古今二 (The ONE)

營業中

休息中

宜家人人都話要北上搵食，香港的又貴，又不唔好食，服務態度又差，今日朋友請我食日本菜，去咗古今二，真係有驚喜，服務員友善又醒目，食物又好食1.龍捲風沙律，好香帶少少辣好惹味2.串燒雞中翼,朋友食完，話未試過日式串燒連中間都入晒味的燒雞翼，同生啤係最好朋友3仙台牛舌拼鐵板牛小排牛肉肥美，我唔知佢係咪和牛，都雪花分布均勻超軟滑，牛脷香甜不鞋口4.自選壽司，燒左口魚裙，油香勁正又滑；鰻魚，超多汁；拖籮滑；特別推介☆☆☆蟹膏壽司；蟹膏咸香鮮味，一d唔腥，超級勁好食5海鮮拼盤☆今☆勁新鮮6.日本生蠔，雖然唔記得係咩產地，咪睇佢瘦瘦地，佢係勁鮮甜朋友買咗個蛋糕俾我，服務員仲係隻碟到寫咗日文的生日快樂，很有心的呢間日本餐廳係可以再食，鄭重再講多次一完要蟹膏壽司P.S.唔係太識用相的功能，放錯咗仙台牛舌拼鐵板牛小排第二張相，請見諒

尖沙嘴出名既日式手捲飯餐廳🍴無錯，又來到日式既飯堂醫肚——古今二🇯🇵🍣🥗古今二乃出名食特色壽司飯，壽司料理樣樣有新意思新搞作，想食得健康又特別，就會同朋友來呢度食晚飯。1. 日式麻醬豆腐沙律 $98 必吃古今沙拉🥗調配的味道好棒，健康又好吃😋2. 鹽燒白鰻 $38 鰻魚鹽燒好滋味3. 龍卷風 $72 這款壽司有芝士🧀在裡面好好吃🤤4. 彩虹卷 $119 好多不同顏色的魚生形成的壽司🍣每一塊都有不同的魚生，可以吃到不同的口味。5. 鹿兒島黑豚荔枝卷串燒 $32 有荔枝卷的串燒味道👅就是特別甜

今日同屋企人嚟尖沙咀呢頭，喺The One搵食。5樓呢間日式壽司居酒屋食物質素不錯👍🏻坐得又舒適，同朋友約呢邊食飯傾偈幾唔錯👍🏻豆腐沙律呢盤沙律真係好足料！有大量沙律菜之餘仲有好多海草，蟹籽，蝦籽，豆腐！調味都調得好好👍🏻無失望！呢度嘅串物好出色！我哋試咗鹿兒島黑豚荔枝卷串燒同埋鹽燒白鰻！超級好味😍黑豚肉鮮嫩又多汁，加上清甜荔枝，加少少焦烤味道，絕配！壽司來講，東京爆脆好味！鮮蝦天婦羅配濃濃cream cheese!飯質亦做得不錯👍🏻

我和姊妹來尖沙咀覓食，她讚美食材優質美味，受顧客喜愛，老友難得聚在一起，來到新派創意日本料理，卷物出名的餐廳「古今二」，遠離急促的生活節奏，享受廚師精心炮製的美食，那一刻我覺得很幸福和高興。蒜香牛油燒帆立貝厚切帆立貝，來到時熱辣辣，肉質有彈性，配上蒜香及牛油，細滑芳香，味道可口。超級龍卷風龍卷風有八件卷物，材料相當豐富，入面有蝦，芝士，青瓜，鰻魚及脆片，各款都美味，口感衝擊味蕾。東京爆脆爆脆的外層是紫菜，入面有吞拿魚及蟹柳，食落十分之夾，加左醬汁，味道絕對不俗。古今二（尖沙咀）地址：尖沙咀彌敦道100號The ONE5樓502號舖

首先，我叫咗龍卷風沙律。呢個沙律入面有蟹柳同中華沙律，再加上新鮮嘅沙律菜。每一口都有蟹肉嘅鮮甜同沙律菜嘅清脆，令味道更加豐富，好開胃然後，我試咗鹿兒島黑豚荔枝卷串燒。豬肉片包住荔枝，味道酸酸甜甜，真係好特別。接着，我叫咗紅粉佳人。呢個壽司卷入面有好多辣味吞拿魚、辣味三文魚，仲加埋少量嘅蟹柳同牛油果。每一口都帶有少少辣味嘅刺激，配合牛油果嘅濃郁口感，味道絕佳。最後，我叫咗黑龍卷。呢個壽司卷中間係炸蝦，卷上面仲有鰻魚同牛油果。炸蝦外脆內嫩，配合鰻魚同牛油果嘅組合，唔錯。

