可可豬椰香海南雞專門店

今日去咗間「可可豬海南雞專門店」，一試就愛上佢地啲特色海南雞飯。先講下椰香海南雞飯，飯嘅椰香味真係令人驚喜，飯粒粒分明又唔會太乾，同平時食嘅海南雞飯完全唔同。🍚雞肉滑嫩得黎保持住肉嘅原汁原味，而家秘製醬汁更加係錦上添花，咸香中帶有微微嘅辣味，正！日式胡麻醬手撕雞冷麵就更加出乎意料，麵條Q彈，啱啱好嘅冰涼感覺，加上青瓜同生菜絲嘅清爽，啖啖齒頰留香。😋蒜泥白肉更加驚艷，腩肉切得薄薄透光，滿滿嘅蒜蓉充滿誘惑，一邊微辣一邊帶點清新酸味，啖啖都令人唔禁想一啖接一啖。飲品嗰邊，金羅漢果養生茶同熱情豐盛都幾夠水準。羅漢果茶唔會太甜，反而帶點自然果香，仲有真材實料嘅杞子同菊花；熱情豐盛就夠晒清新，熱情果、杞子、青檸嘅組合好配合，一飲解膩。🍹綜合下來，整個體驗好滿意，下次都會再黎這裏買，值得推介俾啲尋求新口味嘅朋友！…查看更多

ෆ 可可豬椰香海南雞 ෆ 今日返工冇時間出去食飯～唯有買外賣食🥺呢間係我買外賣嘅首選😂本身海南雞唔知點解食唔厭～呢間特別嘅地方係個飯🍚食落去係好椰香～冇平時其油飯嘅油膩感而且雞嘅份量都好夠🙆🏻‍♀️ෆ 推介菜式 ෆ 無骨海南雞飯 $𝟰𝟴…查看更多

◾️◾️◾️✨紅磡超嫩滑海南雞飯✨◾️◾️◾️惹味抵食 性價比高👍👍#mayfoodie_hunghom ◾️◾️◾️◾️◾️◾️◾️◾️◾️◾️身為紅土街坊嘅我,呢間外賣店已經食過無數次😋而每一次都覺得幸福感美滿✨❤️只因為非常平價親民, 性價比高👍所以好想為佢寫返篇食評❤️◾️◾️◾️◾️◾️[ 環境方面 ] ◾️◾️◾️◾️◾️呢間係一間位於紅磡轉角街口嘅一間餐廳由於舖位比較細, 所以只能夠做外賣生意🙈但都吸引唔少附近嘅街坊,同埋附近一帶返工嘅OL黎買外賣😋◾️◾️◾️◾️◾️ [ 食物方面 ] ◾️◾️◾️◾️◾️✨特色椰香海南雞飯✨👉Rating：8 out of 10我有個特別嘅習慣🤣就係如果有啲菜式我係叫開既,我每一次都淨係嗌返嗰隻菜式🤣#可唔可以話叫非常長情😂呢一碟海南雞飯性價比非常高😋😋雞嘅肉質非常嫩滑 配合醬汁下, 咬落去有幸福感✨而飯嘅份量可以調整, 可以選擇多飯🍚除餐更附送餐湯, 同埋沙律不過我自己幫襯過咁多次，發現咗個情況🙈就係雞同埋飯嘅份量 係會隨着老闆娘嘅心情有變化🤣🤣咁希望我之後每一次幫襯老闆娘嘅心情都會好好😂◾️◾️◾️◾️◾️[ Information ] ◾️◾️◾️◾️◾️📍 可可豬椰香海南雞專門店 (紅磡)📍紅磡馬頭圍道116-118號富商業大廈地下D號舖…查看更多

成日經過都見佢做緊$38一個海南雞飯+湯，價錢好吸引😻於是叫左一入黎試，有分標準$38/增量版$48，我一個女仔就食個標準啦，不過因為減緊肥就冇試佢個椰香飯😞，我轉左白飯，聽講好好食，大家記得試下呀🙌🏻就咁睇落去個飯盒都偏細，但原來都好夠食，一打開滿滿既飯係底，上面有大概5-6塊海南雞，再加少少木瓜沙律同埋一盒海南雞汁。雞好滑，完全唔似係擺左好耐既雞，應該真係每日新鮮整嘅，配埋個酸酸辣辣既汁好開胃，本身都以為自己會食唔曬盒飯，但食食下竟然清曬😱整體黎講真係好抵食！$38海南雞飯邊到搵呀，仲要係有質素既，絕對會再食呀！…查看更多

之前都OK 企企理理 性價比高 但大半年前開始每次都中伏 每次都少一樣野 無油飯/無配菜/無湯/唔夠雞(大雞飯變細雞飯) 但係佢次次都係比左錢先講 或者唔講 逼住要接受🥲🥲…查看更多

