古琴雅苑 (太子集團中心)

營業中

休息中

最近去了一間中餐廳，整體氛圍舒服，菜式走精緻路線，口味也挺用心，但餐廳環境比較嘈吵，下面簡單分享幾道有印象的菜：🥩 揚州水晶肉冷盤開場，賣相好看，像果凍一樣晶瑩透亮。味道清爽不膩，膠質豐富但不會黏嘴，咬下去口感剛剛好，有點像高級版的肉凍，喜歡清淡系的會滿愛。🐟 蠁粉鮮魚羹這道湯算是當天我的驚喜之一。羹很滑，魚肉很細，喝起來有海鮮的鮮味但不腥，口感濃郁但不重口，剛剛好適合打底暖胃。但餐廳要求人頭一壺，不能分享，非常飽肚。🐔 醉雞酒香算明顯但不嗆，雞肉嫩滑，吃得出有用心挑部位。冰冰涼涼配一點酒味，夏天吃特別爽。🦆 古琴酒糟烤北京填鴨這道算是他們家的創意菜。鴨皮酥，肉質不柴，酒糟的味道是淡淡的點綴，不會太突兀。比較特別的是沾醬，有點梅子的酸香，跟鴨肉意外搭。整體不算驚艷，但有記憶點。

呢個二人餐價錢幾抵食，有多款菜式可供自選，而且菜式都幾經典，可以一次過試到幾款唔同嘅淮揚風味小炒。先揀了拾味鍋巴嘅鍋巴夠脆，醬汁酸甜適中，好開胃。主食揀了宮保雞丁。雞丁嫩滑，花生香脆，醬汁酸甜，微辣。乾煸四季豆大大碟，有啲肉碎，夠惹味。古琴鹹肉菜炒飯嘅飯粒乾身，粒粒分明，鹹肉幾香。另外散叫一位嘅古琴酸菜魚，魚好嫩滑，酸菜夠酸夠辣，湯底香濃，入邊仲有粗薯粉，好味😋呢個二人餐幾抵食，菜式多選擇，份量多。

今日舊曆生日， 家姐知我鍾意食片皮鴨 ， 專登請我嚟呢度食， 原先五個人諗住食個千幾蚊嘅餐再加餸， 但好彩我話覺得太多，不如散叫食住先，唔夠再加。叫咗片皮鴨半隻，嚟到一望已經覺得勁搵笨😒跟住嚟埋個脆膳球，簡直係離曬大譜😠， 完全圖文不符到離天百丈遠， 小籠包皮厚冇湯汁， 仲要厚皮但仍然一夾就穿， 鴨鬆炒飯騷味濃陏，一食就知隻鴨極度差， 上海粗炒冇鑊氣又唔好味， 唯一比較正常就係個 上湯元貝浸菜苗， 再上甜品高力豆沙又係攞你命， 人哋嘅高力豆沙香甜鬆軟， 佢嘅高力豆沙就死實實不特止仲要係擺明整好咗放喺個焗爐之類嘅地方就咁烘住嘅，又乾又柴， 總之點嘅餸菜都冇樣好食又細碟，好彩懸崖勒馬臨時cut單唔叫咁多嘢， 唔係真係蝕到眼坦坦😵

姐妹係上海人、每次聚會首選食上海菜😋佢試過填鴨好味！但今次想食其他菜式～所以留待下次約會才叫填鴨😋前菜 酸酸甜甜脆口至尊拼盤醉雞酒香入味😋燻魚太乾身又柴肉因為有訂座優惠！所以贈送上海薰魚毛豆煮百葉味清👍上海炒年糕年糕口感煙韌～唔太鹹😘南翔小籠包皮薄肉汁多總括：食物總體唔錯😋

本身訂左15樓用餐，但係滿曬位俾佢哋叫左落去六樓用餐，原來6樓都係佢哋。6樓環境算唔錯，不過都係全場爆滿，要等佢哋執臺…原本訂左7.45分，但係最後都係要等待8點先可以入座….6樓有三個員工，得一個男侍應做嘢，全個場都係佢執，而且服務態度非常好👍俾面佢先唔走。其他果兩個女員工不知所謂，一個肥胖的女員工好得閒甘行黎行去是但執下碟就走去等lift，另外一個女（好似係經理）就好緊張，唔知自己做乜。兩個女員工由頭到尾都冇幫過手執臺，我都睇唔過眼，建議公司好好督促其他員工做嘢唔好偷懶！！！個服務態度好我係全部俾個男侍應，真係令我大開眼界，一個人可以照顧全場爆滿幾十個客👍👍👍其他兩個女員工00000000分！！不知所謂

