吉壽日本料理 (已結業)

好朋友生日提議去食放題, 睇左一輪呢間價錢$248, 選擇多, 旺角又方便, 任食兩個鐘時間.除左點菜紙既野食之外, 餐廳中間仲有前菜, 沙律, 炸物可以攞, 未有野食可以拎黎食住先.兩款花之戀, 三文魚同油甘魚, 魚生夠新鮮, 面頭既蟹子算多, SIZE唔大可以一口食.先要左幾款試下先, 三文魚, 北寄貝, 帶子刺身, 帶子夠鮮甜, 唔會切得太薄. 北寄貝夠爽口彈牙, 三文魚夠新鮮, 魚油豐富.虎蝦天婦羅, 蟹棒天婦羅, 炸粉唔算太厚, 幾脆口. 虎蝦大隻又爽口, 蟹棒軟熟鮮甜.香草燒羊鞍, 羊鞍肉味濃香, 且肉汁豐富, 腍身夠嫩滑, 唔會太肥. 香草味就唔會太濃, 清清地唔會搶左肉味. 香蒜燒茄子, 燒完茄子肉仲夠腍身, 夠JUICY入味, 唔覺油膩.燒菠蘿, 燒得唔濃, 菠蘿酸酸甜甜夠JUICY, 食完仲更加開胃.另外仲有雪條同其他甜品, 不過太飽食唔落, 最鍾意有一條條雪條, 乾淨衛生.

吉壽日本料理一直對於放題的印象都不太好，但今日心血來潮想吃放題。二人8時到吉壽時，門口的姐姐主動問有冇訂位，然後給我們籌號紙，告訴我們等四張枱就到。等了約半小時便有位，當天門外有不少訂了枱慶祝母親節的，另外母親節的源故，劃一HKD258再加一。原來吉壽大翻新，座位之間較以往寬敞舒適。多了個類似自助餐形式的位置，主要是前菜，如沙律菜、酸薑、栗米等。翻新後，劃了一區作甜品，不同種類如朱古力泡芙、牛奶布甸、乳酪、豆腐花、木槺布甸等，不定時添加。飲品的種類較以往多，另外，亦設有果汁自助飲品機。8時半入座，侍應細心提醒10半要交枱。甫坐下，揭開那本放題下單本，劃了刺身、壽司、炸物等。刺身數量準確。甜蝦刺身大隻爽口，三文魚正常。吉壽的壽司款式較以往多。另外，有不少創意壽司，可試試。吉烈蠔，皮簿炸到卜卜脆，咬開，蠔熱騰騰的，溢出蠔汁。吉烈芝士波炸榴槤，未食過，淡淡榴槤味。串燒海蝦燒鯖魚整體吉壽翻新後，座位較以往舒適。食品種類較以往多而新穎，食物水準仍保持到中上的水準。兩小時的用餐時間內，不見漏單的情況，食物的數量與下單的數量相乎。吉壽的上菜速度仍然令人滿意，該是即叫即製，固沒有出現乾等的情況。 

媽媽節當然出街食飯慶祝啦，大伙兒最好就係食放題，唔使怕有咩係唔岩食呀。我自己本身就唔食生野既，所以我會選擇熟野或者係炸野黎食。吉烈蠔當然必食啦，皮簿而且炸到好脆，蠔汁係裡面保留住，而蠔係好爽滑的。芝麻雞翼，又係外皮炸到乾脆，仲有芝麻好香，裡面雞肉好滑，炸既時間剛好。仲有圓形粒粒係炸榴連，榴連由於合時令，聞落係超香好吸引，食落更加係香甜，甜品一流。仲有天婦羅，炸蟹柳個外層皮係好夠薄，而炸蕃薯同炸南瓜，係好夠乾身，仲有甜汁係裡面，唔會食到肥淋淋，係而家咁注重健康黎講，唔會食到肥到漏係好緊要。飯後甜品仲有好多選擇，有朱古力 puff，果子，同豆腐花添呀。

