合興(潮州)大排檔

難得小弟生日 老婆請食飯！就去左屯門傳說中比較污x既合興大排檔食飯叫左5個餸，3支藍妹！賣單800蚊黑椒茄子牛仔骨： 茄子太硬，汁太少！肉太Un豉椒炒蜆：第一碟唔辣，完全唔掂！另外叫多碟辣既，都係唔辣豉汁蒸鱔：太簡單既餸，好難蒸得唔好食！蒜蓉蒸元貝： 一隻30蚊，完全唔掂，雖然係新鮮，但只係食到蒜蓉味....成碟120蚊，我寧願比錢買樽蒜蓉返屋企蒸黎食....總括黎講，價錢太貴，寧願去何福堂食好過！同埋食食下感覺佢只係因為開到深夜4，5點先有生意我就永遠唔會再幫襯5碟餸，有4碟唔掂，加3支藍妹！ 要800蚊係何福堂只要600蚊就搞掂…查看更多

見到某外賣平台有優惠，就叫了試試1. 西檸肉排HKD108醬汁另上這點做得好好，令肉排依然香脆。質地比較柴。另外，檸檬汁味道好淡而且十分稀，肉排完全不能沾上檸檬汁。幸好是肉排本身醃得夠入味。2. 墨魚拼生腸鵝腸 HKD108主菜是花生，拌菜是墨魚生腸及鵝腸。滷水汁很淡，令到三樣的食物都不算入味。鵝腸很乾很柴。生腸應該浸了好耐，所以比較上色，但味道普通。墨魚普通。小總結❤️❤️❤️📌有優惠勉強可一試…查看更多

今日專程返到屯門逛一逛，返到大興邨真係有一種好親切嘅感覺，畢竟我自小就喺大興邨住過，所以真係好有歸屬感:)，言歸正傳～我嚟到大興街市附近，我就去咗自己一直都好想去嘅合興大排檔，因為合興嘅海鮮、打冷同小菜真係好有水準，我叫咗個時菜牛腩飯，芡汁相當惹味，白菜食落非常爽脆，牛筋同牛腩都好淋易食兼冇渣，白飯軟硬適中，每客$40元，送熱飲，凍飲需另加$2元，不設例湯，我食完碟時菜牛腩飯之後，另外再叫咗個椒鹽豬扒飯外賣，椒鹽豬扒非常香口，有好多炸蒜、紅辣椒絲、豬扒炸得啱啱好，炸粉唔算太厚身，肉質鬆軟，再加上白飯又淋咗複製豉油，真係非常之好食！…查看更多

今次罕有介紹依間大排擋，係朋友介紹特登入去，食物都有質素，岩一班人飲酒吹水，手撕雞店員推介我地叫麻辣，但我地唔食辣就咁叫左個唔辣，雞絲配青瓜，海蜇，爽口清新，雞味略咸如果配埋啤酒就可以中和左個味。店員介紹大蝦芝士伊麵，麵身週中，蝦肉新鮮彈牙依個係蝦多個伊麵，份量十足。…查看更多

早兩日揾位住大興嘅老友聚聚，例牌又嚟合興， 麻甩佬嚟呢度飲啤酒講嘢大大聲加幾句粗口係同呢度嘅環境氣氛好配合嘅。 加上啲店員都好街坊feel又随和，唔似何福堂果間好似唔休做咁，所以我偏向嚟呢度。因為果日幾熱下，所以無叫我至愛嘅烏江魚窝打邊爐。 就叫咗條大眼雞，蒸鱔，鼓椒炒蜆，同鹵水鵝片。 海鮮類嘅嘢可以自己去睇，睇啱叫佢煮，食咗N次都無失拖。 冷檔條大眼雞都ok, 呢度鹵水嘢就普通，墊底個鹵水豆腐就好好食。啲嘢唔貴，叫咗4,5支大啤，570蚊。 …查看更多

幫襯呢間舖頭超過十年，人情味重，老闆員工都好nice, 每逢秋冬都會嚟呢度食羊腩煲，堅正。 平日我會叫烏江魚煱，用嘅係鯇魚，識食要叫起片上，唔走油自己碌至夠滑，湯底一定要叫中辣或以上至惹味嘅，打邊爐就梗要叫手切牛啦，呢度係安格斯，唔知邊度攞貨，牛味重好正斗。 其他海鲜配料新鲜貨比你，因為好所以推介一下。 另外呢度蒸海鲜，煮海鮮，小菜都幾好嘅。 不過論環境就唔會好，因為屋邨街坊大排檔果種，打冷嘢亦不要期望高秋冬信我嚟呢度食魚煱，羊腩煲，手切牛。一流今個星期嚟咗兩次，一次食魚煱，一次小菜，比啲相大家參考發相至知第二餐無影相，果日蒸倉魚好滑，召鹽鮮尤好足料，唔會好厚粉。鼓椒炒花甲，辣度適中，好肉……鹵水拼就自己諗…查看更多

