台蔡滷肉飯

營業中

休息中

奧海城入面都有台菜滷肉飯，唔洗去荃灣排隊，food court 好多枱凳，落單一陣就有得食。佢嘅有多款套餐可以揀。鹽酥雞滷肉飯煎得外脆內嫩，雞扒厚實帶汁，滷肉醬汁滲入飯中，鹹香帶甜，唔會太油膩，好惹味。豬扒滷肉飯豬扒炸得金黃香脆，肉質嫩滑，配埋滷汁同白飯一齊食，層次豐富，係經典嘅台式好滋味。大腸包小腸就好有台灣風味，豬大腸入味又唔硬，細細條香腸肥瘦適中，香氣撲鼻，配埋酸菜提味，整體口感有驚喜，食完唔會覺得膩。

再次賴嘢，完全系垃圾食物！今次行完一輪food court也吾知食乜，最後比多次機會你，睇吓係咪上次失準。嗌咗個蔥爆滷肉飯，原來系生蔥，d蔥放左室溫好耐，又乾又白！問禮貌欠奉既收銀員，d蔥有有沒有冇飛下水，佢就話碗野同張圖一樣，問非所答，要再問才答系冇燙過！我冇諗住可以退回食物，只是想反映成碗野既蔥系超吾掂（忘記影相）滷肉又柴＆調味只有鹹味，d飯又硬！完全係垃圾食物，唔知點解差到咁也可以比客人食＆仲可以開分店，亦得到米芝蓮，簡直嚇窒曬！

平安夜晚睇完燈飾去食飯，喺冇位嘅情況下間間都爆滿，所以索性去food court搞搞掂睇完全場覺得呢間台灣嘢係最吸引，價錢唔貴，所以試吓花雕麻油雞湯湯麵$74麻油雞超多雞，仲要全部都有肉嘅，算係咁個湯底都幾重麻油味㗎，麵底好Q幾好食紅燒牛肉湯麵$75紅燒牛肉正常發揮，唔算好好食不過有三四件厚肉嘅，呢個價錢都算好OK牛肉湯底有少少藥材味，唔會好重味精台式香腸$35台式香腸甜甜地，有少少肥肉喺中間，更爽彈

見招牌話入選2024港澳米芝蓮指南，就試下。👌🏼花雕麻油雞湯滷肉飯 酒味唔算濃郁，味道比較家常，淡淡嘅酒味同麻油老薑味。雞件味道正常，軟腍腍唔算太嚡。滷肉飯味道正常，唔覺有咩米芝蓮驚喜。👌🏼藥膳排骨湯滷肉飯 湯底都係預期中嘅藥膳味，有比較濃郁嘅當歸味。鍾意藥膳湯嘅味道都會滿意。排骨份量OK，做到骨肉分離，唔會難咬。仲有腐乳醬可以點吓。總結，味道正常符合預期，但唔明點解係米芝蓮推介。環境：★☆☆☆☆ 食物： ★★★☆☆ 性價比：★★★★☆ 推介度： ★★★☆☆

😋味道：8.5/10 🏡環境：8/10💰性價比：10/10✨👍🏻推薦度：9/10🐼呢間米芝蓮台灣菜由台灣人主理(˶‾᷄ ⁻̫ ‾᷅˵)睇個名都知道 主要係食佢好好味嘅滷肉飯！又好味又抵 所以都食過幾次😋不過荃灣嗰間成日都要排長龍 所以如果大家想試 推薦大家嚟奧海城food court呢間！雖然都唔少人 但唔使等咁耐！而且以 food court嚟講 環境都唔錯😌餐仲有前菜 整體都好抵食 性價比高👍🏻👍🏻🌟爆蔥滷肉飯 糖心蛋 $58 (8.5/10)呢個係招牌之一 見好多人都推介！呢度嘅滷肉半肥瘦 食落濕潤多汁🥰撈埋勁多蔥一齊食 原本見到都嚇親但食落又好香 有另一番風味😋糖心蛋都好加分！🌟肉鬆滷肉飯 溫泉蛋 $58 (7.5/10)同蔥一樣都係爆涵！但係另一種鹹香 更重肉香因為有好多肉鬆 食落就偏乾啲撈埋溫泉蛋就會啱啱好！口入面有多重口感🥰🌟花雕麻油雞湯麵 $74 (8/10)離遠都聞到個花雕麻油湯好香(˶‾᷄ ⁻̫ ‾᷅˵)但雞個位唔太靚 可以更好同埋個麵索水索得好快！👍🏻🌟九層塔鹽酥雞 $42 (10/10)✨估唔到仲有驚喜嘅竟然係鹽酥雞！可能係食過最好食嘅鹽酥雞🤣炸皮香脆得嚟超薄 一啲都唔肥/

