10
8
1
港鐵佐敦站 C2 出口, 步行約3分鐘
繼續閱讀
電話號碼
27302218
營業時間
今日營業
17:00 - 01:00
星期一至日
17:00 - 01:00
以上資料只供參考, 請與餐廳確認詳情
招牌菜
食家推介
食評 (23)
間位於佐敦嘅潮州打冷小店好耐冇嚟幫襯，今日幫襯食晚飯，水準仍然保持到，而且價錢應該冇乜加到，仍然係非常抵食，兩個人叫唔到好多嘢因為唔想浪費食物，所以只點了滷水拼盤同埋蠔餅，兩樣味道都唔錯，埋單$251算好抵啦。逢親去食潮州嘢我都好鍾意叫滷水拼盤，一間潮州打冷店嘅滷水做得好唔好代表着呢間食肆掂唔掂，老老實實呢度就真係好掂，滷水夠香又唔會一味得個咸字，五花腩豬耳仔豬生腸紅腸豬大腸鵝肉芽菜仔同埋豆腐樣樣都好入味。呢度嘅蠔餅都幾脆口，而且唔會太油，唔會漿住個喉嚨，啲蠔仔都幾新鮮同埋好大粒。我哋另外叫咗碗潮州白粥，不過唔記得影相。
繼續閱讀
最鍾意懷舊小菜，今次誤打誤撞去咗呢一間位於佐敦王子酒店對面的合理潮州打冷飯店！我哋食咗啦，大約六個餸，三支啤酒，價錢唔貴，而且勝在不用等候。豉椒炒蜆汁多，而且野味蜆肉肥美！蠔仔肉碎粥好大碗，五人分，蠔仔肉都大粒，暖胃！滷水鵝片味道一般！黑椒牛柳粒，正常，唔韌！白色魷魚片，好好食！想再返單！最特別係嗰個炸芋頭條有啲糖包住既！食到停唔到口，好好味！減肥唔食得太多啊，但係都食咗起碼¼！🤣🤤🤩🙈整體嚟講，我下次會再去再食，值得推介！👍💕
繼續閱讀
難食，味精多，未食完就催客走~ 明趕客😡一行6人去食飯，打電話去book 枱，又話有位，又話未必有位。7:00到咗仲有枱，半數先可入坐。有3個朋友未到，夠半數照入去叫佢啤酒小食飲住先。坐咗10分鐘左右，個呀婆(應該係老闆娘) 不段喺到眼啤啤。之後朋友到齊。叫咗韭菜豬紅、滷水鵝片、咕嚕肉、啫啫芥蘭煲、豉椒炒蜆、炸子雞、炸蠔餅、同埋椒鹽九肚魚，仲不斷叫啤酒諗住慢慢傾慢慢食。點知食到一小時多啲，聽到個呀婆叫後面張四人枱嗰四個食客轉去張二人枱。人哋梗係唔睬佢佢啦。之後就好似沙魚咁喺我哋張枱後面徘徊，係咁話有張六人枱喺門口等咗好耐。其實食飯等枱好正常。佢哋又無限時，但係就用呢啲方法逼你唔好意思咁走。之後仲嚟收我哋個啤酒樽，問我哋係咪飲完支啤酒就走。😡 食打冷正常都係慢慢飲慢慢食慢慢傾，如果咁樣俾人催法，咁就失去食打冷嘅意義。超嬲😡態度唔好都算啦😤，嘢食都唔好食就冇必要去了😒
繼續閱讀
水瓜烙雖然你炸唔係煎，不過唔會好油，D水瓜又幾爽口。普寜豆腐又幾好食，外面炸到香脆，入面仲係軟林林的豆腐，炸野唔油好難得。胡椒豬肚湯D豬肚洗得好乾淨無臭味，胡椒味剛剛好唔會太辣，4個人叫咗個例牌每人都有1碗仔。春菜煲D春菜唔會炆得太林，D春菜都幾香菜味。蠔仔肉碎粥嘅蠔仔都幾鮮味，如果再多D蠔仔應該食得更開心。鹵水拼盤估唔到個細Size都幾大份，入面有紅腸墨魚豬腩肉豬耳鵝腸豬大腸生腸同芽菜，鹵水唔太鹹，幾好食。
繼續閱讀
去打冷必食豉椒炒蜆，好惹味而且醬汁夠多，蜆肉都好肥美。椒鹽九肚魚就比較差，整得太乾身而且味道偏淡。另外仲叫咗滷水拼盤（大）唔建議叫❗️拼盤裏面每樣都差，好多地方都仲好食，冇必要去叫，又唔抵食☹️同行嘅三個朋友都擰晒頭。個人建議去一次就夠😇
繼續閱讀