口口口 (已結業)

西柚又有好介紹！今次係日韓料理口口口如果唔係朋友介紹真係唔會識搵到😅呢間餐廳對於我來講最特別既係老闆🤣老闆自己身兼廚師、店員、清潔etc⋯仲記得第一次黎食，啱啱落完單，老闆同我地講：「拎隻小吉去攞野飲啦！」我同友人即刻一個黑人問號，老細又無諗住解釋😅😅😅好在呢個時候有位食客同我地解釋返「你地拎門口隻小吉公仔去右手邊間舖頭拎野飲啦，個餐包埋嫁！」哦！！原來係咁😅😅😅日式牛柳粒飯口口口其中一個特色，就係老闆會好悉心咁做好賣相，有時係蘋果片，有時會有紫菜碎、木魚碎etc（左邊係飯黎嫁）～不過加左上去都係好夾，唔會覺得奇怪。牛柳粒就係好似圖中咁多，真係好抵食！煮得啱啱好，唔會過熟，讚！朋友叫左個豬軟骨烏冬烏冬食落係好食的讚歧烏冬，但係豬軟骨就一般，略嫌碎左d，湯底似係鰹魚汁湯底，鮮甜唔錯最後埋單，老細再兇神惡殺咁問：你點搵到呢度？D野好唔好食？我同朋友都覺得佢好搞笑大家睇完我個post，記得唔好比佢嚇親😂😂😂…查看更多

以前一向好鍾意呢度既牛柳粒飯，賣相好之餘亦好吃，光顧左3-4次，每次都係要牛柳粒飯，但而家轉左韓式餐牌，食物同以前大相逕庭。上次叫左牛肉冷面，牛肉非常碎，一點也不好吃，裡面的韭菜也格格不入，麵也毫無特別，食左一半都無就唔想再食，十分失望，朋友叫了炒年糕，佢亦覺得年糕不好吃。明明餐廳是日式裝潢，不明白餐廳為何改為韓式。以前的口口口每天午飯時間都是座無虛席，現在卻只有零丁數人光顧。除非改回日式餐牌，否則我應該也不會再來了…查看更多

廚師態度奇差西面，好似來吃是欠了他，問佢野望都唔望你用手指下，一副嫌你煩的口面。飲品要到隔離拿，第一次來是不可能知道什麼是“野飲拿隻小吉到隔離24攞”，溝通技巧零分完全無誠意服務客人。同意前面食評講既，覺得屈就咪去高級餐廳做lor咪唔使對住d客人。野食方面，叫左直送魚烏冬套餐，餐牌已經加了十元。所謂既稻庭烏冬系幾條飄系完全無咩味既湯度。直送魚亦是隨機比，份量只有一隻半手指長度既細細一塊。系食伴碟and飲品飽。原本打算支持下小店，亦見不少客人來吃，不過一開始野食未來都已經想快d離開個一身怨氣既廚師走人。野食到了亦令人失望…查看更多

食物好，环境有趣。周日晚上，六点半，共三组客人。其他两个都是带着小朋友。a餐是饭和牛肉，非常抵食。c餐是鱼，摆盘很好看，也很有滋味。老板黑面但做事认真。我们不介意自己收盘子，哈哈哈…查看更多

作為據說是高質西環小店, 食物有一定的質素是常識吧。的確, 店舖的食物在水準之上, 而且價錢並不貴, 午市套餐50多元起, 最貴的海鮮四重奏亦不過130元。是日和朋友是了好幾款食物1) 日本熊本牛柳粒飯牛柳粒- 質素中上; 廚師明顯煮得過久, 而且牛筋太多; 吃起來口感打了折扣, 如果能夠更好控制火候, 這道菜質素本應不止如此2) 神戶豬扒配是日炸物- 豬扒質素中規中矩, 但分量夠大; 同樣炸好的分量亦相當的大, 但距離神級美食仍然有一段距離, 作為平日午餐之選屬超班之作至於飲品方面要勞煩各位顧客自行到旁邊的 #24去取, 如果閣下選擇 cider 就要勞煩那位長時間黑口黑面的廚師為開瓶費。如果不想被老闆鄙視還是選擇罐裝飲品便好了。服務方面, 當然閣下不能期望有什麼服務。沒錯我明白這位老闆真的非常繁忙, 甚至可能比鄭若驊更忙碌, 但基本的服務還是應該有吧。如果這位老闆認為在西環經營食店是大材小用, 我希望他能夠挑戰自己, 改在中環區開設 omakase 日本料理相信, 那裏的食客可能會更容易接受他的態度。…查看更多

自問無幾可會山長水遠入到西環！經同事推介下幾遠都入黎試試這家隱世的日式小店🙈看著ᴳᴼᴼᴳᴸᴱ ᴹᴬᴾ也感到有點難找因為它就在後巷裡又給一個公園遮蓋了門口，所以經過也不覺為意！🙈門口看入去感覺是一間小店因為好像只能坐到10多人，搞一個小型的聚會應該剛好吧在這裏吃東西老闆說要養成好品德自己order自己拎食物自己吃過後便自己拿回原處！老闆還跟我們說要一期一會頓時感覺很溫馨喔☺同行三人便order了三個主菜＋個甜品而我就叫了一個東洋四重奏，名字蠻特別的！🙆🏻‍入面有四種不同的魚！油甘魚、金目錭、紅魚同鯖魚！真心每樣都很新鮮啊 我最喜愛的是鯖魚！慢煮16小時完來可以這麼入味的！每條一夾也不會散喔🤩另外兩個就叫了熊本牛肉粒粒飯及！這個牛肉粒不是說笑 認真抵食，六十元便食到這麼濃郁味道的肉是十分值的配上脆口的蒜片便會更加停不了！飯是用日本的珍珠米每粒分明不會粘口及腍身！還有個日式石斑海膽炒飯 ！這個我會評分到最後雖然都好吃！但不夠濃味！海膽味淡但勝在炒得非常乾身！最後這個甜品是老闆推介的，日本抹茶雪糕蛋糕隨心而整，可能你下次去款式又不一樣了！味道真的很有驚喜！小店就是這樣，隨時有機會為客人貼心製作一些意想不到的食物😌很欣賞老闆自己一個打理整間店舖又要下廚又要招呼客人🙆🏻‍所以如果你去吃的話便要耐心等待呢 因為每樣菜式老闆都要擺盤！亂亂的 但很有個性！ 支持啊～～～…查看更多

