古帆西餐廳 (已結業)

在香港隨隨便便都可以找到一間做馬食評成份居多的餐廳，真的估不到深圳都會有，呢間古帆就是其一﹗這天同食家高高興興的到了購物公園站，找了半天來到這兒，一步進此店卻聞到濃烈的酸宿嘔吐味，是冷氣的味道嗎？還是什麼東西在腐爛呢？﹗先不說食物，就是從裝修，頂多只可說是天花吊上紅色的水晶燈，餐枱坐椅也西式西化。周六的2:00PM來到，竟然一個客人也沒有，待應兩女子懶洋洋地向我們瞄一瞄，像是阻住她們在打牙骹似的﹗坐在卡位沙化上，沒有理會，好不容易叫她們遞上餐牌，但卻是晚餐來的，再叫了好半天才換上午餐資料﹗午餐和香港的茶記全無分別，都是大路的什麼肉醬意粉、豬扒飯、牛扒飯，價錢仲要不便宜，動輒也四十元以上，我望了望食家意向，應走嗎？但既然來到，就散點兩碟來試試吧﹗要了白酒煮蜆及西班牙海鮮燴飯﹗白酒煮蜆，酒香欠奉，湯頭是蒜加上乾蔥、香茅與百里香的味道﹗蜆是小沙蜆，味道尚算鮮甜，可恨的是吃到幾隻是有沙的.....要知吃蜆不是其鮮與不鮮，有沙是一隻也嫌多，吐也吐不清，令人發愁.....再來的是所謂的西班牙海鮮炒飯，這一碟未吃已叫反胃，飯濕得要命，每粒米上也沾上食油，油淋淋的叫人不想下嚥﹗那海鮮是一條一分為二的蟹柳，再加上兩片腥的魚塊及明顯是帶點臭味的青口，唉.......海鮮求其之餘，飯爛爛的，既不香又油過油王比利，我倆各吃了一羹已抵受不住那油份，埋單離場﹗整餐用了二十分鐘完結，雖有不少OPENRICE的前輩說這兒值得一吃，但我看那三十幾個好評內應有一半以上是做馬的，我同食家就發誓不會再來。她令我們這個兩日一夜的難得行程塗上污點﹗…查看更多

星期六晚上，唔算多人，環境好清靜，好適合情侶去，室內坐位唔多，但外面有露天位，聽住音樂，環境好寫意～但室內既卡位張檯同梳化距離太遠，坐得半個ｐａｔｐａｔ，吊住黎坐，唔舒服～紅酒，餐廳送既，唔會太酸，免費黎講都ｏｋ～南瓜忌廉湯，太過淡，無咩南瓜味～帶子周打硯湯，又係好淡，仲好稀ｔｉｍ～三文魚他他，好ｆｌｅｓｈ，芒果又甜，但個味道好似食緊雞肉腸？！香煎鴨胸鵝肝卷，唔錯，幾香，又唔會太咸，但就真係食唔到鵝肝味，唔通係指個汁？脆皮局龍利柳，龍利柳好滑，脆皮夠薄，食完都唔覺膩～脆皮局牛柳，ｄ牛柳好苺，無牛味～三色雪糕（葡萄，芸厘拿，仲有隻唔記得）有２隻味冇，得番一隻味”芸厘拿”～但得奶味，仲差過食”雀巢”～服務方面，有位四眼侍應哥哥態度唔錯，去前唔識路，打去佢都好有耐性講點去，態度親切～整體黎講，算係一個優閒食飯既好地方，會再去試下其他菜式～２個人，食左一共４６２，錢庫ｃｏｕｐｏｎ７５折，一共 ３４６．若果無ｃｏｕｐｏｎ，價錢都偏貴～…查看更多

