合隆麵家

營業中

休息中

第一次來，都沒有資料蒐集，不知道什麼特別出名，後來見到有牛沙瓜，就留待下次試吧。這次點了一個牛雜幼麵，它是潮式鹵水式牛雜，麵條份量都不算太少，至少要幼麵來說都總算吃得飽；牛雜的份量也不太少，牛腸比較似粉腸的質地，味道相當普通、牛肚都挺為爽身，以我不太特別喜歡牛肚來說，味道都不太差；牛肺質地夠彈牙，夠爽身土瓜灣這個區域真有趣，往往你看見以為新式的車仔麵店，反而比較骯髒；反而這一間門面看似極為懷舊的小型麵店，反而內裏其實新式而且乾淨，除此之外，在炎熱的夏日，我進店之後，店員阿姐亦都很細心的為我開啟時髦的穿窿風扇，服務可見一斑。其後第二次來，試牛腩，豈料又乾又鞋，比煲湯豬骨的肉質還鞋，沒得救，只可當作是平價的麵條，沒特別香氣。

以前食牛腩，毫無疑問，九記是我首選，可是數年前吃過水準直線下跌的牛腩，從此割蓆，頭也不回。每次路過九記，門外人龍依舊，但十個有十個是遊客，可見這個昔日不可一世的照牌，只為遊客服務。像我的市井之輩，想吃牛腩或牛雜。當然不乏選擇，土瓜灣的合隆，該區六十年老字號，（當然現址就無六十年啦）沒有甚麼傳媒介紹過，亦好像沒有遊客上過門。崩沙腩，是我心水之一，吃到油脂甘香，軟滑的肥膏位；鬆軟的肉質，長期處於高水平；嫌貴的話，可以只要牛腩，半肥瘦好喇。有不少麵店也有牛沙瓜，不過貨源甚少，這裡你只要開句聲就有，＄40一碗，伊麵加＄3。懂得欣賞就知是好東西，有如瓜狀的皺皮外表，煙韌中略帶爽，吸收了滷水的濃郁芳香，與湯底打成一片，爽滑的伊麵在這碗牛沙瓜裡面，只是點綴而已。來一碟淨沙瓜，加杯威士忌，至尊無上的享受呀。

肥仔老闆串串貢。我話要碗魚蛋河。佢竟然俾碗雲吞河我...我都唔出聲啦。之後我話要加底。以為個餐牌加3蚊。點知原來加6蚊。大佬你話加1000蚊都得架啦。個餐牌又無寫。之後同佢嘈。佢竟然話加6蚊。我唔係為左6蚊嘈。係標明價錢完全唔清楚。希望大家唔好幫親呢間店鋪

次次去土瓜灣都會幫襯我既飯堂（香港地） 但每到月尾都會唔捨得食今日又到土瓜灣正諗住去雲貴川食個米線醫肚既時候發現隔離呢間唔顯眼既牛腩面大慨因為我每次都係夜晚先游走於土瓜灣 肥佢長期拉閘無留意到見無咩人心口掛住個勇字就入去好乾淨既小店幾個老人家食面 望望餐牌 叫左碗雲呑河走青同崩沙腩河走青仲有可樂（係玻璃樽仲要係大size!)湯頭偏淡 牛腩湯香 無味精大碗到我食唔哂 但為左唔浪費都努力食食食食完飲啖可樂正小店另一好處 很清靜 （老闆當然唔想） 但我作為顧客唔使同人逼 安落食碗麵 係種幸福會多d幫襯 食得多雲南米線 有時覺得港式面仲正

以前食牛腩麵就係簡單一款, 無話有咩崩沙; 坑腩咁多款式..今時今日大家對生活飲食都有要求啦..所以簡單一碗牛腩麵又點可以滿足大家...咁就多左不同牛既部位整出來..相信好多人都對中環九記唔會陌生啦..佢除左出名多人排隊; 佢地既牛腩亦非常有名氣...之不過佢地既服務都同樣出名...AHHAH..咁其實香港咁多美食; 亦唔止佢地有提供不同牛腩部位既麵店..好似這間係土瓜灣區既合隆麵家都同樣做得出色唔錯, 起碼唔洗排隊; 舒舒服服食餐飯仔. 就算晚飯時間去都係小猫三四隻; 不過唔代表佢地既野唔好食...當晚我地叫左崩沙腩麵同埋沙瓜河...我覺得崩沙腩真係做得幾出色, 牛味重又淋身而且唔會覺得好肥; 最正係個湯底好濃牛湯味..真係唔錯.至於個沙瓜河都可以, 係爽口但我自己覺得就無咩牛味...可能這個部位唔算我自己喜歡這一店如果大家簡唔中喜歡食下崩沙腩都係一處唔錯既選擇.地址:土瓜灣譚公道40號富康大廈地下

7點上堂前食碗麵坐低前問姐姐崩沙有咩分別~有些根, 肥小小算吧~ 試下睇下點粗麵特登叫林d, 完全合我心意好少牛腩... 再泡5分鐘發帳才食咁又大碗d翻兩翻~ 肉裡面確實係有質感唔同彈牙又唔痴牙, 小肥又不膩口, 充滿牛油酥香有塊根膜, 十分林$38貴左d~下星期再食埋佢既沙瓜才罷休!