晏晝經過，見到平平哋，openrice評價又唔錯，就試吓。雞唔多，不過係幾好食嘅，好嫩口。有味飯正常份量都幾多，可以考慮小飯，不過味道一流，連埋點雞啲汁一齊食仲正。買嗰時仲有湯送，$38有咁嘅質素同份量，性價比都真係幾高。我諗我都會再返去幫襯。…查看更多

近排真係越嚟越好多海南雞專門店 呢間睇openrice評分好 所以試吓～▶️ 全隻特式椰香海南雞 ($158)一隻雞超級大份 分開咗兩個盒放 仲要件件雞好厚肉😲望落去已經覺得會唔錯 因為好有滑澤✨果然食落超級超級滑嫩 用筷子夾會滑走嗰隻🥢最好係一啲根骨都無 成舊肉 食到雞原本分泌出黎嘅油香🐔雞仲要做到啱啱熟 會見到少少血色 但其實食落係熟嘅雞皮同樣好滑 因為凍凍地 食落超似啫喱 呢個係肉眼都見到有層透明啫喱起皮下面👍🏻因為雞肉新鮮 原本有雞味 點埋佢個微辣汁 更加惹味😍唯一可以挑剔係唔太食到椰香味 否則呢個雞餸飯一流鍾意食雞朋友必試-另外仲有佢哋獨有嘅烏絲雞 唔知有乜分別呢？🖤我覺得以呢個價錢食到咁嘅質素同分量真係好抵 如果夜晚要加餸不防買黎試試✔️服務同賣相包裝都好好 俾咗超多醬汁我哋😆如果大家起紅磡買唔到勇記海南雞 都可以去買呢間 覺得絶對比得上！…查看更多

-{紅磡外賣海南雞飯🍚}紅磡又一間海南雞飯😚🥰終於試到🤓🤤半隻海南雞🤤 ($88)雞皮底層有啫喱 食落彈牙 全部去骨😎不過有啲部位係嚡口啲 👖褲評: 7.5/10🤤椰香飯🤤 ($15)椰香味係幾出！有啲油香味 而飯粒係偏硬嘅☺️👖褲評: 7.8/10最平嘅餐38蚊就有交易😍又一間海南雞嘅選擇😉性價比: 8/10服務: 7/10環境: 6.5/10🚩可可豬椰香海南雞專門店🚩地址: 紅磡馬頭圍道116-118號富商業大廈地下D號舖北角炮台山麥連街1A號寶榮大廈地下I號舖 #fuudjai #fuudjai土瓜灣 #fuudjai東南亞菜 #fuudjai黃埔 #fuudjai紅磡 #fuudjai北角…查看更多

🍾用餐體驗呢幾日天氣又凍又落雨，放lunch都想想飯暖一暖個身，於是喺公司附近搵咗間食海南雞飯嘅餐廳，呢間餐廳就比較特別，只做外賣，都見有唔少人排隊幫襯架！🖼環境間餐廳喺大街嘅轉角位，好容易搵得到📍主食：🤍特色椰香海南雞飯 $38雞南雞飯嘅外賣飯細細個，都幾得意🤭飯嘅份量唔算好多，標準份量女仔食就啱晒，大食少少可以揀增量版，米飯亦都係粒粒分明，而且有滿滿嘅椰香味，好正！海南雞都好出色，舊舊都好滑好嫩，唔少得一層香嘅雞皮包住，性價比高😋👍🏻…查看更多

🐓可可豬椰香海南雞專門店本身諗住去食勇記海南雞，點知8點去到雞已經賣哂😭退而求其次，見到呢間鋪，有竹絲雞咁得意就試下首創竹絲雞海南雞飯 $525-6舊雞，有件雞鎚。竹絲雞唔係煲湯個啲咁鞋，但係唔算滑😅食到雞鎚先食到有雞味椰香海南雞髀飯 $43雞髀好食好多，啲肉係滑，皮係爽既，但係冇雞味個日太晏，湯就派哂😭酸蘿蔔絲 正常發揮🤫醬汁係似泰式個種，甜甜酸酸微辣飯嚟講呢就唔太好食，冇雞油香，得淡淡椰香味，飯好淡要撈埋個醬先食到呢個價錢其實算係咁，不過竹絲雞始終都係冇平時啲雞咁滑，如果食唔到勇記既，又鐘意食椰香飯既，嚟食個雞髀飯都ok既🤫…查看更多

