5
1
0
電話號碼
26799511
營業時間
今日營業
11:00-15:00
星期一至日
11:00-15:00
付款方式
現金
座位數目
86
其他資料
電話訂座
招牌菜
自製蜂蜜 客家三杯鴨 客家炆豬腩
食評 (6)
等級4 2015-02-24
1885 瀏覽
這天跟一位小學同學"東東"到烏蛟騰hea行半日遊, 天色雖不是陽光普照但也可算春光明媚, 以好悠閑的心情慢行出三椏涌再慢轉出三椏村途中經過一排小村屋, 那裡就是” 合益蜂場”了, 餐廳是開放式的, 夏天來的話就要預咗無冷氣了, 當天氣溫剛剛好在20度上下, 完全適合在外用餐, 這裡廚房在餐廳的一邊但又無好大油煙喎! 我們看見有員工在洗蠔, 不過他們做的是”原隻蒸石蠔”$85/10隻,而非一般的開生蠔者蠔仔粥, 煎蠔餅就有, 我們當天叫咗:走地雞半隻 , 肉質真的幾似在大陸食到嘅瘦雞, 皮下脂肪甚少, 肉質幾結實下!雞嘅調味偏淡嗰隻但又不會是淡而無味!香煎客家蠔仔餅$90 基本上是一片薄蛋餅, 蠔仔数量不多, 煎得有點乾, 可以講係健康版的煎蠔餅, 但這樣口感又會是比較削身, 蠔味不特出, 蛋香亦欠奉, 以90蚊來講似乎有點不值家鄉炒米粉 $55 這個炒米粉起碼材料豐富, 顏色看上去十分之多,調味亦是偏淡口, 不過份量相當夠!XO醬招牌炒飯 $55 同炒米粉一樣, 料頭豐富味淡但又剛剛好, 但XO醬就似乎唔多覺, 都可以理解嘅, 50幾蚊的炒飯, 用得幾多XO醬呀!淮山雙芹炒勝瓜$68 一個素食, 味道夠清淡但全部是原味, 配料還有甘荀/ 荳卜/ 雲耳, 一同炒的蒜碎非常之特出亦跟唐芹很夾!以價錢計比市區的食肆平宜1/5左右, 但環境同空間感則優勝很多, 但到夏天則見人見智了, 在這裏用膳時間比平時的長, 大概Hea了一個多小時大家才想再起步, 在未到荔枝窝前還有一個觀景台是新近才起出來的, 這裡又是另一個讓人欣賞美景的景點之一, 這一帶有山有水有高有低, 難怪每逄週末遊人例必聚集, 繼續閱讀
(以上食評乃用戶個人意見 , 並不代表OpenRice之觀點。)
等級4 2015-01-05
1174 瀏覽
今次鳥蛟騰行山之旅其中一個目的就係要去合益蜂場食晏,雖然捃定電話地址,但原來果頭手電係接收唔到,行到好攰又要捃一輪先捃到在十字路口時都唔係咁覺眼有個指示牌有一顆木瓜樹企響樹歡迎我地,仲有兩三條狗...... 當中有一頭狗伏在石欄內向我勁吠,嚇到我半死,老闆解釋可能我有染髮,因那頭狗專向外籍人士吠...... 就係依樹,急不及待衝入去坐低休息,可能過晒午餐時間,內裡靜靜的,已沒有其實遊人;己經下午三點,老闆們話如果我地遲多五分鐘,佢地已經出咗去釣魚喇。地方不算大 ,室外有一個小小的蜂場和少少農地在荒山野嶺地方居然有咁多選擇,真好!先來解渴冰飲鹹檸七和鹹檸樂 (本來係ORDER檸樂,但這兒只有鹹檸檬,故有些改為鹹檸七)鹹檸檬係老闆佢地自己浸的。先來半隻客家咸雞,我覺得可以再咸番些少,上檯時雞是暖暖的,應該係有客人ORDER再輕輕翻熱,肉質不算嫰滑,但水準也不錯!這碟家鄉炒米粉很足料,一點也不油膩,非常好 ! 最後老闆捧上一碟石蠔,ORDER前老闆已老實說今次D石蠔唔夠肥美,但很鮮甜,所以我們也叫了十隻。聽聞這兒的石蠔是來自附近的印塘洲 。老闆親自教我地開蠔,仲話我地知蠔殼上依附著不多不少的小蠔殼,打開後內裡也藏著迷你蠔仔,我見識少,第一次開心大發現 !雖然唔肥美,但也很鮮甜啊! 最後還要了一支鹹檸蜜試試,不錯!本來想喝木瓜魚湯,但可能太晏.....沒有....行山地方有此食店作為中途加油站,確實難得。 繼續閱讀
(以上食評乃用戶個人意見 , 並不代表OpenRice之觀點。)
