台食館 (獨立大廈)

營業中

休息中

極度失望！大腸麵線湯底結塊、咸到苦，食垃圾！滿心期待試台灣大腸麵線，結果中伏！一打開碗就見到湯汁凝固成啫喱狀，明顯係翻叮過嘅隔夜貨，完全唔新鮮！湯底咸到苦，味精重到飲一啖就要狂灌水，大腸又韌又腥，完全冇滷香味。$45蚊換來咁嘅質素，簡直係搶錢！ 員工態度冷淡，反映問題時只敷衍一句「係咁㗎啦」，毫無歉意。廚房衛生亦令人懷疑，食物處理求其，絕對唔會再幫襯！奉勸各位想食正宗台灣風味嘅朋友，寧願行遠啲都唔好嘥錢喺度！

餐廳整體環境舒適，適合午餐時間小聚，清潔度良好，座位安排合理，坐位較窄有點擁擠的感覺。不過，由於午市屬於高峰時段，若遇上人流較多時，可能會影響用餐氛圍及等候時間。員工態度禮貌，整體服務尚可，但午市繁忙時段可能影響上菜速度。餐點的等候時間尚可接受。午市價格介乎$55-$80，屬中等偏高價位，相比一般快餐或茶餐聽來說並不便宜。不過，份量較多，且食材有一定特色而且台式風味，適合對台灣野有興趣既客人。但係飲品需額外加價5元以上，稍微影響整體的性價比。這間台式餐廳在午市提供的餐點份量充足，特別是滷味與炸物的表現出色，蟹黃麵也相當有水準。環境整潔，服務尚可，但價格相對不算便宜，尤其是飲品加價令性價比減低。如果大家想品嚐有特色既台灣美食，呢度係一個唔錯既選擇

與一班朋友在附近做完運動，到這餐廳聚一聚聊聊天。四時後才進店，食客不多，選了一列長檯坐下。這店賣台式食品，下午茶花樣也不少，精選三重湊，有三款食物任配搭，又有多款蛋餅可選，另有十款可追加的小食，適合貪心的人。我們六人點了三份蛋餅和一份麵加些小吃共品嚐。小食要了黃金豆腐和甘梅地瓜。豆腐炸得很乾身，像臭豆腐的質感，內軟外脆，不過沒有什麼味道，店員拿了些孜然粉給我們，這樣伴吃才有點味道。地瓜也是炸過的，不過地瓜本身有甜味，所以吃起來香甜脆口，味道不錯。蛋餅是台式食物最普遍的食物之一，今次我們要了三款。台灣蔥油餅，不用太多配料，只是用蔥勻和在餅皮內煎得便可，一大片圓型蔥油餅切開八件上檯，餅底不厚，口感軟糯又酥香。芋泥肉鬆蛋餅，切開有六件，每件都醮上了甜醬，餅皮內卷上了綿密的芋蓉、蛋皮和肉鬆，口感充實。牛肉蔥捲餅，長條型的捲餅上檯時已切開四份，餅內蔥和牛肉片滿滿，同樣在餅面醮上甜醬，牛肉片腍滑易吃。麻醬雞絲麵，是一款拌麵沒有湯的。麵內材料有花生碎，青瓜絲和雞肉絲，白芝麻。麵內有麻醬，把所有材料和麵條拌勻就可吃。麵條彈牙，青瓜絲爽口，醬汁味適中。台式食品還是最喜歡吃蛋餅。

BB熊珍珠髒髒乳：這款特色飲品結合了傳統的黑糖珍珠鮮奶和創意的可樂熊仔冰塊，帶來了一場口感和風味的奇妙結合。首先，黑糖珍珠鮮奶散發出濃郁的黑糖香氣，配上QQ彈牙的珍珠，帶來了豐富的口感和甜蜜的滋味。而加入可樂製成的熊仔冰塊則為這款飲品注入了趣味和新奇，不僅為口感增添了層次，還讓整個飲品更加涼爽和有趣。這款結合了傳統和創新元素的飲品，絕對是夏日消暑的完美選擇，讓人一試難忘。

經過想食野，見到出面啲menu好似幾好食，入去叫咗個雞排滷肉麵， 塊雞排根本就冇肉，師傅啲刀工真係好勁，塊雞排都可以係薄切，薄到睇唔到，加上未見過咁厚既炸皮，而且又好難食，啲麵仲衰，應該百佳入面啲包裝麵黎，難食到死，加咗杯凍飲綠茶，杯嘢就正常，個餐成60蚊，完全唔值得，30都唔值得，真心唔明呢啲鋪點生存到依家，香港就係因為呢啲劣食而越黎越差，由美食之都變劣食之都🤮。真係未見過咁難食既台灣嘢🤮🤮🤮，已經黑名單呢間嘢。