台蔡滷肉飯 相信大家都聽過，由一對台港夫婦主理，每日鮮製招牌滷肉飯、麵食、夜市小食等台灣料理。味道偏北部風味，受港人熱捧，亦曾獲米芝蓮推介。小偏有幸喺荃灣店開張時食過一次，印象好深刻，可惜之後日日排長龍，想食都冇得食。不過，依家佢喺奧海城大食代開咗分店，餐牌相近，唔洗點排隊，於是小編就去捧下場。九層塔鹽酥雞滷肉飯 $73滷肉飯無疑係主打，每日新鮮製造，豬腩肉肥瘦相間。偏北部口味，味道較鹹重醬香，肉塊會大啲。撈飯食肥而不膩，而且有微微漿口，滿滿骨膠原。惟獨當日飯偏腍，食到多啲飯粒嘅口感會更正。鹽酥雞係小編上次食完念念不忘嘅食物之一，傳統式用地瓜粉油炸，外皮脆口，入面係雞髀肉，嫩滑有肉汁。味道：8.2/10花雕麻油雞湯滷肉飯 $78湯頭熱辣辣，鮮甜重麻油同油香，雞肉易咬唔會乾柴。幾有驚喜。味道：8.2/10涼拌蒜泥豬頸肉 $50會形容係豬頸肉版蒜泥白肉，豬頸肉爽爽哋，蒜味非常之香，再點埋麻辣醬非常惹味。欣賞加埋青瓜同葱，令味道更加清爽。味道：7.6/10台灣蒜片香腸 $35經典台灣小食，勝在香腸品質高，選用老牌台畜香腸，口感紮實，油香豐富。加埋蒜片香味更豐富。味道：8/10大紅袍珍珠奶茶

奧海城foodcourt居然有米芝蓮台灣菜？！唔洗排所以買外賣試下=🍚||爆蔥滷肉飯（溫泉蛋） $58||係好食&偏濕嘅滷肉飯，加埋溫泉蛋實在好難出錯，但整體未去到話好驚艷啦🤣 要讚嘅係到最後一啖飯都會有汁&肉，但又唔會太鹹，其實算中上嘅不過作為外賣嘅CP值有啲低，始終份量都唔太多，女仔食應該都係啱啱好夠飽我仲額外加大個餐+$15飲品係百香果茉莉綠茶（走甜），仲可以免費加仙草！！😍😍質素不錯的但係我開外賣先發現冇比小菜🙂🙂🙂💸

由荃灣開到去奧海城大食代😍今次我帶埋屋企人一齊去試 雖然係位於𝐟𝐨𝐨𝐝 𝐜𝐨𝐮𝐫𝐭入面 價錢又親民 但食物質素比我地想像中仲要高😆連屋企人都覺得幾好食 之後會再返來食😋今次我地叫左：❶ 花雕麻油雞湯麵 💰𝟕𝟒花雕酒嘅香氣🍶雞肉嘅嫩滑同甜味🍗淡淡嘅麻油香再加上有咬口嘅麵條🍜暖胃一流😋❷ 爆蔥牛肉麵 💰𝟖𝟎奧海城分店有紅燒牛肉麵同爆蔥牛肉麵兩款選擇☺️我舅父今次揀左爆蔥牛肉麵💚佢話微辣紅燒湯底好夠味 加埋咁多蔥花成個湯變得好香👍🏻佢大讚麵條好有咬口 係佢鍾意個種麵質😝牛肋條份量亦好足🥰推薦大家一試！❸ 肉鬆滷肉飯 配溫泉蛋/溏心蛋 💰𝟓𝟖肉鬆多到鋪滿曬成碗飯😍我無諗過原來肉鬆、滷肉、溫泉蛋同店家特調嘅鹽酸菜係咁夾😋推薦大家一試👍🏻呢個份量對男士來講應該剛剛好 女仔可能兩個𝐬𝐡𝐚𝐫𝐞都𝐨𝐤🤣🤣❹ 九層塔鹽酥雞 💰𝟒𝟐我係出面食過好多間都係個皮厚過舊肉 但台蔡嘅鹽酥雞每件都大大件 外皮酥脆 肉質夠嫩又多汁👍🏻推薦跟餐仲加左大紅袍仙草奶茶（💰𝟏𝟖）、大紅袍珍珠奶茶🧋（💰𝟏𝟖）同百香果鳳梨烏龍茶🍍（💰𝟏𝟓）正常台式飲品味道😉 都幾大杯🥤

