合發茶餐廳 (已結業)

茶記 喺香港嘅其中一個食肆嘅特式 紅磡都算有唔少嘅茶記 今次午飯我地就去咗嚟一間茶餐廳食吓入到去感受到舊式茶餐廳嘅味道😆然後求其搵咗個位坐叫咗佢是日午餐$40嘅涼瓜斑腩飯同埋菜心炒牛肉 佢嘅炒菜心好好食😋獲氣好夠 份量又多 不錯不錯👍🏻斑腩都好好食 汁唔會太咸 不過涼瓜就浸到𣺉咗少少但重點喺佢嘅白飯 煮得太𣺉啦 白飯痴埋一舊舊 搞到影響咗成碟飯嘅味道 唔算好食整體都不錯啦 相信飯嘅問題都係一次半次架啫～

呢排成日都要係黃埔呢頭食飯, 講真真係間間都食到冇乜特別的感覺 茶餐廳黎講, 平時比較少食合發 (因為價錢相對地貴少少), 同埋之前食過一次鹽焗雞脾飯只係得一隻雞脾同一大碟飯, 真係dry到嚇親(sorry冇影到相, 下次再去食補返 ) 今次叫左個梅菜扣肉飯, 又係一小碟餸, 入面D梅菜多過扣肉好多既 (我數過, 扣肉應該得5-6塊, 仲要係薄切既), 本身諗住都好dry, 但今次食好驚喜! 先講梅菜, 非常開胃! 用左甜豉油, 所以唔係一味得個鹹字, 撈飯簡直一流阿!  之後原來扣肉先係重點! 肥肉既位真係入~口~即~溶~! 從未試過入口即溶既扣肉阿 但係真係有d肥, 所以後來我明白點解得個幾塊, 因為我都頂唔到食哂咁多塊肥肉, 只好益左個friend食d... 雖然呢間店出名老闆娘黑面 但其實佢都唔係禮貌好差既 對於食客其實冇乜影響所以下次我會再來食返個梅菜扣肉飯! 

星期四的午餐時間來到, 客人蠻多的, 看了一下黑板上的字, 這天就叫: 三菇炇雞柳飯 一拿過來只見有菇菇唔見有雞肉, 用筷子攪兩下發現有些約是煙仔餅粗度嘅雞胸肉, 試第 一啖飯, 味道怎麼淡出個了來?! 明明叫三菇炇點解重淡過食齋? 雞肉未致太鞋口但無味, 再沾上淡口嘅獻汁也是無味唯有同飯一起吞下吧, 三菇食來食去都只覺得只有兩種菇可能另一菇一早已經出晒貨啦! 最有味道的反而是個例湯! 現在明白上次見過有個客人點解叫個鹽水雞脾飯只扒咗兩口棄權走人,我食得晒只因今晚要打波, 又無理由再去麥記買另一個套餐食架?   

這店位處寶其利街的一個細少地鋪, 門口窄至只能容納一個人穿過, 估計她在這位置已經做了差不多20年雖則不夠對面的文華冰室耐但都經過時日的洗禮, 自己一次也未入過來, 這個14年3月的第一個星期六就來試一次吧! 下午茶餐選擇算多, 自己點了西多士下午茶餐, 因為自己喜歡這款搽了花生醬的麵飽拿去炸, 雖則不健康, 耐唔耐一次應該問題不大嘅! 等了不用多久西多士送到, 外皮炸至淺金黃色, 火喉剛剛好看顏色已經知道了, 大喜! 麵飽皮被蛋漿簿簿包裹成一層脆漿亦是近期少有能嚐到的口感, 中間夾心的花生醬搽得均勻地一層,黃金糖醬沒有刻意稀釋, 夠杰身抵讚! 奶茶就一般, 唔難飲!不過如果淨飲熱奶茶就幾昂貴下要$15/杯!服務: 因為阿姐待應得一個, 招呼一般也是正常啦!

