台灣客棧 (已結業)

好耐冇食台灣嘢，今日嚟到葵涌嘅台灣客棧，見門口好多人嗌外賣，價錢又親民，所以一試！應該係啱啱裝修緊，所以好多嘢都好簡單入去堂食唔使等，因為好多人都係嗌外賣多，可能仲裝修緊，門口冇門，所以冷氣好快走。如果怕熱嘅話，嗌外賣比較好，希望佢遲啲裝修完，會有門，入面啲冷氣會涼返啲。價錢親民，$42蚊有得揀埋$16以下嘅嘢飲，可以飲埋珍珠奶茶都幾抵！有個自助區，餐具要自己拎，好似有冬瓜茶、水同飯唔夠，可以自己添加，幾好！炸魚外脆內軟，啱啱炸起，好脆口，咖喱汁送飯好味😋豬蹄飯個份量超大，豬蹄份量就佈滿成個碗，超大舊，成舊肉都好有台灣味度，滷得入味，仲有生菜，雞蛋咬落去好軟滑，有少少似溫泉蛋，但個黃係熟嘅，有埋豆腐，呢碗好足料，女仔食唔晒，男仔應該好夠食同好飽！推薦！問員工有冇菜脯食，員工好好拎咗過嚟俾我哋。珍珠奶茶個人覺得有啲甜，但朋友話甜度岩岩好，每個人口味都唔同，所以照寫落嚟俾大家參考吓。整體感覺，抵食！推薦豬蹄飯！…查看更多

又到外賣時間今次見到呢間非常多人叫而且分數不俗於是又試一試 睇下可唔可以變外賣飯堂叫左個鹽酥雞扒乾拌麵麻辣汁唔知大家心目中嘅乾拌麵係點嘅呢我期望嘅係無論粗麵定幼麵都係彈牙有韌度 同埋個汁夠香 仲會痴住條麵 咁就perfect一打開見到佢係粗麵嘅時候有一絲開心滿心歡喜咁將佢個麻辣醬撈勻點知心情好似坐過山車咁一擺落口 灰左係好辣 但係唔麻 亦都唔香 一啲都唔惹味冇令人想一啖接一啖嘅感覺個麵淋到過曬火 好似煮過龍嘅通心粉咁食完一啖都已經唔想再擺入口心諗算啦食埋隻蛋算點知隻滷蛋完全係想攞人命 超級鹹但實在唔想連隻蛋都浪費 於是諗住淨係食入面個蛋黃真係估唔到佢掩得咁入味連入面都係咁鹹隻蛋係無辜ga...唉我好似冇講過塊鹽酥雞扒wo不過都唔洗多講啦我諗我都係返入廚房煮麵先喇…查看更多

今次去左葵涌呢頭附近，見到呢間都幾特別就買左外賣試下！！鬼椒咖哩雞扒飯雞扒好足料！好大份呀！不過炸粉有啲厚，但都好鬆脆！咖哩汁好有驚喜叫左中辣！估唔到真係好辣不過唔係日式咖哩嘅味，有啲似辣椒醬嘅辣仲叫左珍珠奶茶🧋加左$7 呢個價錢黎講都唔可以要求啲咩茶底唔濃，珍珠冇咩咬口呢個麻麻地，唔會再試呢間珍奶…查看更多

太低調了太美味了最基本的滷肉飯最能看出餐廳是否正宗半肥瘦的滷肉那油而𣎴膩的味道令我不用五分鐘吃光了整盤飯 那流心蛋滷豆腐更是畫龍點睛鹽酥雞也很正宗 一咬下去還有油水濺出🤩蛋餅就普普 皮太厚了性價比太高了…查看更多

店舖位處商場閣樓，非當區人很難找到，午飯時段經常爆滿，推介食品為魯肉飯，它相當足料，飯餸比例適中，配上特色飲品，加上價錢十分相宜，令人回味無窮，顧客因而駱驛不絕…查看更多

很喜歡台灣的滷肉飯，上一次去台灣旅行11日，由台北食到高雄，滷肉飯更是主食。。台灣滷肉的質素良莠不齊，有些滷肉8成係肥油，用攪碎的肉，欠缺咀嚼感，而且油膩，加上滷水汁太咸，感覺很差。。也有一些用心之作，手切的猪腩肉，方丁，一致，一口6到7粒肉丁，滷水汁甜香，加上肥肉比例好，猪肉滲透岀油脂甘香在滷水汁上，味道細膩。。在香港要找好的滷肉飯更難，何況要找用心制作的手切滷肉？。筆者來了葵涌3年，又點會走漏眼。台灣客棧老闆娘係台灣人，老闆就唔太清楚。他們很用心的制作台灣美食，而最令人難忘的就係筆者花了很多編覆講的-手切滷肉。。(筆者情有獨鍾的還有咖哩雞排飯-中辣）…查看更多

依間野喺個舊式商場1樓嘅角落。行埋去成日以為佢無開門，環境雖然一般般，要坐喺店外一條走廊位置用餐。不過作一為一個土生土長香港人，反而有啲老香港嘅味道。食物方面令人有驚喜﹐外觀上無「茶X」甘吸引，但味道方面就有過之而無不及。當然價錢合理好多。…查看更多