68
50
16
港鐵大圍站 A 出口, 步行約2分鐘 繼續閱讀
電話號碼
2613 0544
付款方式
Visa Master 現金 銀聯
座位數目
70
其他資料
網上訂座
Wi-Fi
酒精飲品
自帶酒水
切餅費
泊車
加一服務費
Live Music
室外座位
電視播放
有關積分
食評 (145)
等級4 2016-11-19
2335 瀏覽
 之前去過一次古朴, 覺得氣氛與食物都不錯,所以今晚帶同囡囡黎撐枱腳!  正, 6:50pm去到無乜人,餐牌方面由有圖有字 , 轉了只有字。不過上次食的某幾款食物,在此沒有看到, 不知是否還有沒有第二本餐牌呢!  巴馬火腿與蜜瓜$58 , 嘩!  認直超值, 巴馬火腿像山一樣高,覆蓋著蜜瓜!  巴馬火腿屬乾身類,有些夠鹹香有些無味, 不太平均, 夾著爽身而少汁的蜜瓜,不會吃到水滴滴,倒是能夠平衡一下味道。忌廉海鮮手指捲麵, 好多海鮮,並不是細細粒的雜錦海鮮啊, 而是有彈身大蝦、青口、魷魚、三文魚、忌廉芝士,捲粉粉軟硬度不錯,有咬口但不難消化,醬汁濃稠度剛好。在晚餐餐牌中點菜,有精選升級優惠, 加$25就有杯咖啡, 我點的是Cafe latte, 都幾大杯, 簡單中顯美的拉花, 咖啡味濃郁甘醇,滿足! 繼續閱讀
(以上食評乃用戶個人意見 , 並不代表OpenRice之觀點。)
反撲的時代 焦點食評
等級4 2016-11-11
2351 瀏覽
美國大選是日逐步揭盎,朋友剛從加拿大回港渡假,我們坐在古朴年代一路跟進.傳媒形容英美是neck & neck friends,這個年頭僞也好正也好人也好鬼也好,都難以分辨,什麼也可能發生..最後結果,當然好多眼鏡跌到一地都是,加拿大移民網頁即時癱瘓.不過高牆不會明天即時築起,儘管無國界全球化漸行漸遠;兩個魔鬼只能揀一個,美國人作出他們的選擇,而我們只能靠那千零人畫鬼腳,他們仍然較我們幸福得多.濛濛天色正好映照很多人心情..午後咖啡座,顧客加服務生十來人,清清閒閒鬆鬆懶懶;角落有青年在閱讀上網,另有三兩群衆聚會,幾位服務員在閒晃..氤氲氛圍,仿古裝潢,簡樸傢俬,驟看有點日韓青春劇塲景feel.朋友不知道"那些年"是啥?她只看美劇,可還分辨出文青老青,說我們是全塲年紀最長,老青.她點了絡神花茶,顏色淡淡,味道渺渺,看來多喝夜𥚃也不會失眠.我跟另一友人,各要了即磨咖啡,Cappuccino和美式芝士蛋糕.教人意外Freshly Brewed Coffee味道竟跟一般茶餐室相若,即時很"本土"很"佬",先前小清新想像一掃而空.芝士蛋糕topping原來有兩款,藍莓和Sour Cream,水準就十分沒什麼,簡單味道普通口感,我完全沒有形容芝士如何幼滑餅底如何香脆topping如何細緻的想法..記得上趟週末午餐,對這𥚃的服務和食物很是保留,沒想過會再來.是次發現原來沒有進步就是沒有退步,原地踏步也是一種生活態度生存之道..那管世界正墮入反撲的時代,這裡仍然是古朴年代.. 繼續閱讀
(以上食評乃用戶個人意見 , 並不代表OpenRice之觀點。)
踩車後之Hea點 焦點食評
等級4 2016-09-14
2633 瀏覽