經常去食放題，鍾意放題有好多好多選擇，而且抵食，一定可以食到飽一飽。呢間放題喺旺角，正正地鐵站隔離，超方便~而且食物質素ok，介紹一下先:串燒蝦蝦都算大隻，而且肉質新鮮彈牙，一咬好離殻，即係新鮮啦，加少少鹽已經好味辣炒蟹好香口惹味，辣辣地咸咸地，好香蟹味，蟹肉都算彈牙，而且鮮甜，好少放題有得食炒蟹，而且幾好味，呢個一定點黎試下天婦羅天婦羅蟹柳，啖啖肉，而且天婦羅皮薄唔會太油，肉質彈牙，帶少少甜味天婦羅南瓜南瓜好粉，好有南瓜味，炸得啱啱好，不錯天婦羅蕃薯仔細細粒，容易食，好甜同好粉，炸出黎又夠熱，ok~ 甜品區朱古力puff唔會太甜，不過外層朱古力味濃d會更好味，凍食puff 好正獨立包裝豆腐花，百福豆腐花不嬲都又滑又好味，呢個包裝比平時超市買既細，所以可以淺嚐，唔驚食到好飽仲有各式乳酪，超級多款，而且獨立包裝非常衞生呢間放題衛生乾淨，而且食物質量好，價錢又唔貴，絕對抵食

友人介紹吃放題，我話食物質素當然重要，但係地點都要夠方便喎。次次食放題都係食魚生刺身，無咩新意喎。雖則呢度既刺身壽司都新鮮，但係食放題就有點悶。先黎呢份辣煮東風螺，初頭以為無乜特別呀，食落就停唔到口呀。由於用辣椒煮過，螺汁鮮甜外加上辣味，份外惹味，螺肉新鮮而由於煮既時間剛好，肉質夠彈牙又滑，塊蘿蔔仲索晒螺汁同辣味，食落好醒胃。日式放題當然唔少得串燒啦。牛舌串燒好滑，肉汁鎖晒係肉裡面，並無因為串燒而流失晒。羊架用上香草燒，堅係燒而唔係煎，羊肉經過篩選，將肥利既篩走，全部都係啖啖肉呀，加上medium，羊肉汁係肉裡頭鏢出黎。

吉壽位於旺角地鐵站E出口隔離，位置極為方便，而且近排新裝修，座位環境都好舒適，食物質量不俗，真係要介紹介紹一下。沙律吧沙律菜款式多，而且添加率頻繁，所以沙律菜都好新鮮，dressing都有幾款選擇，自由配搭~冷盤前菜芝麻八爪魚好惹味彈牙，芝麻味好香濃，幾好~泰式鳯爪酸酸地涼浸浸，鳯爪又好爽口，好開胃! 辣味螺肉好爽口，辣辣地䶢䶢地，好惹味焗蠔本身不是好喜歡食蠔，因為怕腥，但係呢個焗蠔一啲都唔腥，而且蠔味好香，又熱辣辣，正蟹粥蟹味融入哂落粥入面，都算鮮甜，粥底綿綿地，蟹肉都幾彈牙同新鮮煮螺螺肉好入味爽口，少少辣味，白蘿蔔好林，好入味，正呢間放題服務很好，冇漏單，而且有效率，衞生企理，選擇又多，屬高質放題

收工去左旺角買完野, 響雅蘭附近睇下有咩食, 見到有人棟住個"元祖放題-吉壽"既牌, 以前都聽朋友講過話好味, 見價錢唔貴, 一於試試.碗碟有晒名, 乾淨企理. 而且地方好大, 好多卡位, 坐滿好多人, 但又唔覺好嘈.點左野食未黎, 就出去睇下有咩野飲, 睇睇下原來仲有個沙律前菜BAR, 可以自己任拎, 所以先拎左螺肉, 八爪魚仔同鴨腎. 樣樣都好爽口, 無雪味.先黎個刺身盤, 出晒煙擺得好靚, 帶子好鮮甜, 甜蝦同北寄貝好爽口, 三文魚同油甘魚甘香鮮味, 玉子夠軟熟, 每款刺身都好新鮮, 剩係狂食刺身都已經回本.醬燒皇帝蟹棒壽司, 個醬汁味唔算太勁, 無搶左蟹棒既鮮甜味, 蟹棒新鮮爽口.山椒粉鰻魚壽司, 山椒粉食唔出係咩, 不過個鰻魚汁甜甜地好惹味, 鰻魚無骨一啖易入口.芝麻雞翼, 外表夠香脆, 唔覺油膩, 肉質嫩滑, 無其他調味醬都已經夠晒味.黑椒焗牛舌, 黑椒夠香, 牛舌爽口, 軟腍入味.焗牛油帶子, 牛油香濃, 帶子大粒夠爽口, 濃濃既醬但唔覺膩.

