台北日記 (已結業)

疫情期間個個都冇得走被逼留喺香港，少不免一定會掛住啲外地嘅美食嘅，香港日本菜就真係好多 ，不過台灣菜比日本菜要少好多。今次路過銀湖天峰呢邊，見到門口開咗兩間新嘅食店，呢間台北日記好搶眼，因為佢成個感覺, 啲門面呀, 招牌個啲，全部都好有台灣地道嘅感覺，Menu都好多台式嘢食，各種嘅便當, 小食鹽酥雞, 台灣香腸，仲有台灣滷味。今次買咗兩個便當試下賣相唔錯,肉燥超濃味，而且塊豬扒大得超誇張，好唔容易見到有台式滷味嘅外賣檔就當然滷味都要試埋喇，滷水汁超濃, 呢個汁襯咩都好好食。下次會再幫襯

有時想食台灣便當都會係度買外賣，如果你期望係度食到台北車站便當好惹味ge味道，就勸你唔好試，但又唔代表完全唔好食喔，相反我欣賞佢夠「原味道」，因為健康關係，我好怕d野食好濃味，我都幾肯定佢無落味精，一般出面d滷肉都比較鹹，但佢就味道適中，不過如果隻蛋做到溏心就好啦。總括而言，間唔中食下都係唔錯啊。

新開的鋪頭諗住試下，一試之下真係比佢嚇襯！首先我中午 12 點去買係無人排隊，我叫個雞扒肉燥飯，佢比咗鹽酥雞。唔忙之下都可以出錯都好難架啦！唔緊要啦照食。一開蓋個心就沉咗 8 成！炸雞係淋嘅，而且個味係除咗咸味之外就無架啦。d 耶菜好似無洗過咁樣。最極品係 d 肉燥。我估計係就咁用生抽老抽加肉碎撈出嚟。100% 係無台灣嘅味道！咁樣嘅質數唔通個老闆覺得見得人？真係好難想象得到！唔好話要我比 $58 去買，就算佢送 $100 超市禮卷我都唔會再食！😤

行過見到新開，而老公係台灣人一路都好掛住台灣野食，所以問左老公後即刻買左返屋企食。 是次叫左香酥排骨香菇肉燥便當加滷肉，仲有杯台式特飲（原來只有冬瓜茶）仲有台式滷味（百頁豆腐、高麗菜、白蘿蔔、豆皮）加左個冬粉（粉絲）我老公食排骨便當，佢同我講如果十分滿分既話，佢只會比一分。首先肉燥係完全見唔到，滷肉得少量，排骨完全係港式炸排骨，配菜好少，而所謂既肉燥（只有汁）係只有醬油味，會令我覺得好似老抽加糖整成！ 完全唔值呢個價！冬瓜茶又唔凍又熱，味道尚可，但加左八蚊，只係得八成滿。到我食既滷味冬粉，我真係以為淨係豉油煮！ 得甜味同顏色！首先冬粉比左米粉！ 蘿蔔既顏色深到我以為係浸左醬油！夠淋既但得醬油味，百頁豆腐係咁多樣之中最正常，高麗菜不過不失，但豆皮居然係炸枝竹？ 究竟係咪我地對豆皮既定義唔同？定原來我一直台灣食緊既豆皮都唔係豆皮？豆皮好硬，真係食唔落。總結：呢間野我地一定唔會食第二次！除左極伏我諗唔到第二個字去形容。仲要收銀員一路剝雞蛋一路收錢唔洗手⋯ 然後等既時間都用左25分鐘，同埋佢話無膠袋，求其搵左個膠袋就包住野食比我拎走。如果店家會睇食評，希望改善下衛生！無膠袋時其實可以試下問其他