訂了母親節套餐，食材一般，只有片皮鴨及鮑魚雞煲合格。意大利糖醋排骨太甜，肉質不夠軟腍，口感不佳；蟹黃豆腐羹像豆粉加味精- 找不到蟹黃，而且豆腐切得比指甲片還小；鹹蛋蝦球太油膩，不夠鬆化，滿口油；甜品- 杏仁糊就是糖水加杏仁粉；糖醋松子魚- 醬汁太多，魚不夠鬆脆；蛋白炒飯，打包回家加料再吃，不要浪費。點讚：玫瑰，荔枝茶好喝；貼心的送上玫瑰，荔枝茶包給每一位母親；服務很好，反應快，上菜速度亦很快。餐廳地理位置不錯。

約左朋友食飯，地點系好近尖沙咀地鐵站H出既古琴雅苑, 果日星期三都坐滿人, 所以記得要提早預約.見到.旺角仲開左分店,呢到仲有有2人餐,3-4人餐,5-6人餐,7-8人餐,10-12人餐,適合唔同人數點餐選擇🍲上次黎食左片皮鴨見到有藥膳花雕醉雞鍋 $288, 今日同朋友黎試一試,  因為唔系好多食店有藥膳, 又唔使自己煲同準備食材🍗叫左一陣美味雞鍋就上枱,  一打開有一陣好香既酒味加上中藥味道, 中藥份量及酒味恰到好處,  不太濃不太淡, 而煲裡既雞肉彈性十足,  好入味又唔會煲到好老, 食雞之餘再飲埋D湯, 補一補即刻覺得健康左, 想食藥膳既真系要黎試下🥣之後清清地想食個菜就點左金腿濃湯津白 $95, 津白配金華火腿很入味, 津白清甜, 加埋雞湯金華火腿去浸煮,  好夾味,  津白咬落口感軟中帶脆, 真系大人小朋友都中意食🥬🍖再點左腰果露$39, 份量用料足, 好濃香腰果味, 唔會太甜. 養肺潤腸、滋補健脾, 真心甜品推介, 已經同朋友諗定下次黎試埋個酸菜魚🐟

沒有好吃的感覺⋯⋯小籠包皮很厚也沒有湯汁，鍋巴是淋的，松子魚也很一般⋯⋯腰果露明顯是開粉的，帶些半透明，座位有點擠。 另外餐廳分開2輪用膳，第二輪已明顯得1/3 客人但依然好嘈，要好大聲交談。大圓枱（8人以上）只有一張，否則會坐長枱更加難傾計。烤鴨也只是非常之一般，沒有很好吃的感覺。甚麼都沒有一些精緻的感覺，包括餐具也是舊舊的。平均$400 位感覺不值，要有心理準備就是屋村酒樓水準，而且餐廳很嘈。不會再次幫襯。

今日同事想食片皮鴨，決定去呢間開左好耐既古琴雅苑，聽聞係師承全聚德我地叫左個午市二人套餐，包埋茶芥加一幾抵食有楊洲水晶肉同埋雞絲粉皮楊洲水晶肉好正，賣相都精美，雞絲粉皮好開胃，個麻醬底夠香烤北京填鴨 半隻北京填鴨超好食，個皮脆卜卜，肉質夠哂juicy,勁多配料tim,京蔥、哈密瓜、青瓜，配埋一齊食最岩開水白菜呢個菜非常清甜，好多汁，清清地一流食完咁多野又想食甜品，叫左個高力豆沙香蕉，甜甜地但唔肥膩下次母親節黎食佢d母親節餐先

「古琴雅苑」剛在旺角開了第四間分店，業務不斷擴展，今日和朋友來到尖沙咀店，晚飯時間全場坐滿客人，無訂位的就要撲空了。《古琴酸菜魚》$88招牌菜酸菜魚，雖然湯面鋪滿辣椒，食落卻不太辣，大大片魚肉滑不溜口，底下是軟糯的寬粉，吸滿湯汁精華，非常入味。《南翔小籠包》$85小籠包差不多是必吃的，眼見枱枱客人都有叫，一籠六粒飽滿的小籠包，熱辣辣。煙韌的皮包著甘香多汁的餡，滿口都是享受。《揚洲水晶肉》$88鎮江名菜水晶肴肉，肥瘦合宜，層次分明，手工精細，每一舊都一樣大細，一口咬落，豬肉香味逼人，口感獨特。《意大利黑醋骨》$158酸酸甜甜的黑醋骨，肉質肥厚，醒神開胃，每一口都嚐到酸甜鬆軟的醋香。埋單時，服務員遞上旺角新店的優惠單張，堂食4位以上贈送北京填鴨半隻，價值$238，優惠期至4月尾。咁抵，一於約朋友前去。

