台屋 (已結業)

呢日夜晚去咗呢間餐廳食晚飯，原來佢只有夜晚先有鐵板牛扒，餐廳環境都好整潔，坐得好舒服😌，因為全家人都好鍾意食牛肉所以就叫咗三份牛扒，但唔包飲品，所以飲品要另加，大家都期待着呢塊大牛扒上枱，當一見到塊牛扒望上去好大，好似好好吃😋，但一刀切落去牛扒好硬好難切，切完手都軟，一放入口塊牛扒好難咬😖🥶，一啲好感都冇🥺，勉強食咗一半就放棄唔食，真係又貴又難食🥵🥵完全唔值呢個價😠😭，好失望😮‍💨，返到屋企仲要煮公仔麵嚟填肚😢😢😭…Read More

從未留言評價一間餐廳，但難食到忍唔住寫一個普通嘅雞扒飯，雞肉完全無味都算個汁嘅味道令我食到第二啖已經食唔落去我對食無乜要求，但可以話係今年食過最差嘅飯如果你係勇士，可以去挑戰一下…Read More

點咗《等一個人火鍋》，蕃茄蔬菜濃湯底，其實係甜嘅蕃茄醬，並無所謂蔬菜味，甜蕃茄醬其實完全唔適合做火鍋湯底啊；白魚蛋、花枝丸，唔新鮮，好腥，用個蕃茄甜湯底煮，真係食唔落去；牛肉無味，好韌呀；竹輪卷，口感係粉漿嚟喎⋯⋯ 另外啫喱燃料唔夠煮起個鍋，真正滾嘅時間只係五分鐘，唔加燃料係蟹柳都煮唔到，而且個鍋會走火，俾佢㷫親幾下！人手唔夠，點菜、上菜、加燃料都等好耐好耐，個場唔夠碗用，侍應仲走埋去洗碗 🤯 真係好驚訝食物同服務質素咁惡劣，餐廳一定要好好檢討呀！惟一可取係員工態度尚算良好🤦🏻‍♀️…Read More

上次試左台屋嘅飯，今次就試下麵。細細嘅餐廳食物選擇唔算多，唔想食太辣所以叫左旺腸酸菜麵($59)，餐牌幅圖同現實都相差幾多。碗麵睇落好冷清，我期望嘅酸菜係多啲，結果只係麵上幾舊，唔符合個菜名。旺腸既豬腸，數量一樣係少，有兩舊豆卜，幾舊豬紅，有啲似車仔麵叫餸咁，味道正常，不過不失，只係失望。…Read More

今日晏晝去咗台屋食午餐，舖頭位置喺戲院對面，平時經過都見唔係好多人食，晏晝諗唔到食咩就入咗去啦。餐牌款式唔算多，都係台灣風味嘅飯麵。今次試咗特製鳳梨汁豬扒飯。唔係快餐所以都要等少少時間，個飯一嚟到就比兩塊大豬扒嚇一嚇，冇諗過$65都份量幾大，食得出係即整嘅，雖然豬扒唔算好淋身，但又唔係豬肉乾嘅，白飯嘅份量都比一般多啲，店舖範圍細，不過都坐得好舒服。整體都好驚喜，下次都會再試吓其他台灣風味嘅食物，經過不妨試一試。…Read More

平時經過台屋都比佢既裝修同餐牌吸引，今次就點了自家制作鳳梨汁豬排飯。一打開飯盒就見到大大塊豬排，上面有許多炒過的蔥花，我本身喜歡鳳梨，以為會有些鳳梨片，原來是沒有的。先說一說味道，豬排跟鳳梨汁的味道其實幾夾的，但可能汁料的份量不足，或者醃肉的時間不夠長，鳳梨汁的味道並不突出，如果能加強味道，或加點鳳梨片來提味會更好。另外，豬排比較厚身，本以為厚切的豬排肉質較為乾硬，但這個豬排肉質可以的，尚算軟身。不過，這個飯除了蔥花之外沒有其他配菜，白飯吸收了豬排的油份，感覺有少許油膩。…Read More

第一次行過，餐廳人唔多，本住未試過就試嘅心情坐低⋯⋯侍應話呢間店食物係即叫即整，介紹我試雞扒，好呀，就試呢樣啦。等咗啲時間，熱辣辣雞扒飯到啦，脆皮雞扒好香口、肉質嫩，有糖心蛋同菜伴碟，有肉有菜，呢碟飯令人好滿足呀！食過係會返尋味嘅，又再經過啦⋯⋯呢次試另一款午餐～鳳梨豬扒飯；豬扒香嫩有少少脆邊，加上酸甜鳳梨汁，好味開胃，正到食曬成碟飯😋。呢間店嘅食物真係好味，不過位置喺商場尾端可能令人流比較少；真心值得幫襯架😊。…Read More

同屋企人難得黎到將軍澳行街，行過見到環境唔錯乾淨企理，服務員熱情邀請我們進店內。本身細佬鍾意食滷肉飯，我哋叫咗兩個古早味外婆滷肉飯，兩個小食包括鹽酥三寶拼薯條同香烤台式香腸！外婆滷肉飯的味道正常，滷肉好多好有滿足感。最有驚喜嘅係鹽酥三寶入面嘅薯條超高質，外脆內軟感覺油溫啱啱好控制得好好！同埋炸雞球肉質好滑好Juice嘅感覺！至於白魚蛋都唔錯好彈牙～鹽酥三寶超水準！仲有服務員態度好好，好熱心介紹嘢食，第一印象絕對爆曬分！總括而言，值得一試～下次經過會再返黎食！…Read More