今天下午兩點多路經土瓜灣見到一間牛腩粉，門面一般，但星期六這個時段竟然還是滿座，唔通有好嘢食？抱著唔好執輸的心態入去試吓，價錢尚算合理，味道也確實不錯，難怪有咁多人捧場。

肚餓到醒咗，唔知食乜好，牛雜河一定會係我第一樣諗到嘅嘢今次幫襯牛雜河加枝細忌廉再加份炸魚皮，一收到碗野唔記得影咗相先，老闆娘煮嘅話每一次都擺到好靚，湯頭夠香濃，食晒個面一定要飲埋個湯，加埋炸魚皮脆卜卜，正啊！

合隆麵家係屋企附近唔知食乜好就一定係去幫襯每次都係食佢既招牌牛什河只售28蚊加支細汽水都係加6蚊埋單34蚊一個女仔食飽哂價錢便宜，牛什入味湯底好雖然份量唔似岀面幾廿蚊一碗大大碗但呢個價錢買到既牛什河絕對係抵呀平靚正之選啱哂我咁中意食牛什既人

呢間食肆在土瓜灣都已經経營了很久，幾乎每個街坊都識，我當然要試試啦。入到去就叫了我最喜歡的牛腩河，當樓面放在枱上時，我有點驚訝，因為價錢都＄30幾蚊，而牛腩咁少嘅！至於味道就一般，因此不會再來了。

細個時成日病，睇完醫生就去依到食。記得個時叫貢丸河第一感覺係碗麵好熱，再試貢丸好好味，一試上癮。最後河粉都好滑。經過多年，味道一樣。貢丸河都係咁正上菜快，服務態度良好。雖然樓面吾係美輪美奐，但是食物真係一流。係一間保持水準的老店

住在土瓜灣多年，對當中的景物或食肆，或多或少都存有感情，當年珠江戲院仍在經營時，附近的麵檔都光顧了不知多少次。合隆麵家多年來不知道有否經過易手，但記憶中變化不大。牛腩麵麵條淥得太腍，而且有鹼水味，不是在下杯茶，已經打了折扣，牛腩炆得夠腍，筋膜位豐腴，已經不錯。只可惜當年吃完麵會跟女朋友睇戲的情景，就只有在回憶中。

在回家的路上經過這家食店， 被他們的大招牌吸收，行近點， 見到寫住 崩沙腩， 好！ 就會一會你。當時6：00， 以為會賣完， 估唔到仲有！ 牛腩， 唔夠林， 但總算入吸， 清湯腩， 以$30的價錢食到崩沙腩， 我就覺得已經超值啦。如果這店在旺角， 這個水準起碼要$45。我會再幫襯， 下次試埋牛雜。

今天晚上一個人想食碗湯粉，經過在土瓜灣經常食魚蛋粉的德昌魚蛋粉，只見人頭湧湧，要等位，忽然又想食很久沒吃的牛肚，想起在隔鄰譚公道的合隆麵家，是區內一間牛什專家，便叫了一碗 牛肚米 ($20) 加油菜 ($10) 。牛肚很腍很入味，米粉夠腍 湯底則較味濃，有點咸！可叫杯$5的自家豆漿 ！原來這家店1958年由排檔遷入店舖，已經有超過50年歷史，是經濟實惠的街坊粉麵店呢！

譚公道內的食肆甚多，最常光顧的來來去去不是主打粥及腸粉的"腸粉皇"便是吃一盅兩件的"慶發"。反而這間就坐落在"慶發"旁邊的牛什老舖，卻是一次也沒有來過....獨個兒來吃碗牛什河作午飯。天氣依舊熱得很，胃口也不算特佳，就只一碗湯河便夠飽。當然習慣上先啖一口湯底，先看上去感覺色頗濁的，味甚濃且感少許咯喉，已留了一個不大好的印象.....河粉沒有被浸至碎碎的，仍可用筷子輕易而食，進肚後的感覺夠實在，很易飽肚。牛肚很淰，由此便嗦盡了湯汁，味因此甚鹹；腸內仍留有不少肥膏，吃得人肚滿腸肥。不喜此道可能眉頭大皺，自己倒覺是可以接受的，還來一個愛吃；膀稍嫌不夠"粉"而且甚硬身；肺跟肚一樣質地甚淰，但食味卻只是很一般....水準平平的什河一碗。不過嬴在夠便宜，口痕時吃一碗進肚，總勝過吃所謂的"麵粉燒賣"及"化學魚蛋"的....