台灣&台灣 (已結業)

一直過門而不入, 今日中午看了食評，沒有差評，就諗住試一試。一入到去空間很窄，客人是坐滿了。叫了一個煎蛋雞丁肉燥撈一丁和煎蛋餐肉肉燥飯，配台灣石蘭紅茶。煎蛋餐肉肉燥飯：肉燥全都係肥肉同皮，同出面或台灣食的完全唔同....老人娘話佢係山地人, 所以係咁...餐肉同半生熟蛋就無特別.....煎蛋雞丁肉燥撈一丁:啲雞丁睇起黎唔知似咩....因為炸過, 份量好少又乾。肉燥太肥食唔落, 啲面唔係一丁, 食落完全冇味, 我寧願食榮式...俾佢厄左....我食左少少冇食.....咁食法太唔健康啦...

經過佐敦想搵間靜靜地既地方食野,見間野雖然暗暗地不過又ok bor幾有情調,所以入左去叫左個雞球撈丁同凍紅茶走糖,當野食上枱個陣真係幾驚喜,都未見過餐廳仔細細間會有心形煎蛋,食落碗面都幾好食,最緊要杯茶,不會太淡不會太濃茶香又夠滑,真係好鬼正!下次再試下第二樣先.

自從在佐敦上日文堂以後開始留意這區的美食，有名的澳牛，麥文記早已成為常客，是晚沒有很好的胃去容納美食，本想簡單的吃點就算，所以就選了這不起眼的小店......其實在前時候已有經過此地，但看到門口有黑布遮擋就沒有進去的勇氣，就在今晚有著老闆娘的熱情推介讓我有解開那門簾的決定！餐牌如早前食評所寫一樣一目了然，價錢，菜名，甚至配菜都清楚列出，沒有任何隱藏的感覺，大大方方，十分舒適！什菇麵(3.5/5): 被稱菇人的我當然好不猶豫選了這道菜，只看名可能會被誤會成素食，但如之前所說餐牌上有了所有配料的名字，所以也沒有誤導成分！這碗麵除了菇以外還有太陽蛋，黑木耳，翠肉瓜，火腿作為配料，若換成一般車仔麵檔這應該屬於小雜燴吧！味道來說，太陽蛋的蛋黃有點流心加上那不俗的蛋香應該是用了不錯的雞蛋，其他配料並沒有特別之處，可是主角－麵卻用上了煙韌的台灣麵條，讓極度迷戀口感的我十分滿意，但是如果是胃不消化不太好的食客宜下單前要求軟一點，要不可要受罪了！總結:看似簡單的一碗麵，為甚麼會讓我有家的感覺呢？雖然是平凡的配料，可是師傅用心的烹調就如媽媽在家為子女下廚一般貼心。另外，我很久已經沒有在外吃過一碗熱騰騰的麵

朋友推介本店好地道台灣風味, 終於昨天有空係午飯時光顧, 入到舖頭見只有2個客, 心裡就好担心, 但見老闆娘熱情招呼, 便嘗試吓。見到餐牌簡單, 便問老闆娘介紹, 佢推介軟骨和豬手都值得試, 最後選了軟骨麵配熱的蔓越梅特飲, 而佢仲特別請我飲高山紅茶, 她的介紹好詳細, 下刪一百字 …軟骨麵送到面前是熱騰騰好吸引, 麵彈牙、豬軟骨爽脆、翠肉瓜爽甜、配搭的酸菜和豆腐泡都好味道! 嗰杯蔓越梅特飲亦值得推介, 少少酸領人好開胃 …見到原先的客食緊撈一丁麵, 麵食好乾身真的吸引, 下次一定要試! 全程老闆娘都好熱情傾談, 扯東扯西的說笑, 時間真的好快過呀!