附近好多餐廳，今次試依間。服務 :亞姐都幾好禮貌，D野都來得幾快...食物 :**雪菜火鴨絲忟米($32)**米粉比較"un"身，味道幾夠香濃，不過火鴨絲比較"鞋"，但可以接受! **味菜班腩飯($32)**味菜酸酸甜甜幾醒胃，加上青椒及豉汁，味道唔錯，班腩粉厚左D，魚就冇乜味(預左係雪魚)，白飯唔硬軟身! **例湯-青紅蘿蔔豬骨湯**好甜足料，加左蜜棗好甜。**擰檬茶 & 紅豆冰($2)**跟餐加$2有紅豆冰~~正! 總結:而家樣樣野都貴，$32一個晚餐，有湯有野飲仲想點?

今天午餐想不到在哪吃經過此店門前看看餐牌，就決定進去吃葡汁海鮮飯落單時伙記阿姐沒有說過半句話..而且還不知怎的一直黑臉葡汁略甜(跟西式的比起來)不知道是茶餐廳的葡汁都是這種味 還是只有這店是這樣另外這個海鮮飯，我要吐好幾塊魚鱗....+$2可以有紅豆冰，這個絕對化算 而且味道不錯收銀阿姐只聽過她說: 食咩？/要咩？ (連"飲咩？"也沒問過，要客人自動自覺)十分簡短的句子和她那黑臉，令我覺得這店跟附近茶餐廳比起來，欠缺人情味呢

午餐超資，唯有晚餐吃些便宜的，於是去了合發茶餐廳。我吃了$27的特餐，有一碗香茅雞中翼意粉、牛油方包、火腿奄列和一杯熱飲。先說說那香茅雞中翼意粉，雞中翼算大隻，偏鹹，意粉沒有味道，要用辣椒油調味。至於火腿奄列內有很多火腿，可惜蛋煎得太熟。牛油方包只是普通貨色，味道一般。我喝了熱檸茶，可能由於我重手了，所以非常澀。朋友選了$30的精選快餐中的福建炒飯，份量足夠，有不少雞肉粒，肉質算嫩滑。快餐送的粉葛湯很濃，感覺味精不多，好！最抵食的是快餐加$2除了可轉凍飲，更可選擇紅豆冰，紅豆極多，透心涼又好味道！整體而言，合發茶餐廳的食物質素一般，以價錢取勝。

睇過麥麥電影, 都知道無論係特餐, 午餐, 快餐, 常餐, 其實都是同一個餐, 這天的午餐來了一個特餐, 沙嗲牛肉麵, 麵身不太淋, 幾彈牙, 牛肉醃粉太多了, 蛋omelette太熟了, 而且一舊實實的, 內裡幾條火腿, 太姑寒吧, 多士不錯, 後生老闆不太友善, 見枱枱都係食飯餐, 唔知係味好唔想我叫特餐呢?

今天早上又再經過, 試了另一款, 回鍋肉米粉和煎蛋多士, 配凍咖啡, 先講好的, 煎蛋是太陽蛋式, 非常美觀, 蛋黃拱起, 望便知新鮮, 邊煎得少少燶, 多士又是烘得剛好, 少少燶, 凍咖啡一般啦, 叫了少甜, 還都是十分甜, 最差是回鍋肉米粉, 米粉是甚粗的款式, 而且略硬, 好似放置太耐的感覺, 基來上是沒有回鍋肉的, 數過只有三粒肉碎, 和 五塊左右竹筍, 而竹筍是老得咬不開的, 差極, 下次都是叫番”牛麵”吧….

甚少行這條”明安街”, 今天經過, 加上又未食早餐, 見有間大店和一間小店, 當然試小店啦, 鋤強扶弱! 沙嗲牛麵 + 煎蛋火腿麵包, 飲凍奶茶少甜, 沙嗲汁用了太多粉開出, 牛肉尚可, 但仍食得出太多醃粉, 麵十分差, 但份量十足, 見之前的食評已有食客提出, 太淋淋了, 毫無改進, 不能原諒! 加上衛生情況不太好, 又是一間只重份量, 不重質量的食店, 評另一碟吧, 煎蛋又不差噃, 反蛋式煎兩面, 剛剛好, 又有漏黃, 合格, 火腿沒甚好講, 買翻來的, 如果是煎過, 就比個GOOD你, 可惜不是, 麵包中下啦, 少少硬和實, 放太耐了, 飲品: 凍奶茶少甜, 溝水太多了, “少甜”呀, 唔係多水呀, 分唔清? 共$20, 算平, 比個OK你啦!

