台食館 (獨立大廈)

營業中

休息中

疫情之下冇得飛，幾年都去唔到台灣 但又好想食台灣野，所以約朋友黎台食館食飯，就當自己去咗台灣旅行。 黎之前睇個餐牌，樣樣野都好想叫黎食但得兩個女仔，食唔到太多野。左揀右揀，我揀左麻醬雞絲拌麵，朋友揀左鹽酥雞滷肉拌麵台灣拌麵呢幾年好hit，平時係屋企我都會買d台灣袋裝拌麵食。呢次係台灣餐廳試下拌麵，睇下會不會仲好食D麻醬雞絲拌麵，用料十分足，上面滿滿一層雞絲。雞絲有雞味，帶少少鹹味，雞肉肉質亦十分嫩滑麻醬好香，相信係自家製，香過我係超級市場買既多多聲台灣幼麵口感有嚼勁，亦好掛汁，同麻醬係天生一對朋友揀左鹽酥雞滷肉拌麵，呢款拌麵加左少少麻醬，仲有滷肉汁。朋友話估唔到麻醬同滷肉汁味道都好夾，撈麵好好味，要我下次一定要試下朋友話鹽酥雞應該係即叫即炸，上碟時仍然非常燙口。炸漿都算薄，但係雞肉有少少乾，可能炸得耐左D野飲我哋叫左兩杯凍珍珠奶茶，甜度冰量都適中，不過不失，下次想試下特飲。仲有好多野都想試，下次黎再食過喇

今日係油麻地附近買野，再一次來到位於油麻地彌敦道的台式小店食野。店家招牌之一的台灣紅燒牛肉麵，我每次黎都必食。因為真係好鐘意這間餐廳的台灣牛肉麵牛肉麵的湯底幾好，酒紅色的湯底有淡淡藥材味，味濃有微辣。麵底可以揀台灣手工扁麵或者幼麵，我就揀咗手工扁麵，正！表面闊大的手工扁麵亦吸收了湯底的精華。手工扁麵份量頗多，但唔算好彈牙，係稍微美中不足的地方。佢個牛肉非常出色，煮得好林，好入味，分量都幾多珍珠奶茶味道唔錯，飲落去奶香味濃。午市跟餐加$8，覺得好抵食！

台菜一直都係我最喜愛菜式之一，今次又約左朋友黎台食館回味一下台灣味道。他的食物真的會令人想起最純正的台灣口味。食台灣野就一定要嗌滷肉飯㗎啦。滷肉鹹味適中，燜到好淋身，帶點膠質口感。佢上面仲加咗隻滷水蛋， 味道中規中矩。配合有嚼頭的米飯一齊食，就係正宗台灣古早味呀。同我之前係台南食嘅滷肉飯味道好相似朋友嗌左鹽酥雞排滷肉飯 ，見到佢雞排嘅份量都算多。朋友話熱辣辣  應該係新鮮炸起，外脆內軟，可以一試。我同朋友就各自叫咗一杯嘢飲，我叫咗梅子金桔檸檬，佢叫咗百香果雙響炮。我覺得梅子金桔檸檬真係非常好飲，一定要推介！金桔味濃郁，梅子帶有淡淡鹹味，飲落非常清新開胃。買單得百幾蚊，價錢合理，值得一讚！

突然好想食炸野 當然是要找美食醫醫肚啦！想起在油麻地有間食物素質不錯的台式餐廳 而且價錢唔貴。覺得肚好餓  想起這間餐廳的香酥綜合飯分量好多 好適合肚餓時食：）鹽酥雞粒炸得外脆 入面D肉好滑 搭配椒鹽粉 好香口。魷魚須薄薄炸粉 咬落鬆脆 相信係啱啱炸起 熱辣辣。個人鐘意魷魚須多過鹽酥雞粒 每次黎都必食魷魚須！香腸亦都好香脆，我以前去台灣夜市 最最愛的就係台灣香腸 可以講係百吃不厭！滷肉調味啱啱好 滷肉入口即溶 好香。滷肉汁好多 足夠撈整碗飯 好滿足！野飲點左冬瓜茶 清新解渴 不會太甜 消暑一流! 搭配香酥綜合便當 覺得好清新去膩。