收工收得夜，最好係屋企附近買埋飯番屋企就可以唔洗煮都有得食。紅磡鶴園街coco pig海南雞飯最近成為左我外賣首選，餐廳係置富轉角位， 位置顯眼，最仲要係快靚正，落完order 3分鐘就有得攞，arm 晒想快d番屋企既我。餐廳主打 海南雞飯，而且仲有烏雞飯添， 不過今次都係揀 在normal嗰隻海南雞飯。 除咗海南雞飯仲有不少小食 提供， 加餸或者 留返嚟夜晚睇波就啱曬。特色椰香海南雞飯海南雞雞肉嫩滑,皮夠爽,皮下低仲有啫喱添 ,飯底唔單止有雞油香味，而且仲落咗椰汁 落去煮， 簡簡單單, less is more。蒜泥白肉仲叫多咗盒蒜泥白肉做宵夜, 豬腩肉肥瘦層層相間, 唔會太肥 ,亦都有瘦肉。 蒜泥 蒜香滿滿不在話下，而且仲 帶點辣味 ，夠晒惹味。…查看更多

🌸紅磡美食🌸可可豬椰香海南雞專門店🐓今天想吃新加坡菜❗️知道紅磡有間專門提供新加坡菜的小店-「可可豬椰香海南雞專門店」，而小店主打外賣海南雞飯❗️於是今天決定光顧此小店回家慢慢品嚐作晚餐❗️小店主打新加坡特色海南雞飯，還有港式小食❗️而小店服務員的工作態度也十分友善健談，他們都非常之清楚了解餐廳提供的食物❗️能夠向客人詳盡地介紹餐點❗️我們一行2人共點了以下餐點：1️⃣🌟首創竹絲海南雞飯 $52首創竹絲海南雞飯採用滋陰清熱、肉質嫩滑的竹絲雞，營養價值高，而且雞肉美味，搭配特色椰香飯味道一流❗️美味指數：⭕⭕⭕⭕️⭕️賣相指數：⭕⭕⭕️⭕️❌抵食指數：⭕⭕⭕⭕️⭕️2️⃣🌟特色椰香海南雞飯 $38特色椰香海南雞雞肉質地滑嫩，雞皮如啫喱般溶化，搭配特色椰香飯味道相當搭配，而香飯還有甜甜酸酸的蘿蔔絲，十分開胃❗️美味指數：⭕⭕⭕⭕️⭕️賣相指數：⭕⭕⭕️⭕️❌抵食指數：⭕⭕⭕⭕️⭕️3️⃣🌟蒜泥白肉 跟餐+ $22蒜泥白肉配搭小店秘製香濃蒜蓉，而白肉肥皮，每一塊的肉快相當入味，配搭一流❗️美味指數：⭕⭕⭕⭕️⭕️賣相指數：⭕⭕⭕️⭕️❌抵食指數：⭕⭕⭕⭕️⭕️🌟為是次餐廳用膳的推薦菜色❗總括而言，此小店價錢親民❗️而且食物質素不俗❗️屬於紅磡一帶外賣新加坡美饌之選❗️…查看更多

之前食過幾次海南雞，真係好食嘅，但今次想試下佢地其他野。🥰🥰🥰🥰🥰🥰原來佢地都有辣野架喎，就係咁試左佢地嘅麻辣雞腎同豬肋條。雞腎：麻辣味唔算好勁（我食開譚仔3小），唔會食到流晒汗，反而可以享受佢本身嘅味多d，而且面頭有d香料粉食下，我覺好特別。雞腎都好爽口，亦無腥味。豬肋條：初初睇個樣以為係好辣，點知食落甜甜地，只有微微辣香，好開胃。估唔到連我十歲仔女都食到，當然對佢地黎講有d辣，但佢地話飲住水都想食，因為真係又香又惹味又好送飯…查看更多

位置在紅磡又接近土瓜環段的一小店舖專門是食海南雞的，基本上見到海南雞都岩，因為貪肉嫩又可食雞皮，其他雞不食皮的，唯獨此款。今日膽粗粗除左食佢既椰香海南雞外再試點竹絲海南雞 ，要了細份。每點一個飯都會跟一個雞湯的，我再加12蚊試飲下羅漢果茶，挺抵飲的算大支，再加18蚊有個滷水雞腎佢個飯係好重椰味的，有別於外間的薑黃飯此外，佢嘅醬汁值得一讚，首先不會是辣而且味道是剛剛好很配合呢款雞飯的竹絲雞比想像中更加有味道，同時雞件很滑身，的確有驚喜，怪不得朋友encore 要特登帶我去食啦…查看更多

呢間位於紅磡的小店見到海南雞應該係小店最出名的可惜今天沒有口福了竟然一早賣晒咁唯有要個簡單的晚餐吧日式胡麻醬手撕雞冷麵 $54 份量都幾大㗎！平時我都好鍾意麻醬撈烏冬所以呢個我都覺得唔錯😚😚金羅漢果養生茶 $12呢個嘢飲好甜嘅好滋潤 同埋幾健康仲有杞子同埋菊花係我鍾意的養生茶藥膳醉香湯米粉配牛展 $78呢個可以搭配雞都可以滷水雞腎 $18呢個亦都有麻辣款可可豬椰香海南雞專門店 (紅磡)紅磡馬頭圍道116-118號富商業大廈地下D號舖…查看更多