二零一二年的一月五日,正值冬季,天氣本應寒冷乾燥,但這天剛好相反,氣温不算很凍約十五六度,不過天氣就似回南天多過冬天,十時半在新娘潭仍像下濕霧似的,不過其實是下雨,因看了友人行山網頁對此蜂場的推介,所以我和另一友人一行兩人,雖然下雨,仍甘冒雨走入三椏村一試。因為在雨天走入來,所以入到去合益都只見兩枱行山朋友在開餐,我們也急不及待叫了食物,不過因為只得兩人,所以只叫了三個餸…… 先來半隻客家咸雞,一吃就知道是做足運動的走地雞了,雖說咸雞但咸度剛好,夠雞味,又沒有肥肉,連雞皮也不肥而且爽口,難得的好雞,友人話比橫琴走地雞及紅街市的龍華蔥油雞更正,不知是否自養的走地雞呢?樓下的食評說是內地送來的雞,如真的是內地走地雞,這雞就真的處理得很好了。 第二道的是煎蠔餅,煎得夠脆,但和潮州檔煎法有些少分別,這裡煎得不太乾,蠔餅內的蠔仔仍很多汁,蘸一點辣椒豉油,鮮味到不得了呢 最後上桌的是砵仔蚊五花腩,蚊好的五花腩層次分明,亦是不油不膩,連肥肉都可以蚊到爽口,甚至連料頭像咸酸菜也很入味,真是一絕!我們吃了一半才發覺未叫啤酒,勿忙叫了一支,老板從雪櫃拿出一支發了毛的青島,夠晒凍,只售十五蚊,抵到爛!夏天再來一定要開多幾支先得吃飽後朋友也叫了一瓶自家製蜂蜜,不過不知好不好喝呢…… 繼續閱讀
(以上食評乃用戶個人意見 , 並不代表OpenRice之觀點。)
等級4 2009-07-10
554 瀏覽
五月三十一日三小時腳程後...甫入石傳大宅,靚姐同老闆曾生是當地人士,健談又好客,要半隻三杯鴨他說吃不完的,例牌吧,鹹雞打壹隻(廚友在路程中見愈來愈多行山人士,暗叫不妙,連打兩個電話確認要留壹隻雞哈哈!),炆豬腩一客一砵無散叫的,廚友想吃的石蠔這裡亦長年供應,七十元一客廿隻,最後四十元打了十幾隻回來,見有包公魚,八十八元,大有機會是養的,但未試過也就試試吧。先來砵仔炆五花腩同三杯鴨,前者用上麵醬、醬油炆煮,味道夠濃有麵醬的甜香,豆卜已索盡其味,腩肉件件切成丁方炆得夠味鬆化,肥的部分亦不膩,加上唐芹同蔥的香,還有極富特色的木耳,是市區難吃到的鄉土味道。三杯鴨見夾有斬碎鴨頸,在鑊頭煮時還以為是炆大腸,走酸甜路線,有老薑同花椒八角的藥料香,鴨肉煎過再炆,肉雖然老了一點,卻集甜、酸、辛、鹹四味於一身,味道不胡混,是有特色的農家味道。鹹雞,靚姐也老實相告是內地來的,看皮薄色淡樣子,比起碼頭側興利士多所賣的肥黃油雞更吸引,雞用粗鹽醃後,有客叫再翻蒸,在沒有雪櫃年頭,中午吃不完晚上也可以吃。鹹雞帶薄薄雞味,醃的功夫沒客家好廚那麼出色,鹹味似有還無的嚐過,雞背的位置很滑皮有微微彈性,不油,雞髀對上肉厚一點的部分肉質見鬆散,缺乏靚姐所講客人投訴的粗韌質感,是前幾天落大雨無客來的影響吧,當然比較起市區吃雞無雞味的雞種,這裡的已經唔錯了。石蠔一年四季都有,大家影完大蠔影中蠔,期間又再搵搵有無細蠔呀BB蠔呀,連芥蘭都上埋來時仲玩緊,沒好氣陪一老兩少癲,吃了一隻大蠔,非時令之品,自然欠肥美同鮮味,但蠔味重,用作金蠔的話是美味的,尤其是當造天。炒芥蘭傳來陣陣紹酒香,客家作菜多以黃酒為主,當然在物資豐富年頭,吃到紹酒香的菜亦非新鮮事,芥蘭雖然老了一點,但廚子起了幾刀,方便入口,難得的粗菜細作,有誠意。吃到單尾的木瓜,天然甜味沒有討厭的青味,看著老闆從樹上新鮮擇下,現摘現吃,令人感動的甜美木瓜!吃到飽飽,每人亦不過百二元,見識了鄉村人家做菜味道,走時買了新鮮蜂蜜沖蜜糖水飲,隔天起來雖然腳仔軟,但三小時腳程回來的鄉間體驗,是珍貴又難忘的。 繼續閱讀
(以上食評乃用戶個人意見 , 並不代表OpenRice之觀點。)
等級3 2009-06-09
454 瀏覽
2008年8月大家一齊由烏絞籐行至三椏村, 見路邊有間村民開舖仔有"冰凍"蜂蜜, 就坐低稍為休息及降降溫~~ 原先諗住飲杯蜂蜜就再繼續行, 見隔離對夫婦點左蒸魚, 睇落又好似唔錯, 而其中一名"為食鬼M"亦開始口水流~~~~ 夫婦玩還對我地講, 真係好食架, 試唔試下, 另一個"為食鬼E"就話, 係咪架, 咁我黎試架喇~~ 對夫婦真係好 NICE, 比左條我地試, 嘩~~~真係魚有魚味, 好鮮, 係海魚黎丫~~~大家就即刻揀幾條黎蒸啦, 順便蒸個茄子, 對夫婦仲介紹我地食埋炒米粉添 !!! 米粉絕對唔油膩, 用蔬菜如木耳, 椰菜等同炒,簡單得黎好味 !! 便宜有好食 !!食飽飽~~~又繼續消脂去 !!PS~~ 繼續閱讀
(以上食評乃用戶個人意見 , 並不代表OpenRice之觀點。)