難得媽媽繼食pizza後，茶客姨姨介紹佢去食日式放題，做女既我，緊係帶佢去試下啦！到左旺角發現食日式放題既地方真係唔小，但樓下派傳單姨姨話呢間重開，仲話卡位坐得好舒服，七點半前埋單仲有八五折，二佰蚊都唔駛，緊係試下啦！入到佢發現姨姨真係冇講錯，係我食過甘多間放題坐得最鬆動既一間飲品選擇亦好多，我就飲清熱椰子水，阿媽就飲韓國忙果汁，飲落阿媽話好似食緊忙果甘首先點既緊係刺身啦，甜蝦刺身鮮甜大隻好爽口，帶子刺身就略略覺得細粒左D，劍魚腩就夠鮮甜魚味，三文魚池魚就新鮮正常！第二點壽司，創作料理壽司係鵝肝奇異果帶子壽司，令外一個就係蟹膏甜蝦士多啤梨壽司，一黎到見到靚就靚，但只係諗起一個字會唔會中伏了食落估唔到味道好夾，兩款鮮甜刺身同水果原來會更加特出刺身的甜味！令外海胆手卷也抵讚，細細夠容易食，又唔飽肚，紫菜仲好脆食完刺身壽司已經飽左半成，但都要食熟食，串串牛舌～牛味好重，調味又唔會太咸，羊架～比起我果日大x好味好多，羊味重，又剛剛好熟唔un,串燒海蝦係阿媽話全餐最好食的，佢話夠晒新鮮甜味，阿媽主動要再叫多客，創作焗都好正，有酥皮包住，上面加左D汁，食得出都係新鮮既！本身已經食埋蟹粥已經食到

同朋友慶祝生日，揀左重新裝修既日本放題，新裝修後，座位舒適左，冇咁迫，食物質素都高左，刺身夠晒新鮮，最要讚壽司唔會比一大舊飯，小小刺身，而且足本，熟食我最喜愛就係金鋼腳（炸田雞），好小有呢d野食，好好味，唔會係梅果d,d肉都實淨，仲要唔係用炸醬炸，好味，仲有一味正既係冬陰公丸子，丸子裡面係流心冬陰公味芝士醬，簡直正，其他食物都好出色呀，要讚

同朋友慶祝生日，揀左重新裝修既日本放題，新裝修後，座位舒適左，冇咁迫，食物質素都高左，刺身夠晒新鮮，最要讚壽司唔會比一大舊飯，小小刺身，而且足本，熟食我最喜愛就係金鋼腳（炸田雞），好小有呢d野食，好好味，唔會係梅果d,d肉都實淨，仲要唔係用炸醬炸，好味，仲有一味正既係冬陰公丸子，丸子裡面係流心冬陰公味芝士醬，簡直正，其他食物都好出色呀，要讚

好耐好耐之前都有幫襯過一次, 但果時只覺得佢係平平地, 質素麻麻地! 新裝修之後, 絕對唔同左! 尢其而家係試業階段, 絕對可以一試!食放題主要都係食下刺身, 炸物! 兩款都足以判斷到一間餐廳到底乜質素! 刺身大盤新鮮, 而且件件都新鮮! 厚薄都均一的, 重點係虎蝦同生蝦都好大隻, 唔好比埋縮水野 天婦羅反而比到驚喜, 佢唔會太多粉去炸, 而且見到炸左出泥都好似好令, 顏色都好好 最緊要係炸物唔會好膩咁

