46
7
3
港鐵尖沙咀/尖東站 L5 出口, 步行約2分鐘 繼續閱讀
所有分店 (2)
電話號碼
28821582
69932195
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金 銀聯
座位數目
80
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座
外賣服務
加一服務費
食評 (65)
等級4 2018-10-13
220 瀏覽
放工後來到了位於尖沙咀北京道的古琴雅苑,試試這間人氣度頗高的北京菜!餐廳環境裝修別緻,設有多張大枱,同埋多款4-8人餐,適合多人聚會/家庭聚餐!店員服務態度都抵讚,有禮貌又殷勤同朋友先點左個前菜:松花皮蛋拌豆腐廚師精巧刀工將超級嫩滑的豆腐切成薄片,然後加入皮蛋碎,豆腐同皮蛋味道非常夾,好味道精美四小拼賣相精緻,份量適中,內裏有醉雞、手拍青瓜、雞絲粉皮等等。醉雞好嫩滑,手拍青瓜夠新鮮爽脆,雞絲粉皮質素不錯風味松子魚原條魚外皮炸得非常酥脆,內裡的魚肉頗嫩滑,配上酸酸甜甜的糖醋汁,惹味非常黃金明蝦球黃金即係鹹蛋黃,滿滿的起沙鹹蛋黃包裹着爽口彈牙的蝦肉,每口盡是鹹蛋黃香,超級正!黎到全晚嘅重點:烤北京填鴨我地點左一隻,師傅會即席在我們面前將原隻北京填鴨片成薄片!鴨肉夠晒新鮮熱辣辣,夾著各式各樣的蔬菜配料、醬料跟薄餅皮一同食用,口裡充滿鴨肉香,且解去了鴨肉的油膩蟹粉賽螃蟹蛋白炒得非常嫩滑而且不油膩,入口帶有陣陣蟹粉香,送飯食一流蟹粉扒豆苗碧綠且幼嫩的豆苗爽口嫩滑,混合左蒜頭一齊炒,增添口感及香氣!亦都係帶有陣陣蟹粉香木桶包菜飯第一次食呢個包菜飯,飯炒得乾身,飯裡的菜絲增添左口感個人鍾意用黎拌賽螃蟹一齊食高力豆沙香蕉金黃色的高力豆沙炸得脹卜卜圓渾渾,口感鬆軟,內裡係甜度適中的紅豆蓉跟香蕉,這個美味甜品為晚餐畫上完美句號 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-11
138 瀏覽
今日四個人黎到古琴雅苑,本身諗住散叫,但後來經理話可以叫個四人餐更抵食,咁我地就叫左個仲夏嘗鮮四人套餐!$1180全包宴,有七個餸,一個木桶飯,四碗合桃露,四位茶錢!<精美四小拼> (四小拼包括: 雞絲粉皮,醉雞,揚州水晶肉,拍青瓜)<宋嫂鮮魚羹><十三香農家雞><金腿濃湯煮津白> <木桶包菜飯> <醋椒魚> 呢個要介紹下!一舊舊嘅魚塊,上湯加上白醋同白胡椒煮成,酸得黎有少少微辣,超級開胃,如果散叫的話,我都會推薦大家試下,真係幾特別!<紅燒肋排> 呢個都要講下!其實呢個肉真係好lum,超香南乳味,仲要有個小火爐幫手保溫,如果有白飯,一定可以撈幾碗!<北京烤填鴨> 終於到主角,呢間係我暫時食過最性價比高嘅北京填鴨!先講烤鴨,烤鴨出爐後,就會放係你枱邊,由北京師傅打理,佢會先切頸部四塊薄薄的皮,超級脆!都唔知點形容果種感覺!再黎就會有鴨片,鴨片因為夠熱同夠油,我個人覺得幾好食!另外,就係鴨卷餅,呢個餅好薄,又好煙un,包住鴨片同其他配料又唔會穿,勁好食,為呢個烤填鴨加左好多分!仲有,唔知大家有無試過,原來加哈蜜瓜係咁好食,多添左一份甘甜味!推薦大家黎呢間試下!以食片皮鴨同中菜黎講,古琴雅苑算係性價比幾高,建議四到六個人黎食就岩岩好!值得一戰! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-29
