台灣私房菜 (已結業)

D裝修算新淨，有米字的木紋枱，有風格。食左幾次幾好食，關廟面幾好味，夠Q彈，配埋D牛腩更完美，又不太油腻。老闆娘服務親切。 D豬扒飯都幾好味。另外有東坡肉飯D豬肉喺原塊剁的，非常用心，感覺上不太油腻。 可惜今日去D装修冇哂要轉手。…查看更多

一般提起私房菜通常都會覺得價錢不菲，但近年來號稱私房菜的店子愈來愈多，倒是出了不少平民私房菜，這次嘗試的台灣私房菜便是其中之一。本來只是很久沒吃台灣菜，想吃些普通的魯肉飯，但在店員的極力推薦下，最終點了一個麻油雞絆飯來吃，而女伴則點了一個常見的鹽酥雞配烏冬。女伴的鹽酥雞配烏冬率先上枱，乍眼一看監酥雞面層撒了些辣粉，令不吃辣的女伴望而生畏，但一試之下其實辣味非常輕，而且表皮炸得很香脆，肉亦絲毫未老，比起平常的監酥雞更為高質。隨後到來的麻油雞絆飯看上去倒是不太吸引，但食了第一啖雞後卻令我刮目相看，雞肉煮得軟熟，含有微微的酒味，配上湯吃非常有風味，不消一會兒便被我清得一乾二淨，而白飯配上雞湯後亦非常易入口，令人出乎意料的一道菜。不過加錢點得的珍珠奶茶倒是味道平平，令人失望，可謂全餐的美中不足。總結而言，餐廳的食物不錯，二人埋單亦不過118元，以晚餐而言很便宜，值得一試。…查看更多

一行二人唔知食咩好，行過叫到老闆娘叫人入去試試，見佢係私房菜，我地又諗唔到食咩好，就支持下啦。 入到去都有兩三枱人食，應該都唔會伏掛... 見到餐牌，其實都冇咩選擇，最後叫左個最簡單既鹽酥雞飯同肉燥茄子飯，價值大約45蚊包港式熱飲，台試飲品加8蚊。反正黎試就試埋個台式飲品珍珠奶茶！ 睇個擺碟真係好私房菜，個豉油汁好香味精味（我諗都係美x豉油），個雞炸得還可以，面層香料岩岩好，但得幾舊係有肉，而d菜就好普通。 呢個肉燥茄子微辣，都野味既，但就唔夠餸。加左8蚊既珍珠奶茶冇茶香，好鬼稀，珍珠都唔知有冇10粒...好唔抵飲 呢間野服務真心麻麻，張枱有幾粒上手留落乾哂既飯，諗住叫佢地抹抹，明明望到都唔過黎，我地再叫多次啦，佢問都唔問就話‘係咪落單呀，等陣啦’。態度好差，當時先得三枱人，樓面都有三個，係絕對夠人！擺碟仲要奇奇怪怪，有d有膠羹有d又冇，又另外俾個鐵羹仲要連刀。明明我地兩個都唔會用刀...但就人頭數俾左我地...做野好死板如果抱住碟頭飯心態既，呢間岩哂，服務就唔好期望太高啦:(…查看更多

初訪時 小店才剛開張 覺得味道不俗 但服務流程等仍很green 是日闊別三月 再來晚餐 美味依然 而且服務水準也提升不少呢冰鎮秋葵 $32 秋葵爽嫩 也夠凍 非常開胃的前菜香鹵三寶 $48 清洗得很乾淨 鹵得也入味肉燥鹽酥雞飯 $55 鹽酥雞做到酥脆香口 但不會滿口乾澀油膩 肉燥脂肪比例不太夠 但整道算開胃抵食肉燥牛肉飯 $58 OK 同香鹵三寶重叠左 印象不深芭樂椰果乳酸 台式特飲跟餐+$8 OK可免費加配椰果或蘆薈 味道中規中矩燒鮮草奶茶 台式特飲跟餐+$8 燒鮮草很滑溜 奶茶也不會過甜是次再訪 感覺店員較之前友善 下單也較前更有效率 唯一不足是 店員不太熟悉系統 以致埋單等待甚久 希望下次再訪 會更進步啦…查看更多

兩個月前，跟好姊妹去元朗的 <台灣私房菜> 食台灣菜！ 我們走到安興街卻找不到，原來店子在安興球場洗手間對面！位置較為隱蔽！店內的裝潢簡約工業風，『米』字圖案木桌子充滿特色！供應：多元化口味的台灣菜，價錢大眾化！燒仙草奶茶 $23 (跟餐+ $8)冰涼香滑微甜！燒仙草質感軟滑，滑不留口！ 這是我在香港，嚐到最好的一杯燒仙草奶茶！比起香港的台式奶茶更勝一籌！冰鎮秋葵 $32一碟有多條秋葵，含有豐富膳食纖維及果膠，營養豐富！ 以冰鎮方式，沒有特色的烹調方式，保持其原質原味，可提升口味！:)台灣第一手信品牌 <黑橋牌>，記得之前在佐敦幫襯過其香港分店，以賣台灣香腸為主，標語『用好心腸做好香腸』！這裡竟然有得嚐到這品牌香腸，實在驚喜！ 供應：飛魚卵香腸 $25/條 及香腸 $15/條，相當抵食！ 可是落單時，飛魚卵香腸已售罄！烤黑毛豬香腸 $15 (配京蔥+$3)薄身而脆皮的外層，入口甜美惹味又鮮美多汁，夾雜少許肥豬肉更香口不已！ 如果與京蔥同食，別有一番風味呢！香酥炸豆腐 $28一客4件，金黃色外層的炸豆腐香酥惹味，鎖住水份，食起來滑溜爆汁！內外兼備的小食呢！肉燥燙油麥菜 $22以台式肉燥汁配上油麥菜，調味合大家口味，惹味得來卻不會重口味！恰到好處！麻油雞半隻 $168店經理推介的呀！以麻油把雞炒香，放到鍋中以 gas 爐保溫，配料包括：紅棗、薑、杞子…滋補暖胃！雞肉肉質嫩滑尚有鮮味，份量十足！湯越煲越濃！鮮甜味美！這是一間價廉物美的台灣菜小店，值得支持！…查看更多