吉吉串燒 (已搬遷) 新店位置

突然想食串燒,所以走去試試唔知係唔係太早好多嘢都未番叫了雞中翼, 豬頸肉, 雞心, 豬腩肉, 司華力腸, 露荀煙肉,台灣香腸, 雞軟骨, 牛舌, 煙肉香蕉雞皮, 羊架無貸即叫即整等咗大概十五分鐘攞返屋企打開無咗台灣香腸同煙肉香蕉,不過算啦都夠食雞軟骨, 雞中翼同豬頸肉 - 好食,唔太乾豬腩肉同露荀煙肉 - 太肥牛舌, 雞心同司華力腸 - 正常比起一般舖頭平,會再去食過

今晚要同班靚女食飯，個個都想食不同的東西。有朋友在附近工作，所以找到這間小店，見食評唔錯，一於試下先~要等朋友，先食了腸粉，都幾滑，唔錯!醬料味道幾好味~唔會勁鹹~朋友到了，決定要試食幾樣好評食物。串燒雞翼，皮脆，咬開有肉汁，正!本人之推介!串燒食了豬頸肉(朋友說勁好食)，雞皮(我覺得勁好食，因為燒得好脆)，豬腩肉，雞腎，腸，豆卜(心機之作)等等，好味~見到老闆推介咖哩飯，好，就決定食咖哩吉列豬扒飯。即炸豬扒加上日式咖哩，的確是不錯的配搭。天寒地凍的確是打邊爐的好時間，試了新推出的日式火鍋。牛脊肉幾好食，好有牛味~見到火鍋配料幾靚幾精緻，老闆應該有選擇過，見不到爛菜頭菜尾，有心機之作!除了牛肉，還有雞肉選擇。我估如果同老闆熟d，應該可以試到老闆私藏的食物，哈哈。最後加了個手打烏冬結尾。老闆說用打邊爐的湯加個飯煮粥都好好食呀!不過太飽，下次先!對於女仔，幾飽都要食甜品，飲埋佢個白果腐竹雞蛋糖水，真的完美結束一餐。

尋日女朋友話想食串燒,本身話去黃大仙食,但係懶得行,就上網搵左黎依道食. 一間小店, 要坐係條街食, 係就熱左少少, 不過夠晒free,鍾意依D style. 2個人都叫左幾多野食:1大 細滑蛋吉列豬扒飯 - 大碗連野飲都係 $29 - 好食 + 抵食串燒豬頸肉+雞腎 - 好食串燒豬腩肉 - 普通燒鯖魚 - 好食燒烟肉香蕉 - 攪笑燒司華力腸 - 正常兩個後生仔(應該係老細), 一個負責煮, 一個負責對客, 佢地同d客好熟, 一齊飲晒啤酒 - 超正, 係佢地言談中就知道佢地有heart, 因為用既料都幾有要求. 埋單既時間仲同我地傾左兩句, 叫我地遲d黎試下Sabusabu, 因為佢話佢地唔用肥牛, 係用牛頸肩肉, 會爽d - 下次就去試下!!支持好食,有style既小店!!

呢個禮拜全家都好忙。所以有時夜晚都要食飯盒。之前都試過吉吉串燒嘅串燒同腸粉，全部都好ok。今次就試吓d飯喇。要了滑蛋吉列豬扒(小, $22) 同咖哩牛肉薯餅飯 (大, $29)。大嘅咖哩牛肉薯餅飯真係份量十足。有兩件牛肉薯餅，飯同汁分開上。牛肉薯餅好正，薯餅外脆內軟，薯茸多過牛肉。飯係珍珠米，好煙韌。咖哩汁味道好濃又唔辣，送飯一流。滑蛋吉列豬扒飯都係珍珠米。滑蛋食嘅時候已經變咗熟蛋，有洋蔥同夠多汁！吉列豬扒好脆口，炸漿又唔會太厚，好好味！