一入餐廳已經見到佢哋出名嘅烤鴨由於時間尚早關係，可以安排到近窗口嘅卡位，不過其實場內嘅位都非常舒適寬敞南翔小籠包~小籠包皮薄多汁，外皮晶瑩剔透，肉汁足足有一湯羹嘅份量！上海粗炒~份量非常足夠，每一條麵條都沾上汁料，味道恰到好處！蒜子干貝時梳~清淡嘅菜式，用干貝去帶出菜嘅鮮甜，蒜子亦都別具風味！古琴酸菜魚~點了一個一位嘅份量,但魚嘅份量都非常多,金湯齒頰留香,魚片夠曬香滑並且無骨，底層墊了粉皮，吸滿金湯嘅味道，真係非常入味！古琴雅苑仲喺旺角開咗新分店有限時優惠添

大食妹間唔時就會心癢癢想食片皮鴨，食過咁多間大型連鎖北京菜，古琴雅苑嘅質素確實係有啲保證就算喺唔同分店食，都覺得保持到水準烤北京填鴨$235三個人叫咗半隻填鴨，份量都好多下北京填鴨兩食，鴨肉連皮加埋哈密瓜青瓜等配料捲起食，味道好清爽另外一食就係用甜醬同埋砂糖點鴨皮直接食，呢個食法可以食到皮嘅油脂同埋爽脆嘅口感瑤柱蛋白炒飯$122另外叫咗佢嘅招牌蛋白炒飯，炒飯炒得夠乾爽，飯粒唔會黐住晒，確實見到廚師嘅功夫腰果露$39腰果露略為稀咗少少，但係食到蕉香嘅味道，幾好食

【香港🇭🇰尖沙咀】北京烤鴨🦆🔥 皮脆肉嫩，配埋薄餅、青瓜🫛同甜麵醬，味道平衡到啱啱好～酸菜魚🐟🥬 湯底酸香開胃，魚肉鮮嫩滑溜～🍲白飯殺手無疑！ 爆火鮑魚小炒肉🐚🥓 鮑魚切片厚薄適中，口感彈牙，配埋啲小炒肉，鹹香惹味～👍香蕉高力豆沙*🍌🍡 甜品係最大驚喜🎉！外脆內軟，豆沙唔會過甜，香蕉味香濃～一啖落肚好滿足，推介必試！😋 📌 古琴雅苑 (太子集團中心) (#尖沙咀美食)#尖沙咀 北京道12A號太子集團中心15樓-#hkig #hkigfood #hkfoodblogger #hkfoodie #食好西 #香港美食 #香港 #相機食先 #hkiger #852 #hkfoodlover #hkfood #hkfoodstagram #hkfoodporn #米線 #홍콩맛집 #古琴雅苑 #北京烤鴨

二人A餐 $718🌊精品雙小拼 - 雞絲粉皮+水晶肴肉本身仲煩緊食邊個前菜好，點知二人餐可以有雙併🙌🏻非常出色，可惜同行朋友唔食肴肉🥲🌊南翔小籠包小籠包略嫌個皮太厚…又冇乜湯汁彈出嚟🌊烤北京填鴨（半隻）最出色就係填鴨🦆因為份量係勁足，啲皮可以包3塊鴨，可能先食得哂啲鴨😆仲要啲配料好足，可以唔洗叫第二轉🌊鴨架湯冇咁鮮甜，有啲淡，冇乜鴨味咁濃🌊乾煸四季豆四季豆一定要熱食！😆味夠濃，炒完都好爽，唔會好淋，仲係好爽口😆🌊上海炒年糕年糕好淋，味道唔會太咸口，望到以為好唔match，韓式咁既年糕🤣🤣但溝埋左咸口既醬，同埋中式野，呢個都係我推薦之一

同朋友聚會，今次去位於尖沙咀太子集團中心15樓的「古琴雅苑」開餐。想食記得一定一定要預約！超級多人！呢度環境佈置唔錯，什有氣氛。職員服務態度良好。上網睇主要都係介紹佢哋嘅鎮店之寶「烤北京填鴨」！即係片皮鴨，絕對係我嘅大愛。入口油脂分布平均，微溫，超級好吃。而且細節位都注重，隻碟都係鴨仔，打卡一流除咗片皮鴨，呢度仲有其他出名小菜。每碟的味道都唔差，絕對可以一試。推介「外婆百葉結紅燒肉」好入味！份量又多「風味松子魚」酸酸甜甜，個汁好開胃。