無心插柳下到了此茶記以廿八元配來一份晚餐, 聽落都頗超值 晚餐大大話話有7-8 個選擇對於選舉困難証的小女子也很容易地選出心頭好因為合心水的唔係太多 選了支竹斑腩飯加紅豆冰 (唔使加錢) 先送上例湯 (合掌瓜煲排骨) 熱度十足, 清甜而且不油膩, 的確如前食家所講, 啖湯飲得過 支竹斑腩飯 : 碟飯就真係扣返晒分, 斑腩似係一舊粉團, 只有叮點的魚肉, 炸炒仲厚過面皮 好彩支竹夠腍所以仲可以送飯, 而個豉油汁亦都唔好味, 不過算啦, 廿八蚊換來個飽字 紅豆冰, 紅豆頗腍又幾香, 奶味就比較削, 都收貨了 總結 : 價錢大眾化, 食完唔媽义

3 個人都 order 咗 "特餐"凍檸茶......茶色靚,茶味濃,檸檬 fresh~~牛油方飽 + 火腿奄列......麵包軟熟,都多火腿回窩肉通粉......正!! 夠多荀..!! 豬扒通......豬扒淋,又夠味..!! 湯底又不會太淡~五香肉丁麵.......呢個就~~~~麵太淋.!! 已經係死罪!!不過總括都係 GOOD 嘅~~

新正頭, 反轉成個紅磡, 除老麥外, 就只有幾間茶餐廳開門, 合發係其中之一. 一入到去, 嘩! 店鋪細, 但塞滿哂! 勁! 而且就咁睇發現大部分人都認識, 應該係熟客, 睇怕只有我地係同呢到格格不入~ 哈~朝頭早8點, 個腦未function, 求奇點左一個早餐set, 就係沙爹牛配雪菜肉絲米線加杯熱檸茶~ 沙爹牛既沙爹汁超濃味, 所以好鹹. 雪菜肉絲之雪菜明顯係好入味個種, 所以又係鹹~! omg, 成碗都好鹹, 搞到我不停咁飲熱檸茶解 "毒". highly recommend大家唔好好似用我呢個combination叫早餐, 唔係會鹹死!

呢日TAMA仔牙痛咁款話佢好肚餓~ 最初以為佢真係餓先係度e~e~ar~ar~哈~! 點知佢真係牙痛~ 仲要痛到"MAMA"聲個隻~ 係度tamatamatamatamatama咁!我心諗~ 梗係啦~平時咁貪食(雖然係咁諗,但都係好擔心佢嘅!) ~借此係度奉勸貪吃嘅人要好好保護牙齒~! 牙齒真係好重要!講番間小店~ 門面唔大~內部都無咩裝修可言~ 全統茶餐廳格局~叫左中式牛柳同埋滑蛋蝦仁~ 兩味都幾好,份量又夠~味道係點唔洗多講~ 大路茶餐廳野~晚餐三十幾送湯加五蚊有野飲~晚上食家常小菜之選~!

是夜無飯開要同阿仔撑檯腳，本來想去三河屋但見門口條龍好長唔知要等幾耐，唯有是但揾間醫肚，見呢間未食過就嚟試吓。地方好細只得兩邊卡位，晚市有多款小菜套餐由$3X至$4X不等，有湯及飯，亦有快餐$25包熱飲。要咗兩個小菜套餐，生炒骨同中式牛柳，先嚟例湯西洋菜煲豬骨，真材實料無落味精但係鹹咗D，兩碟小炒份量唔少亦幾好味，其中以中式牛柳尤為出色，牛肉幾嫩滑又無比梳打粉招呼過，而生炒骨D排骨無炸過所以唔脆，但係選用半肥瘦排骨，食落口感都幾好。水準比起一般酒樓毫不遜色，價錢亦相宜，屋企無飯開嚟呢度都係好選擇。