冇得去旅行咁耐都好掛住台灣美食今次就揾左間小店試下佢地嘅下午茶😋-🌟麻辣蘿白牛肚湯麵 （$36）見到個名以為係白蘿白點知係紅蘿白😂🥕牛肚都煮得腍 麵亦都啱啱嫩好可能因為叫左小辣所以個湯真係唔太辣🤔-🌟台式肉鬆蛋餅拼薯條 （$40）係香港都食到台灣滋味🤓感覺上比較少香港鋪頭食到台式蛋餅 🍳肉鬆同蛋餅真係好夾 好好味～-🌟迷你台灣香腸肉燥飯 （$40）台灣香腸好腍 有少少似臘腸嘅味道而肉燥飯比較似香港口味 用嘅豬肉冇咁肥份量都唔算細🍚-呢個價錢黎講都算係好抵😌而且仲有少有嘅台式蛋餅食～…Read More

新都城真係多新食肆進駐。這間《台屋》 主打台式麵食 ，仲孖住隔離茶飲店。酸菜旺腸豬紅湯麵$59全日精選有八款左右， 其他單點食物選擇唔算多。麵好香， 湯底以豬骨味為主， 可以揀辣度。小辣程度可接受， 有大量酸菜, 豬紅，旺腸份量一般， 麵條爽滑。 味道係唔錯嘅尤其汤底，但沒有太大驚喜。加$10才有杯普通熱飲。i雖然有二人套餐， 建議設計多些有飲品（ 或者隔離嘅姊妹茶飲店），小食 ，主菜嘅晚餐更吸引。…Read More

2020.9 午自己很少很少走進將軍澳，剛好過來工作打算走進新都城「過冷河」。一入門看見《吃茶三千》便買杯飲品解解渴，隔離有間台式餐廳順便醫肚。雖然養生藥膳牛湯麵好吸引，不過還是想吃些涼食，便下單點了一個醉雞卷拌麵…本來對醉雞卷沒有什麼印象，食物來到的時候感覺份量很足。入口清涼帶點醉汁味道，不算太濃，但因份量足夠，多吃兩件後醉汁味道反而讓我感覺剛剛好，不會太Over。最重要說三次：無骨無骨無骨最得我心粗麵條拌麵暖暖的，帶點蔥油炒拌，略油膩，不過配上醉雞卷去除了油膩感。整體十份飽滿。下次行到熱熱地，會想再點這個爽一爽。…Read More

收工想吃個台一邊爐，但肚皮不爭吃唔得任吃火鐹，咁台屋呢個一人邊爈係一個奶選擇丫。舖頭細細座位唔算多，小貓幾隻黎食就岩哂。坐低就叫左個”等一個人火鍋”🤣 鍋料有部分食材已經固定左，而肉類可選牛，豬，雞。湯底就有蕃茄，藥膳同麻辣，另外你仲可以揀個4款食材添丫！鍋入面已經有粉絲墊底，正常係夠吃的，或者你可以追加個白飯做湯飯🤣 另外就叫左個 石燒西冷牛扒 200g 配薯條，200克嘅牛扒就真係薄左d嘅，自己煎嘅時候就要好好控制時間啦🤣 薯條反而好好吃，夠熱之餘仲係外脆內軟der~ …Read More

痕癢想食台式蛋餅做早餐坐低睇份餐牌第一感覺 😰貴早餐黎講，預三十幾蚊一大份，隔離間「脆畫」份B餐已經夠滿足晒，份蛋餅...$32 四件/每件Size係：大半包紙巾的平面面積，每件厚度就大約三份之一包紙巾蛋餅個皮麵粉比例還不錯，肉鬆都夾到個蛋皮，我個人都好喜歡，但只得四件:(慢慢食，配埋杯咖啡，女仔黎講其實都夠不過係慢慢食兩個人一人兩件蛋餅，食晒呆等數分鐘，認真講...如要趕返工，屁股勿痕癢🤭哩份$88蚊All Day-餐，除左份厚多士比較外脆內軟，普通過唔普通唔洗加一，但唔會再黎食早餐喇真係唔係難食，係唔抵食下次再黎，或者會試下台式飲品好了…Read More

台屋台式料理餐廳等一個人火鍋 $88鍋入面已經有冬菇、支竹、豆腐、粉絲、豆卜、娃娃菜、金菇等等蔬菜，但呢d配料份量都係比較少。肉就可以揀豚肉、肥牛、雞肉。湯底就有蕃茄、藥膳牛骨、麻辣豬骨。另外再可以揀4款選配食材，都係比較台式，例如豬紅、花枝丸、蟹柳等等。今次揀左蕃茄湯，肥牛，湯底唔濃，好清淡。肥牛正常偏肥。花枝丸都大粒有肉粒係入面，有口感既，選配菜味道正常，每樣一舊仔左右。火鍋整體份量岩岩好夠一個人既份量，如果湯濃d，就更有台灣臭臭鍋既感覺。。📍位置係將軍澳戲院隔離。…Read More

今日到樓下購買外賣買左2人午市套餐$88（菠蘿汁豬扒飯+雞扒飯）企在餐廳門口等咗三十分鐘以上，餐點仍未到。一名貌似經理的黑衣職員看見我一直等候也沒有向廚房詢問跟進。最後忍無可忍追問經理才發現原來廚房搞亂單，將我嘅order比咗其他客人。隨後廚房職員出來在外賣堆中搜索，不但沒有道歉或嘗試解決問題，反而不合理地解釋話豬扒要煎耐啲，態度十分傲慢，敷衍了事。最後經理稱再要等多五分鐘才可取餐，我不想無了期等待，最後退錢離開。不推薦！應改善員工態度和出餐流程！…Read More