高級食材💥，高水準💥，價錢貼哂地💥！試問係香港而加揾一間符合哂以上要求既餐廳係幾咁難揾！西環出名多驚喜，口口口簡直令我喜出望外，原來香港仲有啲咁有人情味既高質日式餐廳架👅神户豚肉配炸物一黎到，真係嘩左一聲，勁大塊豚肉，伴碟擺得超靚！個豚肉一咬落去，非常嫩滑，超juicy！出奇地係一啲都吾"鞋"，記得要配埋蘋果一齊食，個味道非常夾，好fresh！炸物係炸蠔，個蠔都幾鮮甜肥味，不錯不錯！平時出街都好少會選擇豚肉，但係今次呢一個真係非常推薦大家要試，真係好好味好抵食👍🏻👍🏻👅特選和牛我只可以講！一百分！脂肪呈現雪花狀，雪花分佈均勻！肉質嫩滑，煎得微微焦香，入口鬆化，最重要係無筋！不愧係和牛，食每一啖都覺得好幸福既感覺啊！鐘意食牛既朋友，你地一定吾可以錯過，性價比極高！媽呀，平民既價錢，竟然俾我食到日本神户牛既質素！…查看更多

農村人小出門，一出城就去到西環搵舊同學，原來佢屋企附近開咗間鋪，見到都有網媒報佢，一於試一試！炒飯控嘅我梗係嗌返啲飯食！石班同海膽炒埋一齊，又出奇地好味喎！伴碟睇落唔多明就多嘴問下廚師，佢話日日睇心情做，次次都唔同朋友嗌咗個慢煮魚，睇落都覺得唔錯，朋友分咗小小鯖魚比我試，又唔會太腥，好滑嫩。**嚟呢度食記得守規則，要行去落單，自己拎，食完再比返佢地，養成良好品德**廚師好後身，繼續努力！！🕺🏻🕺🏻…查看更多

🍲Series: #FoodFam主食系列👨🏻‍💻Admin: #FoodFamUncle.呢間日本鋪隱藏左係屈地街，要轉入去公園仔先會見到。跟據訪問，老闆話自己係用法國菜擺盤方式去呈現日本菜，FoodFam Uncle當然要去試下。.🐂 熊本牛肉粒粒飯 $60用 Master Chef 語氣講聲「this is a very busy dish」。以燒菠蘿同黑松露醬做底，上面放左一個麻醬沙律同埋蘋果片，切碎左嘅日式魚蛋、七味粉、黑白芝麻散係旁邊，中間就放左主角，用脆蒜片炒嘅熊本牛肉粒。聽落味道都已經好複雜，好彩佢地味道都未有太大衝突，只不過係食落每一啖都唔同味，頂嘅牛肉粒係原味，食到底因為痴左一堆醬同粉，就會開始偏辣。如果問我個人喜好，我會希望佢分返開serve，一碗沙律、一碟牛，而家主角、伴碟、沙律大雜燴，就好似睇馬戲，空中飛人、踩鋼線、跳火圈、魔術同時進行，好混亂。講返主角牛肉，其實真係相當出色。一咬落去係有汁有油，味道濃郁，佐以仲係脆嘅蒜片，的而且確係好，唔似好多地方嘅蒜片放得太耐，又冧又難咬。跟嘅飯亦都唔馬虎，飯面鋪滿木魚同埋紫菜，淨飯都已經幾好味，何況仲有惹味和牛？.🐔 照燒雞扒稻庭烏冬 $50雞扒非常嫩滑，汁都唔會太咸太甜，但略為太黏太膠，厚厚包住一層，蓋過左雞扒嘅原味。配菜方面都同牛肉飯略為簡潔，但依然好多好亂。餐跟嘅烏冬都幾好，唔算非常彈牙但未至鬆散，湯底略為清淡但係因為雞扒本身好濃味，拉返平均就一於打和啦，Super！唯一敗筆就係烏冬係剛剛淥好，但日式魚蛋就應該係咁放面，一咬落去凍冰冰，好大對比。.以五六十蚊位，其實呢一餐真係相當高質，特別係牛肉，性價比非常之高。而且佢份量非常足夠，一啖飯一舊牛，食完碗好大嘅飯都仲有好多嘅牛，雞扒就更多，見到身邊客人個個猛男都食完一碗可以捧住個肚走得。.FoodFam Uncle提提你，成間野得老細自己一個一腳踢，所以呢間餐廳係半自助式嘅。自己係吧枱攞餐牌，決定好之後只需要自己嗌入去同老板講要乜；食物準備好之後，自己去吧枱攞；食完之後，自己將空碟放返埋去。另外，跟餐會有野飲，係要去門口攞住隻小吉公仔（如果讀者你太年輕，唔知邊個係小吉，請睇圖），行過隔離鋪頭攞野飲。.4⃣ 山長水遠去食 💁🏻‍♂（或者 3.5 分，因為佢擺碟實在有d亂，但真係值得一試！）…查看更多