屯門工作早餐，同事想試啲風味嘢，帶我去街市內呢間早市茶檔，地方殘舊，一條巷放咗蒸爐，店內地方大，不過枱布同地下都污糟！食客大部分係叔叔伯伯，呢度要自助去蒸爐攞點心，店員再寫點心卡！茶：茶壺崩晒咀！夠熱不過唔夠茶味！蝦餃（$17）賣相唔靚，皮好韌又唔飽滿！好似乾咗！餡料嘅蝦細隻，而且有腥味！唔好味牛肉腸（$16）腸粉皮厚唔滑，牛肉餡唔多！太薄身食唔出味！甜豉油清爽！一般同事食：鳳爪排骨飯：燒賣：鮮竹卷：食物唔好味，雖然價錢好平，不過店員同啲伯伯食客都唔介意！好悠閒咁嘆茶！店員好爽手！管點心嘅男店員負責收錢，佢雖然唔係好識講好聽嘅說話，係僕實咁招呼，好似我哋要分開比又得（一張卡寫晒）我問翻啲點心各自價錢又得！真心喜歡呢種人情味！人情味點心…查看更多

好想食潮州冷啊！左搵右搵，只有大排檔呢。無緊要，放膽一試。衛生環境應真麻麻，坐位設於街市側的坑渠巷仔內，還有好多叔伯在次聚會，隊啤煲煙呢。侍應嬸嬸友善招呼周到，還推介菜色，叻叻。見室內有人食煙，坐坑渠邊同樣被煙民包圍，數隻小強係牆上爬爬下，慶祝除夕派對嗎？老闆姐姐們雖然勁忙都有禮，服務還算滿意。豉椒炒花蛤，蜆肉肥美嫩滑，生炒脹卜卜，鮮甜無比，散發海水咸香，應該係花蛤皇來的。不過豉椒汁調得麻麻地，過甜而濁，鑊氣一般。蠔仔粥，芫茜蔥另上給女友的。只有肉碎味道單調，無方魚無冬菜欠缺香甜，粥底偏淡，唯有添點豉油、添點胡椒粉。小巧蠔仔肥嘟嘟又白雪雪，滑溜溜外層，既飽滿又極具彈性。一咬爆開，鮮蠔汁豐富，獨欠蠔甜味，再肥美一點更開心。蒜蓉炒豆苗，不再苗了，老了一點點，粗糙不爽嫩，味道鑊氣都一般，食了幾口已不想添食，食剩了。清蒸游水沙巴龍躉，索價 $200 都合理，街市賣本地養魚龍躉都要 $70，質素當然天淵之別。剛剛多寶魚賣晒只剩龍躉，無選擇，照食。超級甜美，魚味濃，彈彈滑滑魚肉，大口大口地吃，滾上魚汁豉油，美味絕倫，將魚骨魚鰭損得乾乾淨淨，那有不好吃的理由。醉雞鍋，湯底不欺場，滿意香甜，有酒味有藥材味有雞味。全部一鑊熟，雞油浮浮，好油唔敢飲啊！淺嚐幾口，適可而止。大肥雞厚厚的皮、厚厚的膏，雪藏雞的味無可抵抗。幸好猛火灼灼熱，慢火浸熟還有一絲可口。沾上指天椒豉油，香辣咸香，質地實淨帶滑，還有可取之處，一般唔難食，可以落得肚。游水海中蝦，大大隻而且份量也不少，眼見十幾隻有多，好抵食。新鮮度無可置疑，活潑好動，紮紮跳又腳踢踢！幸好用竹簽插住定形，否則跳到通街都係。不要煮過火，如果蝦肉變得乾鞋就認真浪費。湯大滾，即刻一紮掉去生灼，望住蝦殼變成翠紅色，食得！蝦膏甘香，蝦肉爽嫩甜美勁多汁，熱騰騰洒上辣椒豉油，無得頂！菠菜，翠綠可口，泛著菜甜味，索索聲夠晒脆，滿意。滷水鵝，師傅咁早飲醉？刀功黁麻麻，幸好沒什麼骨碎。斬得鵝件厚薄不一，有幾舊切片一樣。鵝肉結實硬淨，嫩滑欠棒，點點鞋點點韌。呎碼、味道、質地都似鴨唔係鵝。不過滷水夠清淡微香，滷水混醋特別好味，想來碗白飯啊！侍應姐姐答應比大豆芽底我架喎，最後都係花生豆腐，感恩唔係淨豆腐都好。我最愛烚花生，討厭乾爭爭的脆花生。略脆微濕烚花生，浸上滷水都不錯。不想浪費食物，豆腐乾滾上大量辣椒油照食，外皮嚥韌，內裡就結實。最終都食剩少少花生豆腐囉。…查看更多

已忘了多久沒來過這裡，什麼味道也沒什麼印象，只記得當時是和一位男生來的，現今他已為人父。:)這天來到這裡不是要懷愐一下過去，而是剛巧想吃潮州鹵味，卻又忽然想起這裡有一間打冷檔。對於我黎講打冷檔最重要做好鹵水，其他不過次要，可惜開左咁多年都令人失望！:(…查看更多

邨內有歷史食店之一,幫襯左都好多年,到今日至的起心肝寫個食評。舊式屋邨食肆環境唔會太好,食物都以抵食夾大件吸引顧客,所以客路都以叔叔伯伯為主。大人今次外賣生炒牛肉飯,見佢炒得幾靚又大大盒,忍唔住筆左佢好幾羹飯食;飯粒炒得金黃少油,碎牛肉份量唔少,加上雞蛋香蔥炒埋一碟,味道咸淡適中,好香的一碟炒飯!!據大人講炒呢碟飯既師傅仔好後生,初期我地都讚師傅仔炒得好,誰不知過左一陣,師傅仔個師傅隆重登場喇;最後大家各自搵汽水、檸檬茶黎解渴,灰!!本來味道絕對可得笑面,只可惜師傅太重手,要扣分!!…查看更多