經過油麻地搵lunch 同朋友揀左呢間叫台食館的台式餐廳～我叫咗個台灣香腸滷肉飯便當 $58 加$8要咗珍珠奶茶台灣香腸烤得好香脆 入面都好juicy份量比得好足 有8-10件 香腸超好味👍🏼不過滷肉飯真係爭啲 飯煮得太軟身 加埋滷肉醬汁太多水了滷肉味道不過不失 較為一般 滷肉汁唔夠香 只係勉強可以送飯 呢部份比較失望反觀珍珠奶茶都OK 珍珠有咬口 叫左走甜 茶底都唔苦 輕鬆飲晒成杯埋單$66 無加一 其實係幾抵食經過附近可以考慮

今次行過「台食館」，內心一股嘅寶藏驚喜感嚟襲！紅燒牛肉麵把我征服到不得了，食落去喺我嘅味蕾上爆炸開嚟，香醇得滯！🍜 那湯底啊，香味迷死人，牛肉香撲鼻而又賣相滿分。牛肉片滑而不膩，口感實在系滿足到一個新界。至於手工拉麵，啲麵線彈牙得嚟唔爛，啱啱好嘅Q度，真係長知識了！小小一碗，包含嘅卻係滿滿嘅幸福。我啲朋友嘅鹽酥雞脆到喳噹咁，啖啖肉又香又彈，諗起都流口水。啊，仲有個夜市小香腸，那個鮮嫩多汁，食落真喺有屋企feel噃！夠曬溫馨。脆彈花枝丸都唔係蓋的，外皮鬼香鬼香，入口即化嘅口感，吖嘛嘅味道！😋 之後一啖水蜜桃紅玉嘅甜香，清新哂個口腔。啲食物配埋一齊，真系一場視覺同味覺盛宴。感覺好似系台灣夜市度悠閒散步，每一啖都系咁滿足。「台食館」嘅好正，令我迫不及待想分享畀每一個食朋味友。無錯，下次再黎，好味重溫，實乃人生一大樂事！👌

周圍嘈雜，我尋到這間台食館，心諗今晚就決定係嘗鮮嘅時候🍽！首波攻勢係擺低嘅滷肉飯，飯粒每一啖都飽滿得滯，滷肉碎碎溫柔咬落去，微微嘅肥美，嗲得嚟唔肥膩，啖啖肉嘅香氣好滿足。添隻滷蛋，呢個組合唔夠正都難㗎啦！梅子金桔檸檬飲落去酸酸甜甜，好夾。見朋友食嗰鹽酥雞排，佢話香脆得來唔腻口，份量仲要得嚟抵食，我見到佢一啖啖嗌，心諗下次一定要試吓！點杯百香果雙響炮，酸酸甜甜打返一波提神。而家先講重頭戲，軟殼蟹蟹黃膏肉碎拌飯嚟啦！😲🦀🍚個碟攤開，酥炸軟殼蟹高高插喺飯面，賣相靚爆燈！拌飯下去，蟹肉酥脆又唔乾，食落同海風味道咁神似，真係勁正！每一啖蟹黃膏肉碎都濃味四溢，包圍住呢陣陣海鮮香，真係食到停唔到口！啱啱講到嘅，都係饑腸轆轆嘅夜晚裏頭，可以得到嘅一場美妙味覺旅程。跟住呢番台灣小食堂，真係話抵食有抵食，滿足有滿足，值得您黎場台灣遊！👍🤤

當日於收舖前到達，感謝姐姐讓我們進食，品嚐了招牌紅燒牛肉麵，湯底的味道令人愉悅，口感鮮美，份量十足，牛肉入口嫩滑，令人回味無窮。除此之外，這家店還提供多種正宗的台灣美食。我打算再次光臨，因為這裡絕對是台灣美食的不二之選。然而，我必須提及其他菜品中的鹵水豆腐飯，口味只算一般，而且鹵水豆腐並不入味，可能是我對鹵水豆腐的印象與潮州店一樣，讓人稍感失望。在隔離枱的人士點了一些炸物也是十分吸引的下次有機會可以再試。

我同朋友經常係呢間餐廳食午餐。覺得佢哋既食品cp值幾好，我哋每次都揀幾樣嘢，share黎食。推薦俾大家簡單講下我哋呢次揀左既食品。鹽酥雞扒滷肉飯：鹽酥雞扒煎炸得香脆，口感好好，啖啖都有咬口。佢配嘅滷肉飯又香又濃郁，肉質軟嫩，五香醬汁入味，真係食到停唔住筷子。哎呀，我又想食返一碗喇魷魚鬚小食：呢個小食真係驚喜！魷魚鬚炸得酥脆，入口即化，外脆內軟，吃落一陣鮮香。佢嘅調味料正好，唔會蓋過魷魚嘅原味，真係好好食。個人覺得係香港食過最好食既炸魷魚鬚手撕雞飯：手撕雞肉質鮮嫩多汁，配上飯食真係一流。雞肉帶咗啲醬汁，入味又多汁飯就普普通通，同雞肉一齊食ok。熱芋香奶茶：呢杯奶茶真係夠香夠濃郁！芋香味好濃，好有懷舊既感覺。甜度適中，唔會太甜凍日月潭紅茶：茶味香濃，帶咗啲淡淡嘅甜味，好清爽。喺呢個熱嘅天氣飲，可以要求少d冰。至於餐廳嘅環境，我覺得位子都算寬敞，可以舒舒服服嘅坐低享受美食。而且，出餐速度都好快，唔使等太耐就可以食到好好味既菜式