假日又係時候做下運動,同米仔踩完單車後,梗係要搵個地方休息下 hea 下啦!古朴的裝修很有格調,店內的光線很適合聊聊天!紅豆抹茶冰沙 36炎炎的夏日,點樣可以少得一杯冰沙呢?綿綿的冰沙,沒有太多較大的冰粒,飲落去有濃濃的抹茶味,不會苦澀,配上碎粒的紅豆,甜度適中,仲好冰涼添!三色薯條 (芝士、香辣、季節限定) 45一盤三款味道,薯條是幼身的,熱辣辣,個人較喜歡香辣款,夠香口!燒帶子墨魚汁意粉 78墨魚汁意粉,食呢個汁好多時都是會跟好友或家人一齊先食,因為食完個咀同牙會烏卒卒,今日同米仔食,梗係要同佢一齊食,影埋相留念啦!墨魚汁均勻地掛滿在條意粉上,意粉的軟硬度適中,意粉的味道調得剛剛好,而肉厚鮮甜的帶子又煎得金黃嫩滑,整體不錯!煙三文魚班尼迪克蛋 64班尼迪克蛋脹卜卜,絶對感覺到很吸引!蛋上有蛋黃醬,切開流心的班尼迪克蛋,蛋汁流到麵包、火腿當中,配合一起吃,非常滋味!很想 encore。。。拌碟的三文魚單吃的話較鹹,不過與沙律一起同吃的話,不是問題! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-07-02
2822 瀏覽
風和日麗,同朋友們去左沙田踩單車,以前細個成日都係大圍租車之後踩去大埔,來回兩,三個鐘都唔覺攰!今日出車前先去醫肚,左睇右睇,去左呢間Cafe,見到門口好多人排隊,伏味小!呢間Cafe既周圍都係冷氣,而且開得好大,十分正!(連露天位都安裝左兩部冷氣!)裝修都幾有格調!之但係本Menu同啲燈光唔係好Match,menu啲色比較沈色,燈光又暗,唔係好睇到d字..發覺星期六日公眾假期先有Set Lunch,我地叫左兩個意粉Share食,加多兩杯野飲就飽飽!牛油白酒蜆肉扁意粉: 上枱已經聞到好香,牛油可能唔多,唔係好feel到,食既第一下覺得有dd咸,慢慢細嚼就feel到d白酒味,好香,白酒落得重手,所以好入味,但又唔會太咸,做得不錯!蜆肉細細隻,份量都幾多,仲有蕃茄仔tim!燒帶子墨魚汁意粉: 食完變左烏咀狗XD,見到d意粉咁黑已經覺得應該好重墨魚汁味,但食落覺得無乜味,少少咸,老公話呢d先係真正墨魚汁!帶子有三大粒,煎得好香口,每隻帶子都煎到有少少焦,但味道略厭有少少咸,幾爽口唔痴牙~拖肥果仁朱古力: 拖肥好甜,飲落有d膩,仲有d果仁碎咬下,口感好似雪糕d朱古力碎咁,量不多。朱古力好甜,味重,成杯野其實都好甜!荔枝綠茶我叫左少冰,真係少冰左,室溫,岩晒我~荔枝味好重,比綠茶味中和左個甜味,令個味道岩岩好,$28合理價!但無荔枝肉XD食飽開始我既旅程啦!來年多麼驚險不要太早框了線~ 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-18
0 瀏覽
好耐無見嘅朋友話約食飯,哩到正好適合坐低邊飲邊食邊吹水。雖然比原正訂枱時間遲咗20分鐘到,不過都有留枱俾我點咗頭盤香蒜魷魚圈,BBQ rib, 西班牙海鮮飯,吹水梗要啤下嘅就每人一杯1664。頭盤無蒜味之餘魷魚圈淡而無味BBQ rib就醬有醬味,肉得肉味海鮮飯算不錯,看似細碟但禾稈冚珍珠,確實係好多海鮮;味道都ok因為送酒關係,再加多個德國腸拼薯條,份量都幾多架!因為經OpenRice 訂枱所以有5% 折扣,三個人連飲連食收費算係咁啦~ 繼續閱讀
(以上食評乃用戶個人意見 , 並不代表OpenRice之觀點。)