合興隆美食中心 (已結業)

我哋喺葵興邨兜左好耐都唔知食咩好，最尾見到呢間好多街坊食嘅餐廳出面有個餐牌寫住有得食蒸魚就行左入去（因為我屋企好少買新鮮魚食😂😂）餐廳好多小菜可以揀 我哋最尾揀咗西檸雞同豉汁蒸倉魚魚既種類其實可以有好多揀 我地當有得揀牙帶魚、紅衫魚、泥猛、黃花魚（有d唔記得左） 個汁都唔只得豉汁揀 可以揀蒜蓉、蕃茄汁個d 蒸魚係即叫即蒸，我地個碟好食好新鮮，但要食既話可能要等既時間會長少少西檸雞都好好食 夠哂酸味 真係見到有檸檬片係碟餸入邊 唔係求其搵啲檸檬汁開水就算。數落都有十幾嚿雞塊 抵食之選

呢排都係葵興做野，呢日做得晏但太肚餓，所以決定係葵興食完先回家～不過附近冇乜選擇，誤打誤撞入左呢間茶餐廳食野。一入到去，基本上都有位坐，因為都幾大下。大多數都係住附近既人係到食飯。種類都算多，價格亦唔太昂貴。咁多選擇，我最終簡左個西式常餐食，叫左沙嗲牛肉公仔麵，配火腿煎蛋，仲有牛油餐包加熱飲，先係HK$38！！我就覺得好抵啦！沙嗲牛肉公仔麵，都算濃味，牛肉份量都OK 多，所以食得好飽下。個煎蛋係半流心，我擺埋落個麵到一齊食，簡直係絕配。不過個包就麻麻地，可能係冇烘底關係啦。所以建議加１蚊轉烘底，起碼會硬身Ｄ，冇咁軟身。食完，飲番杯熱利賓納，成個人都好暖好飽！以街坊食堂既質素黎講，味道都算正常，但價錢就好吸引我！CP 值高既一餐飯！

一連幾天嚮葵興工廠區附近,唔熟尼區,得自己一個又好攰,下午茶時段唔知食咩好,想搵間餐廳可以舒適咁食啲野真係話易唔易,咁啱經過尼間茶餐廳,門面好大,望入去有卡位座,就衝入去叫左碗雞扒公仔麵(出前一丁麵底丫唔該)配熱奶茶嘩～塊雞扒係金黃色脆皮咖~睇得出廚師用心煎,淨係睇已經加分,食落去雞扒厚肉無雪味~加上座位好闊落,食完嘆埋杯奶茶,開心哂!所以連續3日我都嚮尼間茶餐廳食下午茶~食左餐肉蛋三文治烘底 配熱華田再追加 奶油多烘底 尼款麵包真係越食越想食而今日終於(嚮下午茶時段)叫到我想食既午餐梅菜蒸鯇魚配白飯送例湯$38,師傅叫出黎問我想要魚頭定魚尾,我驚多骨,所以選左魚尾,魚清甜新鮮,唔係好重調味,簡簡單單,係家既味道~

8號風球下，來到這裹叫了一個午餐$38 （包例湯同油菜），心諗好抵食，但由於8號風球需要加多$2，湯同午餐都到了，還欠一碟油菜，即時問侍應，佢就同茶水講，佢話轉頭正，但聽到老闆同茶水講唔好正😡，跟住就同我講話冇晒😡😡😡😡，$2佢就識加，菜都識收，呢間平時做開街坊生意都咁冇良心，睇真d佢寫個餐牌都好鬼鼠，係餐牌底用細字寫：熱飲加$3，凍飲加$5。同一個價$40附近餐廳包湯同熱飲，唔駛食得咁受氣😰

自轉到這區返工後，四處去試適合自己的午餐，因而在這食店醫肚，典形有幾款午餐自主打，看後選了梅菜扣肉飯，扣肉肥瘦比例是七比三，入口肉質煮得相當淋，跟餐的例湯也極有水準，凍奶茶甜味適中，整個午餐相當不俗。

16-5-2013(四）是日，很早便起床。一個人坐巴士 30 號來到葵興，隨意在 合興隆美食中心 吃早餐。 點叫了一碗五香肉丁通粉配凍檸茶。通粉上桌時很水汪汪，吃下一口，淡如清水的湯底；五香肉丁份量尚算足夠，可是肥膏多於肉，也沒有辣味；通粉尚算合格，夠腍身。而那杯凍檸水甜得很，沒有茶味，像喝著加入白糖的水一樣，頗差。又是一次就夠了。。。