好耐之前食過一次印象好好，念念不忘，無奈換左份工，好少過黎油麻地。咁啱今日係附近行街，就再來試多次餐牌加左好多新野，圖文並茂，單看圖片已經好吸引看到軟殼蟹蟹黃膏肉碎拌麵，覺得非常之特別，冇係其他餐廳見過。所以點黎試一下本人非常鐘意食軟殼蟹。但係我唔鐘意食麵條，所以轉左軟殼蟹蟹黃膏肉碎拌飯拌飯一上黎，我見到個樣，都要流曬口水軟殼蟹好大一隻飯上面鋪左滿滿一層蟹黃膏肉碎，讚！睇個樣就知道一定好好味！忍唔住食一淡，真係冇失望！！軟殼蟹好酥脆，又唔油，咬落非常香口 仲要係大大一隻，好抵食！出面軟殼蟹都好貴，呢間算係性價比好高蟹黃膏肉碎炒得好入味，蟹味超級濃！！相信係即叫即炒，好香好香 連著飯滿滿一口非常之滿足。分量亦都好多！我一個人食得好飽！原本想叫蛋餅黎試下，但係實在太飽喇特別想講樓面阿姐動作效率都好快，而態度都算幾友善

之前聽朋友推介，在油麻地有間食物素質不錯的台式餐廳 ，而且價錢唔貴。今次特登來試下。一進餐廳，聽到循環不斷地播放台灣歌手的歌，令人彷如置身於台灣。我點左紅燒牛肉麵（轉新竹米粉）湯底係正宗的台灣牛肉湯味道，充滿濃厚醬香和有淡淡的藥材味，還有淡淡的牛骨香。麵底我揀左新竹米粉，都幾掛湯。配合濃郁的湯底，再加上牛肉份量頗多，性價比都算高！但係朋友話其實牛肉麵搭配台灣手工刀削麵會更好食。我個人唔鐘意太粗的麵條。朋友點左番茄豬軟骨麵湯底係好亮眼的紅色，讓人覺得好健康！朋友話湯底番茄味好濃郁，可以感覺得到係真材實料熬製。豬軟骨燜得好淋，都幾入味。我下次都有興趣試下！跟餐飲品部分，我點左熱奶茶，唔洗加錢。朋友點左胚芽奶茶，加$3。我覺得奶味重左DD，算係中規中矩，勝在性價比好高。這間台灣餐廳，我覺得幾抵食

一日經過油麻地，見到呢間台式野諗住試下，叫了一份蛋卷，一份肉燥飯同一份小食併盤，蛋卷味道不過不失，但份量偏細，而小食併盤味道一般，肉燥飯都是一般，但待應態度很差，好像想快點趕我們走一樣，感覺很差

受疫情影響，差不多三年都沒有去旅行，以前經常快閃台灣旅行。突然好懷念台灣食品，就即刻相約朋友到台食館食餐台灣菜。我哋點左紅燒牛肉麵同鹽酥雞滷肉飯share紅燒牛肉麵麵條可以選擇細麵或手工扁面。由於我喜歡麵條比較寬一點，所以選擇手工扁面。湯頭很濃郁，加入牛肉，胡蘿蔔和酸菜等配料。很欣賞手工扁面的麵條質感，口感Q彈，但同時吸收了湯頭的精華。這家牛肉麵湯底有藥材味，加上紅燒味，都幾特別鹽酥雞滷肉飯，雞肉好厚身，外皮炸得香脆可口，咬落肉質十分嫩滑！都有驚喜，因為之前食過其他家鹽酥雞，有d雞肉比較乾。滷肉肥瘦適中，唔會過鹹，肉汁撈飯食都唔錯。飲品我哋點做兩杯珍珠奶茶，味道中規中矩，未有驚喜想念台灣味道的朋友，如果途徑油麻地，也不妨去試下。味道ok，價錢唔貴，都算性價比高！