早前搵路途經此小食店見到裝左個電視，幾得意，所以今次搵埋Girl來試下，原來電視播緊日本飲食節目，又幾潮o波！個Menu都唔少野食，不過有d複雜，好彩店員細心解釋，終於點左咖哩豬扒凍烏冬定食，又湯，又頭盤，又包可樂，Girl見到格離點左串燒，我地都點左d, 講下d食物先咖哩豬扒凍烏冬 (豬扒即炸，好脆，凍烏冬好爽口)chopstick:雞翼(又係即燒，好味！不過燶左d, Girl就唔太鐘意)豬頸肉(唔肥，爽口，沙嗲味, Good!)牛肉(不過不失)露筍煙肉(比起平時去日式燒烤店d出品好，Girl發現原來用秘製燒汁)本來再想試下其他串燒，但Girl已經飽，亞Boy獨力難撐，唯有下次再來！估唔到咁細間小食店都有不錯出品，不過位置較難搵，條街又少人行，小弟差d盪失路！

由屯門放工出番旺角都六點了，七點幾又要出去飲。於是先買d野食填填肚。要了個腸粉餐。有腸粉 + 燒賣 + 豆漿，$13。腸粉份量不少，質地滑口，不會有粉黏之感。醬汁也不錯，唯麻醬較鞋口，也不夠麻香味。燒賣都係一般嘅貨色，較實。豆漿冰凍，甜度適中，也有豆香，很解渴。

從OR得知呢間串燒店質素不錯。於是買了三串品嚐。$15 豬腩肉、$6 豬頸肉同$6雞腎。$15一串豬腩肉實在唔平。不過老細話係招牌貨，好好食。佢真係無呃人喎！豬腩肉唔係淨係得個肥仔。佢係瘦肉隔著肥肉，肥脂分佈均勻。油份不算太多，連肥肉也一并吃下也不會覺得肥膩。豬腩肉肉質結實。沙嗲豬頸肉都好得！沙嗲醬好惹味。豬頸肉爽口，帶少少肥油花。雞腎在兩者比較之下則較平凡。無雪味，爽口，但無咩特別。

因為搬離左深水土步的關係,已經好耐冇係依頭搵食,估唔到係白楊街開左間幾日本feel的串燒店,鋪面有部閃閃下的遊戲機，都幾In wow! 講番野食, 主打串燒, 日式咖哩飯, 仲有腸粉..鋪仔細細..都幾多野食! 叫左串雞翼, 同埋老板推介的豬腩肉! 雞翼外脆肉嫩,秘製醬汁有辣有唔辣(又幾細心wow) , 豬腩肉有一層肥肉夾一層瘦肉, 但正如老板所言, 入口彈牙,一d都唔覺肥wow! ok...之後叫左碗糖水(腐竹蛋)，好有媽媽feel, 正！雖然係小食店，但老板都好極力推介，見到隔離食左個咖哩豬扒反，我唸下次要拉d frds來試下先，不過由於即燒的關係，串燒都要等太約5分鐘度。所以老板叫我下次打電話來先預定，佢仲話會定期更新個website,叫我得閒睇下 哈哈…開小食店都有website都唔簡單wow!

物超所值!! 雖然舖位細，只有街邊位，但味道好，亦唔太貴。呢次係第二次幫襯，今次點左滑蛋吉列豬扒飯同司華力腸，友人則點左咖哩吉列魚柳飯拼炸帶子加著餅，豬扒飯個蛋汁幾好，豬扒亦炸得不錯，甚有水準，外皮鬆脆，裏面熟透，魚柳亦係外皮鬆脆，肉質仍保持嫰滑。咖哩飯方面亦都不錯，應該是日本米的了吧...是甜咖哩，質感亦像一般的日式咖哩，應該混有薯蓉及洋蔥蓉。司華力腸燒得十分之不錯，外皮脆卜卜。該店屬於小店類型，亦不期望有什麼服務，純以價錢來說的話，平過一般店舖或餐廳，而味道更在不少店或餐之上，希望佢可以保持水準下去~~如果大家經過的話，試下d串燒丫，又平又好味~~