📍 古今二呢間壽司店都去過好幾次，出名特色創意卷物！絕對會係你Happy Friday嘅其中一個選擇😈🌪️龍卷風沙律 (大） $98蟹籽同蟹柳絲既份量超多！！！🤤仲多過沙律菜🫢 真係好足料～仲食到中華沙律同青瓜絲，夾埋一齊食好正，口感豐富😌 另外，佢嘅醬汁食落有少少辣🥵，幾開胃！🌀超級龍卷風 $98個名夠曬氣勢！😎配料都唔少㗎，分別有鰻魚、海老、芝士🧀️、青瓜🥒、脆片～餡料非常豐富🤣冇諗過鰻魚同炸蝦嘅口感咁夾，鰻魚肥而不膩，而炸蝦做到外脆內軟嘅效果，味道好match🫶而芝士就比較濃郁，味道鹹鹹地，食得多可能會覺得有啲膩🫢🕷️蜘蛛 $103外型真係成隻蜘蛛咁🫣主要係用炸軟腳蟹、青瓜、牛油果🥑同蟹柳製成嘅一個壽司卷，材料好足😌軟腳蟹炸得好香脆，唔會炸到乾咗😌仲熱辣辣添！外面亦都淋咗醬汁，味道就酸酸甜甜～😗🐟鹽燒白鰻 $38呢個值得一試！白鰻燒到外皮焦脆，但又唔會食落覺得乾身🥳魚肉嘅質地係爽口，真心有驚喜！食得出食材新鮮，肉質厚實得嚟口感係彈牙🩵🐽鹿兒島黑豚荔枝卷串燒 $32鹿兒島黑豚肉既肉質鮮嫩且多汁，逼晒啲油脂出嚟🙈裡面包住粒荔枝，味道幾甜，亦都中和油膩感🫶⭐️好味指數：7.6/10📍 古今二

今日放工後和朋友來到尖沙咀The One 五樓的《古今二》食晚飯，餐廳裝修新淨整潔，座位舒適。餐牌上讀到《古今二》的名字由來，感受到老板的真摯和熱情。餐牌上的食物總類多，有各式各樣的卷物，賣相吸引。「 A4和牛壽喜燒」$198壽喜燒材料豐富，有豆腐、香菇、金針菇、紹菜和粉絲，最矚目的主角牛肉片差不多沒有肥肉，雖然有些嚼勁，但牛味濃郁，放入壽喜燒的湯汁微微燙一燙，很正。最後食埋軟腍的粉絲，夠滿足。「 火山」$128好睇又好食，當熊熊烈火在碟的兩邊燒起的時候 ，彷如一座火山，真是震撼。壽司上鋪滿蟹柳絲和蟹子，下面有8件壽司，壽司卷內有牛油果、蟹柳、青瓜，味道很夾配。「明太子雞翼」$46雞翼內釀滿明太子，脹卜卜很吸引，咸香十足。

turns out真係幾好食，本身仲覺得佢嘅好評多得有啲令人懷疑😳首先要推介佢嘅串燒，試咗白鰻同埋荔枝豚肉都係好好食!! 計埋個價錢真係性價比高沙律份量好多，隔離枱都忍唔住問係咩嚟😂捲物有特色嘅，賣相同味道都ok，係唔夠串燒同沙律抵食 另外一入座就有一杯茶，可以不斷加熱水，好啱我呢啲需要熱水嘅人🤣p.s.平日夜晚都好熱鬧，幾乎滿座✿ 龍捲風沙律(大) $98✿ 彩虹卷 $119✿ 鹽燒白鰻 $38✿ 鹿兒島黑豚荔枝卷串燒 $32

之前已經去過古今旗下幾間分店，今次上堂前經過、記得佢地D壽司卷物幾好食就再戰一次尖沙咀新開既【古今二】。日式麻醬豆腐沙律：蔬菜新鮮爽脆、豆腐嫩滑、再搭配香濃同微酸既芝麻醬，非常開胃。江戶薄燒牛仔骨：主要用黑椒去燒牛仔骨，同出面既鹽燒或者燒肉醬唔同。好香口、非常惹味。牛仔骨燒得岩岩好，肉質軟霖。東京爆脆：内餡係吞拿魚同蟹柳，之後再用紫菜包起炸左，非常香脆！因爲新鮮整起、紫菜都仲好新鮮！而且沙律醬微辣，可以解膩。烈火紅唇：非常特別既卷物，用水果入饌、包括士多啤梨、炸牛肉同芝士。士多啤梨既酸甜搭配炸牛肉、可以去除油膩感、而芝士增加creamy感。個人覺得係幾特別既combo，不過呢一款等候時間比較長。

食物質素一如以往好食，原本打電話book即時(因為食完趕住睇戲又有位)態度ok wor,就幫襯下la,點知服務何其失敗。店員送餐嚟咪食lor,食完先話上左錯枱，sorry都冇😠仲要話入埋張單。好，我地係食左，其實收我錢我真係冇所謂，但係呀經理話(佢應該係),咁要入埋單，態度衰到呢。我咪係度唱衰你。(可能係佢sell唔到剌身搏返少少甜頭）。對the one 呢間古今2十分失望。😠😠😠😠😠😠😠😠

