，冷氣充足，服務效率高，但今次用餐體驗略有波折。😕🍗 咖喱雞扒飯｜未熟爭議咖喱雞扒飯賣相誘人，咖喱濃稠，飯粒分明，雞扒厚實。惟雞扒呈現粉紅色透明，內裡似未完全熟透，令人擔憂。😣店員稱此為正常現象，惟顧客不滿，隨即用手機拍下未熟部位，反映衛生與安全隱憂。經與經理溝通，最終換上新份，熟度適中，肉質嫩滑，咖喱香濃微甜，配飯順口，份量足，但初體驗大減分。🥩 咖喱牛肉飯｜穩定表現咖喱牛肉飯以牛腩慢煮，肉質軟嫩入味，咖喱帶日式辛香，微辣不嗆，飯粒吸滿醬汁，口感豐富。😋份量適中，性價比高，無明顯瑕疵，適合快速用餐，挽回部分信心。🏙️ 環境與性價比餐廳位於上水地鐵站，交通便利，適合短暫停留。📍人均約HK$50-60，價格親民，食材新鮮，惟雞扒未熟事件反映品質控制需改善。網民曾提及類似投訴，建議顧客檢查熟度。經理積極處理換餐，服務態度尚可，性價比因初次瑕疵略降。吉野家以快捷餐飲聞名，此次體驗提醒需加強監控，否則難以維持口碑，建議謹慎選擇。…Read More

呢個餐呢佢呢本身呢我就淨係嗌咗走菜汁，但係佢就淨係俾咗啲肉同飯完全冇比到啲菜囉！😡然後佢呢好衰，我嗌咗兩個餐，佢淨係比一包甜酸薑片😡我諗緊仲去唔去佢度幫襯😡我已經食咗好多次，我都係第一次遇到佢咁樣😡😡😡…Read More

張枱唔平以致倒瀉半杯水，請職員幫手抹枱，佢以我自己斟得太多水以致倒瀉為由，叫我自己搞掂。請佢哋俾牛肉汁，收銀啤住曬，廚房就大聲講粗口。太多類似事件不能盡錄，如果想貼錢買難受，呢間店係不二之選。…Read More

點指兵兵點中吉野家速遞，破地獄挑戰極限都好難食下！麵豉湯⭐️水汪汪嗅嗅地一啖掉左去，只不過係麵豉開水都可怕到如此地步。照燒鯖魚⭐️到底如何可幾煮到依種勁腥情度？甘拜下風，請教教我。那有燒過？掃個汁、蒸一蒸、焗一焗，完！腸仔⭐️⭐️似乎太生喇麻？拖拖水就出貨？硬掘掘偏咸。雜菜⭐️白水烚有鹽味，灼一灼？依家洗菜嗎？太生無法釋出甜味，只有青味。泡菜溫泉蛋飯⭐️⭐️⭐️泡菜𢲡埋一注爽爽略咸，份量太少比兩星。溫泉蛋完美，蛋白滑滑而蛋黃濃稠。溫泉蛋洋蔥牛肉飯⭐️⭐️比兒時三十年前真係差許多許多！甜甜牛肉搭洋蔥配濕爛飯，飽肚唔難食，如果撈埋七味粉可加粒星。溫泉蛋⭐️⭐️⭐️照燒雞髀⭐️⭐️雞髀可以跟7-11爭一日之長短，皮油油肉乾，味道陰沉沒鮮味可言，根本沒有靈魂！上湯餃子⭐️餃皮厚硬，餡料乾乾散發草青味，唔知食緊乜！照燒雞肉串⭐️口感勁核突，腍啤啤滑潺潺一劈，味道甜甜像果醬。金菇肥牛卷⭐️室溫牛肉乾到刮嘴，鞋烚烚捲住爽甜金菇。關東煮⭐️淡茂茂水汪汪豉油水浸腐皮蘿蔔竹輪，不吃也罷！…Read More

通常嚟吉野家都係食牛肉飯，或者牛肉火鍋，但因為近期食牛多，見到汁燒豚肉丼，就試下啦，再加隻溫泉玉子和麻醬菠菜，仲有跟餐的麵豉湯，變成豐盛的早餐。汁燒豚肉丼的燒汁同豚肉好似唔係好夾，個汁本身冇問題，可能係豚肉索唔到D汁。另外，豚肉冇牛肉咁容易咬得開，肉質比較韌，但都食到嘅，好彩又叫溫泉玉子，豚肉加埋流心玉子一齊食，肉身會較香滑。至於麻醬菠菜，睇個樣都似模似樣，食落口味道都唔差，但咀嚼咗一段時間，完全咬唔開，無奈要吐返出嚟。諗住可能係剛才個紮菜先係咁，食第二紮都係一樣，成碟都食唔到，雖然係$3，但覺得好浪費錢同食材。麵豉湯就一直都係正正常常，唔會太鹹，中規中矩。總括嚟講，吉野家都係食牛穩陣，有名你叫吉野家牛肉飯呀。…Read More