1
0
3
港鐵藍田站 A 出口, 步行約6分鐘 繼續閱讀
付款方式
現金
其他資料
深夜營業
食評 (4)
等級1 2018-10-13
167 瀏覽
啟田小食街開左差唔多3個月...今日終於有機會去睇下...左揀右揀...好似最有特式同最吸引都係台灣人我地兩個人叫左好多野食...先黎兩杯冬瓜茶...甜度剛好唔會好甜味道岩岩好👍🏻正呀!買開野食有得+$8配一杯都幾抵飲😃蚵仔大腸麵線$25碗...熱辣辣...蚵仔同大腸都好足料....如果真係要挑剔的話...略嫌菜浦咸左少少...醋多左少少...如果有埋芫茜就更好😋擔仔撈麵$25...麵條吸收哂醬油既鮮味...再配上魯肉...喂~好食喎!除左魯肉汁個麵本身跟蝦同一粒貢丸...太為食...心思思想加餸...最後加錢要多隻滷水蛋同一粒花枝丸...滷水蛋夠入味...花枝丸同貢丸都係我鐘意既質地...唔會死甜同成舊粉...係有質素既丸!個麵食完會想再食...過兩日再去買先😆😆香煎小籠包$15/3隻...小籠包皮煎得夠哂香...浸完醋同豉油都仲食到脆...菜肉餡味道唔錯!夜市珍珠香腸$18/5粒...好味!爆汁!一口豬肉香!送酒啤酒應該幾夾😜手工蛋餅+肉鬆+芝士$28...女店員無介紹錯!呢個組合真係幾好味!口感豐富...芝士肉鬆雞蛋既味道好和諧😋配上佢地話係自己調既醬油膏...好味!超滿足既一餐!食完有飛左轉台北既感覺😆😆男朋友話:以後唔洗飛台灣...幾時想去台灣就落黎買🙄🙄另外要讚下...女店員好好傾又好禮貌...勁熱情介紹食物...下次要試下佢推介既紅燒牛肉麵同埋台南水晶小米先 繼續閱讀
(以上食評乃用戶個人意見 , 並不代表OpenRice之觀點。)
等級1 2018-10-01
99 瀏覽
上網睇到啟田開咗個美食街,即刻去試下。英倫風嘅裝修係幾新穎,但我唔係黎食裝修,係真心想搵到好嘢食。本身好中意食大腸麵線,係香港見到都一定會試下,希望食到真。台灣味道,點知哩間嘅大腸麵線真係可以填滿我心理陰影嘅面積,麵線唔夠熱,落咗太多生粉,搞到個底好"杰", 無蒜味,唔夠香,又無得加芫茜,本來唔想浪費,但真係食唔落掉咗。本來想買細size, 但店員話而家只有中size, 無細size 賣,咁應該更新下個餐牌。總括黎講,以上的評論只針對碗麵線,其他嘢食未試過,但因為碗麵線真係太唔好食,所以亦唔想試。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-27
77 瀏覽
今晚做完運動, 有少少肚子餓,所以落街買消夜食! 由於不想食太多, 加上見到佢15元有4隻小籠包, 所以買來一試!說實在, 15元有4隻小籠包真係好抵!! 不過一打開個盒蓋, 見到這四隻小籠包的賣相真係唔吸引....so bad!不過我知我唔係食賣相, 食物最重要是好食.... but so sad.....見到個包皮已經破開了,就知無汁啦!一口咬下去,小籠包只是輕熱, 就知不是即叫即蒸!!! 而且個包皮很厚, 最重要是個餡都唔好味!!! 總結.....唔會再去惠顧!!! 繼續閱讀
(以上食評乃用戶個人意見 , 並不代表OpenRice之觀點。)
等級2 2018-08-28
119 瀏覽
看網上介紹這裏開了台灣小食店,便一直很想試試﹗今天媽媽說不想等吃下午茶, 星期六中午接近二時便來試試這家店。我被餐牌上的蔥油餅加蛋吸引,便點左一份﹗媽媽點了招牌魯肉飯。蔥油餅加蛋同MENU 見到o既完全係兩個樣,薄薄一份,點睇都只係現成冰凍食品煎熱就算,入面隻煎蛋好薄。唔似MENU 張相咁,根本一d 新鮮蔥花都冇。食落仲成陣油溢味,乾爭爭,硬屈屈,冇乜味道。食完好似有層野漿住個口咁﹗好想即刻浪口﹗我以後唔會再試﹗招牌魯肉飯由於魯肉飯帶走先食,唔記得影相就食左。基本上就係肉碎蓋飯,d 肉唔多似魯肉。不過都叫做好過個蔥油餅。 繼續閱讀
(以上食評乃用戶個人意見 , 並不代表OpenRice之觀點。)