🌟之前來過一次，念念不忘特色卷物，今次再訪，再試其他款色卷物😋多款卷物名具特色，仲有貼切盞鬼嘅名😆餐廳木系簡約日式風格，半開放式，有窗邊卡座，感覺悠閑舒適。🍣龍捲風有鰻魚同cream cheese, 面頭淋上燒汁同碎片，口感超豐富🍣櫻花賣相好澎湃！面頭有滿滿的辣味呑拿魚蓉同蟹子，飯卷入面包住辣味三文魚，雙重享受😋食到滿口魚油香，好滋味。🍤海老天婦羅面頭的炸粉不厚，炸得薄脆，蝦肉新鮮，香口惹味。🥗雜錦刺身沙律好大碗！雜錦刺身鋪滿一碗，有三文魚子，蟹子，三文魚，呑拿魚，劍魚腩，八爪魚。沙律菜新鮮，配上辣味蛋黃醬，冇得頂。🌟總括嚟講，餐廳食物有創意同新鮮，款式太多，要黎多幾次先試得完😋

古今二行開尖沙咀一定要食下日本野🤭💛龍捲風沙律 $98入面有沙律菜、蟹子、蟹柳、沙律醬、脆片口感好豐富，蟹柳軟、沙律菜同脆片都脆沙律醬味道都好夾！💛火山 $128火山個名好特別！跟住職員會點火好有視覺享受，睇住火包圍住12件壽司約數分鐘就熄火，就享用壽司壽司上有帶子、青瓜、牛油果、蟹子、蟹柳口感同味道都好豐富！💛東京爆脆 $98飯捲包住左吞拿魚、蟹柳，食落口又會有脆脆口感好有口感，味道幾好！💛鹽燒白鰻 $38價錢算幾抵，白鰻肥美，加上少少鹽調味可以食出白鰻鮮味價錢：$362（另加一）（二人）⭐️⭐️⭐️評分：8/10⭐️⭐️⭐️📍古今二 (The ONE) (尖沙咀)尖沙咀彌敦道100號The ONE 5樓502號舖

早幾日去尖沙咀，突然好想食日式卷物，就去咗 "古今二"，依間嘅卷物、壽司及日式料理都唔錯，又有好多選擇，款式都幾特別㗎 ~這裡裝修簡約嘅日式風格，地方都幾闊落，餐廳設有卡位、bar枱同4人枱，另有獨立區域，約埋啲friend食下嘢都唔錯。餐牌內有好多選擇，特色卷物、刺身、壽司、鍋物、鐡板燒、串燒、天婦羅等等，看起來很不錯。超級龍卷風     $98鍾意食材豐富的超級龍卷風，外層沾滿黑芝麻同日式醬汁，餡料有鰻魚、海老、青瓜及芝士，鰻魚嫩滑，炸蝦酥脆可口，青瓜爽甜，夾住溶溶的芝士，入口超滿足，很美味的特色卷物。東京爆脆    $98另一款的東京爆脆，亦是我喜歡的高質日式卷物壽司。紫菜包飯、吞拿魚、蟹柳及蟹籽，再淋上自家製醬汁，增加層次感，口感軟綿，越食越滋味。日式麻醬豆腐沙律     $98餐廳用上的沙律菜非常新鮮，食落爽脆清甜，除了蔬菜，亦有其他材料，滑嘟嘟的豆腐，豆味濃郁，爽脆的蟹籽，清甜的車厘茄，與麻醬拌勻一齊食，口感清新，份量好足。鹽燒白鰻    $38白鰻外層燒烤到十分焦香，口感脆脆，無魚骨啖啖肉，可放心食，鹽味夠出，只是少少鹹，味道啱啱好，肉質鮮嫩多汁，好惹味。鹿兒島黑豚荔枝卷

TGIF❕又到左大家最愛既星期五，我緊係唔煮飯出去食野休息下啦🫢 今次我想食日本野，呢間有串燒有創作卷物，幾特別。🌟蜘蛛$103入面有軟殼蟹同牛油果，配咗鰻魚汁，份量十足。🌟超級龍捲風$98入邊有鰻魚、蟹柳等材料，擺盤精美，味道亦都唔錯，大人細路都啱食。🌟日式麻醬豆腐沙律$98滿滿麻醬豆腐上邊有飛魚子及三文魚子，底下是大量的沙律菜，配咗麻醬非常清新。🌟黑豚豬頸肉串燒（一串）$32豬頸肉燒得啱啱好，鹹味適中，好食！🌟宮崎味鹽牛舌串（一串）$32牛舌非常爽彈，質感非常好，黑椒加鹽味是絕配！食評總結：環境還是非常方便嘅餐廳，主打特色卷物，味道幾好，係小朋友都啱食嘅居酒屋。

去過噶荃新天地古今二，今日去尖沙咀噶The One，又見到哩間店，頂不住美食噶誘惑又吃左一餐。哩間店地理位置十分便捷，座位闊落舒服，服務員都好好態度，整體都唔錯。卷物、串燒一樣無失水準，依然保持高品質，值得一提噶系黑豚荔枝卷串燒，黑豚肉包住粒荔枝肉，一齊燒，外面肉香，裏面香甜，真系好夾，味道十分獨特。