就在昨天第一次跟男朋友及其家人到了這家吉壽吃放題,男朋友的家人買了團購票。我們一到門口其實都有人在等位, 不過我們就不用等位直接入左去仲可以坐卡位感覺不錯。由入門口到吃完埋單都覺得地方算乾淨, 不會油油的。不過入坐就覺得椅子與檯的距離有點近, 如果再肥點真的可能會覺得逼逼的。  先講講目錄, 一本整理好的目錄,內有牙簽可方便客人使用而且食物款式都不算少,覺得光是款式都是值得的。 先說說食物, 放題的例牌第一道美食必定是刺身啦。很多放題都吃不到的牡丹蝦刺身都有在內,真的十分讚平時少吃蝦的我昨天都ENCORE了, 還有甜比一般的大隻, 真的不鄙吝呀!!有圖有真相,即刻睇睇:其實所有刺身我都很喜歡的, 光是三文魚已經值得一提, 香港大大話話幾百間放題店, 三文魚必定是必吃之選,我最喜歡的三文魚就是油而不腻的感覺, 這裡就吃到了。提外話:不知道是口感問題還是真的如果三文魚上有銀色的魚皮邊,感覺真的好好味道, 個人認為如果冇銀色的魚皮邊的話,有一層白色的三文魚脂,味道都是一流的。希靈魚都是小片的, 其他刺身都是品質不錯,4人總共叫了兩個回合刺身。壽司方面, 單件壽司都係普通應有既質素, 手卷就好

這間位於旺角地鐵站出口, 地理位置相當方便, 我試了兩次(晚市), 食物質素也不錯,  ,剌身 : 新鮮, 可能用量大, 其中特大赤海蝦相當味美, 鮮甜, 榮螺也不錯, 爽口, 八爪魚, 鮑片都ok, 燒物 : 全部都正, 菠蘿清甜, 冬菇有汁, 蝦, 野味爽口,  , 羊扒 : 夠味不乾!, 炸物 : 夠香脆, 最特別是炸榴連, 相當榴連, 不好者, 勿點, 另外甚少漏單,  , 飲品, 雪糕自取不用等, 酒類也是任飲 , 可惜座位實在太窄, 不然就完美了!!

團購左 lunch放題 $108+ $55服務費12:05pm 入到去已經有唔少人到左，可能剛開店，好濃清潔劑味第一盤刺身好快到，三文魚無味，食落有渣，所有蝦都有d腥，真係好失望海膽手卷嚇死人，得一滴海膽炸物ok, 夠熱，但炸蝦係用一d蝦交炸蕃薯粒 夠甜， 燒雞翼好juicy壽司比刺身好食，但催左單先黎其他熱食一般，不過不失食物平均都等15 - 20 分鐘 真係等到訓著之前食過極尚大喜屋，我真係寧願比多幾十蚊去個邊食

17/10為好姊妹KK慶祝生日須然遲了幾天(沒法壽星女人緣太好了哈哈)揀選吉壽日本料理食日式放題4大2小星期六18:00入座食2小時收費成人$218小童$128都幾抵食架~先來剌身每樣都超新鮮尤其珍寶赤蝦和油甘香最得我歡心,前者巨大軟糯香甜後者肥美甘香友人們就愛珍寶甜蝦~太好吃又再order了好幾轉絕對係番本位~沙律凱撒大蝦沙律味道不錯最愛D脆口腰果~泰式生蝦沙律汁醬輕怡生蝦亦算新鮮不俗~枝豆係ling ling至愛一定叫給她吃啦~燒菠蘿放題必吃之物香甜多汁我吃足三件^0^原隻帶子黃金燒太約5元大的帶子吃不出鮮味來只有濃濃的沙律醬味麻麻哋~辣酒東風螺味道好不錯入味又夠淋不是怕胃痛真想多來一客呢~帶子,醬漬燒劍魚腩,鹽燒左口魚,蒲燒鰻魚,汁燒皇帝蟹棒壽司我吃了醬漬燒劍魚腩有魚香飯團亦算合格不易散開,蒲燒鰻魚就正常沒甚特別~迷你手卷龍蝦沙律,蔥粒吞拿魚,海膽手卷手指尾般的式本來很讚但紫菜韌到咬不開的失敗得很~芝士鰻魚反卷,花之戀都係正正常常啦 ~炸蝦天婦羅我不太愛沒試呢!!芝麻雞翼超好味炸得乾身不油膩皮脆肉嫩很讚,另外那榴槤炸彈好吃到暈外層皮脆內藏超香濃榴槤醬我跟豆豆每人都吃了2粒呢難為了