母親節, 屋企無飯食, 就走左落街食, 又係諗都唔洗諗行左去合興隆例牌叫3個小菜, 包3湯, 6飯1. 粟米肉絲班塊: 班塊炸得香脆, 肉絲份量OK, 嘗算嫩滑, 粟米汁係罐頭開, 打左蛋花炒, 令賣相加分2. 栗子滑雞煲: 雞件比較鞋口, 栗子都淋, 但唔甜, 配菜好似冬菇就比較香口3. 羅漢斉玉子豆腐: 玉子豆腐好滑滑=3= , 有白菜, 金針, 雲耳, 草菇, 磨菇, 腐皮, 紅羅白絲, 清清地, 好味之前35-45一個小菜, 而家去到40-50, 但勝在配湯同2個飯最值得讚係所有野都熱辣辣一家四口135蚊落樓

成日經過呢間餐廳, 都未幫襯過, 呢日經過, 一於試下先!地方係一般茶餐廳裝修, 都算乾淨, 不過就舊左d, 侍應要叫幾次先有反應, 因為佢地都好投入咁去吹水中!炒蛋+餐飽 - 蛋炒得過左火, 基本上伙係"發"左隻蛋然後煎, 並唔係炒, 知不過個餐飽又幾好味wor.....火腿通粉 - 味精水湯底, 通粉炒無煮到腍晒, 份量又夠, 都好好la, 如果塊火腿煎下仲好茶走 - 茶味又幾夠wor, 又滑, 讚!咁0既價錢, 有咁的水準同份量, 都仗叫做好抵食!

每每唔煮飯的日子多數都係呢道食晚飯. 4個人叫3個餸, 每個餸送2碗白飯同一個湯, 好抵架雖然比以前貴左, 但而家咩都貴, 無法啦...今次叫左: 菠羅生炒骨, 羅漢斉玉子豆腐, 沙嗲粉絲班腩煲1. 菠羅生炒骨: 甜甜酸酸幾開胃, 又熱又脆2. 羅漢斉玉子豆腐: 玉子豆腐好好食啊>.< 但熱到"辣"親個咀, 仲有蘑菇, 雞脾菇, 白菜, 枝竹, 金針, 紅羅白......狂食~3. 沙嗲粉絲班腩煲: 上枱時仲滾到起泡的 好多班腩, 辣辣地, 雖然個汁比較"傑", 但用黎送飯一流啊120蚊落樓, 都抵食啊

呢間茶記都幾多元化,除咗粥粉麵飯外仲有自家製嘅新鮮出爐麵包同西餅,早午餐都食過,普通而已,不過佢地晨早同中午都有新鮮出爐麵包,有時行過都會買番件,普通嘅麵包如菠蘿包等嘅size幾大,比一般嘅大2,3成但都係賣$2個,好抵食.今次特別講吓佢D西餅小食,個人最鍾意係蛋白椰撻($2.5)好香椰絲味,合桃蛋糕($2.5)鬆軟重牛油味,曲奇($2.5)當然唔係藍罐個D味道而係好港式嘅鬆化牛油香味,而家好少有,至於老婆餅,豆沙餅及蝴蝶酥都係$2個,我就覺得比較普通.

以前細個，成日食朱古力曲奇～不過，大個就無食，完全唔記得有ｌｅｅ隻曲奇～突然有日，番家ｇｅ時候，見到合興隆有得墳，就即刻買ｌｕ！合興隆係２：３０ｐｍ後會特價～朱古力曲奇（＄２．５）：好味呀！同細個食ｇｅ味道一樣（可能係因為唔難整，所以間間都整到差唔多味，不過我就係鍾意ｌｅｅ隻味），唔會好甜，曲奇好香～中間有少少果ｊａｍ，少少酸酸地～～個頭有朱古力醬！每次都會好快咁食曬ｄ曲奇，之後淨係食ｄ朱古力～正呀！奶油包：佢個樣就好似好好味，所以我買左佢～但係．．我做左樣好好蠢ｇｅ事．．我放左個包去微波爐叮．．ｄ奶油溶曬．．．．搞到好怪．．我食唔出佢好味還是唔好味．．唉～蝴蝶酥（＄２）：好味呀～個邊脆脆地，有ｄ糖～中間就好香牛油味，又係有ｄ糖～好香～ｇｏｏｄ！

街坊舖，上次小型火災之後好快又變返咁多生意。呢度啲嘢食變化少，又油膩，早餐尤其唔得，不過叫做就腳，贏咗地利。上個星期四陪人哋阿嬤落嚟食咗個梅菜扣肉飯，非常正，燜得好腍好入味，話咁快冇胃口都成碟飯送晒。好多人會話肥得滯，咁扣肉就係咁架啦，要扣肉唔肥，不如要炸薯條唔熱氣吖笨。好食到人哋阿嬤買多個外賣攞走。