友誼泰國菜館 (已結業)

見朋友早排去友誼食飯打卡影相，心諗都有段時間冇去，打算再回味一下。點左：生蝦，紅咖哩雞，冬蔭功湯，炒椰菜苗，再追加薄餅。先講生蝦，退步了不少，之前食是爽口彈牙，今次係比較軟身，有點漿口。之後聽到隔離枱都有同樣問題去問侍應，都係同一個問題，証明唔係我味覺出錯。冬蔭功湯是ok 的，蝦都新鮮。但菇就比較小。炒椰菜苗都香，有鑊氣，但好食野份量就偏少，失望。紅咖哩雞可以話十分敗筆，雞肉雪味「香濃」，成煲只有三樣野：豆角，雞，同汁。等左薄餅久了，追問一下個姐姐講話個爐冇gas ，轉蒜蓉包我都話唔要了，之後等埋單期間佢拎左碟薄餅去第二張枱，唔通個枱客自備gas?

九龍城友誼，之前食過幾次雖然店舖好細又冇得Walk in但真係好好味😋，每次來必定會嗌檸檬牛肉五成熟嘅牛肉在配搭檸檬汁，好有口感食泰國嘢點可以唔叫生蝦，新鮮夠辣又好味咖喱炒蟹，配蒜蓉包我至愛蟹肉大大隻，呢度咖喱汁非常出色在浸埋蒜蓉包，好滿足唯一要改善嘅地方上菜上得太慢不過因為真係好食所以次次一想食泰國菜就會嚟呢度

Summary: It's another dinner-service only good Thai restaurant in Kowloon City. Most dishes taste authentic with some dishes a bit adapted. I could recommend this as another option.The Goods: Taste authentic (with some exceptions). Reasonably priced.The Bads: Depending on where you're seated it feels a bit cramped. The staffs were too busy for some requests. One of the dish takes quite a while to arrive. Damage: The 2 of us ordered 3 dishes, with one of them being fried noodles for carbs, with j

冬蔭公湯，咸魚炒西蘭花，海鮮沙律 ，燒豬頸肉味道唔錯，屬中上水平，但價錢偏貴，另加一再收每位3蚊茶錢。點左四樣泰國餐廳常見的菜式，唔算有驚喜，但冇失望，同朋友食得幾開心，但聽人講呢間檸檬牛肉幾出名，但可惜朋友唔食牛肉。

九龍城泰國菜有好多間，而依間小店開業到依家都好多年，無轉過老闆，每次黎食晚餐 🍽客人依然常滿，而且小店泰國菜水準一直保持係依條街吾係食過依間小店，係吾會發覺有間泰國餐廳😂幾時黎食，味道一直保持留意晚市人多黎幫襯最好訂枱，以免等太耐或黎到無位，晚市依間餐廳好多時都係常滿堂食用餐吾好預坐得好舒服，依間小店食風味吾係食環境今日餸上枱吾記得先影相📸️有2幅食物相吾記得影😫先推介酸辣鳳爪，吾怕辣可以試下，依間鳳爪辣得黎夠爽口另推薦冬陰公湯、泰式炒金邊粉、馬拉盞炒通菜冬陰公湯底料多，通菜有馬拉盞風味夠獲氣，金邊粉吾會太濕

黎親九龍城都係離唔開食泰菜今次呢間位置比較偏離食泰國菜個幾條街等左一陣就可以入座🍽生菜包碎肉連埋香料炒到粒粒分明夠哂惹味 仲可以揀辣或者唔辣🍽檸檬燒牛肉最鍾意就係食佢個檸檬燒牛肉每次嚟到都必點但同行朋友唔食得太辣一問之下, 店員話個醬汁可以另上🍽黃咖哩豬都係可以揀唔辣 豬肉都不是重點 重點係個咖哩汁用黎比蒜蓉包點🤤🤤🍽蒜蓉包即叫即焗 外脆內軟食落仲散發住陣陣蒜香點埋咖哩汁食簡直係絶配💬呢間都回頭食過幾次水準依然keep到 推介😋

今日收完政府派的$1萬，兩公婆去九龍城食泰國菜。呢間係老公的指定菜館，佢次次都要食呢間。6點未夠就到達，晚市我地係第一對客人，包場大熱天時，即刻叫杯凍飲涼快下。左：椰汁冰，右：青檸梳打水。我覺得椰汁冰唔夠凍中規中矩的豬肉碎生菜包馬拉盞通菜，食落唔覺蝦醬味，反而仲甜甜地唔想食大堆汁的食物，所以選了粉絲蟹煲。粉絲用豬肉碎炒過，吸收了蟹汁，份量很足夠。蟹size中等，有少量蟹糕，味道ok。張單加埋應該$504，唔知點解總數是$510

菠蘿炒飯飯量好多,有啲spicy但其他料唔算多,有少少菠蘿,提子乾,海鮮薄餅真係唔好叫...勁細份, 仲細過個碟,得個兩塊似係microwave 急凍個種,又唔夠熱唔抵食

檸檬牛肉一睇個menu 就覺得好奇怪，好少見到檸檬同牛肉呢個配搭，見佢menu個賣相好似不錯就嗌咗試下。一黎到個賣相已經好似好正，牛肉面頭上鋪滿蒜蓉同辣椒。牛肉嘅下面仲有生菜吸哂啲湯汁。試第一啖牛肉，有好重嘅牛肉味，最令呢道菜加分位係牛肉有一陣炭火燒嘅味道，但檸檬味唔太出。食到最後都有啲辣，但總括而言，呢個牛肉真係可以一試

