影片
台北 101 選址鄰近英皇中心，離「年青人聖地」東方 188 只得一街之隔，可說是佔盡地利，我常路經這一帶 (卻不再是年青人)，終於買了一杯試試。要了標明是「濃香」的珍珠奶茶 ($12)，手搖的奶茶面有一層薄泡，用冰不多，甜度也恰當，可惜味道卻不太濃郁，淡淡的沒一點回甘，跟茶名有些出入。另外，我也略嫌珍珠下得太多，需知有時「多」並唔代表「好」，始終我買杯奶茶係想解渴，唔係醫肚餓，珍珠點計都只係配角，絕不及泡一口靚茶重要！最後，有見店內環境十分簡陋，建議加道屏障，以免此弱點暴露於客人面前，這等門面功夫實在不可看輕，何況隔離仲有間 Come Buy 搶客？
繼續閱讀
31/3(三) 2pm豚肉飯後,源於心癮,跑到就附的台北101,購下$10珍珠奶茶.先評奶茶,質味皆稀薄,珍珠更是未熟透的,無謂勉強自己,此等貨色,確實不屑一嚐!
繼續閱讀
今日天氣都幾熱，食完野又買返杯野飲先。見呢度比起隔離唔係好駛排隊，好快就買到，所以又決定係度買杯試下。反正我覺得買珍珠奶茶有時都要撞手神的。另外我覺得呢度有個好處係可以買細杯，又時唔想浪費真係唔想買大杯飲，所以有得揀大細真係好好。細既珍珠奶茶索價$10，可以接受。等左大概 5 分鐘就有得飲，顏色感覺較淺，而且多冰，不知喝下又如何？一飲下去，只係覺得有個甜字，直頭好似糖水咁。唔係好feel到佢似奶茶，有少少奶茶但無咩茶味，不過我覺得佢又未至於甜到好難受，最起碼我唔會想掉左呢杯野先。珍珠OK，細細粒，煙煙靱靱，不過佢有時會幾粒珍珠痴埋一齊，變左一大舊。難怪呢間比起隔離條隊短咁多，真係試一次就夠。
繼續閱讀
溫完書七點左右路過買一杯少冰少甜101濃香珍珠奶茶醒醒腦等佢慢慢搖前一位顧客ge order ge 時候，見到佢櫃面ge 店員拎兩杯regular 出黎試味，試完又畀收銀試我聽到佢地ge 評語係其中一杯甜到離晒譜唔知係咪因為咁ge 緣故，我杯少甜係完全冇味ge.......既冇茶味、又冇甜味..........／。＼|||Ｄ珍珠都係冇味，最後我飲淨一杯底珍珠，覺得頂唔順，冇味又頂住個胃，最後放棄掉左$12 / 700cc 確係定價相宜，少冰唔會太凍又唔會唔凍，啱飲但味道真係.......市面上咁多選擇，我諗我唔會幫襯第二次～
繼續閱讀
十月上旬‧晴台茶店的市場很奇怪，店子開得越來越多，但喝台茶仍然是要排隊等，除了是製作需時外，一定程度上是市場還未飽和吧。行過灣仔道，又試試這裡的珍珠奶茶。夠凍，沒有冰，夏天喝夠透心涼。沒有什麼茶味，也太甜。珍珠不算煙韌，也沒有味道，吃不了一半，棄之。10蚊一杯，雖然不貴，但隨著天氣漸涼，想台茶市場也到達了汰弱留強的時間。
繼續閱讀