上次荃灣食完覺得都唔錯，經開奧海城見到喺food court入邊又有同一間餐廳諗住再食多次，然之後嗌咗一個鹽酥雞滷肉飯諗住試吓食返一樣嘅嘢實冇死，但係點知係呢一間舖再食竟然可以同荃灣嗰個爭咁遠，鹽酥雞又要鹹又要唔Juice滷肉飯又好鹹建議大家去返荃灣嘅舖頭食，又或者係food court可以食另一個真係冇乜特別好普通

嚐過荃灣店的味道一直念念不忘當時天氣還偏冷所以吃了藥膳排骨餐藥膳味夠濃夠香又順口想再試但每次經過都見到要排隊就作罷知道奧海城開了分店立刻再來嚐嚐看這次點了鹹酥雞滷肉飯套餐再加杯珍奶雖然這價錢在food court 來說不算便宜但很值得鹹酥雞外脆內滑 不會乾滷肉飯肥瘦參半那個油脂在嘴裡化開再配上胖胖圓圓的珍珠米，真的很好吃很期待嘗遍他其他菜式珍奶就一般沒什麼特別，因為專門賣珍奶的飲料店太多而且奧海城food court 翻新後，環境舒適乾淨明亮了許多

之前荃灣地舖有幫襯開，但荃灣舖成日排長龍，知道台蔡Foodcourt新開，當然要黎支持下。Foodcourt好處係唔洗等，order鹽酥雞滷肉飯都係10分鐘左右有得食。台蔡難得喺Foodcourt都keep到舖頭水準鹽酥雞依然係全港最好食其實台蔡既蛋餅都係香港數一數二，但Foodcourt就無得食，問老闆點解，話蛋餅一個要煎15分鐘，如果太多人order Foodcourt廚房應付唔到。所以想食蛋餅既朋友都係去荃灣食好啲啦～比我就選擇去Foodcourt，尤其是夏天

同朋友都認鍾意食台式嘅食品～～ 見到台蔡滷肉飯係米之蓮立即好想試下！我哋叫咗爆蔥滷肉飯，藥膳排骨湯 同埋九層塔鹽酥雞！全部都好好味！個滷肉飯除咗有爆爆爆多蔥之外～ 仲係用台灣既醬油、米酒、五香粉、白胡椒調味， 滷肉係用3 分肥 7 分瘦的豬肉！燜煮幾個鐘，加埋爆爆既青蔥提升味蕾，加埋順滑的溫泉蛋或香濃的溏心蛋一起吃！超級美美！又想又好食～～ 藥膳排骨湯採用十幾種中藥材炮製，包括當歸、甘草、川芎、熟地、肉桂、杞子等，細火慢熬好多個鐘，呢碗台式清怡藥膳湯，口舌腸胃都有溫補的感覺。個排骨仲配埋一個勁好食嘅腐乳醬！我影相真係一流，超級超級好食！我哋仲叫咗招牌九層塔鹽酥雞！雞髀肉醃製好入味，九層塔的香氣教人垂涎。食鹽酥雞時好有去左台灣夜市既感覺！珍珠奶茶都好好飲！

超難食，又鹹！唔知點解咁都可以攞出嚟買俾人食？如果唔洗錢的，我會直接掉落垃圾桶！滷肉飯超鹹唔知咩事肉醬一樣，豬頸肉白雪雪完全冇味好似食膠咁？冇下次，失望，浪費時間！

台蔡滷肉飯喺奧海城 大食代 開左分店啦！ 其實小豆丁冇去過荃灣店食， 不過我知道兩位年輕店長跟店員都係用心製作食物， 所以對店既食物都有信心。 今日帶咗一位舊同事黎奧海城， 因為店鋪係food court 入面， 所以容易搵到位，亦方便做sales 的朋友可以待耐一點休息。我點了 九層塔鹽酥雞滷肉飯（$73）配仙草奶茶（$18）。 一碗白飯盛著滿滿既豬肉丁， 因為伴隨著醃漬， 所以不會覺得很油膩， 而且滷肉汁咸甜度剛剛好，單單食一碗滷肉飯已經好滿足了。 鹽酥雞有六件，每件炸得很乾身，表面不會有一層油， 食落香脆美味。 至於杯仙草奶茶，雖然我揀左少甜，但仍然飲到奶茶既淡淡甜味， 單買一杯$28。 如果下次我嚟奧運站都會想買一杯。❤️