因為未食早餐同埋晏晝，等緊屋企人食下午茶之前又有啲肚餓，但係又唔夠膽食咁多嘢。就打算食碗粉祭一祭五臟廟。本來叫牛筋腩豬手銀針粉。另外加份炸魚皮，但係最後嚟咗牛筋腩牛腱銀針粉，無俾魚皮。嚟錯唔緊要啦照食，無謂叫人再煮過。個湯都幾多，裡面都有兩嚿牛腩、一嚿牛筋同四塊薄牛𦟌。啲銀針粉就碎咗少少，啲湯就比較重鹹味，有少少冬菜feel。牛腩同埋牛筋都夠淋，好彩唔會鹹。反而個辣椒油就比較鹹，好彩佢係配給。如果唔係我一定會落一大茶羹。綜合嚟講牛腩同牛筋都係值得推介。另外睇餐牌有個厚切牛𦟌，反而好奇有幾厚，有機會要試吓。…查看更多