我同朋友最近去佐一間台灣餐廳食飯，而家我嚟同大家分享一下我哋嘅食評啦。我哋揀咗炸軟殼蟹配蟹黃膏肉碎拌麵同蟹黃膏肉碎拌麵，仲有一份芋泥肉鬆蛋餅。唯一可惜嘅係，我地忘記影相芋泥肉鬆蛋餅，但係佢嘅味道真係好好食炸軟殼蟹配蟹黃膏肉碎拌麵軟蟹殼炸得好酥脆，入面嘅蟹肉鮮嫩多汁，配埋濃郁嘅蟹黃膏肉碎拌麵，完美組合。每一口都可以晶嚐到蟹嘅鮮味，而且呢道菜嘅味道特別之餘，亦都好好食，絕對係值得推薦嘅美食。單點蟹黃膏肉碎拌麵雖然我哋忘記叫店家走蔥，但係呢碗麵條彈牙，加埋濃郁嘅蟹黃膏肉碎芋泥肉鬆蛋餅雖然我哋忘記影相，但我哋一齊都同意佢係今餐嘅亮點。蛋餅個外皮煎得金黃酥脆，入面包住香嫩嘅肉鬆同濃郁嘅芋泥。呢個組合真係好好，每一口都帶嚟豐富嘅口感同美味嘅味道。雖然布影相留念，但我哋對呢道菜印象深刻，絕對值得一試

今次我要同大家分享我去過嘅一間香港嘅台灣餐廳，我最愛嘅芋泥肉鬆蛋餅就係嚟呢度🤣🤣芋泥肉鬆蛋餅上場，真係禁唔住想即刻食晒。餅皮煎到金黃酥脆，一食入口即溶喇😙😙蛋餅仲夠蛋香，唔會太老同太嫩，融合埋芋泥同肉鬆嘅味道，一齊爆炸喇！肉鬆嘅味道好濃郁，芋泥香滑濃郁，真係唔會諗到兩種食材可以咁完美結合🤩🤩🤩食落就係啱啱好滑又咬一口嘅感覺，一定要食落肚先得！🤪最後，我都要讚下員工嘅服務態度。佢哋好有禮貌同細心，點餐時解答到我所有問題，食完飯之後仲問我食得點，好親切😄😄

我今日要同大家分享一個好食餐廳——台食館。呢度真係個麵館嘅瑰寳，每次食落去真係令人回味無窮。紅燒牛肉麵係台食館嘅招牌。首先話番麵底，佢嘅手工麵非常彈牙，每一條麵係俾手工拉製，個口感真係好正！再講番佢嘅紅燒牛肉，每一塊牛肉都好軟好嫩，令人一咬就肉綻放香，真係好開胃！而家講番紅燒湯底，真係湯汁濃郁，每一口都可以嚐到濃濃嘅牛肉香氣，唹啖都好過癮！啲蔬菜同埋紅蘿蔔都係新鮮，增添咗一份口感同埋層次感。總括而言，呢間紅燒牛肉麵真係好靚好正啊，真係一間值得大家去嘗試嘅餐廳！

準備返學前食個飯，是但揾左一間入去😂環境ok，台式感覺，早早地6點但入面都有幾枱客食緊。▪︎台灣腸滷肉飯▪︎ $65 ▪︎冬瓜露▪︎ 跟餐 $12本身諗緊揀鹽酥雞定台灣腸，結果都係想試下台灣腸，台灣腸幾好食唔會太咸，滷肉唔算好瘦，正常味道。個飯有幾條豆、雲耳、豆腐乾，味道正常，豆腐乾質地較特別，滑爽感覺既豆腐乾好少食到，不過配菜略嫌係凍既，但個飯同腸都係好夠熱，同飯量都多。冬瓜露可能因為嗌左小甜小冰，所以無乜味，有小小甜同烘烤味，冬瓜味唔出，似飲微甜糖水咁，可嗌返茶飲會好啲。（影下餐牌先）（餐牌）（餐牌）

呢間舖喺正大路，成日經過，今晚唔想周圍等位，見佢好多位，試一試佢，點知咁就中伏了。蕃茄牛肉麵啲麵碎濕濕，牛肉有雪藏味，$70碗，但完全食唔飽。芝士肉鬆蛋餅不過不失，但份量少，得6舊。軟殼蟹蟹黃膏肉碎拌麵成餐最伏，軟殼蟹勁厚粉，又乾又硬，蟹黃膏完全食唔到有蟹膏味，如果唔知嘅情況下叫我估呢啲橙色嘢係咩，我諗我估十世都估唔到。連最簡單嘅拌麵都可以煮到腍啤啤，睇得出佢煮嘢係幾咁求其。總結：佢有咁多位係有原因嘅，下次都係乖乖去返排隊舖算。