食過咁多間泰菜都係會返轉頭食呢間點解呢？ 係因為對佢嘅燒牛肉念念不忘其他鋪都做唔到佢咁好食燒到外脆內軟 一塊塊牛肉都見到紅紅地 生熟度啱啱好 再配埋個醬汁 酸得嚟有d辣 將牛肉嘅味道提升到另一層次真係十級推薦！另外叫左金邊粉 有d粉係生嘅 都食唔到… 同咸左dps 之前叫過炸蝦餅 愈來愈細 唔抵食每人3蚊茶錢

同呢個朋友次次都係即興先約到，又係衝上佢架車之後兩條友先再諗食乜。有人揸車喎，梗係去平時少去既九龍城啦，仲要佢推介間話幾好食既泰國野，一於試下。明明我講左話唔餓，點知兩個人嗌到一枱都係😂佢話呢個係必嗌既檸檬燒牛肉。喂，堅係好食，啲肉係粉色，咬落去唔韌，個汁酸酸地幾開胃，重點係，有肉味！😋好食過出面啲幾百蚊塊扒，仲要medium rare出到黎變左medium🙄辣妹就梗係要嗌辣野啦，一食落去(係呀，我又忍唔住食左先影😂)，以為自己嗌錯左。佢呢隻辣椒膏有啲椰味，同平時既有啲唔同，係特別既。👍🏻唔少得既冬蔭公同馬拉盞椰菜苗。兩個人份都好大鍋，每人起碼兩碗👍🏻椰菜苗我一定偏心話好食既，不能作準😋椰青又係有驚喜！自從係泰國試過一次新鮮椰青之後就番唔到轉頭🙈今次難得個椰青唔老，啲肉用匙輕輕括出黎就得👍🏻唔係友人㩒住我，我又椰青當飯食啦😂

熱烈慶祝男朋友升遷誌喜第二擊。在九龍城，每行兩步便是泰國餐館，我們試過好幾間，只有這間友誼有再次光顧。我們每次都坐在一入舖的窗邊兩人座，雖然枱較細，但有點自成一角的感覺。店員服務不錯，效率很高。今次點了幾款都是之前未試過的。* 芥蘭沙律 *汁料主要是調過的魚露，芥蘭爽甜。不過食到最尾覺得太多汁，有點太鹹。* 檸檬燒牛肉 *非常有驚喜！燒得剛好，外香內滑，生熟度剛好，牛味還可以。叫的時候還覺得挺貴，不過原來份量頗多而且好味，值得。* 黃咖喱雞 *不辣，與薄餅蒜蓉包一起便吃不停口。不要與餐牌裏的相片比較，配料沒那麼多的。幸好那時沒看到，不然心裏會不好受🙈* 薄餅 *雖然未夠印度店的鬆，加上咖喱令整件事變得美好。* 蒜蓉包 *烤得很脆，亦夠香，但蒜蓉味較淡。

一早6點半就去到，唔駛等位，如果７點後去就多數要等位或安排坐樓上。叫得做飯堂，當然係價錢合理，環境又不太污嘈，食品質素穩定啦。必叫既係生蝦刺身($98)，有８隻，個汁好正，我食得辣既，食晒Ｄ生蝦我一定唔俾佢收搭我碟汁，我用黎食其他主菜用黎點既。濕炒河($58)，有豬，牛同雞揀，我揀左豬。我個人鐘意多汁既，而且配菜都唔少。咖哩軟殼蟹($248)，好多分量，2個人食係食唔晒，Ｄ汁分開擺幾好，放埋一齊會好易林晒，食個時再點落咖哩汁度好味，Ｄ咖哩汁如果可以辣少少會更好。咖哩汁分量都好多，如果多人建議食薄餅可以索下Ｄ咖哩汁。我最愛既檸檬燒牛肉($108) ，必點之一。分量唔少，又係Ｄ辣汁好正，牛肉半生熟，配搭埋D蒜頭同汁一齊食好好味食得辣要點杯凍野飲下，芒果沙冰($28)，正常，唔太甜，岩我口味只收現金，同埋要收＄３蚊一位茶錢，不過就唔駛加一。另外個廁所就污嘈D囉。

朋友帶我去九龍城食泰國嘢，我第次黎呢間，2個人叫左鮮蝦炒乾河（HKD68），咸魚炒椰菜苗（HKD68），同店員推介檸檬燒牛肉（HKD108）。PS. 唔記得影餐牌，價錢屬印象派。我幾鍾意個炒河，雖然話係乾炒，但係一d都唔乾身，少少濕。應該用甜豉油炒，唔會太鹹，甜甜地，最重要夠鑊氣，有dd焦香啱晒我心意，一個人食都可以當lunch食。炒椰菜苗就正常嘢，無咩特別，如果d苗可以再嫩d仲正。其他枱都有叫檸檬燒牛肉，應該係佢地招牌之一，肉嘅表面有d脆口。雖然話檸檬燒，但出奇地唔酸，少少咸。燒到裡面仲有少少生生地，啱啱好唔流血。不過肉同脂肪嘅比例係1：1........如果可以少d脂肪就好喇。

第一次係九龍城試泰國菜，見到呢間就入去試下。座位有少少逼，兩個人叫左半隻海南雞、咸魚炒芥蘭和串燒，可能星期六晚人多，上菜時間都幾長，首先上左個咸魚炒芥蘭，見到碟菜有D紅辣椒絲，我心唸唔係辣架嘛....一試之下，真係辣的，我朋友可以食到小辣，都話太辣，結果碟菜冇咩食過。可能泰國菜偏辣係正常，但可以係menu注明提醒一下，因爲冇唸過咸魚炒芥蘭原來咁辣。海南雞分量好足，够嫩滑，可以一試串燒好juicy，唔乾，好味