早排去咗呢間食滷肉飯,本身以為實無死啦,點知超級伏,啲肉冇一粒完整,仲要好大陣豬騷味🥲🥲🥲叫咗杯蜂蜜綠茶，偏甜但係都不過不失。重點係啲店員好嘈，喺收銀嗰邊嘅侍應喺度同廚房隔離嘅侍應傾計，仲要唔止一兩句。另外，安排都唔好，掃完針卡之後，店員之間嘅溝通又唔好，第二個喺我睇完餐牌準備叫嘢食嗰陣又再掃多次😂真係唔好去呢間餐廳，滷肉飯都整得唔好味，啲店員又超級嘈，成餐飯聽佢哋嗌嚟嗌去😌真心唔好去呢間

台式下午茶@台食館再次見到$38 下午茶，有主食，三款小食+飲品揀左小碗滷肉伴麵+$2: 材料豐富，滷肉、青瓜、花生、菜甫，不過味道差d,只覺得好油但冇味酥彈花枝丸：正常夠熱，唔算好粉但稱不卜酥彈甘梅地瓜：外脆內綿，地瓜條面灑上梅粉，yummy墾丁蝦捲: 香脆，似炸魚旦古早味冬瓜露+$5:可能因為要左少冰少甜，冬瓜露極淡，賣相差，飲落淡如水，仲要加$5，差店環境一般，有裝修但難影，店員們故大聲閒話家常，不太like

話說琴日同朋友買走外賣，我嗌左紅燒牛肉魯肉拌麵，我朋友嗌左魯排骨魯肉拌麵，拎咗返去先發現魯排骨拌麵變咗酥炸豬扒，都唔緊要嘅🤔咪照食囉我個紅燒牛肉就一般，但係個麵係超級勁難食，個麵林到就黎爛咁樣，又無味，求其喺隔離擺啲花生酸菜等等就當拌麵，從來冇食過啲咁難食嘅食物，完全中伏，仲要68蚊一個餐，完全唔值樓下講得好啱，真心諗呢個香港仲有冇一間台灣菜係可以難食過佢！真係搞唔掂！ 😩😩😩我懷疑係咪只要煮得熟食物就可以開餐廳，仲要有三間分店，完全諗唔明！簡直係世界級災難嘅台灣菜鋪頭

契囡今想食台灣野所以今次揀咗呢度這裏星期日暫停午餐要散叫的今日揀咗麻辣牛肉麵這個不錯成碗清晒👍👍滷大腸滷肉拌麵食曬成碗感覺有啲漏烤小香腸蛋餅味道不錯❤️而且仲可以飲珍珠奶茶😍契囡今日大滿足😋

好難食呀，d飯淋到粥咁，d滷肉碎爛哂無粒原整，個奶茶勁怪味，有浸中藥涼茶味唔識形容，究竟落左d咩？第一次飲到咁既味道奶茶，要倒啦真係，驚會肚痛豬軟骨ok，其他賣相伏味道好一般，好求其🤦🏻‍♀️

本来想尝试他家红烧牛肉面，后来一忙活，忙活到赶上了他家下午两点半开始的下午茶，下午茶价格合适，一碗小碗卤肉清汤面，一小份小食套装，和一杯热乎的茉莉绿妍总共不到四十港币，卤肉的肥肉和瘦肉，分层有点明显，要不是喝汤才发现瘦肉都碎了且沉底了。

以台灣美食來說，相比之下，真係普通過普通。👉招牌紅燒牛肉麵（$59）。湯底可以，叫做幾順喉，麵是濶扁麵，煙韌有囗感，不喜歡這種麵質的朋友記得轉新竹米粉。可是牛肉（牛肋條）甚差，又鞋又韌。👉起司肉鬆蛋餅（$36）。餡料不是很多，幸好餅皮煎得唔錯。這個幾好吃。👉小份大腸米線（+$15）。大腸夠腍入味，但湯底較淡，不惹味，加醋後味道奇怪。👉鹽酥雞（+$18）。普普通通，炸得幾乾身但雞肉不嫩不滑。👉醇香奶茶（$0）和台灣咖啡（+$3）。唔錯，尤其咖啡好飲。整體抵食，但不足以吸引我有下次。