1292 瀏覽
早前相約友人食飯, 大家也愛食新嘢, 所以係佢介紹吓去了尖沙咀的古琴雅苑食飯. 這間店其中一個賣點, 就係有機械人傳菜. 來這裡食飯, 當然要點我愛食的烤北京填鴨. 師傳會係客人面前片鴨. 當然各款配料不少得. 賣相相當吸引. 第一時間試下. 皮帶點微脆, 最重要片得夠薄身, 唔會太肥, 又唔會太咸, 加上自己鍾意的配料, 非常好味. 風味松子魚. 粉漿厚薄適中, 夠脆身, 加上甜甜酸酸的醬汁, 特別醒胃. 蟹粉賽螃蟹. 蟹粉味道香濃, 與本身無乜味道的蛋白配搭好夾, 可以起中和作用. 木桶包菜飯. 食中菜, 我鍾意以飯一齊食. 飯整的時間剛好, 唔會太痴身. 用來與蟹粉賽螃蟹一齊食最好不過. 甜品不可少, 我點了腰果露. 這個時候, 食番一碗腰果露, 不但滋保養顏, 也可以滋潤一下喉嚨. 繼續閱讀
(以上食評乃用戶個人意見 , 並不代表OpenRice之觀點。)
等級6 2018-09-23
1227 瀏覽
位於灣仔的QRE PLAZA有不少餐廳,其中 有間評語不錯的【古琴雅苑】筆者打電話預訂多次,每次都話冇位,但筆者已經提前兩周訂位……心有不甘,終於等到平日有位,但都要分兩輪時間,認真巴閉!當晚準時到達,但都要在門外等了十多分鐘。期間見到不少人前來碰運氣,但都失望而回。門口位置見到爐內掛上燒鴨,細望一下原來是假的。餐廳裝潢佈置簡潔時尚,可以吸引年輕客人。餐牌製作精美,圖文並茂。當中有餐廳推介的十個菜式,方便客人在云云的菜式中挑選。餐前小食有兩款,花生及豆腐干 $13 ,有兩碟都合理。【北京烤鴨 $338】做法講究, 工序繁複,又要風乾又要烤爐,用上幾十小時才能夠完成。烤鴨以玉米、黃豆碎餵得肥肥白白。鴨子每隻足兩斤重。師傅在客人面前即席把鴨片皮。有得睇有得食!自家製的餅皮有兩籠, 餅皮熱辣辣; 每片用牛油紙相隔就不易撕爛,份量比其他餐廳多。配料共有六款,有常見的有青瓜、京蔥、甜面醬、蜜瓜、蜂蜜黃梅醬及砂糖,客人可任意配搭而且可免費任添!師傅會先把鴨胸的皮切下, 鴨胸皮脆肉少,油香滿溢。把鴨胸皮蘸上白砂糖,有入口即融的感覺,因此稱為「一口酥」。一般的烤鴨片出來都是皮大大片而下面有少許肉。但是【古琴雅苑】的片皮鴨就剛剛相反,肉比皮多很多,就好似燒味店的燒鵝一樣。不過【古琴雅苑】的片法,筆者不太欣賞。因為皮少就即是皮下脂肪少了,油香也同樣減少。肉多了,鴨肉又本身比較嚡口又乾身,因此口感變得又乾又嚡。哈蜜瓜味道又甜清新,黃梅醬開胃,能中和烤鴨的油膩感; 再加上其他配料,增添不少味道及口感。平時食片皮鴨,餐廳都會用優惠價吸引客人一味兩食甚至三食,要活用鴨的每個部位。但是這家餐廳就沒有這個優惠。