深圳福田購物公園北, 愈來愈旺, 酒吧同食飯既地方愈開愈多, 去到那裡, 無論在什麼地方吃飯, 都會有很Relax既感覺, 每一個朋友去到, 都會驚訝深圳為何有個這樣的地方, 其實這是深圳的Soho區, 是深圳的中環, 商廈林立, 呢間店去過幾次,每次去完之後, 都好想介紹俾香港朋友, 除左環境正之外, 佢既西餐亦是中上質素, 食物唔係求其搵d汁搵舊肉煮俾你食就算, 我在深圳吃西餐的次數雖然不多, 因為好似唔係好抵, 唯獨這一間有給我驚喜. 最好食的是西班牙乳豬, 香港似乎搵唔到有這樣我煮法及味道, 高級一點的地方可能有吧. 另外我喜歡的是他的濃湯, 無論是磨姑或是南瓜造出來的濃湯, 都是我至愛, 不過這與本人偏愛濃湯不無關係. 伴碟既薯仔, 不要少看它, 香港的西餐的未吃過這樣的味道,. 問過老闆, 原來是經多次焗的效果, 吃下去感覺似蕃薯, 少甜的, 糖衣的, 薯仔變蕃薯, 學大陸人一句說話, 挺有意思的! 套餐主菜質素, 不致於話非常好味, 但以價錢來秤, 一定係開心埋單. 環境絕對一流, 服務也很到位, 是一個想浪漫的地方.這店老闆是香港人, 很nice的, 經常在招呼客人, 搵佢落單就最好啦~ p.s. 食完野, 過隔離鬼佬酒吧飲下野, 跳下舞, 篤下波都幾唔錯, 仲好平呢, 一百蚊4支啤酒. …查看更多

我同bf間中星期六都會去深圳食下野、揼個骨relax一下.之前食黎食去都係小肥羊同中餐個d,都食到有d悶.所以就上左openrice search一下,係深圳有冇d好介紹既西餐.見到d網友post左呢間d野食既相好吸引,而且d食評都唔錯就去試下啦.我地坐地鐵去到購物公園站落車,之後轉個彎就搵到,而且個到d餐廳好靚好集,有多國既餐廳選擇,就有d似香港中環既蘇豪區咁. 一入到餐廳發覺好少人,心諗星期六唔應該咁小人幫襯架喎...不過橫掂都黎到咪試下囉.我覺得間餐廳既環境都幾靚,幾有情調.不過就最衰有好蚊,店員都好細心幫我地係枱下面放左蚊香,食西餐點蚊香好攪笑.wakakaka我地點左2個dinner set(一個set RMB$108)加一個焗田螺(RMB$38).一個dinner set包括有一個蘆筍沙津,一個磨菇湯/雜菜湯跟蒜蓉包,一個主菜,最後包飲品同甜點.埋單每人都係RMB$140都唔算貴.D食第質素好有驚喜,佢既食物好似係香港高級西餐既水準.我個主菜係海鮮雜抃天使麵,份量好多,有2塊三文魚排加其他海鮮,配個薄荷忌廉汁.味道剛剛好,又不會遮蓋海鮮的鮮味.我BF點左個炭燒牛柳,因為我唔食生肉,所以點左7成熟.個牛柳外面煎得香脆,但內面肉質鮮嫩酥軟,配合小小芥末.非常美味.另外焗田螺都好好味,下面D薯蓉好重牛油味,好香滑.甜品方面我地點左咖啡MOUSE同檸檬芝士蛋糕.咖啡MOUSE就好一般,我覺得太軟身,而檸檬芝士蛋糕就好好味,唔會太甜而且個餅底整得好好食~總括來說價錢不算平(以國內消費來計)但可以食到高質素既西餐確實好開心.我同BF都覺得值得再一次幫襯.哈哈~…查看更多

上星期日，約了2個朋友到coco park 行街。晚上又黎我上次讚口不絕嘅Clover. 沒海景、沒豪裝、最緊要食物、服務滿意，大家食得開心, 愜意！根據經理意見，點了沙律，蘑菇忌廉湯, 煙鴨胸菠菜卷, 芝士焗生蠔, 西班牙特色烤乳豬，同 carbonara ，開了一支白酒。SALAD 先到，SALAD 的菜很新鮮。芝士焗生蠔焗出黎o既醬汁好好味.蘑菇忌廉湯有很重的菇味,再配上跟湯的蒜蓉包,真的做得幾好.乳豬, 眾人傻了眼，因為份量實在很大，皮脆, 肉質也很鬆軟, 而且還有肉汁的~ 配埋個蘋果醬來中和那種膩感, 配搭很好~ carbonara: so good整體非常滿意，環境舒適，食物優質！一定會再來！…查看更多