間野係我屋企附近,開左冇幾奈,開正係合益旁,有點兒日風,唔貴,算平,做外賣小食為主,所謂的堂食,就係街邊的一張枱仔,特別的是有部日式波子機係門口,唔知係咪玩得o既呢?好!講番食物先!第一次幫襯時叫左個薯餅,說是日本北海道的コロッケ,但一點都不是,不好食,太淋,沒質感,d油多到,一食就成口油! 不過個時始終係新開張,唔知而家有冇改進! 大家不防冒險再一試!第二次就唔幫襯薯餅,我諗幫襯串燒會穩陣d,話晒個名都叫吉吉串燒!於是幫襯左燒豆卜($4/串有4粒)同燒雞軟骨($6/串),好味!!佢d燒汁好正ar!!尤其是燒豆卜,同燒汁好夾,好香口好脆!!!而家食上癮,不過因考慮熱氣的因素,唔可以食得太密....但燒豆卜絕對係我心頭好....之後仲食過燒司華力腸($8/條),都唔錯,可能女仔胃口細,食一條已經有d飽~都係豆卜好~我本來冇諗住幫襯佢d港式小食,不過有日daddy買左佢d腸粉番黎食,意外地好食,我的好食標準就是夠滑,總之好食,同桂林街個間有得fight!($5/4條; $7/ 6條; $10/ 9)最後仲食過佢的腐竹雞蛋糖水($8/碗),好得意,佢寫明用樹記的腐竹~唔知係真係假,不過其實我

叫左OK多野食日式咖喱飯有好多配搭, 包埋野飲都唔過$30 (冇記錯的話)我就叫左日式咖喱飯 +吉列魚柳同吉列帶子..好好味物超所值腸粉配燒賣..呢樣都值得一試串燒方面, 芝士腸, 豬頸肉, 牛肉, 煙肉腸仔都好好味可惜冇冷氣, 大家要忍耐忍耐價錢方面, 絕對合理我同女朋友食左好多野, 食到好飽都係$80左右

有日行過，見到店子門口有部日式波子機被吸引住了~便取了外的單張多款日式咖哩飯~有迷你size供選，啱晒細食又為食的我...可以試多幾款串燒~正！罕有的特式串燒及日式飯食，難得的是價錢十分合理便宜呢~今日食咗個迷你咖哩吉列豬排飯~甜咖哩配上入味的蘿蔔及薯仔~yummy yummy加埋串燒雞軟骨同埋雜菜丸~真係一次過滿足晒我三個願望的午餐~雖然係叫外賣，但送到來食物仍是熱辣辣的呢^^真係好過選茶餐廳外賣

之前經過都想試下na間野,因為都幾少可見到有得賣串燒,而且價錢都合理今日終於去左la,叫左個咖哩吉列豬扖飯同咖哩薯餅個咖哩豬扖飯好好味,係日式甜咖哩。d薯仔同紅蘿白好林,同咖哩味好夾d吉列豬扖係新鮮炸ge,金黃色,好脆到個咖哩薯餅,都好脆,好難得佢都食到淡淡咖哩味同好薯仔,不過,係略微未吸乾d油整體而言,都物有所值!!!!!!!!!但係冇冷氣ge~

本人途經長沙灣道,有陣陣串燒味吸引著我,豆腐卜串燒食落似臭豆腐,但沒有臭豆腐的臭味,十分吸引我,令我對其他串燒十分期待,試落下亦沒有令我失望,下次一定會再次光顧!

昨天下午時份,駕車到白楊街的布行買貨,停車後見到這間新開的串燒店,(見佢新開,抱著好奇的心態試下)......見佢有串燒,咖哩反,魚蛋,腸粉和燒賣....便叫了一些串燒和咖哩反試下,叫了一牛肉,豬頸肉,豆付串燒,再叫了咖哩豬扒反...串燒夠味,再加上辣汁非常好味(由期豬頸肉,一點雪味都沒有,非常出色,一定要試!!!)豬扒反是日本咖哩汁,有好多紅蘿白和薯仔在汁裏,豬扒炸得外脆多汁,好味佢都價錢都公道,串燒每串$6咖哩反加可樂$21但可能即叫即燒關係,要等時間比較耐,但食過後的食物好味程度和質數等耐一點也接受在等的期間見很多人買燒賣和腸粉,好似好好味,但我已叫了反+串燒,只好下次經過再試.