筆者想要湯,於是單點了一鍋【津白鴨架湯 $88】平均分了六碗,每碗湯有豆腐、鴨骨及津白。湯當然有鴨香味,但又不油膩。味道不錯。有否覺得這個【金腿濃香津白 $84】跟【津白鴨架湯】的賣相差不多? 對!兩者的湯都是同一個味道,而且同樣有津白。差別只是鴨架湯多了鴨架及豆腐。錯誤的選擇……【芹香鴨鬆生菜包 $98】 生菜包食得多,通常都係用豬肉做饀料,【古琴雅苑】乃北京填鴨店,生菜包當然用鴨肉! 除鴨肉外,加入西芹粒、松子,口感豐富。 鴨肉比豬肉出色,鴨肉比較濃味又有油香,再包埋爽脆既羅馬生菜,真係一流!【無錫脆鱔 $88】 又稱梁溪脆鱔,是江蘇的一道傳統名菜,據說初創於清同治年間。口味甜中帶咸,酥鬆可口。這家餐廳在調味料加入了香醋,讓口味更有層次感。【帶子賽螃蟹$138】 眾所周知菜名中雖然有螃蟹,但實際材料中並沒有蟹肉;「賽」的意思是有媲美的意思,賽螃蟹就是媲美螃蟹的意思。 正宗做法是用魚肉及蛋白做出像螃蟹般的味道及口感。【古琴雅苑】就換上帶子來做賽螃蟹,不過味道不似預期。首先,不知是否帶子好似出水令這個菜式變得太過濕潤。另外,帶子味道偏淡,質感也不及魚肉般做出蟹肉的細膩鮮甜效果。【南翔小籠包 $62】 放進口不是熱騰騰反而皮有點乾身,可能放了一陣子,湯汁微溫但算有湯。【銀絲卷 $38】 銀絲卷色澤潔白,軟綿油潤。 銀絲卷做法是將甜麵糰如做拉麵一樣,重複由粗條拉成細絲。再於細絲上掃一層油,成為銀絲。 銀絲卷色澤潔白,軟綿油潤,味道清甜。特別是中間一條條像毛毛蟲的銀絲外型有趣,小公主一絲絲拿下放入口,特別歡喜。食過這一烤鴨店,在味道上不覺得特別美味令人回味無窮。可能價錢在這個全港人均收入最高的灣仔區來說是比較平宜,因此吸引不少人到這裡。 繼續閱讀
(以上食評乃用戶個人意見 , 並不代表OpenRice之觀點。)
這家每次都要提前預定的中菜餐廳最近在尖沙咀開了分店 。上次在灣仔店無緣吃到烤鴨 今次就試一試 會一會吧!★這裡的北京烤鴨有半隻或是一隻的選擇。因為是兩人,所以就揀了半隻,師傅會在座位旁邊即席片鴨。一路望著紅通通的鴨肉片整齊的放在碟上,一邊聽著片鴨皮的清脆聲,同時聞到濃濃的烤熏味,食指不僅大動起來。這裡的烤鴨片是皮連肉的,我也試過皮肉分開的,個人比較喜歡皮肉相連的,重口味的我特別喜歡中間的脂肪層,充滿油脂香🤤。烤鴨皮層比較厚,香烤後口感鬆脆又多汁,鴨肉一點不鞋又無鴨騒味,很不錯。特別推介這裡的烤鴨會有幾小塊的鴨皮—叫一口酥 。喜歡吃鴨皮的朋友一定會一試難忘,非常香酥 ❤️❤️ 。★★鴨湯也不錯,奶白色既湯有鴨香,不過可能味精使用量較多,食完飯回到家覺得好口渴。★★★嫩雞燴麵好好食,特別是麵,是幼身的上海麵,韌度剛好不會軟掉也不會太硬,且每條都充滿濃稠的湯汁。雖然材料簡單,但感覺到有用心烹調 ,有住家菜的感覺 ❤️❤️。★★★★最後,以上海必點的其中一個甜品—高力豆沙作結 。★★★★★差點忘記講餐廳提供其中一款茶,有別於一般中式茶,這款名叫《瑰荔堂煌》真的好好飲 ,有淡淡的玫瑰香氣,又帶微微荔枝香甜味。 繼續閱讀
(以上食評乃用戶個人意見 , 並不代表OpenRice之觀點。)